Manifestazions atuales speziales

Data

13 de setember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 13 de setember
Plü cualité de vita da s'la rí
Referat dla psicologa dr.a Antonietta Mastrandrea
Sce an pó n pü' s'la rí se stán plü saurí y döt é plü bel. La referënta y psicologa dr.a Antonietta Mastrandrea spligará co ch'an pó mioré la cualité de vita ma da s'la rí n pü' deplü. S'la rí pó de chësc vers ince ester na sort de terapia cuntra de vigni sort de mai.
La sëra d'informaziun vëgn tignida tla Scora mesana da La Ila, en jöbia ai 19 de setëmber 2019, dales 20:00. Organisaziun: Consëi de Formaziun de Badia.

»Roda di Coi«

Chësta domënia, ai 15 de setëmber 2019, dales 9:00 inant
I Stödafüs da Rina inviëia ala »Roda di Coi«, dodoman domënia. An pëia ia al Ciamp dal Sport por jí a pe sö por munt y passé tles cin' üties che dará fora por l'ocajiun de bun da mangé y da bëre. En cajo de bur' tëmp vëgn la roda spostada de otedé!

Nodé y atletica por mituns 2019/2020
Badiasport organisëia indó n curs da nodé por prinzipianc.por i mituns dala 1a ala 4a classa elementara y alenamënc da nodé y atletica.por mituns dala 3a classa elementara cina ala 3a mesana
Prinzipianc
1a – 4a classa elementara
Badiasport organisëia indó n curs da.nodé por prinzipianc por i mituns dala 1a ala 4a classa elementara.tla nodadoia da La Ila por la spana de tëmp otober cina ma. Al vëgn dé la poscibilité por i plü bogn da passé tl grup de alenamënt do n pü' de tëmp. L'iscriziun vëgn fata cun le formular online.www.badiasport.org (d'atres iscriziuns por e-mail o telefon ne gnará nia tutes en conscideraziun). Ince i mituns/les mitans che á tut pert bele l'ann passé á da scrí fora le formular..Chi che á bele tut pert l'ann passé al curs tira dant.
Alenamënc
Dala 3a classa elementara cina ala 3a mesana
Nodé y atletica por mituns
Badiasport mët indó da jí cun otober alenamënc da nodé y atletica por.mituns dala 3a classa elementara cina ala 3a mesana. Al vëgn insigné i stii lëde, spiné, arosch y delfin. Le training de atletica lisiera alza fora les capazités de coordinaziun y de condiziun, al vëgn ince insigné les formes de basa dles disciplines singoles de atletica lisiera..Le nodé.vëgn tigní vigni.lönesc.tla nodadoia da La Ila,.l'atletica.lisiera vigni.jöbia.tla palestra dla scora mesana da La Ila por la spana de tëmp da otober cina ma. L'iscriziun mëss gní fata cun le formular online.www.badiasport.org.(d'atres iscriziuns por e-mail o telefon ne gnará nia tutes in en conscideraziun). Ince i mituns/les mitans che á tut pert bele l'ann passé mëss scrí fora le formular..Chi che á bele partezipé l'ann passé al curs á, sciöche vigni ann,.la prezedënza.
Nodé por adulc 2019/2020
Cun otober mët indó man »Nodé deboriada – nodé por adulc«. Al vëgn insigné i 4 stii lëde, spiné, arosch y delfin, y mioré la coordinaziun y la condiziun. Le curs vëgn tigní tla nodadoia da La Ila vigni mertesc por la spana de tëmp otober – ma. Al ne se trata nia de n curs por prinzipianc, porchël vëgnel damané les capazités de basa dl nodé..L'iscriziun vëgn fata cun le formular online.www.badiasport.org (d'atres iscriziuns por e-mail o telefon ne gnará nia tutes en conscideraziun)..Ince chi che á tut pert bele l'ann passé á da scrí fora le formular..Chi che á bele tut pert l'ann passé al curs tira dant.
Orars
19:30 –.20:30 pröm grup
20:30 –.21:30 secundo grup

Cun na sotscrizion posses nce tu dé ti cuntribut
Defendura dl ambient y dl tlima y l svilup sustenibl muessa unì garantii dala costituzion!
Ani alalongia à la persona vivù sëura si mesuns zënza se fé de gran pensieres. La cunseguënzes de chësta maniera de viver sentions for plu dassënn. Deguni ne possa plu strité ju la mudazion dl tlima y si cunseguënzes desdrujëntes. Trueps de nëus se à sprigulà a udëi coche verd i bòsc dl Brasil y a se rënder cont che l fuià blanch de nosta Tiera vën desdrù. Uni ann toma for plu abenëura l Earth Overshoot Day (di dla Tiera sëuraciarieda), che ie chël di dl ann te chël che la ressurses naturales che se renuvea, ie finedes per chël ann. Chëst ann fova chësc di bele ai 29 de lugio.
Che ne pudon nia plu jì inant nsci y che l ie debujën de fé zeche per seguré nce tl daunì nosta fundamënta de vita ie ntant zeche de tler per truepa persones. Uniun de nëus possa fé zeche y dé n si cuntribut, pitl o grant che l sibe.
Sambën iel nce debujën che la politica feje a na moda che l sibe la cundizions adatedes per jì de chësc viers. Joyce Msuya, reprejentanta dl »UN-Environment« miena: »L mond à l savëi, la tecnologia y i scioldi per n svilup sustenibl. Te chësc mumënt mancia la ulentà politica de tò pruvedimënc y de lascé pro tecnologies adatedes. L ie gran ëura de fé zeche! Ulons'a viver inant coche on fat nchin śën manacian de avëi n daunì ncherscëul o ulons'a se muever de viers de n svilup sustenibl? Chësta ie na dezijion che la politica muessa tò.«
Propi per chësc iel de gran mpurtanza che i argumënc dl svilup sustenibl, dla giustizia danter la generazions, dla defendura dl tlima y dl ambient vënie garantii dala costituzion.
La scumenciadiva de zitadins »figli costituenti« se à metù propi chësc coche travert. Per ruvé cun chësta scumenciadiva tl parlamënt vàl debujën de 50.000 sotscrizions.
Sustën nce tu chësta scumenciadiva, fél per ti daunì y chël de ti mutons.
Te posses jì te ti chemun de residënza à sotscrì la scumenciadiva de zitadins al plu tert nchin ai 27.09.2019 (ne desmincë nia de tò pea n documënt) https://figlicostituenti.eu/

Co se à pa svilupà i mejes? Referat y vijita di mejes a Urtijëi

N ucajion dla mostra »Mejes de Gherdëina« nvieia l Museum de Gherdëina a doi manifestazions
N sada, ai 14 de setëmber, tla Cësa de Cultura a Urtijëi:
- dala 10:00 REFERAT de Thomas Kühtreiber, espert de archeologia dl nridlamënt, dl ambient y dl paesaje dla Università de Salzburg: »Co se à pa svilupà i mejes da paur tl raion dla Elpes dl ost? Co pòssen pa varenté i ultimi luesc che se à mo mantenì? (Ntreda liedia)
- dala 14:00: VIJITA di mejes Ianon y Col de Flam, cun i storics Kühtreiber, Josef Nössing y Annibale Salsa.
Nfurmazions y iscrizions danora:
Museum Gherdëina, Tel. 0471 797554, partezipazion 10 €.

»Get Ready!«
A La Ila n curs de musiga particolar, por mitans y mituns dla 1a y 2a elementara
Ci sonn á pa n cuntrabas o na ukulele? Co vëgn pa soná i stromënc y ci storia él pa doía? A chëstes domandes ti dunse na resposta pro le curs de musiga »Get Ready«.
Elemënc fora dla formaziun ritmica-musicala y jüc: döt chësc ti dá na basa musicala ai mituns y ales mitans ti pröms agn de scora y dess ince ester ince n invit da ciafé fora ciun che é le stromënt che plej y passenëia deplü.
Le curs é ponsé por mituns y mitans dala 1a ala 2a elementara y vëgn tigní le mercui domisdé dai 2 de otober a mez dezëmber (por 8 iadi indöt), tla Ciasa dla Cultura a La Ila. Le curs vëgn organisé da Badiamusica y tigní dala referënta Esther Videsott.
Por informaziuns y iscriziuns scrí n SMS al 333 9161652 o mené na mail a:
esther_vide@hotmail.com

Cursc da jadiné
L'Ice Club Alta Badia organisëia cursc da jadiné por prinzipianc y progredis
L'Ice Club Alta Badia pita indó cursc da jadiné por mituns y mitans dai 4 agn insö. I cursc jará inant por zirca 3 mëisc.
Le curs por i mituns che sá bele n pü' da jadiné mët man ai 23 de setëmber dales 16:00 y jará inant vigni lönesc y/o vigni mercui dales 16:00 ales 16:45. Al é la poscibilité da fá un o dui iadi al'edema. Le curs por i prinzipianc vëgn tigní un n iade al'edema. Por i plö pici (mituns dla scolina) mët man le curs en jöbia ai 26 de setëmber y jará inant tres de jöbia dales 15:30 ales 16:15. I plö gragn, aladó dl numer de scric ite, gnará partis sö danter le lönesc o mercui dales 16:00 ales 16:45. Le cost dl curs é de 110,00 € por un n iade al'edema y de 180,00 € por dui iadi al'edema.
Düc i mituns y dötes les mitans che á vëia da jadiné dess s'anunzié. Por l'iscriziun y por informaziuns prëibel cherdé sö o scrí, anter i 20 de setëmber, al numer de telefon 333 2930586 (Renate).
»Festival Alta Badia Balance 2019«
Chësta fin dl'edema, ai 13, 14 y 15 de setëmber 2019. 3a ediziun dl festival dediché al bëgnester, ala sanité y al ecuiliber tla vita da vigni de
Do l'inaudaziun de inier, jöbia ai 12 de setëmber, olache al é gnü traté la tematica dl influs dla porsona tl monn, vá le program dl festival inant al Sas Dlacia, tla localité Sciaré, a San Ciascian cun le De dl'armonia (13/9/2019), le De di elemënc (14/9/2019) y le De dl'energia (15/9/2019).
Al gnará pité workshops y seminars basá sön la tematica dl de, ativités por mituns y tratamënc de bëgnester. Al gnará adalerch referënc internazionai sciöche Akiko Stein che baiará dla memoria dl'ega y di stüdi de Masaru Emoto (sabeda dales 14:00). Le Dr. Ing. Dieter Theodor Schall che nes spliga la tematica dl'energia sides da n punt de odüda scientifich co spiritual (domënia dales 14:00). Al sará cun nos ince le chef Norbert Niederkofler che tignarà n seminar sön l'alimënt-AZIUN y sön sciöche nosta manira de consumé pó fá la desferënzia (domënia dales 11:30). I baiarun de agricoltöra biodinamica, impararan da suravire tla natöra, y al gnará fat yoga y deplö workshops por lauré sön se instësc y sön l'armonia te nos y cun i atri. Al sonará Gabi & Claire, le grup Gota, i Nothing About Trains da Gherdëina, Gabriele Grieco da Trieste, i Louis and The Space Travellers y Stephan Mader. Al gnará pité de bun patüc da mangé y da bëre.
L'entrada é lëdia, i workshops sará döt le de dales 9:30 inant. Val' workshop sará debann o cun spënora lëdia y d'atri workshops ará n cost de partezipaziun. Infos sön www.altabadiabalance.com y söl liber di evënc dl Consëi de Formaziun. I orun organisé n evënt zënza refodam; sce i gnëis a se ciafé prëibel respetede nosc impëgn y nosta orenté de fá na manifestaziun tla pesc y tl respet dla natöra y dl bosch. Lascede döt bel nët y tolesse para osc refodam!

Gní de munt a La Val
En domënia, ai 22 de setëmber 2019
Defilada de tiers cun musiga, bal popolar y spezialités ladines iten Ciamplorët (20 menüc a pe da Spëscia demez cuntra Ju de Sant Antone/Pic' Fanes).
Dales 11:00 él Santa Mëssa y dedó na bona marëna cun spezialités ladines (turtres, cajincí, cütles da pom, de bun patüc dala grilia y d'ater), musiga cun la »Böhmische da La Val«. Dales 14:00 él spo la defilada di tiers gnüs jö dala Munt de Fanes. Musiga y devertimënt cun i »Conturines Echo« y i »Alphornbläser«.
En caje de bur' tëmp vëgn la manifestaziun desdita.

Segra a Badia
Les uniuns dl paisc de Badia inviëia ai 14 y 15 de setëmber a segra
Les uniuns de Badia s'á tut sura de organisé adöm la festa dla segra, cun n program rich d'aurela cörta y devertimënt. Indoman, sabeda ai 14.09. dales 15:00, vegnël trat sö le »Kirschta Michl« dlungia le paiun dla ciasa J. B. Runcher. Dedô dales 17:00 inant sarál la Müjiga di Jogn dl'Alta Badia che se lasciará aldí cun sü stromënc. Dales 18:30 él le grup »Conturines Echo« ches nes condüj fora por la sëra cun de beles cianties, cina che al mët man dales 23:00 la party por i plü jogn cun DJ »The Bastards«.
La domënia – de dla segra – él dales 9:00 te dlijia la gran mëssa solëna, ciantada y sonada dal Cor de Dlijia y dala Müjiga de Badia. Dales 11:00 vá inant la festa mondana dlungia la ciasa dles uniuns cun la »Böhmische de Badia« – intratan gnarál ince incoroné »Le Gran Bracun« – y dales 13:30 él la Musiga da Vandoies che tëgn conzert. Dales 15:00 inant gnarál paré de munt le bestiam y dedô festa cun le grup »Die Volkspartie«. Por spëisa y boanda vëgnel fistidié. Düc é bëgnodüs.

Curs de pilates

Tl Hotel Fanes a San Ciascian vëgnel metü da jí n curs cun Nabiha
Le Hotel Fanes a San Ciascian mët da jí vigni lönesc y jöbia, dales 20:00 ales 21:00, cina ai 31 d'otober 2019, n curs de pilates cun l'istruturia Nabiha. Por informaziuns él da cherdé sö Ingrid al 335 6278950 o tl Hotel Fanes al 0471 849470.

Cursc de fitness a La Ila
La U.S La Ila/seziun fitness mët da jí d'altonn fora dui cursc de fitness tla gran palestra a La Ila adöm al istrutur Thomas Valentini
Le curs gnará tigní tres de jöbia cun scumenciamënt ai 26 de setëmber.
Step & Body Workout (18:45 – 20:00)
Al gnará pité 45 menüc de Step coreografich y 30 menüc de potenziamënt general y tonificaziun de döt le corp. Le curs é adaté por prinzipianc y mesans.
Cross Training 240 (20:00 – 21:00)
La preparaziun atletica ideala por se arjigné ca bun ala sajun da d'invern. Al gnará pité 240 eserzizi dal monn dl CrossFit y Functional Training. Le curs é adaté por mesans y progredis. Les iscriziuns gnará tutes sö diretamënter te palestra pro la pröma incuntada!

Vernissaja dla Trienala Ladina 2019 y pre­miaziun dl Pest artistich Richard Agreiter
En vëndres, ai 20 de setëmber 2019, dales 19:00, tl Museum Ladin Ciastel de Tor
Le Museum Ladin Ciastel de Tor inviëia döta la popolaziun ala daurida dla mostra Trienala Ladina 2019 y ala surandada dl Pest artistich Richard Agreiter. La daurida dla mostra che á en chësc ann le titul »Le post é la lerch« y che vëgn curada da Günther Moschig, gnará a s'l dé ai 20 de setëmber 2019 dales 19:00 cun la presënza dl Presidënt dla Provinzia Arno Kompatscher.
Da odëi sarál laurs de artisć dales valades ladines y dai Grijuns tla Svizra cernüs da na comisciun internazionala. Chisc i artisć: Annatina Dermont, Yvonne Gienal, Karin Schmuck, Claus Soraperra, Tobias Tavella y Michael Schrattentaler.
La mostra sará da odëi cina ai 24 de ma 2020 tratan i orars de daurida dl museum.