Manifestazions atuales

Data

08 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 8 de november
Dotors
Dutor Gherdëina
L dutor de servisc da n sada ai 9.11. dala 8:00 daduman nchin n lunesc ai 11.11. dala 8:00 dadum ie la duturëssa Tanja Bregolin, che fej servisc tl ambulatuere tla streda Trebinger 10 a Urtijëi, tel. 333 9111642.
Doturs Val Badia
Le dotur en sorvisc ti cin' comuns dla Val Badia, tl fin dl'edema di 9 y 10 de novëmber, é le dotur Alberto Caretta, Badia, tel. 0471 839706 o 380 3161999.

Apoteches
Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 08.11. nchin n vënderdi ai 15.11. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/12.30. Turnus: 9.00-12.00).
Apoteca Val Badia
L'apoteca en sorvisc fora dl orar ordinar, dal vëndres al 8 de novëmber dales 19:00 al vëndres ai 15 de novëmber ales 19:00, é chëra d'Al Plan, tel. 0474 501240.

Teater

08.11.
Spetacol te Ciasa de Paussa
La sociazion Picoi da mont e i Bontemponi met dant en vender ai 8 de november da les 16.15 te Ciasa de Paussa l spetacol »La stria cativa, la rèna, l crot e l cian« dal liber »Misteres, aventures e magica creatures« de Alberta Rossi.
28.11- 01/12/14.12.
Comedia de La Mizacoles
La Mizacoles de Ciampedel met dant na neva comedia dal titol »Fossa stat assà na ferlèda«, 2 ac da grignèr de Loredana Cont. En jebia ai 28 de november da les 20:30, en domenia al prum de dezember da les 15:30, en jebia ai 12 e en sabeda ai 14 de dezember da les 20:30 te teater de Ciampedel.

Temp Lede
9.-10.11.
»Törggelen« tradiziunel di Destudafuech
Tl magasin di Destudafuech de Urtijëi. N scumencerà n sada dala 14:00, da sëira mujiga da mont y mujiga cun DJ Simon. N dumënia giauriràn dala 11:00 cun i »Raschötzer«. Pità vëniel spëisa tipica, tirtles, grosti y castanies. Tla »stua dal vin« puderàn ciarcië de bon vin y l sarà inò la ola dla fertuna cun de biei pesć.
10.11.
Ciastagnada dla Comunanza Ladina a Bulsan
Ai 10 de november, a Tluses tla stua dl Schmuckhof. Enviés é duc i ladins y si compagns. An se enconta dan l'entreda prinzipala dla stazion de Bulsan dales 11:30, per jí con la ferata. Tla ostaria a Tluses s'enconton da les 13:15. Cost 28,00€ a cef, per mutons 14,00€. Prenotazions anter i 8 de november pa Waltraut Obwexer al numer 338 6412947.
14.11.
Domisdé cun jüc da mësa
La Biblioteca Sas dla Crusc inviëia a n domisdé d'aorela cörta cun jüc por döta la familia, deboriada cun le Spieleverein Dinx. An s'incunta en jöbia ai 14 de novëmber dales 15:00 ales 17:00, te biblioteca a La Ila.
15.11.
Batadú dla Uniun Maestri Ladins
Por direturs, insegnanc y personal de scores y scolines ladines, en sorvisc o en ponsiun; en vëndres ai 15 de novëmber dales 14:30, tla ostaria Dasser a San Martin. Iscriziuns: 15,00€ (cun cëna). Prenotaziuns pa Ulrich al 0471 847757 o 347 4254907 o le de dl batadú dales 13:00 ales 14:00 tla ostaria al 0474 523120.
16.11.
Festival Fantasy per la familia
N sada che vën dala 14:30 nchin la 18:00 te calonia de Sëlva. L VKE mët a jì l spetacul artistich per duta la familia »L'omino della pioggia« cun Michele Cafaggi, cun butles de jiefa, paiazi, lums y mujiga. Per nfurmazions y chertes danora: 333 6177786.
17.11.
Gusté »rëidl« te biblioteca
La Butëiga dl Mond Gherdëina nvieia a ciarcë si prudoc y pieta n bon café n dumënia ai 17.11. dala 10:00 nchin la 11:30 tla biblioteca Tresl Gruber a S. Cristina.

Avisc

Atualmënter
»Club Boé«
Le grup de autoaiüt »Club Boé« por problems d'alcol o d'atres dependënzes s'incunta vigni mercui dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Geims (tel. 338 5975817).
Atualmënter
Iniziativa di ëi de Puster – MIP
L'ofize dla MIP – Männer­initiative Pustertal dëida i ëi y peri pro caje de devorz, pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, vëndres dales 8:00 ales 12:00. Tel. 0474 555848, info@mip-pustertal.it
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, info.bruneck@frauen­helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16:00 ales 17:00 tla ciasa de Comun a Badia.
Atualmënter
Picolin: dotur dai dënz y doturia dla pel
Tla ciasa dl Distret Sozio­sanitar a Picolin laora n dotur dai dënz nü; implü él na doturia dla pel che á metü man so laur. Le dotur dai dënz é Attilio Langiano. Prenotaziuns al 0474 586130. Al laora lönesc 8:15 – 16:45, mertesc y jöbia 8:15 – 13:15. La doturia dla pel é Paola Comastri. Prenotaziuns cun rezeta al 0474 581040. Ara laora lönesc, mertesc, jöbia y vëndres 8:00 –16:30, mercui 8:00 – 13:30.
Uni merdi
Marënda per la jënt de tëmp
La Lia Sarëinn nvieia duta la jënt de Gherdëina sëura i 60 ani a se nuzé de chësc servisc che vën pità uni merdi a Urtijëi, S. Cristina y te Sëlva. L priesc per la marënda ie de 5 €. L ie da se lascé nuté su nchin al di dant da mesdì cherdan su per Urtijëi l 335 1031751, per S. Cristina l 333 1499949 y per Sëlva l 335 6558633.
08.11.
San Martin: Udiënza dla defensuria zivica
Udiënza dla defensuria zivica Gabriele Morandell o de süa colaboradëssa Verena Crazzolara, incö vëndres ai 8 de novëmber dales 14:30 ales 16:00, te Ciasa de Comun a San Martin de Tor. Infor­maziuns al 0471 301155.
08.11.
Radunanza Sociazion Fassa
En vender ai 8 de november da les 17:30 te sala de Consei de l'ex Ciasa de Comun de Vich la Sociazion Fassa endreza la Radunanza ge­nerèla con l tesserament e l renovament de la encèries sozièles.
08.11.
Scontrèda con Herbert Dorfmann
L Comitat Neva UAL endreza insnet, en vender ai 8 no­vember da les 20:30 te sala Simonin Maza de la scoles a Moena, na scontrèda con l'europarlamentar Herbert Dorfmann dal titol «Auto­nomìa e mendranzes, la endesfides del davegnir«.
10.11.
A Ciampedel festa de la comunanza
En domenia ai 10 de november la parochia de Ciampedel fèsc festa per l monech Giorgio Lazzer che per n muie de
egn à sport sie servije a la Comunità e per don Luigi da 20 egn a Ciampedel. Da les 10:30 messa grana e da les 12:00 marena per duc su prenotazion te la scola mesènes.
11.11.
Reuniun generala dl Consëi de Formaziun Corvara
En lönesc ai 11 de novëmber dales 20:00, te biblioteca a Calfosch. Inviá é i rapresen­tanc dles lies y düc chi che é interessá da se dé jö cun la cultura. Söl program él ince les lites.
15.11.
Corvara: la Junta de Comun incunta la popolaziun
En vëndres ai 15 de novëmber dales 17:00, tl salf dles manifestaziuns da Corvara. Al gnará porté dant la lege urbanistica nöia – mudaziuns – stromënt nü de programa-ziun, sciöche ince presenté le plann de svilup turistich dl Comun. Al sará ince lerch por les desvalies.
15.11.
Di dla porta davierta dla scoles autes de Gherdëina
N vënderdi dala 8:30-12:30 y dala 14:00-16:00 giaurirà l ITE Raetia, l Lizeum d'Ert Cademia y Scola Prufesciunela per l artejanat artistich si portes a duc i nteressei che ulëssa jì a ti cialé y udëi coche l vën laurà y nsenià.
5/28.11.
Corsc de todesch a Sèn Jan
La Biblioteca de Comun de Sèn Jan endreza corsc de todesch: dò l cors per prinzipianc, dai 5 ai 28 de november sarà chel de livel mesan, de mèrtesc e de jebia da les 20:00 a les 22:00, con ensegnant de mèrelenga. Cost 70 euro per i sentadins de Sèn Jan e 90 euro per i etres. Info e iscrizions a vigodifassa@biblio.infotn.it o al 0462 763062.

Cursc

11.11.
Vester criatifs y fé su l guant che on bele a cësa
Proiet se n sté bën: cun Marialuise y Verena dala 14:30 tla sala dla NJG a Urtijëi. Per chëi dala prima mesana inant. Da tò pea iel guant che n à nstësc, a chël che n pudëssa ti dé ite mpue' zeche de nuef. L unirà nce stichenà y cujì su sun breies y ciamëijes. Iscrizions: 0471 799006 o info@njg.it.
14.11.
Evviva! Sani y atifs nce cun diabetes
Curs debant per i amalei de diabetes, parënc o duc chëi che uel viver y maië sann. 6 ancuntedes da 2,5 ëura, for de juebia dala 17:00, dai 14.11. inant tla sënta dl raion sozio-saniter de chël che nce Gherdëina fej pert, a Kardaun. Per infos y se scrì ite (nchin ai 12.11.): Maria Luisa Mahlknecht 0471 616440, Cäcilia Harder 340 2624783.
18.11.
Pastelné cun material rezitlà
Proiet se n sté bën: per mutons y mutans dla scola elementera. N lunesc ai 18.11. dala 15:00 tla sala dla Nëus Jëuni Gherdëina, cun Ines. Per se scrì ite: 0471 799006 o info@njg.it.
23.11.
L'oma y mut/a chëuj
Proiet se n sté bën: cujiron adum na tascia cun material recycling. Sce ëis de vedl guant che sta mé decà pona tulëdel pea che pudon l adurvé. N sada ai 23.11. tla sala dla Nëus Jëuni Gherdëina. Iscrizions: 0471 799006 o info@njg.it.

Leteratura

21.11.
»Jan sun l troi dla desmincënza«
L Istitut Ladin Micurà de Rü y la Consulta ladina dl Chemun de Bulsan nvieia ala prejentazions dl romann de Roland Verra, n juebia ai 21.11. dala 18:00 tl self dla cunferënzes, tl segondo partimënt dl Vedl Chemun de Bulsan, Laubes 30. La prejentazion unirà fata da Rut Bernardi y danterite cianteràl »Tel Tipes«.

Mostres y Ert

Atualmenter
Oraries Mostra Gran Vera
La Mostra su La Gran Vera te Navalge a Moena la resta averta per dut l'uton demò de sabeda e domenia da les 15:00 a les 19:00. Se pel prenotèr vijites vidèdes per gropes ence te etres dis e oraries, chiaman l numer 346 2415776.
Atualmënter
Mejes de Gherdëina, la memoria de na cuntreda
Nchin ai 30.11. ie la mostra davierta de juebia dala 15:00-18:00, de vënderdi y sada danmesdì dala 10:00-12:30. La mostra tla Cësa de Cultura a Urtijëi, Plaza Stetteneck, ie da udëi nchin ala fin de jené 2020. Ntreda debant nchin a 26 ani.
Atualmënter
Pultredes dl dejenuefcënt
Te Tublà da Nives te Sëlva iel na mostra de fotografies fates tl scumenciamënt dl 1900 tl raion de Ruacia y Plan da Tieja. Sibe l fotograf che la jënt sun la fotos ne n'ie nia cunesciui. La mostra resterà davierta nchin ai 01.12.2019, uni di (ora che de lunesc) dala 15:00-18:00 y de dumënia nce dala 10:00-12:00.
Atualmenter
Mostra We are here
Al Zenter d'èrt Contemporana de Ciavaleis fin ai 25 de november vigni sabeda e domenia da les 15:30 a les 19:00 se pel veder la mostra de retrac dal titol We are here, aldò del concept de Roberta Segata, Elisa DI Liberato e Virginia Sommadossi.
08.11/09.11.
Mostra de Manuel Riz
L'artist fascian Manuel Riz à endrezà n percors espositif dal tìtol »Unterl@ndia« al Kunstforum Unterland de Egna, da poder veder fin en sabeda ai 9 de november da les 10:00 a les 12:00 e da les 16:00 a les 18:00.
09.11.
Poejies per i uedli y per la urëdles, de Rut Bernardi
Duman sada dala 18:00 tla sala dla Lia Mostra d'Ert a Urtijëi sun Plaza S. Antone, saràl la giaurida dla mostra cun letura leterera, ulache l curadëur dla mostra Andreas Hapkemeyer fajerà nce la ntroduzion. La mostra sarà da udëi nchin n dumënia ai 24.11. uni di dala 10:00-12:00 y dala 17:00-19:00.

Mujiga

09.11.
Gorgan Trio a La Grenz
En sabeda ai 9 de november da les 21:00 a La Baita de Moena, la sociazion La Grenz endreza l conzert de Gorgan Trio con Fiorenzo Zeni, Roberto Gorgazzini e Enrico Tommasini che sonarà toc che va dai egn '50 al funk e composizions originèles. Da les 19:30 sorpresa gastro­nomica.
10.11.
Spetacol »Cianton da Marevea«
En domenia ai 10 de november da les 20:30 te teater de l'oratorie de Poza l'é da poder veder l spetacol de solidarietà per la Siria »Cianton da Marevea«, jà portà dant con gran bon ejit ence a Firenze, n projet de la sociazion INOUT col didament del Pian Joegn La Risola.
10.11.
Cunzert de S. Zezilia dla Mujiga de S. Cristina
N dumënia dala 17:00 te sala de chemun. La Mujiga de S. Cristina nvieia a unì a scuté su l cunzert per chël che n à mparà ite sot al dirighënt Christian Hofer n program cun mujiga mpue d'uni sort, che va dala mujiga tipica da banda cun vel' solo, a sinfonies y mujiga moderna da film o avenimënc mpurtanc.
16.11.
La Ila: conzert de Santa Zezilia
En sabeda ai 16 de novëmber dales 20:00 inviëia la Müjiga da La Ila cun le Cor de Dlijia da La Ila al conzert de Santa Zezilia, te dlijia de paisc. Na sëra particolara, olache al sará da aldí melodies alternatives a chëres che an é ausá te dlijia. Al sará val' toc classics, d'atri plü vedli fora de melodies conesciüdes y ince toc moderns.
17.11.
Cunzert de S. Zezilia dla Mujiga de Sëlva
N dumënia dala 17:00 tla cësa de cultura de Sëlva. La Mujiga de Sëlva cun si dirighënt Edy Gamper lascerà audì de biei pec che à da n fé cun la montes y la cuntreda, scric nce da cumponisć de nosc raions coche danter l auter l Wolken­stein Marsch de Oswald Delago. Danterite saràl nce la sëurandat dla uneranzes.
23.11.
Ancunteda per fé mujiga deberieda
Dala 18:00 tl hotel Florian ja Ruacia/Sëlva mët la doi grupes de bal de Gherdëina y la Scola de Mujiga de Gherdëina a jì na sëira de mujiga da mont. Duc chëi a chëi che ti sà bel a balé, suné o scuté su mujiga da mont ie nviei. Danora sunerà i sculeies dla scola de mujiga y plu tert puderàn nce se maië zeche da cëina.
26.11.-08.12.
Cianta cun nëus
L Cor de Runcadic nvieia à unì a cianté pea l Cunzert d'Avënt ai 8.12. tla dlieja de Runcadic. La prima proa sarà n merdi ai 26.11. pona ai 27. y 29.11., ai 3. y 6.12. for dala 20:00 tla Scola Elementera de Runcadic. L unirà mparà ite de blòta cianties che duc ie boni de cianté. Infos: 380 3782188. Pudëis nce unì ala diretamënter ala prima proa.

Referac

08.11.
Badia: Ne stede a ves temëi dai mituns che plüra
La Biblioteca Sas dla Crusc mët a jí incö vëndres ai 8 de novëmber dales 20:00 te biblioteca a Badia, n referat cun Gabriela Mair am Tinkhof, dal titul »Keine Angst vor trauernden Kindern«.
12.11.
Calfosch: La morvëia dl'India
En mertesc ai 12 de novëmber dales 20:00 él te Ciasa dles Uniuns da Calfosch na serada cun Michaela Pizzinini, che unta esperiënzes personales che ara á fat tl'India. Organi­saziun: Consëi de Formaziun Corvara.
12.11.
Amadablam – N viac cuntà
N merdi ai 12 de nuvëmber dala 20:30 te Tublà da Nives te Sëlva saràl na sëira cun chedri a culëures, ulache Christian Denicolò de Sëlva cunterà de na spedizion sun l Amadablam tl Himalaya.
12.11.
Yoga per i uedli
Dala 20:00 te calonia de Sëlva, cun Erika Lantschner Kiem. La gaujes ciuldì che n vëija puech possa vester defrëntes, dal sfurzé de massa a blocades emoziuneles, vester massa trac o nce n stil de vita o maië nia aldò. Te chësc workshop vëniel mustrà coche n possa se judé tres eserzizies, massajes o tecniches de tré l fla o relax.
13.11.
»Zero waste« na vita zënza maroca
Proiet se n sté bën: n mierculdi ai 13.11. dala 20:00 tl local Saut a Urtijëi, cun Maria Lobis. I sculeies dla 2. mesana fajerà na pitla ntroduzion. Tlo se tràtel de mparé a viver a na maniera da smendré la maroca l plu che la va. Mudan mpue' de zeche sons povester boni de fé velch per nosc daunì.
15.11.
Nosta montes y la mudazion dl tlima
La Lia da Mont de Gherdëina nvieia n vënderdi sëira dala 20:00 tla pitla sala dla cësa de cultura a Urtijëi, a na sëira cun l geologh Lukas Mussner che mustrerà chedri a culëures y cunterà dl mudé dla tempe­ratures te nosta montes.
20.11.
Panuces de stof – sëira de nfurmazion
Proiet se n sté bën: sëira de nfurmazion n mierculdi ai 20.11. dala 20:00 tla sala Raiffeisen te cësa de chemun a S. Cristina, cun Barbara Moroder. N ne à nia drë de se lascé nuté su. Panuces de stof òven ntlëuta te uni familia. Śën iesi inò tl unì. I ne fej nia mé bon ala sanità ma nce al ambient.

Chino

Uni vënderdi
Sëires de chino te bibliotech
De vënderdi sëira iel l LiteraKino dala 20:30 tla biblioteca San Durich a Urtijëi. L program plu avisa di films che unirà mustrei ie da udëi te bibliotech, ulache l ie nce julantins da pudëi se tò pea.
08.11.
Chino de Tieser
En vender ai 8 de november da les 20:45 l'é l spetacol de teater »Interno con cadavere«.
09.11/17.11.
Chino de Cianacei
En sabeda ai 9 e en domenia ai 10 da les 17:00 l'é »Il piccolo yeti« e da les 21:15 l'é »Finchè morte non ci separi«. En vender ai 15 de november da les 20:30 l'é l conzert »Ladinia meets Japan«, en sabeda ai 16 da les 21:15 e en domenia ai 17 da les 17:00 e da les 21:15 l'é »Motherless Brooklyn«.

RADIO

08.11.–14.11.
»LADINIA LIVE«: Microfons davierc sun atualità y cultura
12.11.
Les ativites dl Ofize Chestiuns linguistiches
da les 13:45, te nosta cité de provinzia laora n gröm de ladins por le ladin. Te chësc program ves presënta RAI Ladinia l'ativité dl Ofize Chestiuns Linguistiches adöm ala linguista Isabella Ties. Moderaziun: Sara Frenner.
08.11.–14.11.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA
13.11.
UNI tl radio: olà e can vegnel pa rejonà ladin?
da les 19:05, con Ellen Declara prejentaron l'argoment de si tesi de laurea olache l'à enrescì can e co i bec doura l ladin tres n cuestionar fat a 90 scolarès de la Val Badia e de Gherdëina. Dai ejic vegn fora n chèder multiculturèl e multilinguistich olache vegn rejonà tropes lengac da foradecà. Program de Anna Mazzel.
14.11.
La segurëza sön strada
da les 19:05, les prömes brojes incërëia la strada y chi che se mët sön tru cun l'auto pó ester al prigo, sce ai ne se tëgn nia ales regoles dla segurëza stradala. Te chësc program orunse recordé cun Oliver Kostner, comandant dla polizia de comun da Ortijëi, chël che é le dër comportamënt da to ite por se stravardé da inzidënc y straufunghes. Program de Sara Frenner.

TELEVIJION

12.11.
Sport ladin
da les 20:50, trasmisciun de Diego Clara y Hartmann Mairhofer, a cura de Leo Senoner.
13.11.
Biografies y testemonianzes: Tresl Gruber
da les 20:50, Tresl Gruber é nasciüda a Urtijëi tl 1897. Do avëi fat la scora elementara âra fat la scola d'ert a Urtijëi y á studié ert y architetöra. Tresl Gruber ê dër na bona da dessigné y ara s'á ince de jö dër tröp cun le lingaz ladin. N program de Erika Castlunger, camera y tai de Fulvio de Martin Pinter, a cura de Anna Mazzel.
14.11.
L'Istitut Ladin tl'Accademia della Crusca a Firenze
da les 20:50, program de Leo Senoner.
08.11.–14.11.
Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les trasmiscions radio sota »Podcast«.

Sport

08.11/28.11.
Ginastica pre-schi col Ski Team Fascia
Fin ai 28 de november va inant l cors del Ski Team Fascia de ginastica pre-schi per i bec no agonisć de la populères e de pruma mesèna: l'é 8 lezions de n'ora al cost de 35 euro. Informaziuns e enscinuazions al più prest per mail a info@skiteamfassa.it o per telefon al 0462 764111.

Sozial

Atualmenter
Portel de referiment sozièl
Te Comun general, te strèda di Pré de Gejia a Sèn Jan vegn metù a jir n portel de refe­riment sozièl per problemes de dependenzes o de autra sort, avert a duc e no a pa­ament. Ge vel se prenotèr a la Coprativa sozièla Le Rais chiaman l 370 3004296 o scriver a: sportello.lerais@gmail.com.
Atualmënter
Nadel tla scatula dai ciauzei
Nce chëst ann nvions duc a fé pea. L ie na azion de scincundes per ti purté mpue' de legrëza a mutons manco fertunei che viv tla Polonia, Ucraina y Lituania. Pudëis ve nfurmé y dé ju vosta scatules tla biblioteches S. Durich a Urtijëi, Tresl Gruber a Santa Cristina y O.v. Wolkenstein te Sëlva nchin ai 15.11.2019.

Galaria retrac