Manifestazions atuales

Data

07 de jugn 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 7 de jugn
Mostres y Ert
Atualmënter
"Paradise lost" mostra de Georg Erlacher
L fotograf de Al Plan de Mareo cunesciù per si fotografies de cuntredes se à dat ju cun l mond dla eves. Mpede n busiamënt vif conta Erlacher te si chedri la storia tragica te n paravis perdù. La mostra tla sala dla Lia Mostra d'Ert a Urtijëi ie da udëi nchin ai 16.06. uni di dala 10:00-12:00 y 16:00-19:00, de lunesc iela stluta.
Atualmënter
Franz Canins ti Grijons
Canins ie l scultëur de referimënt pra la mostra Calanca-Exhibit a Calanca tla Svizra. La mostra ie dedicheda ai antenac dl luech, che ie jic ora per l mond y à purtà de reviers bënsté te chësc pitl luech da mont. Nsci àn nce fat unì adalerch artisć da dut l mond per chësc avenimënt d'ert se trajerà ora per dut l instà.
Atualmënter
"Run the world (Girls)"
Mostra dedicheda al'ëiles o a coche l'ëila y si feminilità vën rafigureda al didancuei dala artistes de nosc tëmps, cun lëures de Alketa Ramaj, Barbara Gamper, Barbara Tavella, Pakui Hardware, Sari Ember, Ursula Mayer y Valentyna Janu. La mostra cureda da Adam Budak y Sabine Gamper sarà da udëi nchin ai 20.07. tla Galaria Ghetta a Urtijëi/Puntives Sud.
Atualmënter
Pitura y scultura de Lochmann y Eyrich
Tla Galaria Vijion a Urtijëi/Puntives iel da udëi pitures de Cornelia Lochmann de Bulsan. Si pitures sauta tl uedl per si gran sentimënt de pensier y la gran bravura de culëur. Daujin ala pitures iel da udëi scultures astrates de Philipp Eyrich, artist de Nürnberg, che à bele metù ora si lëures te plu mostres persuneles.
06.06.
"Resonanza" de Margareth Forer
Margareth Forer, che viv a S. Cristina y nsënia tl Lizeum d'Ert "Cademia" prejënta tla mostra l frut de mo n'autra fasa de si tueda de sé nstëssa y l mond ntëurvia. La mostra te Tublà da Nives te Sëlva resta davierta nchin ai 30.06. uni di (ora che de lunesc) dala 16:00-19:00 y de vënderdi nce dala 20:30-22:30.
22.06
Mostra de Poldão
L'artist da La Ila inviëia a na mostra personala, do 20 agn de assënza dal monn creatif-artistich, te garasc de süa ciasa a Altin a La Ila. Daurida: sabeda ai 22 de jügn dales 17:00. Dorada dla mostra: cina ai 30 de jügn, vigni de dales 17:00 ales 19:00.

Sozial

12.06.
Portel de referiment sozièl
Ogne mercol da les 16:00 a les 18:00 te Comun general, te strèda di Pré de Lejia a Sèn Jan vegn metù a jir n portel de referiment sozièl, per problemes de dependenzes o de autra sort, avert a duc e no a paament. Ge vel se prenotèr. Per informazions chiamèr l 370 3004296 o scriver a: sportello.lerais@gmail.com.
14.06.
Deberieda: a spaz a Ciastel/Telfen
N se anconta dala 14:00 dan la Cësa de Paussa a Urtijëi, per furné a Ciastel/Telfen, ulache n jirà nchin ora la "Königswarte". "Deberieda" ie na grupa per se ancunté danter persones che à problems psichics o de sozialisazion cun ulenteres. Per infos tel. 0471 798015. (Respunsabla dla manifestazion: Frieda Stuffer).

Temp Lede

08.06.
N di dedicà ala Vespes
Ancunteda dla Vespes duman sada ai 08.06. tla sënta di Destudafuech de Runcadic dala 10:00 inant cun mujiga dal vif, raida cun la vespes dala 13:30 y dala 15:30 vëniel trat ora i pesć dla lotaria. L sarà da udëi d'uni sort de Vespes che vën mpue da dlonch caprò. Da maië y da bever ne manceràl. Perchël unide duc a festejé pea, cun o zënza Vespa.
08. – 10.06.
Festa di Destudafuech de Runcadic
Ntan l fin dl'ena de Pasca de Mei mët i Destudafuech de Runcadic a jì si festa tradiziunela tl magasin tla Cësa dla Lies, chëst cun la segonda ancunteda dl Vespa Club Gherdëina n sada. La festa jirà pona inant nchin n lunesc cun mujiga, juesc per mutons y da maië y da bever ne manceràl ënghedenó.
08.06.
Jita te Ncisles cun batadù
L KVW de Sëlva nviei a unì pea. N se anconta dala 13:00 pra la stazion japé de Col Raiser y puderà furné su debant o scenó dala 12:30 sun la plaza dai auti sun Daunëi, per jì pona te Ncisles a pe. Per chëi che ne n'ie nia boni de jì su a pe saràl inò i Destudafuech che i mëina su cun l auto. Iscrizions da Rudolf, tel. 335 6380973.
13.06.
Hero X Night, defileda
N juebia sëira dala 21:00 tl stadio Pranives uniràl prejentà te na defileda sun l palch dla "Medal Plaza" furnimënt a jì cun la roda y furnimënt sportif, pec da guant per roda da mont y nce vel' guant elegant do l'ultima moda.
15.06.
Hero Gran Finela
N sada sëira dala 21:00 tl stadio Pranives de Sëlva saràl la festa de ufiziela premiazion y per stlù ju la edizion dla Hero 2019.
16.06.
Naugurazion dla terassa panoramica sun Mastlé
La terassa Dolomites Unesco unirà naugureda ufizialmënter n dumënia ai 16.06. dala 11:00 sun Mastlé sëura Col Raiser, cun la autoriteies de Chemun, dla Provinzia, dl turism y dla fundazion Dolomites Unesco. L cianterà l Cor Sasslong. Tla uties sun Mastlé uniràl pità spëisa ladina.
13.06.
La Ila: Domisdé cun jüc da mësa
La Biblioteca Sas dla Crusc inviëia a n domisde d'aorela cörta cun jüc por döta la familia, deboriada cun le Spieleverein Dinx. An s'incunta en jöbia ai 13 de jügn dales 15:00 ales 17:00, te biblioteca a La Ila.
Atualmënter
„Momënc ladins" a La Val
Iniann vëgnel pité a La Val sides d'aisciöda cina ai 29 de jügn, che da d'altonn dai 12.09. ai 16.10. l'iniziativa »Momënc ladins«. Vigni edema él de plü manifestaziuns liades al monn ladin: escurjiuns, ginastica por le jí a pe, curs de ladin, roda cun la e-bike y vijites ai artejans a Pidrô. Le program cun les informaziuns ciafon sön www.altabadia.org
16.06.
Dolomites Bike Day
La domënia ai 16 de jügn vëgnel tigní la terza ediziun dl Dolomites Bike Day. Düc i amanc dla roda pó se gode n de sön la roda, olache les strades di jus de Falzares, Arparora y Ciaulunch vëgn stlütes al trafich motorisé dales 9:00 ales 15:00. An pó pié ia da un di paisc dl'Alta Badia y de Fodom y al vëgn aconsié da fá la roda cuntra le vers dla ora.

RADIO

07.06.–13.06.
"LADINIA LIVE": Microfons davierc sun atualità y cultura
La trasmiscion ie da audì uni merdi y mierculdi dala 13:45 ala 14:00 sun la frecuenzes de RAI LADINIA
07.06.–13.06.
Dai Crëps dl Sela
La trasmiscion "DAI CRËPS DL SELA" ie da audì uni di dala 19:05 ala 19:30 sun la frecuënzes de RAI LADINIA
10.06.
Inuemes de crëps y montes autes te Gherdëina (5)
da les 19:05, cun l pruf. Edgar Moroder jons ala scuviërta dla ravises etimologiches y linguistiches dla montes plu cunesciudes de Gherdëina. Do avei nrescì la grupa dl Sela y Saslong, muons deviers dl vest ora per i ëures de Fascia per arjonjer la mont de Sëuc y I crëps che fej da curnij. Program de Leo Senoner.
12.06.
Frida Street Gallery
da les 19:05, per l ART_Party de l'an te la Frida Street Gallery a Cianacei l'é vegnù domanà de se tor dò 1 chichera, 1 sguier, 1 bicher e n document. Azions feruscoles e pizochentes di artisc Manuel Riz e Claus Sorapera. Program de Anna Mazzel.
13.06.
Erbes salvaries
da les 19:05, les erbes che ciafun te nüsc raiuns va bun por medié de vigni sort de malestri y da ince na buna saú te ciasadafüch. Se lasciun splighé y cunté da la pedagoga dles erbes Margareth Palfrader dl Lü de Pincia d'Al Plan, ci erbes che podun ciafé tla natöra salvaria y can y co les cöie y adoré. Program de Esther Videsott.

TELEVIJION

07.06.–13.06.
Informaziuns
Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota "Mediateca" y les trasmiscions radio sota "Podcast".
11.06.
Usanzes, tradizions y credënzes tla valedes ladines: ANSCIUDA
da les 20:50, do l inviern scur y frëit se descëida, cun l'ansciuda, la natura y nce la persona sposta si atività y l lëur dedora. Da vedlamënter incà fòvel perchël da muever ora de cësa y nvië via i lëures ti ciamps. Test y cunzet: Vinzenz Senoner, regia y produzion: Jan Piere Karbon, a cura de Leo Senoner.
12.06.
"La cianzon de Val de Fascia": da na melodìa a na rapsodìa
da les 20:50, "Lò che i pré d'istà l'é dut n fior" l'é la pruma rimes de Francesco Dezulian per la cianzon cognosciuda da duc con na melodìa popolèra de reijes frijones. L'Istitut Cultural Ladin "Majon di Fascegn" à lurà fora n video che presenton col diretor Fabio Chiocchetti. Program de Anna Mazzel.
13.06.
Pizes dla Ladinia: i crëps ntëur ala hutia Toni Demetz
da les 20:50, n program de Manfred Stuffer y Hanspeter Karbon, a cura de Alessandro Dapunt.

Referac

07.06.
"Na planta per nosc planet" proiet per l tlima
La reprejentanta jëuna dla scumenciadiva "Plant for the planet", Ariane Benedikter, prejënta chësc proiet che se dà ju cun l daunì dl tlima y nvieia a fé pea, ncuei vënderdi ai 7 de juni dala 20:00 tla biblioteca Tresl Gruber a S. Cristina.
12.06.
Film n con' dl daunì deberieda mantenian nosta tiera
Generazion Tlima y la Lia per Natura y Usanzes mët a jì, n mierculdi dala 19:30 tl local di jëuni Saut a Urtijëi, l'ultima dla trëi sëires de film dla crisa dl tlima che mostra truepa prupostes positives y ideies cuncretes sëura dut l mond. Duc ie nviei ala sëira y a rujené pea de chësc argumënt.
11.06.
San Martin–Provedimënt dl paziënt
Le sindacat di ponsioná SGB/CISL inviëia a na serada sön le Provedimënt dl paziënt (testamënt biologich), en mertesc ai 11 de jügn dales 14:30, tl salf di stödafüch a San Martin de Tor. Referëntes é la defensuria popolara dra. Gabriele Morandell y la doturia dra. Monika Völkl.

Sport

08.06.
"Dolomites Saslong Half Marathon"
Duman sada dala 9:00 vëniel pià via sun Mont de Pana dan l Hotel Ciandevaves per sauté la mesa maratona dut ntëur ala grupa de Saslonch. Ntëur la 10:30 apieten bele i prim atlec che ruva te travert y dala 14:00 saràl la festa de premiazion.
14.06.
Hero Kids
N vënderdi dala 15:00 sun pra da Nives dan la cësa de chemun te Sëlva puderà i pitli campions de duman pië via per fé pea la "Hero Kids". Mutons y mutans da 4 nchin a 12 ani puderà fé pea pra chësta manifestazion nia cumpetitiva sun n percurs tl zënter dl luech. Per fé pea iel da se scrì ite (info@herodolomites.bike) y da paië ite iel 20 €.
15.06.
Hero Dolomites garejeda ntëur al Sela
Dala 7:10 pierà via i prim atlec dala roda tl zënter de Sëlva sun la streda Mëisules, do y do pona nce duc i autri per fé la raida de 86 km y 4400 m de deslivel y chëla de 60 km cun 3100 metri de deslivel. La trassa ie for chëla tradiziunela. Ntëur mesa la undesc aspieten bele de festejé i prim atlec che ruverà te travert.

Cursc
08.07. – 12.08.
Se njenië ca a parturì
Per ëiles che aspieta y genitores dl daunì, che à l terminn de setëmber/utober 2019. L'ancuntedes sarà tla palestra dla Cësa de Paussa a Urtijëi, uni lunesc dala 16:00 ala 18:00/19:00. Iscrizions: CUPP tel. 0471/457457, 8:00-16:00 dal lunesc al vënderdi; email vormerkung.bz@sabes.it; ëifoma 0471/797778, assistënta sanitera 0471/794290.
20.06.
Calfosch: Curs de pilates
Le Consëi de Formaziun da Corvara mët da jí n curs de pilates cun Serena De March, te palestra da Calfosch, che mët man en jöbia ai 20 de jügn dales 19:00. Al döra indöt 10 iadi. Informaziuns y iscriziuns pro Marlene al 347 2440080 o Serena al 349 00665815.
20.06.
Calfosch: Curs de ginastica t'ega
Le Consëi de Formaziun da Corvara mët da jí n curs de acquagym–ginastica t'ega cun Serena De March, dai 20 de jügn inant, tl Hotel Gran Ciasa a Calfosch. I posć é limitá. Iscriziuns pro Marlene al 347/2440080.

Publizistica

13.06.
"Domesdì per l daunì" proiet di sculeies
N juebia dala 14:10 dala Scola Mesana de Urtijëi demez, fajerà i sculeies dla 2. tlasses, che à laurà sun n proiet per l ambient, na defileda deberieda cun i nsenianc y la diretëura de viers de Chemun, ulache i prejenterà si ideies y prupostes al ambolt, ala jonta y a vel' cunselier de chemun. L fossa bel sce truepa jënt fajëssa pea.

Religion

07.06.
Badia: Referat cun siur Sepl Granruaz
Incö vëndres ai 7 de jügn dales 20:00 él tla Ciasa Runcher a Badia n referat cun siur Sepl Granruaz, dal titul »La parabola dles jones dejacortes desmostra che le vagnele mostra y ascogn Gejú«. Organisaziun: Consëi de Cöra.

Dotors

Dutor Gherdëina
L dutor de servisc da n sada ai 08.06. dala 8:00 daduman nchin la 8:00 daduman de n lunesc de Pasca de Mei ie la duturëssa Barbara Micoli de Sëlva, streda Nives 2, tel. 351 5544347. Dala 8:00 daduman de n lunesc ai 10.06. nchin la 8:00 daduman dl di do ie de servisc la duturëssa Janine Santifaller, che ie da urté tl ambulature dla dr.ssa Cordula Weber te Sëlva, tel. 334 1471777.
Dotur Val Badia
Le dotur en sorvisc ti cin' comuns dla Val Badia, tl fin dl'edema de Pasca de Ma, dala sabeda ai 8 cina al lönesc ai 10 de jügn, é le dotur Guido Caretta, Calfosch/Corvara, tel. 0471 836870 o 337 616080.

Apoteches

Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 07.06. nchin n vënderdi ai 14.06. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L'apoteca en sorvisc fora dl orar ordinar, dal vëndres ai 7 de jügn dales 19:00 al vëndres ai 14 de jügn ales 19:00, é chëra da La Ila, tel. 0471 847152.

Avisc

Atualmënter
Audizions del conseier Luca Guglielmi
L conseier ladin Luca Guglielmi tol dant la jent de lunesc da les 9:15 te Comun de Mazin, da les 10:15 te Comun de Ciampedel, da les 11:15 te Comun de Cianacei; de vender da les 9:15 te Comun de Sèn Jan, da les 10:15 te Comun de Soraga e da les 11:15 te Comun de Moena.
Atualmënter
Repartiziun prestaziuns a Picolin: orar da d'isté
Le ofize dla repartiziun prestaziuns (ex Krankenkasse) tl distret soziosanitar a Picolin mët man cun l'orar da d'isté 2019. Dai 15 de jügn ai 15 de setember él davert ma plü lönesc, mercui y vëndres dales 9:30 ales 12:45. Le orar por le sorvisc da tó jö sanch, resta le medemo co denant.
Atualmënter
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16:00 ales 17:00 tla ciasa de Comun a Badia.
Atualmënter
L'Ofize de "Ëres dëida Ëres"
L'ofize a Bornech é da ciafé tla str. Paul von Sternbach nr. 6, info.bruneck@frauenhelfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster–MIP
L'ofize dla MIP–Männerinitiative Pustertal dëida i ëi y peri pro caje de devorz, pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, vëndres dales 8:00 ales 12:00. Tel. 0474 555848, info@mip-pustertal.it
Atualmënter
L Museum Gherdëina daviert per l instà
L Museum Gherdëina a Urtijëi à daviert da lunesc nchin vënderdi, dala 10:00 ala 12:30 y 14:00 ala 18:00. De lugio y agost saràl nce daviert de sada y cun l orar plu lonch. L Museum de Gherdëina pieta n cheder unich sun l'arpejon culturela de nosc raion.
Uni mierculdi
Se mpresté ora l guant dala gherdëina
La Lia Guanc dala gherdëina fej a l savëi che n possa inò jì se mpresté ora i guanc dala gherdëina y chël uni mierculdi sëira danter la 20:00 y la 21:30 tl local dal lies tl sotët dla Cësa de Cultura a Urtijëi.
07.06.
Gran Radunanza de l'UAL
Anché domesdì, vender ai 7 de jugn da les 18:00, te sala de Consei de Comun de Sèn Jan l'Union Autonomista Ladina endreza la Gran Radunanza per dezider l davegnir del Moviment politich ladin.
08.06.
Cognoscion Theodor Christomannos
Doman, sabeda ai 8 de jugn da les 11:00 aló dal monument de l'Ègua sun Vael, la giornalista Virna Pierobon met dant la fegura de Theodor Christomannos, l pionier del turism te la Dolomites.
08.06.
A Cianacei la giornèda ecologica
Doman, sabeda ai 8 de jugn, Canazei Events endreza la giornèda ecologica. Se se troa da les 8:15 te piaz de la forenadoa de Belvedere. A la fin marena coi grop di Alpins te senta de Dèlba.
12.06. y 14.06.
Sorvisc de consulënza y orientamënt
Le Sorvisc de consulënza y orientamënt por jogn, jones y geniturs sön temesc dla jonëza y dl'educaziun é vigni 2. y 4. mercui dl mëis dales 9:30 ales 11:30 tl Zënter Pedagogich a Picolin (alzada -1) y vigni 2. y 4. vëndres dl mëis dales 13:00 ales 15:00 tl SaJ.un a La Ila (Ciasa dla Cultura, alzada -2). An ne mëss nia prenoté y é debann. Infos: barbara@jogn.org o 342 8410721.
13.06. – 01.08.
Orares da d'instà per l ufize dl KVW
Ntan i mënsc da d'instà ne sarà l ufize dl KVW a Urtijëi tla streda Roma nia daviert tan suvënz coche zënza. L vën fat a l savëi che l sarà daviert for de juebia: ai 13.06. dala 8:30-12:00, ai 04.07. y ai 01.08. dala 8:30-12:00 y dala 14:00-16:00.
14.06.
Raida tel bosch
En vender ai 14 de jugn l'Union di Ladins de Fascia endreza na raida tel bosch con l'espert Celso Rizzi. Se se bina entorn les 16:30 aló da l'Hotel Vael sa Vich per jir coi auti fin fora Chiusel e da aló a pe forin Mont.

Iadi y Jites

10.06.
Jita cun la roda
L KVW de Sëlva mët a jì chësta jita sun l troi dla vedla ferata dla Val de Flëm da Kaltenbrunn nchin ju a Auer. Nviedes ie la families y duc chëi va gën cun la roda. L vën pià via n lunesc de Pasca de Mei dala 8:00 dan la cësa de cultura de Sëlva cun la curiera dal carët per la rodes. Se scrì ite pòssen da Rosmarie Ploner tla butëiga Senoner/Sartëur.
15.06.
Via fereda dla eguies
N sada vëniel jit cun la Lia da Mont de Gherdëina a fé la "Via ferrata delle Aquile". N furnea a Andalo y su cun la sentadoia, per jì pona a pe nchin ulache l scumëncia la via. L ie na via fereda ria, da fé te n 3 ëura. Se scrì ite pòssen da Ciofs Inge, Sport Malsiner y Sport Bruno Riffeser. Per nfurmazions cherdé su Benno, tel. 338 7257909.

Mujiga

07.06.
Cunzert de Pasca de Mei
Cunzert dl Vocalensemble Gaudium cun l Cor di Mutons de Sëuc y n Ensemble dla Scola de Mujiga de Urtijëi, tla Cësa di Cungresc a Urtijëi ncuei vënderdi dala 20:00. Dirighënt ie Sebald Goller.
08.06.
"Zarewitsch Don Kosaken"
Cunzert duman sada dala 20:00 te dlieja de Sëlva. Cun ujës sunëntes y sotes dà i Don Kosaken gran esprescion a si cunzerc, ulache i cianta de si legrëzes, de melanculia, de nchersciadum y de si duel, descric tla cianties russes de si ncësa.
08.06.
Les melodies d'aisciöda dla Musiga da San Ciascian
La musiga dl paisc inviëia düc indoman sabeda ai 8 de jügn dales 20:30 te salf dles manifestaziuns dla ciasa J. B. Rinna da San Ciascian al conzert dal titul „Melodies d'aisciöda". Le dirighënt jonn Giuliano Federa á chirí fora por l'ocajiun n program dër plajor y desvalí. Al sará ince na picera sorpresa cun i musicontri jogn da S. Ciascian.
09.06.
Al Plan: Corusc dla vita cun »cantus iuvenis«
En domënia ai 9 de jügn–festa de Pasca de Ma–dales 19:30 él te dlijia d'Al Plan n conzert dl cor »cantus iuvenis«, sot la direziun de André Comploi. Le titul é „Corusc dla vita". Al sará da aldí n program musical dër desvalí: da balades pop fina cianties de dlijia. Cianté gnarál dl amur, dla belëza dla natöra y dal sö y jö de nosta vita.

Segres y Festes

16.06.
Segra da Bula
N dumënia che vën iel segra cun la gran mëssa dala 9:30 y dopro l cunzert dla Mujiga sun plaza de dlieja. Da maië y da bever ne manceràl nia.

Chino

Atualmënter
Chino de Pardac
Insnet, vender ai 7 e en sabeda ai 8 de jugn da les 21:15 vegn dat "X-Men Dark Phoenix", en domenia ai 9 da les 17:00 l'é "Rocketman" e da les 21:15 l'é "X-Men Dark Phoenix".

Galaria retrac