Manifestazions atuales

Data

21 de jugn 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 21 de jugn
Temp Lede
Atualmënter
„Momënc ladins" a La Val
Iniann vëgnel pité a La Val sides d'aisciöda cina ai 29 de jügn, che da d'altonn dai 12.09. ai 16.10. l'iniziativa »Momënc ladins«. Vigni edema él de plü manif­estaziuns liades al monn ladin: escurjiuns, ginastica por le jí a pe, curs de ladin, roda cun la e-bike y vijites ai artejans a Pidrô. Le program cun les informaziuns ciafon sön www.altabadia.org
21.06.
Yoga sun Mont de Sëuc
Sa la stazion suinsom dla Mont de Sëuc vëniel ai 21.06., di mundiel dl yoga, dala 14:30 inant fat yoga cun n maester indian. L ie debant, ma n muessa se lascé scrì su pra la Lia dl Turism de Urtijëi.
23.06.
Pruzescion cun guant dala gherdëina
Per la festa dl Corpus Domini iel do la mëssa te Dlieja de Santa Cristina la pruzescion tres l zënter, che scumëncia dala 09:30, ulache l ie da udëi chëi dal guant dala gherdëina.
25.06.
Calfosch: devertimënt por mituns
En mertesc ai 25 de jügn podará i mituns tó pert a n domisdé cun animaziun, tl parch dai tiers a Calfsoch. Dales 17:00 inant sarál n clown che mostra de vigni sort de strinëc. I mituns podará se devertí y ince balé cun le clown.
26.06.
San Ciascian: Domisdé di mituns tl Museum Ladin ursus ladinicus
En mercui ai 26 de jügn mët man i domisdis por mituns da 5 a 12 agn, tl Museum Ladin ursus ladinicus a San Ciascian. An podará vijité le museum y tó pert a n laboratore didatich dales 16:45. Les prenotaziuns a paiamënt mëss gní fates anter les 16:00 de chël de, pro l'ofize turistich da San Ciascian.
Uni mierculdi
Sëira per mutons y mutans
Nchin ai 07.08. iel uni mierculdi dala 20:30 inant tl zënter de Santa Cristina na sëira de devertimënt per mutons y mutans cun l Mago Remi y truep d'autri juesc y d'uni sort de ntratenimënt.
27.06.
Badia: Geologh por n de
Sön le lüch da paur da Murin a Badia podará pici y gragn descurí les carateristiches dles Dolomites y deventé geologs por n de. Chësc sará en jöbia ai 27 de jügn; la incuntada mët man dales 9:30 y al gnará ince mostré la funziun dles peres sön n lüch da paur, inlaota y aldedaincö. Iscriziuns pro i ofizi turistics dl'Alta Badia.
28.06., 26.07. y 23.08.
Sëira longia a Urtijëi
Tl zënter de Urtijëi iel dala 21:00 inant mujiga dal vif. Ai 28.06. Anna Zuegg y Petra Gruber&friends, ai 26.07. i Madax, ai 23.08. i Spremuta. Per l'ucajion ie la butëighes daviertes nchin mesanuet.
30.06.
Festa dl Sacro Cuer de Gejù
Coche uni ann mët i Jëuni de Sëlva nce chëst ann a jì na pitla festa per l Sacro Cuer de Gejù n dumënia ai 30.06.. N scumencerà cun na bona grilieda te Sëlva sun Daunëi dala 18:00 y finà via mpian su l fuech. Duc i jëuni ie nviei a fé pea.

RADIO

21.06.–27.06.
"LADINIA LIVE": Microfons davierc sun atualità y cultura
La trasmiscion ie da audì uni merdi y mierculdi dala 13:45 ala 14:00 sun la frecuenzes de RAI LADINIA
25.06.
Obietives e endesfides de Lara Battisti, la presidenta neva de l'Istitut cultural ladin de Fascia.
da les 19:05, conduzion Anna Mazzel
21.06.–27.06.
Dai Crëps dl Sela
La trasmiscion "DAI CRËPS DL SELA" ie da audì uni di dala 19:05 ala 19:30 sun la frecuënzes de RAI LADINIA
21.06.
Proiet per l tlima
da les 19:05, ntan l ann de scola se à i sculeies dla segonda tlasses mesanes de Urtijëi fat n pensier coche n pudessa scuné deplu l ambient y fé zeche de cuncret per nosc tlima. I resultac ie unic prejentei te Chemun de Urtijëi. Trasmiscion de Simon Moroder.
23.06.
L liber "L Grof da Sacun"
da les 19:05, l troi che mëina da S.Cristina nchin sala dlieja da Sacun ie n troi amesa l bosch ulache trueps va gën; tlo iel nce da amiré 16 tofles che conta la lijënda dl Grof da Sacun che ova lascià fé su la dlieja. Sën iel nce da n man n pitl liber cun duta la lijënda y i dessënies. Trasmiscion de Georg Mussner.
24.06.
La mujiga sciche prudot de consum
da les 19:05, l valor dla müjiga tla sozietà ncueicundì, la interdisciplinarietà, l nseniamënt formal y informal. Ntervista cun l pruf.Franz Comploi. Program de Leo Senoner.
26.06.
Raides : Sousc, Ciastel i lesc de Oswald von Wolkestein
da les 19:05, l raion de mont de Sousc é rich de storia apede a de beloc paìjes Sousc, Ciastel e Fiè jon a descuerjer la belezes de chest raion: l lech de Fiè, l ciastel Prösels ma Claudia Conta ne mena ence tel raion olache é vegnù fat prozes a la stries e à vivù Oswald von Wolkestein. Program de Anna Mazzel.

TELEVIJION

25.06.
Le Tru dla Pesc te Fanes
da les 20:50, program de Werner Pescosta y Diana Biron. A cura de Alessandro Dapunt.
26.06.
Turism: Les ëres söles üties da munt
da les 20:50, dalunc dales ressurses y les comodites lajö te val, tla vita scëmpla cun sentimënc sinziers, tl'essenzialité di crëp, di rüs, di prá da munt, ciafun tröpes ëres che é stades bones da cherié na coa cialda por süa familia y da fá sintí a ciasa le viandant che storj pro. Program de Karin Pizzinini, camera y tai Fulvio De Martin, a cura de Anna Mazzel.
27.06.
La natura sora desch: speises naturèles da doi aziendes de Fascia
da les 20:50, na neva vida de coltivèr piantes, fruc e ortames e de arlevèr bestiam, sistemes bio-dinamics e biologics per aer prodoc bogn, segn e de gran calità: chesta l'é la endesfida de doi neva aziendes fascènes. Doi joegn se sproa per troèr fora sie post tel marcià produtif e te chel turistich, portan inant idees e proponetes neves per n davegnir più ecologich. Program de Luciana Detomas, camera y tai Fulvio De Martin, a cura de Anna Mazzel.
21.06.–27.06.
Informaziuns
Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota "Mediateca" y les trasmiscions radio sota "Podcast".

Publizistica

24.06
La Sportiva Shop
En lunesc ai 24 de jugn da les 21:00 a Poza ló da la neva boteiga La Sportiva se aur l'istà de manifestazions dedichèdes ai monc. Emilio Previtali prejentarà sie liber "La Sportiva 90th – Una Storia di alpinismo, passione e innovazione" ensema con Lorenzo Delladio, patron de la firma de nonzech.
29.06.
A Soraga l nef liber de Alberta Rossi
En sabeda ai 29 de jugn da les 20:30 a La Gran Ciasa a Soraga l'Union di Ladins de Fascia e l grop Marijene "Picoi da mont" en colaborazion con l Comun, prejenta l nef liber per ladin de Alberta Rossi dal titol "Misteres, aventures e magica creatures. La val de Fascia anter fantasia e realtà".

Avisc
Atualmënter
Audizions del conseier Luca Guglielmi
L conseier ladin Luca Guglielmi tol dant la jent de lunesc da les 9:15 te Comun de Mazin, da les 10:15 te Comun de Ciampedel, da les 11:15 te Comun de Cianacei; de vender da les 9:15 te Comun de Sèn Jan, da les 10:15 te Comun de Soraga e da les 11:15 te Comun de Moena.
Atualmënter
L Museum Gherdëina daviert per l instà
L Museum Gherdëina a Urtijëi à daviert da lunesc nchin vënderdi, dala 10:00-12:30 y dala 14:00-18:00. De lugio y agost saràl nce daviert de sada y cun l orar plu lonch. L Museum de Gherdëina pieta n cheder unich dl'arpejon culturela de nosc raion.
Atualmënter
Repartiziun prestaziuns a Picolin: orar da d'isté
Le ofize dla repartiziun prestaziuns (ex Krankenkasse) tl distret soziosanitar a Picolin mët man cun l'orar da d'isté 2019. Cina ai 15 de setëmber él davert ma plü lönesc, mercui y vëndres dales 9:30 ales 12:45. Le orar por le sorvisc da tó jö sanch, resta le medemo co denant.
Atualmënter
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16:00 ales 17:00 tla ciasa de Comun a Badia.
Atualmënter
L'Ofize de "Ëres dëida Ëres"
L'ofize a Bornech é da ciafé tla str. Paul von Sternbach nr. 6, info.bruneck@frauenhelfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster–MIP
L'ofize dla MIP–Männerinitiative Pustertal dëida i ëi y peri pro caje de devorz, pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, vëndres dales 8:00 ales 12:00. Tel. 0474 555848, info@mip-pustertal.it
21/22.06.
Marcià de roba durèda
A Ciampedel, anché e doman da les 9.00 a les 12.00 e da les 15.00 a les 18.00 vegn endrezà n marcià de roba durèda. Èste zeche che no te doures più ma che podessa ge servir a zachei de etres? Bèsta che sie roba neta e entrìa, te pes portèr dut te pavion te Ischia, oalche te podarès ence troèr zeche per te.
Uni mierculdi
Se mpresté ora l guant dala gherdëina
La Lia Guanc dala gherdëina fej a l savëi che n possa inò jì a se mpresté ora i guanc dala gherdëina y chël uni mierculdi sëira danter la 20:00 y la 21:30 tl local dla lies tl sotët dla Cësa de Cultura a Urtijëi.
Uni miercudli
Iscrizions ala Banca dl Tëmp
Uni mierculdi iel te dui trëi i luesc de Gherdëina da pudëi se scrì ite pra la Banca dl Tëmp. Dala 09:00 nchin la 11:00 tla bibloteca de Sëlva, dala 16:00 nchin la 18:00 tla biblioteches de S. Cristina y Urtijëi.
26.06. y 28.06.
Sorvisc de consulënza y orientamënt
Le Sorvisc de consulënza y orientamënt por jogn, jones y geniturs sön temesc dla jonëza y dl'educaziun é en mercui ai 26 de jügn dales 9:30 ales 11:30 tl Zënter Pedagogich a Picolin (alzada -1) y en vëndres ai 28 de jügn dales 13:00 ales 15:00 tl SaJ.un a La Ila (Ciasa dla Cultura, alzada -2). An ne mëss nia prenoté y é debann. Infos: barbara@jogn.org o 342 8410721.
04.07. y 01.08.
Orares da d'instà per l ufize dl KVW
Ntan i mënsc da d'instà ne sarà l ufize dl KVW a Urtijëi tla streda Roma nia daviert tan suvënz coche zënza. L vën fat a l savëi che l sarà daviert la prima juebia dl mëns y plu avisa inò: ai 4 de lugio y ai 1. de agost for dala 8:30-12:00 y dala 14:00-16:00.

Sport

24.06.
Cors Tennis
La Sozietà Coprativa SCIAS adum con la Fiem e Fascia Tennis School endreza a Poza corsc coletives de tennis per bec, joegn, sozi, familiares e simpatisanc ti meisc de messèl e aost. En lunesc ai 24 de jugn da les 14.00 a les 18.00 vegn endrezà na dì de proa debant.
22.06.
Sellaronda Bike Day
Doman, sabeda ai 22 de jugn, da les 8:30 fin les 15:30, vegnarà serà sù la strèdes per i jouves del Sellaronda (Pordoi, Sela, Frea e Ciaulonch) per ge lascèr lèrga ai ziclisć. Na manifestazion de rodes no competitiva longia 55 km.
23/28.06
Fascia Running
La gara de corsa a tapes rua da nef te Fascia con sia 21eisema edizion. Cinch tapes: en domenia ai 23 se ponta demez da Cianacei, dapodò se jirà inant en lunesc a Vich e en mèrtesc a Poza. Ai 27 sarà la tapa a Soraga e a la fin sun Lujia, a Moena. Per i più picoi sarà la Mini Fascia Running.
22.06.
Sellaronda Bike Day 2019
L Sellaronda Bike Day ie ruvà a si 14ejima edizion y ti dà la puscibltà a duc chëi che ti sà bel de jì cun la roda de fé la raida di jëufs ntëur al Sela zënza unì desturbei da auti y motores. N sada ai 22 de juni uniràl inò dsarà i cater jëufs dla Dolomites (Sela, Pordoi, Ciaulonch y Frea) dala 8:30 nchin la 15:30. N possa pië via tl zënter di luesc japé di cater jëufs che ie: Sëlva, Corvara, Reba y Cianacëi.
23.06.-05.07.
Rugby Camp te Sëlva
Te Plan pòssen nce chëst ann fé pea pra l Leicester Tigers Rugby Camp. Dai 23.06.-29.06. L possa fé pea i mutons y la mutans under 12 y U14. Dai 29.06.-05.07. vëniel fat scuadres U14 y U16. Per infos y iscrizions: 366 7856774 o www.tigerscampitalia.it.
30.06.19
La Val: Memorial Alexander Ellecosta y Manuel Moling
Gara de roda da munt (9 km) y e-bike (17 km), organisada dala US La Val. La gara é en domënia ai 30 de jügn. Dales 10:00 ales 11:15 vëgnel tut sö les iscriziuns pro le bar dl sport. La gara pëia ia dales 11:30. Dedô marëna pro le „Ranch da André". L'iscriziun costa 15,00€. Düc é inviá da tó pert. Ince por chi che ne fej nia la gara él na bela poscibilité da sté adöm en compagnia. Sce al ess da ester bur' tëmp, vëgn la gara desdita.

Dotors
Dotur Val Badia
Le dotur en sorvisc ti cin' comuns dla Val Badia, tl fin dl'edema di 22 y 23 de jügn, é le dotur Letterio Taormina, La Ila, tel. 375 6261774.
Dutor Gherdëina
L dutor de servisc da n sada ai 22.06. dala 8:00 daduman nchin la 8:00 daduman de n lunesc ai 24.06. ie l dutor Giuliano Piccoliori de S. Cristina, tel. 0471 792282 o 348 3301004.
Dutor y patent te Gherdëina
L dutor Giuliano Piccoliori che ie nce respunsabl te Gherdëina per la patent ne sarà nia te ufize dai 1. nchin ai 12 de lugio. Chiche ëssa debujën per la patent ie perià bel de jì da d'ël bele chëst ena che vën, nchin ai 28 de juni.
Apoteches
Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 21.06. nchin n vënderdi ai 28.06. ie chëla de Ciastel, tel. 0471/706323 (orar: lu-ve 8.30-12.00/15.00-19.00, sada 8.30/12.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L'apoteca en sorvisc fora dl orar ordinar, dal vëndres ai 21 de jügn dales 19:00 al vëndres ai 28 de jügn ales 19:00, é chëra d'Al Plan, tel. 0474 501240.

Chino

22.06.
La Ila: proieziun de »Wonderful Losers«
En gaujiun dl Sellaronda Bike Day, en sabeda ai 22 de jügn, vëgnel dales 21:15 mostré le film »Wonderful Losers«, tl salf dles manifestaziuns a Corvara. Le film baia dl »Giro d'Italia«, plü avisa de chi ziclisć che dëida i campiuns rové al travert por la devënta. Le film á davagné 11 festivals internazioni y é candidé al Oscar 2019 dala Lituania sciöche miú film da foradecá y miú documentar. Entrada debann.
22/30.06
Chino de Tieser
Doman e domenia da les 21:15 vegn dat "Roketman", en lunesc ai 24 da les 21:15 e en mercol ai 26 da les 17:00 e da les 21:15 vegn moscià "Aladdin" e en jebia ai 27 da les 21:15 "Il Traditore". En vender che vegn ai 28 da les 21:15, en sabeda da les 17:30 e da les 21:15 e en domenia da les 17:30, se podarà veder "Toy Story 4".
27.06.
Film de Luis Trenker
N juebia ai 27.06. dala 20:30 iel tl tunel dla ferata a Santa Cristina da udëi la proiezion dl film de Luis Trenker "Flucht in die Dolomiten."

Cursc

Dai 01.07. inant
Cursc de tennis
Per sculeies da 6 nchin a 12 ani tl Zënter dal Tennis a Runcadic cun l maester Alberto Cestarollo, dai 01.-05.07., dai 08.-.07., dai 22.-26.07. y dai 29.07.-02.08., for da lunesc nchin vënderdi dala 8:30-12:00. Per se scrì ite y per infos cherdé su l 338 7048909 o tl Tennis a Runcadic do la 14:00 l 0471 797275.
08.07.-12.08.
Se njenië ca a parturì
Per ëiles che aspieta y genitores dl daunì, che à l terminn de setëmber/utober. Ancuntedes te palestra dla Cësa de Paussa a Urtijëi, uni lunesc 16:00-18:00/19:00. Iscrizions: CUPP tel. 0471/457457, 8:00-16:00 dal lunesc nchin vënderdi; e-mail vormerkung.bz@sabes.it; ëifoma 0471/797778, assistënta sanitera 0471/794290.
19.08.-23.08. y 26.08.-30.08.
Cursc de jadiné y balé
L Eisclub Gherdëina mët a jì doi enes de sport y devertimënt per mutons y mutans danter i cinch y i diesc ani. L ie lezions de jadiné sun dlacia y de bal, per ablteies cuordinatives, de balanz, flescibltà y stabltà dl corp. L prim curs ie dai 19.08.-23.08. y l segondo dai 26.08.-30.08., for dala 9:00-15:00. L costa 160 euro. Tel. 338 8838382.

Iadi y Jites

30.06.
Da Digonera nchin a Malga Ciapela
La Lia da Mont de Gherdëina mët a jì na jita n dumënia ai 30.06. da Digonera nchin a Malga Ciapela, sun l troi dla Crestes, y passan dal Monte Migogn. L deslivel ie de 900 metri. Da jì saràl zirca 5 ëura. Per infos: tel. Benno al 338 7257909. Sé nuté pòssen dai 23-28 de juni da Ciofs Inge, Sport Malsiner y Sport Bruno Riffeser.

Festes

24.06.
Sègra de Sèn Jan
En Sèn Jan de Jugn l'é la sègra del Patron de la Pieif de Fascia, de la curazìa de Vich e del Comun de Sèn Jan. Da les 7:00 sarà la S. Messa te la Pieif e da les 20:00 la procescion da l'oratorie de Vich fin te la Pief, olache vegnarà dit Messa grana da les 20:30.
26.06
Sègra de Sèn Vile a Moena
Se taca da les 8:30 col beicher de la Banda de Moena; da les 10 sènta Messa te gejia parochiala; da les 11:15 te Piaz Ramon conzert de la Banda e dò marena cianton per i bec e musega dal vif; da les 18:00 te Piaz de Sotegrava conzert del Cor Enrosadira e aperitif. A la fin Pasta Party e la musega di Ti Rock Band.

Sozial

26.06.
Portel de referiment sozièl
Ogne mercol da les 16:00 a les 18:00 te Comun general, te strèda di Pré de Lejia a Sèn Jan vegn metù a jir n portel de referiment sozièl, per problemes de dependenzes o de autra sort, avert a duc e no a paament. Ge vel se prenotèr. Per informazions chiamèr l 370 3004296 o scriver a: sportello.lerais@gmail.com.

Mostres y Ert

Atualmënter
L prim iede sun Saslonch
Nchin ai 09.07. iel te La Curta pra la promenade a Urtijëi da udëi fotografies n con' dla prima arpizeda sun l Saslonch, fata da Paul Grohmann tl 1869.
Atualmënter
"Resonanza" de Margareth Forer
Margareth Forer, che viv a S. Cristina y nsënia tl Lizeum d'Ert "Cademia" prejënta tla mostra l frut de mo n'autra fasa de si tueda de sé nstëssa y l mond ntëurvia. La mostra te Tublà da Nives te Sëlva resta davierta nchin ai 30.06. uni di (ora che de lunesc) dala 16:00-19:00 y de vënderdi nce dala 20:30-22:30.
Atualmënter
Franz Canins ti Grijons
Canins ie l scultëur de referimënt pra la mostra Calanca-Exhibit a Calanca tla Svizra. La mostra ie dedicheda ai antenac dl luech, che ie jic ora per l mond y à purtà de reviers bënsté te chësc pitl luech da mont. Nsci àn nce fat unì adalerch artisć da dut l mond per chësta ntraunida d'ert che se trajerà ora per dut l instà.
Atualmënter
"Run the world (Girls)"
Mostra dedicheda al'ëiles o a coche l'ëila y si feminilità vën refigureda al didancuei dala artistes de nosc tëmps, cun lëures de Alketa Ramaj, Barbara Gamper, Barbara Tavella, Pakui Hardware, Sari Ember, Ursula Mayer y Valentyna Janu. La mostra cureda da Adam Budak y Sabine Gamper ie da udëi nchin ai 20.07. tla Galaria Ghetta a Urtijëi/Puntives Sud.
Atualmënter
Pitures de Max Vikoler
Per "Kunst im Gange" te cësa de chemun a Laion, ntan l'ëures che l ie daviert, iel da udëi na lingia de pitures che reprejënta si troi artistich dl "Moler Max" de Albions. De mestier moler de cëses se àl tosc dat ju cun la pitura artistica, tl prim a acuarel, refiguran cuntredes y luesc da paur, y śën cun forbes plu stersces y n cër' astratism.

Galaria retrac