Manifestazions atuales speziales

Data

07 de jugn 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 7 de jugn
Tennis d'instà
Ntan l mëns de lugio vëniel metù a jì tl zënter dal tennis a Runcadic cursc te tennis per mutons y mutans danter 6 y 12 ani
L Tennis Club Urtijëi deberieda cun l maester de tennis Alberto Cestarollo mët a jì per d'instà cursc de tennis per mutons y mutans.
I cursc ie: dai 01. ai 05 de lugio, dai 08 ai 12 de lugio, dai 22 ai 26 de lugio y dai 29 de lugio ai 02 de agost 2019.
Tenii vën i cursc da lunesc nchin vënderdi ala 8:30 nchin la 12:00. tl zënter dal tennis a Runcadic.
N possa fé pea duta la cater enes o nce mé una, doi o trëi enes.
Per se scrì ite y per nfurmazions plu avisa prions bel de cherdé su l maester Alberto Cestarollo, tel. 338 7048909 o scenó nce tl tennis a Runcadic, do la 14:00, tel. 0471 797275.

Dui grups ladins a La Ila
La sesta 1.st.friday.live.session@saj.un de chësc ann, incö vëndres ai 7 de jügn, é daldöt ladina. Tl Zënter Cultural Saj.un sonará dales 21.00 inant Martina Iori de Fascia y le grup »Louis & The Space Travellers« dala Val Badia
Martina Iori á tl ann 2014 davagné dui pesć internazionai: le SUNS y le Liet International. Ti agn passá ara albü n gran suzes cun sües cianties ladines, talianes y inglejes.
Louis & The Space Travellers nasc dala pasciun por la musiga sonada incër n füch ia, söl iade, tl bosch y tres te de bona compagnia. Insciö porti dant musiga acustica y nia amplificada. So repertore é metü adöm da cianties tradizionales de nazionalités desvalies, che ai adatëia te na verjiun »folketnospaziala«, y toc originai de süa creaziun. Ince ëi ciantará val' por ladin.
L'entrada é debann. Jogn y manco jogn é dër bel inviá.

Baié dl clima cun i jogn
En vëndres ai 14 de jügn él a La Ila na serada por la jonëza dl comun de Badia, olache al vëgn baié dla sconanza dl clima y dl ambiënt
Por la sconanza dl clima y dl ambiënt á i jogn na sensibilité particolara. Le Consëi dl Comun de Badia á ince orü se möie te chësta direziun, nominan n grup de laur sot la direziun dl dot. Emilio Vettori dl Ökoinstitut. En vëndres ai 14 de jügn dales 19:30 ales 21:00 tla Ciasa dla Cultura - local Saj.un a La Ila vëgnel invié düc i jogn dl comun por baié de chësta tematica tan importanta. Emilio Vettori, referënt dla sëra, cuntará val' sön le cambiamënt dl clima tl raiun alpin y spligará le proiet ComunClima. Dedô gnarál fat na discusciun por cöie adöm idees nöies por mioré les aspetatives de nosc dagní. Por le grup de laur inviëia dër bel l'Ombolt Iaco Frenademetz cun Edith Dapoz, Gertrud Crazzolara, Ingrid Irsara, Dietrich Pescoller y Daniele Irsara.