Manifestazions atuales

Data

02 de agost 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 2 de agost
Chino
02.08.
Chino de Pardac
Anché da les 21:15 vegn moscià »Il Traditore«. Doman e domenia da la medema ora »Men in Black«, da les 17:00 »Pet's 2«. En lunesc tant da les 17:00 che da les 21:15 »Aladdin« e la dì dò »Edison«. »Spider-man« se pel l veder da les 17:00 e da les 21:15 de mercol 7 e en jebia da sera »Dolor y gloria«.
02/04.08.
Chino de Cianacei
Anché, vender ai 2 de messèl, doman e domenia da les 17:00 vegn moscià »Spider-Man«. Ti medemi dis da les 21:15 se podarà veder »Men in Black: far from home«.
02/07.08.
Chino de Tieser
Anché, vegn dat da les 17:00 »Aladdin« e da les 21:15 »Serenity«. Doman e domenia da les 21:15, vegnarà moscià »Una famiglia al tappeto«. En lunesc se podarà veder da les 17:30 »Birba« e da les 21:15 »Annabelle 3«. En mèrtesc da la medema ora »Edison«. En mercol vegnarà dat da les 17:30 »Toy Story 4« e da les 21:15 »Nureyev«.
Uni juebia
Chino per mutons
Nchin ala fin d'agost dala 17.00 nchin la 18.30 vëniel mustrà tla biblioteca S. Durich a Urtijëi n film per talian o per tudësch. L program plu avisa di films che unirà mustrei ie da udëi tla biblioteca, ulache l ie nce julantins da pudëi se tò pea. (Per tudësch ai 22.08., per talian ai 08.08. y ai 29.08.)

Publizistica

Atualmënter
Ancunteda cun autëures
Tla Cësa di Cungresc a Urtijëi iel ancuntedes cun plu autëures. For dala 17:30, ai 05.08. Lella Costa, ai 06.08.2019: Ivo Rabanser y Adam Holzknecht, ai 08.08. Giancarlo De Cataldo, ai 14.08. Beppe Severgnini, ai 19.08 Guido Rispoli y Paolo Renner, ai 22.08. Livio Sposito.

Sport

07.08.
Anter le lum
En mercol ai 7 de aost seconda proa del Campionat de Val, da sera enlongia la strèdes de Poza e Pera, organisèda da la sociazion sportiva Atletica Fascia 08. I bec pea demez da les 19:00.

Mostres y Ert

Atualmenter
Francesco Ferdinando Rizzi en mostra
Te la senta storica del Consorzie Eletrich de Poza te Vidor l'é l'esposizion de la mostra del pitor de vera Francesco Ferdinando Rizzi. La mostra va inant enscin ai 7 de setember, averta da mercol a domenia da les 15:00 a les 18:00.
Atualmenter
»Respet« en mostra a Ciavaleis
Te Piaza Ress a Ciavaleis per endrez del Zenter d'èrt contemporana fin ai 8 de setember duc i dis da les 10:30 a les 20:30 se pel veder la mostra »Rispetto–Respect«, percors espositif de 17 artisć anter reouc e ciantons »zo par vila«.
Atualmenter
Oraries Mostra Gran Vera
La Mostra su La Gran Vera te Navalge a Moena la é averta dut istà duc i dis da les 10:00 a les 12:30 e da les 15:30 a les 19:00 e de mercol ence da les 21:00 a les 23:00. Per la vijites vidèdes ge vel domanèr al 346 2415776.
Atualmënter
Dolomites Unesco World Heritage
Uni doi ani vëniel fat na mostra speziela de fotografies de cuntredes dl raion dla Dolomites Unesco y dl parch naturel Puez-Odles. Chësta fotografies ie da udëi sun l troi dla ferata a Urtijëi dan l tunel de La Curta nchin ai 06.08.
Atualmënter
»Pere y fi« Luis y Andreas Bauer
La mostra »Pere y fi: prezijion y pazienza« de Luis y Andreas Bauer ie da udëi tla Biblioteca Tresl Gruber a S. Cristina nchin ai 18.08. da merdi nchin dumënia ntan l'ëures de giaurida dla biblioteca.
Atualmënter
»You'll never walk alone«
Dessënies y pitures de Elisabeth Frei per »Art On 2222« tla utia Rodella sun Jëuf de Sela. La mostra ie da udëi nchin ai 09.09..
Atualmënter
Pitures de Max Vikoler
Per »Kunst im Gange« te cësa de chemun a Laion, ntan l'ëures che l ie daviert, iel da udëi na lingia de pitures che reprejentea l troi artistich dl »Moler Max« de Albions. De mestier moler de cëses se àl tosc dat ju cun la pitura artistica, tl prim a acuarel, refiguran cuntredes y luesc da paur, y śën cun forbes plu stersces y n cër' astratism.
Atualmënter
»Art in the Centre«
Idea Unika prejënta la terza edizion de chësta mostra tl zënter de Urtijëi. I lëures di sies artisć ie da udëi tl raion da jì a pe nchin ai 15.09..
Atualmënter
Al Plan: mostra de Asami Kato
Tla Ciasa dl Parch Natural a Al Plan él da odëi na mostra de Asami Kato, professur tla université de Nagoya tl Iapan. Al mët fora en gaujiun di 10 agn dles Dolomites UNESCO na mostra sot al titul »Les Dolomites odüdes da n iapanesc«. Asami Kato mët ince fora de sües operes tla baraca de vera a Pederü.
Atualmënter
Peter Senoner y Ingrid Hora
La doi mostres ndividueles de Peter Senoner y Ingrid Hora ie da udëi tla Galaria Doris Ghetta a Puntives nchin ai 30.09..
Atualmënter
»Balanz« de Gerald Moroder y Daniela Pfeifer
Mostra te Tublà da Nives te Sëlva de Gerald Moroder y Daniela Pfeifer.v I lëures ie da pudëi udëi nchin ai 23.08., uni di dala 16:00-19:00 y de dumënia, merdi, mierculdi y vënderdi nce dala 20:30-22:30.
Atualmënter
»StallArt«
La mostra de Christian »Stl« y Armin »Grunt« ti salamënc dla stala dl luech da Pecëi ie da udëi ntan dut l instà, da lunesc nchin vënderdi dala 17:00 nchin la 19:00.
Atualmënter
Mostra dla Lia Artejanat Artistich de Sëlva
Tla streda Mëisules 178, vis a vis dl Hotel Armin te Sëlva iel na mostra de scultures di artejans de Sëlva. Les ie da udëi ntan dut l instà de merdi y juebia dala 17.00-19:00 y de mierculdi dala 20:30-22:00.
Atualmënter
»Mi tëmp liede«
Mostra de pitures de Guido Moroder de Urtijëi, tl Café Surëdl, tla streda Roma 101 a Urtijëi. La pitures ie da udëi de lunesc dala 13:00 nchin la 19:30 y da merdi nchin sada dala 10:00 nchin la 19:30.
Atualmënter
»Controtempo« de Wilhelm Senoner
La mostra de Wilhelm Senoner tl Zënter Typak a Urtijëi ie davierta nchin ai 12.10., da juebia nchin sada dala 16:00 nchin la 19:00.
Atualmënter
»150 ani dala prima arpizeda dl Saslonch«
La mostra de fotografies storiches che lecorda la prima arpizeda dl crëp simbul de Gherdëina ie da udëi tl Zënter Iman a S. Cristina.
Atualmënter
»Terracotta« de Manfred Mureda
Tl salf dl Istitut Ladin Micurá de Rü a San Martin de Tor él da odëi cina ai 11 d'agost la mostra »Terracotta« dl artist de Gherdëna Manfred Mureda, che vir y laora a Porsenú. La mostra é daverta vigni de dales 10:00 ales 12:00 y dales 15:00 ales 19:00.
Atualmënter
Longega: ContainErt
Cina ai 18 d'agost pón odëi a Longega la mostra coletiva »ContainErt«, metüda da jí dal EPL – Ert por i Ladins. Ara é daverta vigni de dales 10:00 ales 12:00 y dales 15:00 ales 20:00.
Atualmënter
Calfosch: mostra 600 agn dlijia
Chësc ann pón festejé a Calfosch i 600 agn dla dlijia de paisc. Por l'ocajiun él gnü metü fora sön plaza de dlijia na mostra, che sará da odëi döt isté.
Atualmënter
Museum Ladin: »Zacan y incö – Jí a scora tles valades ladines«
Cina ai 25 d'agost él da odëi tl Museum Ladin Ciastel de Tor la mostra »Zacan y incö – Jí a scora tles valades ladines«, che ê gnüda alestida en gaujiun di 70 agn da canche al é gnü metü sö le sistem formatif paritetich tla Val Badia y te Gherdëna.
Atualmënter
Corvara: mostra de Silvia Nava
L'artista Silvia Nava mët fora sü chedri depënc cun i corusc a ega, te na mostra dal titul »Dolomiti infinite«. La mostra é da odëi tl foyer dl salf dles manifestaziuns a Corvara cina ai 23 d'agost, dales 21:00 ales 22:30. Mertesc y jöbia ince dales 17:00 ales 19:00.
Atualmenter
L Malghier
Via per dut istà se pel vijitèr debant la Sezions sul teritorie del Museo Ladin. L Malghier a Pera aló da la Mèlga de Fascia é avert duc i dis da les 08:30 fin la 13:00 e da les 15:30 fin les 19:00. De mèrtesc da les 10:00 vijita vidèda e cercia con prenotazion al 0462 760182.
Atualmenter
L Stònt
A Ciampedel l'é avert l Stònt, neva sezion del Museo Ladin, che se pel vijitèr dut istà dal lunesc a la sabeda da les 17:00 a les 19:00. Ogne mèrtesc da les 17:30 l'é la vijita vidèda: ge vel se enscinuèr te Museo Ladin, tel. 0462 760182, per les 19:00 de la sera dant.
Atualmenter
L Molin
Via per dut istà se pel vijitèr la Sezions sul teritorie del Museo Ladin. L Molin de Pèzol a Pera é avert duc i dis fora che de domenia da les 10:00 a les 12:00 e da les 15:00 a les 19:00. Te Molin de lunesc, de mercol e de vender da les 10:00 l'é la vijites vidèdes con prenotazion al 0462 764089.
Atualmenter
L Segat
Via per dut istà se pel vijitèr la Sezions sul teritorie del Museo Ladin. L Segat a Meida é avert de lunesc, mercol e vender da les 17:00 a les 19:00 e de mèrtesc, jebia e sabeda da les 10:00 a les 12:00. De vender da les 10.00 visita vidèda con prenotazione al Museo, tel. 0462 760182.
Atualmënter
Segonda Academia da d'Instà
La lia La Vëta mët a jì la segonda Academia da d'Instà tla berstot de Aron Demetz a Puntives. Duman sada iel l ultimo di.
Atualmenter
La Sia
Via per dut istà se pel vijitèr la Sezions sul teritorie del Museo Ladin. La Sia a èga ta Penìa é averta duc i dis fora che de domenia da les 10:00 a les 12:00 e da les 15:00 a les 19:00. Te Sia la vijites vidèdes les é de jebia da les 17:00 e de vender da les 10:00, con prenotazion al 0462 760182.
Atualmenter
L Museo Ladin
Via per dut istà se pel vijitèr l Museo Ladin de Fascia a Sèn Jan. L'é avert duc i dis da les 10:00 a les 12:30 e da les 15:00 fin les 19:00 e vigni mercol da les 17:00 l'é la vijites vidèdes con prenotazion al 0462 760182.
02.08.
Vernissaja de »Sacrificium«
Incö vëndres ai 2 d'agost dales 18:00 él tl Pfarrheim da Gais la daurida dla mostra »Sacrificium« de Lois Anvi­dalfarei. La mostra é spo da odëi cina ai 24 d'agost dales 10:00 ales 12:00 y dales 16:00 ales 18:00. Entrada lëdia.
02.08.
Inaugurazion Tanart
Anché, vender ai 2 de aost, da les 18:00 da la galeria de èrt TANART te Strèda Roma 66 a Cianacei vegn inaugurà l'esposizion de Bruno Rocco »Il colore della luce«. La mostra resterà averta fin ai 9 de setember, da mèrtesc a domenia da les 10:30 a les 12:30, da les 16:00 a les 19:30 e da les 20:30 a les 22:00.
02/04.08.
Sèn Joegn en mostra a Vich
Sie joegn fascegn che se dèsc jù con la fotografìa chest istà i à l'ocajion de fèr cognoscer sia realisazions te na esposizion te Ciasa Marmolada a Vich che resta fora enscin en domenia 4 de aost, averta da les 20:30 a les 22:30.
04.08.
Apunatemenc al Ciastel D'Andrac
Domënia 4 de agost, per »Dolomites Cultural Day 2«, na giornada de vijite viśade per cugnësce el Mujeo de Sëlva de Ciadoure, le Miniere del Fursil e l Ciastel. Per prenotazions scriver a info@culturaltrailsdolomites.it. Dale 15:00 Spade e spadai del Bellunese: aprofondimenc su le sable fate col fiern del Fursil e dimostrazions de scherma storica co la sala d'erme Walpurgis-Fisas.
04.08.
Note e storia al Ciastel
Juoba ai 8 de agost al Ciastel d'Andrac se podarà enrescì coche vigniva fata la fujon del brom co le tecniche del medioevo per produje sclere co la tecnica del stámp de oss de seppia. Vender ai 9 de agost, dale 9 da sëra: »Note di notte«: conzert de »In Unum Ensemble«.
07.08.
Marcui de la cultura ladina
Torna incia sto an n Anpezo i marcui de la cultura ladina. Marcui 07 de agosto da le 10.30 se se ciatarà davant al Hotel de la Poste per l percors »Hotel Posta e gejia de Santa Caterina«. Per info 0436 869086 – www.cortina­dolomiti.eu o 0436 868615 – ra.ulda@tin.it .
08.08.
La fujion del bronzo
Juoba ai 08 de agosto a pee via da le 15.00 l'associazion Tramedistoria la organiza al Ciastel d'Andrac n laboratorio su la fujion del bronzo. Per info 334 3346680 – info@castellodiandraz.it .
10.08.
Sculture de Inge Detomas a Ciampedel
L'artista de naa da Poza Inge Detomas met fora sia scultures chest istà te la sala mostres de la Cèsa de Comun de Ciampedel. L'esposizion, dal titol »Oh!«, vegn enaudèda en sabeda ai 10 de aost da les 17:00.
11.08.
Mostra de fonc
Sun Plaza Nives te Sëlva iel dala 10:00 nchin la 14:00 na mostra de fonc.
01.07.–30.09.
Vijite acompagnade a le Miniere del Fursil
Per duc i martes, le juobe e le domenie de luio, agosto e setembre l Istitut Cultural ladin Cesa de Jan e l'asso­ciazion turistica de Col i organizaven organizade su prenotazion le vijite acomp­agnade a le Miniere del Fursil. Se pea via da le 9.00/9.45/10.30 da la piaza de Col. Per info e prenotaziogn 0437 720609 – info@istituto­ladino.org–3476189044.

Dotors

Dutor Gherdëina
L dutor de servisc da n sada ai 03.08. dala 8:00 daduman nchin la 8:00 daduman de n lunesc ai 05.08. ie l dutor Simon Kostner de Sëlva, tel. 347 2297492.
Dotur Val Badia
Le dotur en sorvisc tl fin dl'edema di 3 y 4 de agost, ti comuns de Mareo y San Martin, é le dotur Luca Galiazzo, tel. 342 5181295. Ti comuns de La Val, Badia y Corvara él en sorvisc le dotur Letterio Taormina, La Ila, tel. 375 6261774.

Apoteches

Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 02.08. nchin n vënderdi ai 09.08. ie chëla de Ciastel, tel. 0471/706323 (orar: lu-ve 8.30-12.00/15.00-19.00, sada 8.30/12.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L'apoteca en sorvisc fora dl orar ordinar, dal vëndres ai 2 de agost dales 19:00 al vëndres ai 9 de agost ales 19:00, é chëra da La Ila, tel. 0471/847152.

Temp Lede

04.08.
Spade e spadai del belunes
Domenia ai 04 de agosto i doi studios Michele Vello e Fabrizio Tonin i sarà al Ciastel d'Andrac a le ore 15.00 a descore de sua nuova publicazion. Per informazions plu menudes 334 3346680 – info@castellodiandraz.it .
04.08.
Corvara: festa di joluns
En domënia ai 4 d'agost dales 15:00 inant, pro le ciamp dal sport da Corvara. An pó imparé da mëte adöm n jolun y gní lassura sciöche an fej da le fá joré. Les iscriziuns vëgn tutes sö diretamënter söl post, dales 14:00 inant.
04.08.
Desmostraziun di cians da socurs
En domënia ai 4 de agost dales 10:30 ales 12:30 él sön Piz Sorega a San Ciascian na desmostraziun pratica di cians da socurs, deboriada cun la Federaziun di cians da socurs dl Südtirol.
06.08.
Sera con Claudio Lauretta
Ta Cianacei en mèrtesc ai 6 de aost da les 21:00 rua Claudio Lauretta, l comich cognosciù de gra a la tras­miscion radiofonica Ciao Belli de Radio Deejay e Colorado Café. L sarà te Piaz Marconi o, se sarà catitemp, te Chino Marmolèda.
07.08.
Domisdé di mituns–Presentaziuns de libri por mituns
Tl Museum Ladin Ursus ladinicus a San Ciascian vëgnel tigní en mercui ai 7 de agost la presentaziun dl liber por mituns »Bella e il gorilla« de Anthony Brown. I mituns pó tó pert ala presentaziun dl liber, che mët man dales 17:00, sciöche ince al laboratore didatich en colaboraziun cun MarameoLab da Balsan.
07.08.
Tel Cher de Penìa
En mercol ai 07 de aost na sera con degustazions te paìsc con piac tipics e entrate­gniment de mùsega. Se pea via da les 20:30. Se l'è catitemp, l'event vegnarà spostà a en jebia ai 08 de aost.
07.08.
Golosando per Soraga
En mercol ai 07 de aost sera de degustazions e musega a partir da les 19:00 a Soraga per endrez del Comitat Manifestazions e sociazions del paìsc. Avisio Mix sona te Pra del Preve.
08.08.
»Festa di gnoches«
En jebia ai 8 de aost sera de degustazions de desferenta tipologìes de gnoches a partir da les 20:00 te Piaz J.B. Massar sa Vich. Vegn organisà da la Mùsega da Vich.
08.08.
Domisdé cun jüc da mësa
La Biblioteca Sas dla Crusc inviëia a n domisdé d'aorela cörta cun jüc por döta la familia, deboriada cun le »Spieleverein Dinx«. An s'incunta en jöbia ai 8 de agost dales 15:00 ales 17:00, te biblioteca a La Ila.
08.08.
Jita cun lamas y alpacas
En jöbia ai 8 d'agost. An pëia ia dal zënter da La Ila cina al Lech da Sompunt – dales 10:00 danmisdé y dales 15:00. Prenotaziuns anter le de denant ti ofizi turistics dl'Alta Badia.
09.08.
Cujiné te ütia
En vëndres ai 9 d'agost án la poscibilité da fá spazlan de poia, pro le Club Moritzino sön Piz La Ila. Le curs da cujiné mët man dales 15:00. An mëss se scrí ite ti ofizi turistics dl'Alta Badia.
09.08.
Videomapping tl Ciastel Colz
En vëndres ai 9 d'agost dales 21:30, tla cornisc dla iniziativa »Le Ciastel dla Müjiga«. Sön la falzada dl ciastel a La Ila gnarál proieté imajes dles Dolomites y löms. Döt acompagné da musiga.

Iadi y Jites

Uni merdi
I mejes sa Sacun
L Museum Gherdëina pieta ntan i mënsc de agost y setëmber, for de merdi dala 9:00-13:00, na raida di mejes sa Sacun. La vijites vën menedes per tudësch da Annemarie Höglinger, per talian da Isabella Penzo. Info y iscrizions tl Museum Gherdëina o tla lies dl turism dla valeda nchin la 18:00 dl di dant. Da paië ite iel 25€ per persona, per families 50€.
04.08.
Escurjiun Kreuzbergpass – Arzalpekopf
La Lia da Munt Ladinia – Val Badia mët da jí en domënia ai 4 d'agost na escurjiun sön le Kreuzbergpass – Arzalpe­kopf (2.371 m). Ara é de dificolté mesana, por n tëmp da jí de 5 ores y n deslivel de 750 metri. Informaziuns pro Bernhard Pitscheider al 339 2278061.
08.08.
Mutons y mutans tla natura
L Parch Naturel Puez-Odles mët a jì n domesdì de descuvierta dla natura per mutons y mutans danter 6 y 12 ani. L vën mé fat sce l ie bel tëmp. L ie debant, ma n muessa se nuté su nchin la 18:00 dl di dant cherdan su l 0472 842523 o scrijan na e-mail a info.pg@provinz.bz.it. N se anconta dala 14:00 pra la plaza da lascé i auti te Val.
10.08.
Dala val de Stubai nchin a chëla de Gschnitz
Lia Lia da Mont Gherdëina fej na jita ite per l Pinnistal y su sun la Kirchdachspitze a 2.840 metri, passan dal »Padasterjochhaus«. Da jì 8-9 ëura per 1.900 metri de deslivel suvier y 1.600 juvier. N muessa avëi n var segur y ne unì nia cëurni, davia che l troi ie bëndebo' ala zibla. N pëia via dala 5:45 y ie inò tlo dala 20:00. L program plu avisa ie da giapé tla butëighes ulache l vën pià do la iscrizions.
11.08.
Cun la roda sön le Klammljoch-Stallerstattel
La Lia da Munt Ladinia – Val Badia organisëia en domënia ai 11 d'agost da jí cun la roda sön le Klammljoch-Stallersattel. La dificolté é ria. Informaziuns plü menüdes ciafon pro Mike Trebo al 346 1515010.
16.08.-18.08
Jita
La Lia da Mont de Gherdëina met a ji na jita de 3 dis da na utia al'autra dai 16 ai 18 de agost ntëur Sappada tle Prealpi Carniche. Pudëis ve nuté su dai 5 nchin ai 9 de agost da Ciofs Inge, Sport Malsiner y Sport Bruno Riffeser. Per nfurmazions pudëis cherde su Tullio al 335 6583216.

Festes y Segres

02/04.08.
Festa ta Mont
Taca ite insnet, vender ai 2 de aost, con la defilèda da les 21:00 a Meida la Festa ta Mont che jirà inant en sabeda ai 3 e en domenia ai 4 da les 11 da doman a les 6 da sera te Val de Sèn Nicolò con mùsega, cultura, spetacoi, entrate­gniment e gastonomìa.
04.08.
Sègra de Gries
En domenia ai 4 de aost festa de la frazion de Gries a partir da les 10:00 con Sènta Messa, marena e folclor te località Ciuch.
04.08.
Gherdëina cun la troht
Dala 16:30 scumëncia tl zënter de Urtijëi la gran defileda de chëi dal guant dala gherdëina, cun leprò nce la cater Mujighes dla valeda, plu grupes de bal y cores, la Lia di Buteghieres y la Lia di Artejans. Da dedò saràl da audì i cunzerc dla Mujighes sun Plaza de Sant Antone. L sarà nce da maië, da bever y sambën da sté n cumpania.
04.08.
»Roda di morins« a Lungiarü
En domënia ai 4 d'agost. Al é na manifestaziun che acomp­agnëia na bela spazierada por odëi i morins en funziun. La roda pëia ia da Lungiarü y se desfira por 5 km tres la Val di Morins. Iniann él la novité che sön tru sarál 9 punc de restoraziun, olache al vëgn pité spezialités de nüsc posć. I Stödafüch da Lungiarü se conforta da podëi ves saludé.
04.08.
Calfosch: Festa alaleria
La Müjiga Calfosch-Corvara y i Ciantarins da Corvara inviëia ala festa alaleria, en domënia ai 4 d'agost dales 10:30 tl pinëi a Corvara. Danmisdé sona la Böhmische da Schalders, dales 12:30 la Musiga da Faedo y dales 14:30 la Musiga da Saltaus. Dales 16:30 intratignimënt musical cun Ermes Costa y Luca Rottonara y le grup di »Südtiroler Hoderlumpm«.
07.08.
»Paisc in festa« a San Ciascian
En mercui ai 7 d'agost. Tl zënter da San Ciascian él dales 16:00 inant n marcé de produc dl post y al gnará dé fora de vigni sort de spezialités gastronomiches. Al sona »Don Cravallo« y le grup »Lucky17«. I mituns pó spo tó pert al laboratore creatif »Tl rëgn di tiers« metü a jí dai colaboradus dl Parch Natural Fanes–Senes–Braies.
10.08.-11.08.
Festa di Destufauech de Santa Cristina
Tl Zënter Iman a S. Cristina scumëncia la festa dala 19:00 cun ntratenimënt mujighel. N dumënia dala 11:00 iel la grupa »Tirolerstolz«. Dala 16:00 iel la defileda y la prejentazion de chëi dal guant dala gherdëina y pona l cunzert dla Mujiga de S. Cristina. Dala 18:00 cunzert dla grupa »Spritzband«.

Avisc
Atualmënter
L Museum Gherdëina daviert plu giut
L Museum Gherdëina a Urtijëi tën daviert nchin ala fin de agost cun n orar plu lonch y plu avisa da lunesc nchin sada, dala 10:00-13:00 y dala 14:00-18:00. Ai 15.08. iel dsarà. L Museum de Gherdëina pieta n cheder unich dl'arpejon culturela de nosc raion y pieta ntan l instà nce programs desferënc.
Atualmënter
64ejima rata dla pension
Do avëi cumplì 64 ani giàpen na 14ejima rata dla pension sce l davani ie sot a 13.338,26 €. Sce n ne la giapa nia auto­maticamënter, pòssen jì a damandé do dal KVW-ACLI.
Atualmënter
Cuntribut de stude
Per l ann de scola 2019/2020 muessen, per giapé n cuntribut de stude, dé ju l EEVE (detlarazion dl davani y dl avëi). L KVW fej chësta detlarazion debant. Per fé ora n terminn, cherdé su l 0471 941704 o cialé sot a www.kvwservice.eu.
Atualmënter
Sorvisc de consulënza y orientamënt
Le Sorvisc de consulënza y orientamënt por jogn, jones y geniturs sön temesc dla jonëza y dl'educaziun é vigni 2. y 4. mercui dl mëis dales 9:30 ales 11:30 tl Zënter Pedagogich a Picolin (alzada -1) y vigni 2. y 4. vëndres dl mëis dales 13:00 ales 15:00 tl SaJ.un a La Ila (Ciasa dla Cultura, alzada -2). An ne mëss nia prenoté y al é debann. Infos: barbara@jogn.org o 342 8410721.
Atualmënter
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16:00 ales 17:00 tla ciasa de Comun a Badia.
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, info.bruneck@frauenhelfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster–MIP
L'ofize dla MIP–Männer­initiative Pustertal dëida i ëi y peri pro caje de devorz, pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, vëndres dales 8:00 ales 12:00. Tel. 0474 555848, info@mip-pustertal.it
Uni mierculdi
Iscrizions ala Banca dl Tëmp
Uni mierculdi iel te dui trëi i luesc de Gherdëina da pudëi se scrì ite ala Banca dl Tëmp. Dala 9:00 nchin la 11:00 tla biblioteca de Sëlva, dala 16:00 nchin la 18:00 tla biblioteches de S. Cristina y Urtijëi.
08.08.
Studafech a Poza
Desmostrazion di studafech volontaries de Poza con manovres de socors tel piazal tedant la caserma a Vac, en jebia ai 8 de aost da les 21:00.

Mujiga

02.08.
Mujiga dal vif dla Utia Sangon
Dala 18:00 inant iel tla Utia Sangon a Santa Cristina n bel »vënderdi da mont«, da coche i ti à dat inuem, cun mujiga dal vif y gran devertimënt.
02.08.
La Val: conzert de orghe
Incö vëndres ai 2 d'agost dales 21:00, te dlijia da La Val. Juri Lanzini sona operes de Bach.
03.08.
Jëuni Rocking Sëlva
Dala 18:00 scumëncia tl Pra da Nives te Sëlva la gran festa cun mujiga dal vif di Madax y di Pëufla.
04.08.
Mujiga dal vif tla Utia Odles
Dala 12:00 inant mujiga dal vif cun la grupa »Die Kraxn« tla Utia Odles a S. Cristina.
04.08.
Ispirazions d'istà
Grupa Helios farà n conzert te la rassegna de Ispirazions. A la Gran Ciasa de Soraga da les 21:15 ciantarà l grop de Ortisei che anima con gran gaissa la Sènta Messes.
06.08.
»La cater sajons« de Vivaldi a Santa Cristina
Dala 21:00 inant iel tla Dlieja de Santa Cristina n cunzert dl »Kreativ Ensemble« pra chël che l sarà da audì »La cater sajons« de Vivaldi. Ntreda debant cun dunfierta liedia.
07.08
Sons de la Dolomites
En mercol ai 7 de aost dal mesdì Joscho Stephan Trio sonarà sun Bufaure te l'ambit de i Sons de la Dolomites. Mùsega Jazz e n muie de energìa.
08.08.
Cunzert dla Mujiga de Vahrn
Dala 21:00 iel te Cësa de Cultura te Sëlva l cunzert dla Mujiga de Vahrn.
08.08.
Ensemble Canticum Novum
En jebia ai 8 de aost da les 21:00 te gejia de Sèn Vile a Moena vegn proponet endodanef l conzert de mùsega »Alfa e Omega. Io sono il principio e la fine« de l'Ensemble Canticum Novum ret dal maester Ilario Defrancesco.
04/08.08.
Fascia Panorama Music
La rassegna va inant con i Bandanera Afrobeat al Refuge Friedrich August sun Rodela ai 4 de aost da les 12:00. En jebia ai 8 conzert de mùsega classica »Non solo tango« sun Ciampedie con Angela Palfrader e Raffaella Zagni. Se aessa da esser burt da les 14:30 te sala de Comun a Vich.07.08.
09.08.
Sëira folcloristica
Tl Zënter Iman a Santa Cristina iel dala 21:00 nchin la 22:00 da pudëi udëi y audì l cor di ëi »Sasslong«, la grupa »Kryner Sound« y i Schuhplattler de Ciampedel.

Sozial

Atualmenter
Portel de referiment sozièl
Te Comun general, te strèda di Pré de Gejia a Sèn Jan vegn metù a jir n portel de referiment sozièl per proble­mes de dependenzes o de autra sort, avert a duc e no a paament. Ge vel se prenotèr a la Coprativa sozièla Le Rais chiaman l 370 3004296 o scriver a: sportello.lerais@gmail.com.
08.08.
Deberieda: praton lianies sa Pinëi
N juebia se urterons dala 11:00 tla Streda Stazion a Urtijëi, vis a vis dla Cësa de Paussa. Da dedò jons sa Pinëi a praté lianies y verdures. »Deberieda« ie na grupa per se ancunté danter persones che à problems psichics o de sozialisazion cun ulenteres. Per infos tel. 0471 798015. (Respunsabla dla manif­estazion: Marlies Piazza).

Cursc

19.08.-23.08.-30.08.
Cursc de jadiné y balé
L Eisclub Gherdëina mët a jì doi enes de sport y devertimënt per mutons y mutans danter 5 y 6 ani. L ie lezions de jadiné sun dlacia y de balet, che fej bon ala cuordinazion y l balanz y per n corp stabil y flescibl ti muvimënc. L prim curs ie dai 19.08-23.08. y l segondo dai 26.-30.08., for dala 9:00-15:00. L costa 160 euro. Tel. 338 8838382.
09.09.-14.10.
Se njenië ca a parturì
Per ëiles che aspieta y genitores dl daunì, che à l terminn de nuvëmber/dezëmber. Ancun­tedes te palestra dla Cësa de Paussa a Urtijëi, uni lunesc dala 16:00-18:00/19:00. Iscrizions: CUPP tel. 0471 457457, 8:00-16:00 dal lunesc nchin vënderdi; e-mail vormerkung.bz@sabes.it; ëifoma 0471/797778, assistënta sanitera 0471/794290.

RADIO

02.08 – 07.08.
»LADINIA LIVE«:
Microfons davierc sun atualità y cultura
La trasmiscion ie da audì uni merdi y mierculdi dala 13:45 ala 14:00 sun la frecuënzes de RAI LADINIA.
06.08.
Vegn smendrà i didamenc
da les 20:50, la provinzia de Trent vel der manco didamenc per la cooperazion interna­zionèla. En rejonon con Claudio Merighi de la sociazion Lifeline Dolomites. Conduzion: Anna Mazzel.
07.08.
Promoziun digitala dles liëndes ladines cun l patrozine dla Fondaziun Dolomites Unesco
da les 20:50, Ghest: Susy Rottonara. Conduziun: Alessandro Dapunt.
02.08.–07.08.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA
02.08.
A 39 ani dala desgrazia de Bologna
da les 19:05, trasmiscion de Simon Moroder.
04.08.
Pere y fi – prezijion y pazienza
da les 19:05, tla biblioteca Tresl Gruber a S. Cristina iel mo da udëi nchin ai 18 d'agost na mostra drët particulera y nteressanta de scultures y pec turnei. L ie l prim iede che Luis Bauer, l pere y si fi Andreas mët ora si operes te na mostra. Trasmiscion de Alex Runggaldier.
06.08.
Cuartet leterer: Brunamaria Dal Lago Veneri
da les 19:05.A cura de Alessandro Dapunt.
07.08.
Misteres, aventures e magica creatures. »I spiric del bosch« – contìa sul paìsc de Cianacei
da les 19:05, te chesta contìa vegn uzà fora apede ai toponimes e sorainomes de la jent de Cianacei e Gries »pazedins« e »botaces« ence i valores de l'amicizia, l dejiderie de mudèr vita e mìngol de moral per canche se è massa gaitesc. Program de Anna Mazzel.
08.08.
Carmen
da les 19:05, n iade fora por la opera plü raprejentada al monn, la CARMEN de George Bizet. Program de Esther Videsott.

TELEVIJION
06.08.
Deboriada: Architetura uel dì deplù che mé viver danter cater mures
da les 20:50, dala ciaverna ai cuatieres minimalistics plu moderns. Puecia cosses ie states tla storia dla persona tan desvalives y purempò tan universeles coche l »sté«. Leprò se mescëida mo ite te nosta cëses n mpurtant aspet estetich y datrai monce artistich. Dut chësc cunlià a cultures y a manieres de viver desfrëntes. De Ivan Senoner y Georg Penn, a cura de Leo Senoner.
07.08.
A spas per la Ladinia: Sass Pordoi e Piz Boè
da les 20:50, ponton via dal Jouf de Pordoi e co la forenadoa ruon sun Sass Pordoi. Jù sun Forcela de Pordoi dò sù sun Piz Boè e n jù da la man de Fodom, pean l troi sot jù i pareés de Piz Larjèi e Piz Joel, enscin de outa sun Jouf de Pordoi. Na spazierada tel zenter de la Ladinia con Fernando Brunel, camera e tai Giacomo Gabrielli, a cura de Anna Mazzel.
08.08.
Biografies y testemonianzes: Siur Angel Morlang. Prou, artist y scritur
da les 20:50, Siur Angel Morlang é nasciü tl 1918 a La Plí de Mareo y al é mort tl 2005 a San Martin de Tor. Al é sté n pro, che s'á ince dé jö dër tröp cun la cultura y l'ert. Al á depënt dër tröc chedri y al á scrit cunties, dui romans y valgügn teatri. N program de Erika Castlunger, camera y tai de Fulvio de Martin Pinter, redaziun de Anna Mazzel.
02.08.–07.08.
Informaziuns
Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota "Mediateca" y les trasmiscions radio sota »Podcast«.

Referac
02/04.08.
»Scrittura festival delle Dolomiti«
Insite, vender ai 2 da les 21:00 te PalaDolomites de Ciampestrin Ivano Marescotti prejenta sie liber »Fatti veri«; en sabeda ai 3 da les 17:00 Matteo Cavezzali rejona te Piaz de Ciampedel e en domenia ai 4 semper te Piaz de Ciampedel da les 21:00 sarà Cristiano Godano ciantarin di Marlene Kuntz.
04.08.
Spade e spadai del belunes
Domenia ai 04 de agosto i doi studios Michele Vello e Fabrizio Tonin i sarà al Ciastel d'Andrac a le ore 15.00 a descore de sua nuova publicazion. Per informazions 334 3346680 – info@castello­diandraz.it .
05.08.
N aperitif con Tita Piaz
Per dut istà de lunesc da les 17:30 te Museo Ladin na cercia de cultura con vin e formaes sporc da Enoteca Valentini de Cianacei e Mèlga de Fascia. Ai 5 de aost Cesare Bernard rejona del »Diaol de la Dolomites« Tita Piaz de Pavarin.
05.08.
Scontrèdes sui monts a Poza
Va inant la lingia de scontrèdes da d'istà organisèdes dal Comitat de manifestazions de Poza. En lunesc ai 5 de aost da les 21:00 Diego Andreatta prejenta sie liber »Il racconto della vita di Toni Rizzi de Poldin«.
05.08.
La Ila: »Na munt de emoziuns«
En lönesc ai 5 d'agost dales 21:15 él tl salf dles manif­estaziuns da La Ila n referat cun i alpinisć Nicola Tondini, Christoph Hainz y Sergio Rocca. Titul dla sëra é »Non abbiate paura di sognare« y fej pert dl cërtl de serades »Na munt de emoziuns«.
07.08.
Prejentazion a Moena
En mercol ai 7 de aost da les 21:00 ja Moena te la sala de consei de comun prejentazion del liber de Rosario Sala. Se rejona de n viac su la moto da Trent a Hanoi e vegn prejentà l nef viac da Cape Town a Trent.
02/08.08.
Scontrèdes coi libres e i autore
En vender ai 2 de aost da les 21:00 Alberta Rossi prejenta »La Valle di Fassa tra fantasia e realtà« te sala de consei de Cianacei. Semper da la medema ora en jebia ai 8 Licia Campi Pezzi rejonarà con Mauro Valentini de »Le donne degli Asburgo« te piaz Marconi e en vender ai 9 Matteo Bussola prejentarà si libres te sdala de consei.
Uni juebia
Geologia dla Dolomites y fossii de Gherdëina
Nchin ala fin d'agost vëniel metù a jì uni juebia tl Museum Gherdëina a Urtijëi, vijites menedes ala culezion de fossii cun l schilet de marueia dl Itiosaur de Secëda. La vijita tla sezion de geo-paleontologia dl Museum dura 30 menuc. La ie dala 16:00 per talian y dala 16:30 per tudësch.

Leteratura

Atualmënter
Alta Badia: incuntades cun l'autur
Ti salfs dles manifestaziuns di paisc dl'Alta Badia él deplü apuntamënc. Ai 4 d'agost él Lella Costa che presentëia a Corvara le liber »Ciò che possiamo fare«; ai 7 d'agost él Giancarlo de Cataldo che baia a Corvara de so liber »Alba nera«; ai 9 d'agost él Andrea Vitali che presentëia a La Ila so liber »Documenti, prego«. Les serades mët man dales 17:30 y é davertes a düc.
06.08.
Corvara: presentaziun de »Sulle punte«
En mertesc ai 6 d'agost dales 18:00 él l'artista Silvia Nava y l'auturia Maddalena Bertolini che presentëia le liber »Sulle punte«, tl salf dles manif­estaziuns a Corvara. N liber che reverda les munts cun dessëgns y poesies dles presentadësses.

Galaria retrac