Manifestazions atuales

Data

15 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 15 de november
Referac
15.11.
Nosta montes y la mudazion dl tlima
La Lia da Mont de Gherdëina nvieia n vënderdi sëira dala 20:00 tla pitla sala dla cësa de cultura a Urtijëi, a na sëira cun l geologh Lukas Mussner che mustrerà chedri a culëures y cunterà dl mudé dla temperatures te nosta montes.
15.11.
Badia: Referat »Iconografia di angeli«
Le Consëi de Formaziun Badia inviëia a n referat cun Danila Serafini, incö vëndres ai 15 de novëmber dales 20:00 tla Ciasa J. B. Runcher a Badia. Tl referat vëgnel splighé coche i angeli é gnüs rafigurá ti secui desvalis, coche chësta sort de rafiguraziun é gnüda condizionada dala storia y dala religiun.
19.11.
Politica soziela cun la assessëura Waltraud Deeg
N merdi dala 19:30 te calonia a Urtijëi. Te Südtirol iesen stac boni de se fé sun n sistem de bënsté. Acioche chësc posse jì inant, nce sce la ressursen vën mëndres, vàla che trueps lëure deberieda. La sëira dl KVW ie dedicheda a genitores, a chëi che a zachei da secudì a cësa, jëuni che à da permò scumencià a lauré.
20.11.
Panuces de stof – sëira de nfurmazion
Proiet se n sté bën: sëira de nfurmazion n mierculdi ai 20.11. dala 20:00 tla sala Raiffeisen te cësa de chemun a S. Cristina, cun Barbara Moroder. N ne à nia drë de se lascé nuté su. Panuces de stof òven ntlëuta te uni familia. Śën iesi inò tl unì. I ne fej nia mé bon ala sanità ma nce al ambient.
20.11.
Rituai y usanzes canche al mör na porsona
La Uniun Seniores da Lungiarü inviëia en mercui ai 20 de novëmber dales 20:00 tl salf a Lungiarü al referat »Rituai y usanzes canche al mör na porsona – co me comporti canche al vëgn da surantó val' sorvisc«. Referënt é siur Tone Fiung.
22.11.
Menopausa
Cun l dutor Heinz Santifaller n vënderdi dala 20:00 tla cësa dla lies a Runcadic. Problems tla menopausa, sintoms che vën dant suvënz y cie che n possa fé de contra. Iel pa vel' da tel nce pra i ëi? Nviei ie ëi y ëiles da 40 ani insù. Metù a jì dal KVW.
28.11.
Mudé de 1,5° – Tlima dl mond y politica per l tlima
Tla pitla sala dla cësa de cultura de Urtijëi mët la Lia per Natura y Usanzes a jì n referat cun dlaziologh Georg Kaser y l ecologh de vegetazion Georg Niedrist n con'dla fazion dl mudamënt dl tlima y dla nuzeda di teraces sun l ecosistem dla montes. Moderazion de Andreas Riedl dla Lia provinziela natura y ambient.

RADIO

15.11.-21.11.
»LADINIA LIVE«:
Microfons davierc sun atualità y cultura
Da aldí vigni mertesc y mercui da les 13:45 ales 14:00
15.11.-21.11.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA
20.11.
La soricia (4) – La Re-ladinisazion e l turism
da les 19:05, Tita Chegapeton, l'agent secret de Piz Ciavazes conta insnet vèlch de più de la funzion di operatores turistics e del turism vedù desche oportunità per l colonialism cultural. La Re-ladinisazion passa ence tres la cultura che é desche l'amor: al dèr inant l doventa maor! Program de Anna Mazzel.
21.11.
N compagn de papier
da les 19:05, al röia ti posć plü desvalis, dlungia let, te na tascia, te ferata o a cöi sö stöp sön na scafa. Anfat olá, le liber é chël compagn, che se dá aorela cörta y che aspeta paziënt da gní platerné. Chësc program lascia ester le liber le protagonist. Program de Sara Frenner.

TELEVIJION

19.11.
Cult rituai da inier y incö: Sansoni
da les 20:50, tante l é le coltivaziogn che ntei secui ie jude n desmentia, ma un dei magnei che à passà via la modernizazion e che ncora l ven metù ju nte cemp e orc l è i sansoni. Program de Giulia Tasser y Hanspeter Karbon, a cura de Alessandro Dapunt.
20.11.
Trail spezial
da les 20:50, a cura dla redaziun.
21.11.
Deboriada: La respunsabltà
da les 20:50, program de Ivan Senoner y Georg Penn, a cura de Leo Senoner.
15.11.–21.11.
Informaziuns
Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les trasmiscions radio sota »Podcast«.

Mostres y Ert

Atualmënter
Mostra dl Fotoclub Val Badia
Tl salf dl Istitut Ladin a San Martin de Tor él da odëi cina ai 22 de novëmber la mostra cun les plü beles fotos dl concurs de fotografia »20 agn – 20 corusc«. La mostra é daverta dal lönesc ala jöbia dales 10:00 ales 12:00 y dales 15:00 ales 17:00, le vëndres dales 10:00 ales 12:00.
Atualmenter
Oraries Mostra Gran Vera
La Mostra su La Gran Vera te Navalge a Moena resta serèda al pubblich fin ai 7 de dezember. Se pel ampò prenotèr vijites vidèdes per gropes chiaman l numer 346 2415776.
Atualmënter
Mejes de Gherdëina, la memoria de na cuntreda
Nchin ai 30.11. ie la mostra davierta de juebia dala 15:00-18:00, de vënderdi y sada danmesdì dala 10:00-12:30. La mostra tla Cësa de Cultura a Urtijëi, Plaza Stetteneck, ie da udëi nchin ala fin de jené 2020. Ntreda debant nchin a 26 ani y per duc la juebies mé ntan l mëns de nuvëmber.
Atualmënter
Pultredes dl dejenuefcënt
Te Tublà da Nives te Sëlva iel na mostra de fotografies fates tl scumenciamënt dl 1900 tl raion de Ruacia y Plan da Tieja. Sibe l fotograf che la jënt sun la fotos ne n'ie nia cunesciui. La mostra resterà davierta nchin ai 01.12.2019, uni di (ora che de lunesc) dala 15:00-18:00 y de dumënia nce dala 10:00-12:00.
Atualmenter
Mostra We are here
Al Zenter d'èrt Contemporana de Ciavaleis fin ai 25 de november vigni sabeda e domenia da les 15:30 a les 19:00 se pel veder la mostra de retrac dal titol We are here, aldò del concept de Roberta Segata, Elisa Di Liberato e Virginia Sommadossi.
Nchin ai 24.11.
Poejies per i uedli y per la urëdles, de Rut Bernardi
La mostra tla sala dla Lia Mostra d'Ert a Urtijëi sun Plaza S. Antone ie mo da udëi nchin n dumënia ai 24.11. uni di dala 10:00-12:00 y dala 17:00-19:00.
15.11.
Artetrentina al Zenter Èrt Contemporana
En vender ai 15 de november da les 18:00 al Zenter de Èrt Contemporana de Ciavaleis vegn prejentà »Artetrentina« la revista de l'èrt tel Trentin con Warin Dusatti, Roberta Bonazza, Fiorenzo Degasperi, Eleonora Dusatti e Valentina Serafini.

Sport

08.11/28.11.
Ginastica pre-schi col Ski Team Fascia
Fin ai 28 de november va inant l cors del Ski Team Fascia de ginastica pre-schi per i bec no agonisć de la populères e de pruma mesèna: l'é 8 lezions de n'ora al cost de 35 euro. Informazions e enscinuazions al più prest per mail a info@skiteamfassa.it o per telefon al 0462 764111.

Cursc

18.11.
Pastelné cun material rezitlà
Proiet se n sté bën: per mutons y mutans dla scola elementera. N lunesc ai 18.11. dala 15:00 tla sala dla Nëus Jëuni Gherdëina, cun Ines. Per se scrì ite: 0471 799006 o info@njg.it.
23.11.
L'oma y mut/a chëuj
Proiet se n sté bën: cujiron adum na tascia cun material recycling. Sce ëis de vedl guant che sta mé decà pona tulëdel pea che pudon l adurvé. N sada ai 23.11. tla sala dla Nëus Jëuni Gherdëina. Iscrizions: 0471 799006 o info@njg.it.
13.01.-17.02.
Curs per se njenië ca a parturì
Per ëiles che aspieta y genitores dl daunì, che à l terminn de merz/auril 2020. L'ancuntedes sarà te palestra dla cësa de paussa a Urtijëi uni lunesc dala 16:00 ala 18:00/19:00. Iscrizions: CUPP tel. 0471 457457 8:00-16:00 dal lunesc al vënderdi; email vormerkung.bz@sabes.it; ëifoma 0471 797778, assistënta sanitera 0471 794290.

Temp Lede

15.11.
Batadú dla Uniun Maestri Ladins
Por direturs, insegnanc y personal de scores y scolines ladines, en sorvisc o en ponsiun, incö vëndres ai 15 de novëmber dales 14:30, tla ostaria Dasser a San Martin. Iscriziuns: 15,00€ (cun cëna). Prenotaziuns le de dl batadú dales 13:00 ales 14:00 tla ostaria al 0474 523120.
16.11.
Festival Fantasy per la familia
Duman sada dala 14:30 nchin la 18:00 te calonia de Sëlva. L VKE mët a jì l spetacul artistich per duta la familia »L'omino della pioggia« cun Michele Cafaggi, cun butles de jiefa, paiazi, lums y mujiga. Per nfurmazions y chertes danora: 333 6177786.
17.11.
Gusté »rëidl« te biblioteca
La Butëiga dl Mond Gherdëina nvieia a ciarcë si prudoc y pieta n bon café n dumënia ai 17.11. dala 10:00 nchin la 11:30 tla biblioteca Tresl Gruber a S. Cristina.
23.11.
Val Badia: Cëna dla classe 1979
En sabeda ai 23 de novëmber él chi dl 1979 dla Val Badia che fej festa por sü pröms 40 agn. An s'incunta dales 19:00 a »La Bercia« a La Ila, por na pizza düc adöm. Al é da s'anunzié anter i 20 de novëmber pro Anita al numer de telefon339 2965830 o Lena al numer 335 1705175.
23.-24.11.
Prix Days, gran fin dl'ena de juesc
A Urtijëi tl'aula magna dla Scola elementera dala 10:00-18:00. Gran fin dl'ena cun na vela de plu de 500 juesc da mëisa per granc y pitli, Cuboro, Geomag, sezion per juesc strategics y mo scialdi deplù. Unide a nes crì pra la majera festa dl juech te Gherdëina. Ntreda 3 €, per families 8 €. Sala a tema »Juesc XXL«.
24.11.
Mi prim liber »Book start«
N dumënia dala 10:00-11:30 tla biblioteca Tresl Gruber a S. Cristina. Nviei ie duc i pitli nasciui tl ann 2018 cun si genitores a unì a se tò si prim liber y a sté mpue deberieda a s'la ciaculé.
24.11.
Batadù da 128 di Destudafuech de Sëlva
N dumënia ai 24.11. tla sala di Destudafuech te Sëlva. Da se scrì ite iel n chëla di dala 11.00 inant. L sarà inò de biei pesć da vëncer. Gran ola dla fertuna y turnoi de mau mau per i pitli. Bele dala 10.00 danmesdì scumenceràn cun l »Frühschoppen« per jì inant da dedò cun marënda y törggelen.
30.11.
San Martin: Festa dl volontariat
En gaujiun dl de internazional dl volontariat é volontars y volontares dla Ciasa de Palsa Ojöp Frëinademetz y dötes les uniuns che á fat val' sorvisc volontar ia por l'ann inviá a na mëssa de rengraziamënt cun pice renfrësch, en sabeda ai 30 de novëmber dales 15:30, te capela dla Ciasa de Palsa. Inviades é ince les porsones interessades a fá n sorvisc de volontariat pro berbesc y mëdes.

Avisc

Atualmënter
Sorvisc de consulënza por jogn y geniturs
Por jogn, jones y geniturs sön temesc che reverda la jonëza y l'educaziun: vigni 2. y 4. mercui dl mëis dales 09:30 ales 11:30 tl Zënter Pedagogich a Picolin (alzada -1) y vigni 2. y 4. vëndres dales 13:00 ales 15:00 tl SaJ.un a La Ila (Ciasa dla Cultura, alzada -2). An ne mëss nia s'anunzié y al é debann. Infos: barbara@jogn.org o 342 8410721.
Atualmënter
»Club Boé«
Le grup de autoaiüt »Club Boé« por problems d'alcol o d'atres dependënzes s'incunta vigni mercui dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Geims (tel. 338 5975817).
Atualmënter
Orars dla Portina por l'assistënza y cura tl Raiun Soziosanitar a Picolin
La Portina por l'assistënza y cura, é daverta 3 iadi al'edema: lönesc 14:00 – 16:00, mercui y jöbia 10:00 – 12:00, numer de telefon 0474 586123. Le team informëia sön sorvisc, poscibilités de sostëgn y alisiramënt, aiüc esistënc, dërc y dovëis, sostëgn finanziar y i.i. y dëida fá de vigni sort de domandes y pratiches.
Atualmënter
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16:00 ales 17:00 tla ciasa de Comun a Badia.
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, info.bruneck@frauen­helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Picolin: dotur dai dënz y doturia dla pel
Tla ciasa dal Distret Soziosanitar a Picolin laora n dotur dai dënz nü; implü él na doturia dla pel che á metü man so laur. Le dotur dai dënz é Attilio Langiano. Prenotaziuns al 0474 586130. Al laora lönesc 8:15 – 16:45, mertesc y jöbia 8:15 – 13:15. La doturia dla pel é Paola Comastri. Prenotaziuns cun rezeta al 0474 581040. Ara laora lönesc, mertesc, jöbia y vëndres 8:00 –16:30, mercui 8:00 – 13:30.
15.11.
Corvara: la Junta de Comun incunta la popolaziun
Incö vëndres ai 15 de novëmber dales 17:00, tl salf dles manifestaziuns da Corvara. Al gnará porté dant la lege urbanistica nöia – mudaziuns – stromënt nü de programaziun, sciöche ince presenté le plann de svilup turistich dl Comun. Al sará ince lerch por les desvalies.
15.11.
Di dla porta davierta dla scoles autes de Gherdëina
Ncuei vënderdi dala 8:30-12:30 y dala 14:00-16:00 giaurirà l ITE Raetia, l Lizeum d'Ert Cademia y la Scola Prufesciunela per l artejanat artistich si portes a duc i nteressei che ulëssa jì a ti cialé y udëi coche l vën laurà y nsenià.
15.11.
Corvara: la Junta de Comun incunta la popolaziun
Incö vëndres ai 15 de novëm­ber dales 17:00, tl salf dles manifestaziuns da Corvara. Al gnará porté dant la lege urbanistica nöia – mudaziuns – stromënt nü de progra­maziun, sciöche ince presenté le plann de svilup turistich dl Comun. Al sará ince lerch por les desvalies.
17.11.
Scincundes da Nadel, percie pa no de segonda man
Marcià n dumënia dala 14:00-16:00 tla sala Raiffeisen a S. Cristina. Dala 9:00-12:00 pòssen purté y domesdì cumpré d'uni sort de bela roba che pudëssa deventé scincundes da Nadel! N dà nce cunsëies per calëndri d'Avënt, lëns da Nadel auternatifs y bonns per servijes da scinché. L cianta »Tel Tipes«. Info 338 5269906.
17.11.
Family Day coi Fascia Falcons e Krampus
En domenia ai 17 de november Fascia Falcons, Krampus da Poza e sociazion Bambi, endreza l Family Day. Da les 12:00 tornoi de hockey U.9 anter Fascia, Fiem e Perjen, da les 14:30 duc su la giacia coi Kampus, da les 16:30 most e castagnes coi Alpins Auta Fascia e da les 18:00 partida de hockey Fascia Falcons-Linz.
21.11.
Generela dla Lia da Mont cun veles dl cunsëi nuef
N juebia 20.00 tla Pitla Sala tla cësa de cultura de Sëlva tenirà la Lia da Mont de Gherdëina si senteda generela, ulache l sarà nce la veles dl cunsëi nuef. Duc i cumëmbri y simpatisanc ie nviei. Te chësta ucajion puderàn nce bele cumpré l bolin dl AVS y CAI per l ann 2020.
23.11.
Senteda generela dl KVW Sëlva
N sada dala 15:00 tla Pitla Sala tla cësa de cultura de Sëlva. Sun l program iel: relazion dl 2019, nuviteies tl ciamp dla pension y dl soziel, manifestazions 2020, pitla marënda cun mujiga. N puderà nce bele paië ite la cherta per l 2020 (20 €) y pië do na pitla scincunda per i 70 ani da canche l KVW ie unì metù su.
23.11.
Cena con delit te Cèsa de Paussa
La Sociazion Cheghes de Fascia, i Bontemponi e l'APSP de Fascia endreza na sera de benefizenza per la cures paliatives. En sabeda ai 23 de november da les 20:00 l'é la cena con delit dal titol »A.A.A. Giovannino chier compagnìa«, l cost de la cena é de 35 euro, info e prenotazions al 347 7730741.
23.11.
Convegn sul davegnir de le ASUC
En sabeda ai 23 de november le ASUC de Fascia e Fiem endreza na scontrèda scientifica sul davegnir de le Frazion te la veia senta del Consorzie Eletrich te Vidor. Se taca te da les 10.30 con n debatit con Pietro Nervi e Paolo Grossi. L convegn va inant ence domesdì con la vijita te Val de Sèn Nicolò e al Museo del Segat.

Mujiga

16.11.
La Ila: conzert de Santa Zezilia
Indoman sabeda ai 16 de novëmber dales 20:00 inviëia la Müjiga da La Ila cun le Cor de Dlijia da La Ila al conzert de Santa Zezilia, te dlijia de paisc. Na sëra particolara, olache al sará da aldí melodies alternatives a chëres che an é ausá te dlijia. Al sará val' toc classics, d'atri plü vedli fora de melodies conesciüdes y ince toc moderns.
17.11.
Cunzert de S. Zezilia dla Mujiga de Sëlva
N dumënia dala 17:00 tla cësa de cultura de Sëlva. La Mujiga de Sëlva cun si dirighënt Edy Gamper lascerà audì de biei pec che à da n fé cun la montes y la cuntreda, scric nce da cumponisć de nosc raions coche danter l auter l Wolkenstein Marsch de Oswald Delago. Danterite saràl nce la sëurandata dla uneranzes.
23.11.
Ancunteda per fé mujiga deberieda
Dala 18:00 tl hotel Florian ja Ruacia/Sëlva mët la doi grupes de bal de Gherdëina y la Scola de Mujiga de Gherdëina a jì na sëira de mujiga da mont. Duc chëi a chëi che ti sà bel a balé, suné o scuté su mujiga da mont ie nviei. Danora sunerà i sculeies dla Scola de Mujiga y plu tert puderàn nce se maië zeche da cëina.
24.11.
S. Zezilia cun l Cor de Runcadic
N dumënia ai 24.11. dala 10:00 te dlieja de Runcadic, n ucajion de S. Zezilia cianterà l Cor de Runcadic acumpanià dal'urchestra la »Dukaten-Messe« de W.A. Mozart.

Teater

Atualmënter
La Ila: teater »Belëza, soius y bëgnsté«
L'Uniun Teater La Ila inviëia ala comedia tuta dal original »Spa, Beauty & Dosenwurst« de Pirmin Stern, cun la rejia de Erika Castlunger. Les rapresentaziuns é incö vëndres ai 15 de novëmber dales 20:30 y en domënia ai 17 dales 15:00, tla Ciasa de Cultura a La Ila. Prenotaziuns al 333 2525740.
15.-16.11.
»De surices y persones«
La grupa de Teater de Urtijëi lascia udëi l pez per tudësch »Von Mäusen und Menschen« do n romann de John Steinbeck y mparà ite sot ala regia de Luis Mahlknecht, mo ncuei vënderdi 15.11. y duman sada 16.11. dala 20:00 tl Typak Center a Runcadic. Chertes danora iel da giapé tla butëiga »Scudela« a Urtijëi, tel. 0471 797298.
28.11- 01/12/14.12.
Comedia de La Mizacoles
La Mizacoles de Ciampedel met dant na neva comedia dal titol »Fossa stat assà na ferlèda«, 2 ac da grignèr de Loredana Cont. En jebia ai 28 de november da les 20:30, en domenia al prum de dezember da les 15:30, en jebia ai 12 e en sabeda ai 14 de dezember da les 20:30 te teater de Ciampedel.

Dotors

Dutor Gherdëina
L dutor de servisc da n sada ai 16.11. dala 8:00 daduman nchin n lunesc ai 18.11. dala 8:00 dadum ie l dutor Simon Kostner de Sëlva, tel. 347 2297492.
Doturs Val Badia
Le dotur en sorvisc ti cin' comuns dla Val Badia, tl fin dl'edema di 16 y 17 de novëmber, é le dotur Edoardo Agreiter, San Martin de Tor, telefoné al 0474 523315 o 333 1380852.

Apoteches

Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 15.11. nchin n vënderdi ai 22.11. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L'apoteca en sorvisc fora dl orar ordinar, dal vëndres al 15 de novëmber dales 19:00 al vëndres ai 22 de novëmber ales 19:00, é chëra da Corvara, tel. 0471 830237.

Chino

Uni vënderdi
Sëires de chino te bibliotech
De vënderdi sëira iel l LiteraKino dala 20:30 tla biblioteca San Durich a Urtijëi. L program plu avisa di films che vën mustrei ie da udëi te bibliotech, ulache l ie nce julantins da pudëi se tò pea.
15/17.11.
Chino de Cianacei
Insnet, vender ai 15 de november da les 20:30 l'é l conzert »Ladinia meets Japan«, en sabeda ai 16 da les 21:15 e en domenia ai 17 da les 17:00 e da les 21:15 l'é »Motherless Brooklyn«.
16/24.11.
Chino de Tieser
En sabeda ai 16 de november da les 21:15 e en domenia ai 17 da les 20:30 l'é l film »Terminator«, en jebia ai 21 da les 21:15 l'é »Yuli-Danza e libertà«, en vender ai 22 da les 21:15 e en domenia ai 24 da les 17:00 l'é »Attraverso i miei occhi«, en sabeda ai 23 da les 21:15 e en domenia ai 24 da les 20:30 l'é »Motherless Brooklyn«.

Sozial

Atualmenter
Portel de referiment sozièl
Te Comun general, te strèda di Pré de Gejia a Sèn Jan vegn metù a jir n portel de refe­riment sozièl per problemes de dependenzes o de autra sort, avert a duc e no a paament. Ge vel se prenotèr a la Coprativa sozièla Le Rais chiaman l 370 3004296 o scriver a: sportello.lerais@gmail.com.
Atualmënter
Pensionisć – lëur – auzé la pension
Persones che ie n pension possa lauré nce sce les giapa bele la pension. I cuntribuc soziei paiei ite tl tëmp che n ti va do a n lëur, sciche dependënc o nce sce n lëura autonomamënter, dà la rejon de giapé mpue' na majera pension. La dumanda possa unì fata dal patronat KVW www.mypatronat.eu.
Atualmënter
Slungiamënt dla agevolazion dl 50% dla chëutes
Per lëures de restruturazions puderàn inant tré ju l 50% dala chëutes y chël nchin ala fin dl 2020. Slungià vëniel nce chël de pudëi tré ju dala chëutes l 50% sce n compra mubilia y njins eletrics dla tlas energetica A+ o plu auta, che vën adurvei per l cuatier ressanà.
22.11.
Deberieda: pizza y juesc dala Nëus Jëuni
Se urton dala 15:00 dan la Cësa de Paussa a Urtijëi per jì dala Nëus Jëuni Gherdëina, ulache fajeron na pizza y a »Mensch ärgere dich nicht«. »Deberieda« ie na grupa per se ancunté danter persones che à problems psichics o de sozialisazion cun ulenteres. Infos: 0471 798015.

Publizistica

16.11.
Liber de cianties: Jon a cianté!
Duman sada dala 16:00 tla gran sala dla cësa de cultura a Urtijëi nvieia l Istitut Ladin Micurà de Rü ala prejentazion dl liber cun 25 cianties tradiziuneles per mutons, te 4 rujenedes, de André Comploi. Viktor Canins à scrit la cianties per gherdëina. L cianterà mutons y mutans dla Scola de Mujiga de Gherdëina.

Galaria retrac