Na parola de confort didassa

Data

11 de auril 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Acà passa doi meisc mie om vegnìa ricoverà de prescia a l'ospedal de Ciavaleis olache ge vegnìa troà problemes pesoches a l'aparat cardiozircolatorie e na bronchite bilaterala.
I ge é stac dò con competenza, l'é stat rencurà con atenzion e cher da duc i operatores sanitares e dò valch dì l'é miorà belebon. Ma dapò l se à ciapà l'infezion da Covid 19 e dò na setemana, per desgrazia, so cher se à fermà. Volesse con cheste pece righe ge dir duta mia recognoscenza e l devalpai ai medizi, infermieres e personal, ma tel medemo temp volesse ence ge far saer l gran padiment e solentum che é vivù te le ultime 21 ore, canche no é abù nesciuna informazion, nience la più picola, su la situazion de mie om. Fin al dì dant siane semper resté en contat, se sentiane al fonin ence 6 oute te na dì.
L'é stat fat dut l possibol per el, ma volesse che vegne conscidrà per l davegnir ence l'aspet uman, che se posse aer mingol de atenzion ence per chi che resta a ciasa, da soi, a ge far front a chi momenc tant grieves. Na picola telefonada, n salut, na parola.
Amò devalpai.  (Maria Teresa Fanton vedova Crepaz, Sèn Jan)

Galaria retrac