Manifestazions atuales speziales

Data

22 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 22 de november
»Chill down« y »Bad Jokers« a La Ila
I dui grups da Türesc sona incö vëndres ai 22 de novëmber da sëra tl Saj.un
Le conzert cun i »Bad Jokers« tl SaJ.un a La Ila é gnü sposté dai 8 ai 22 de novëmber por gauja dl burt tëmp. Porchël sonará incö vëndres ai 22 de novëmber dales 21:00 le grup »Chill down«, na band rock metüda adöm da n valgügn jogn da Türesc. Ai scialdará ite le palch por ti lascé spo lerch al grup di »Bad Jokers«. Les cianties rock cun tesć todësc, tira le publich bele da n gröm d'agn incá. Adöm cun le grup Frei.Wild ési ti ultims agn stá da aldí sön de plü palcs europeics y á de fora n valgügn CDs, danter l'ater »Da kommen wir her«. L'entrada é debann!

Santa Tarina: Segra da Corvara
En lönesc ai 25 de novëmber tl salf Franz Angel Rottonara a Corvara
I Stüdafüch da Corvara á le plajëi da invié ala Segra da Corvara – Santa Tarina, en lönesc ai 25 de novëmber. La festa mët man dales 9:00 cun la mëssa ciantada, por jí spo inant dales 10.00 cun na matinée abelida dai »Pazedins«. Dales 14:00 él söl program le gran batadú (prenotaziuns al numer 335 8335841) y dales 20:30 inant cina ala 1 sona spo le grup »Vollgas«.
Da sëra vëgnel metü a desposiziun n sorvisc de taxi debann, che vëgn a do y condüj a ciasa (tel. 348 2620029). Diendl y braia de coran é bëgnodüs.

Peter Kofler y Gábor Tarkövi
Cunzert de orgun y tumbrëta n mierculdi ai 27.11. dala 20:30 tla dlieja de Urtijëi
L proscimo cunzert di Jëuni de Mujiga de Gherdëina ie n cunzert de orgun y tumbrëta. L ugrister ie l sudtirolesc Peter Kofler, che ie nce cembalist. Cun tramedoi strumënc àl na gran atività cunzertistica sibe sciche solist che deberieda cun ensembles renumei. Davia che si sënta de lëur ie a Minca àl iló nce metù a jì l festival nternaziunel per orgun y nsënia tla scola auta per mujiga y teater.
Gábor Tarkövi ie ungaresc, vën ora de na familia de musizisć y à mparà a suné la vidula. Permò plu inant àl scumencià cun la tumbrëta y ie pona unì nciarià sciche solist y a suné pra plu ur­chestres di Paejes Tudësc. Tl cunzert a Urtijëi saràl da audì de plu cumposizions de Johann Sebastian Bach y pec de Georg Friedrich Händel, Tartini, Holzmann y Loeillet.

Simon Kostner »P... sciöche patrimone«
N vënderdi ai 29 de nuvëmber te Tublà da Nives te Sëlva
Tl 2009 ie la Dolomites unides recunesciudes sciche Patrimone mundiel dl'umanità UNESCO. Śën che l ie passà 10 ani, savons'a perdrët cie che chësc uel dì? Cie cumpòrtel pa? Ce vantajes ons'a? Ciuna ie pa l'autra pert dla bedaia? Tan inant ulons'a fé cunëscer mo deplù nosc raion che ie bele tan cunesciù? Y dantaldut: co pudons'a fé a tré ora mo deplù scioldi dal'UNESCO?
Do mënsc y mënsc de stude desperà nes prejënta Simon Kostner la respostes a chësta dumandes – dantaldut al'ultima, che ie de mpurtanza fundamentala per l daunì dl raion dla Dolomites y de si jënt.
N vënderdi ai 29.11.19, dala 20:00, te Tublà da Nives te Sëlva.
Davia che l ie mé 90 lueges da garat Ve prions bel de apusté la lerch danora scrijan a info@tubladanives.it (mob. 333 7166471).
Ntreda: 10 €; 8 € (per cumëmbri).

Gramatica ladin gherdëina
L Istitut Ladin Micurá de Rü Ve nvieia de cuer ala prejentazion dla verscion sun papier y online, ai 29 nuvëmber tl ITE Raetia de Urtijëi, dala 17:00
L'opra che unirà prejenteda ie na arpejon de gran valor per la mendranza linguistica plu vedla de nosta region. Do la paroles de salut dl diretëur dl Istitut Ladin Leander Moroder, saràl l autëur Marco Forni che prejenterà l'opra, sibe te si verscion sun papier che online, deberieda cun Paolo Anvidalfarei dl Istitut Ladin che se à cruzia dla mpaginazion y dla pert grafica. Ntan la prejentazion saral nce l ntervënt de Ruth Videsott che ie tl lëur de lauré ora deberieda cun Sara Moling na gramatica feter sun l medemo mëudl per l ladin dla Val Badia.

»Al é ma en tru«
Chësc le titul de na serada cun Zenzo Obwegs d'Al Plan, olache al cunta, cianta y mostra impresciuns de so iade sön le Camino de San Iaco. Ai 29 de novëmber
»Al é ma en tru«. 29 dis, 1.405.134 vari, 930 km: Zenzo cunta de so iade sön le tru de San Iaco, te na sëra de musiga, fotografies y impresciuns positives y negatives danter la ligrëza dl ester pelegrin y le gran marcé ascognü do ia. L'apuntamënt é por en vëndres ai 29 de novëmber dales 20:00, te salf dles mani­festaziuns d'Al Plan. Entrada lëdia.

Gran batadù da 128
Metù a jì dai Destudafuech de Sëlva, n dumënia ai 24.11. cun »Frühschoppen« y Törggelen per duc
Per l batadù de n dumënia pòssen se scrì ite dala 11:00 danmesdì inant tla sala di Destudafuech de Sëlva, scumencià a carté vëniel dala 14:00. L sarà inò de biei pesć da vëncer y per i prims n schipas de Gherdëina per duta la sajon. Oradechël saràl nce na ola dla fertuna cun truep pesć da tré ala busca. Per mutons y mutans da 5 a 12 ani vëniel metù a jì n turnoi de Mau Mau.
I Destudafuech de Sëlva nvieia duc a unì bele dala 10.00 danmesdì, ulache n scumencerà cun lianies blances y pier de selin, per jì inant cun la marënda y törggelen ntan dut l domesdì pra de bela mujiga suneda da »Die Krax'n«.

Cunzert de S. Zezilia dla Mujiga de S. Piere
Duman sada ai 23.11. dala 20.30 tla cësa dla lies a S. Piere
Per chësc cunzert à la Mujiga mparà ite, sot ala bachëta de Thomas Piazza, n blòt program saurì da scuté su, cun polches y marces, vel' pez per solista, chëst iede per tlarinet y nce velch de modern.
L sarà da audì i pec »Vita pro Musica« de T. Kraas, »Das Dorf in den Bergen« de M. Scharnagl, »Festival Pictures« de J. Bönisch, la »Weinkeller Polka« de S. Stranger, »Unser Land« de R. Neumair, l »Clarinet-Concerto« de L. Delbecq, »La Principessa« de G. Dibiasi, »Joe Cocker in concert« y »Adelhausener Impressionen« de M Götz.
Do l cunzert ie duc mo nviei a sté mpue' a s'la ciaculé pra velch da pestlé y da bever.

Mudé de 1,5°–Tlima dl mond y politica per l tlima
N juebia ai 28.11.2019 dala 20:00 tla cësa de cultura a Urtijëi
I sbalc dla temperatures ntan l ann ie for majeri y la temperatures mesandes for plu autes. Chisc ie sënies tleres dl mudamënt dl tlima sun nosta tiera. Messon cialé de smendré a uni maniera la emiscions CO² y de gas metann.
Ntan la sëira metuda a jì dala Lia per Natura y Usanzes saràl l prufessëur universiter y dlaziologh Georg Kaser y l ecologh de vegetazion Georg Niedrist dl'Eurac che rujenerà dl mudamënt tlimatich tla Elpes, di dlacieres che se smendrësc y dla temperatures che crësc riesc, mustran su la cunseguënzes ecologiches y la problematiches per la jënt. Tres la sëira menerà Andreas Riedl dla Lia tët provinziela per la natura y l ambient.
Duta la jënt dla valeda ie nvieda a unì a scuté su y dì si minonga.

Sepp Messner Windschnur
N vënderdi ai 22 de nuvëmber te Tublà da Nives te Sëlva
L ciantautor plu de tëmp de Südtirol ie for mo ncantëur cun si chitara. Y l ie nce drët atif: iust da permò àl finà de tò su 14 cianties nueves y nscila dajeràl nce ora na CD. Ntan chësc cunzert lasceràl audì cianties da plu da giut da pudëi cianté pea, ma l nes prejenterà nce si »songs« nueves, for cun la medema ironia y satira.
Ncunfertëve sun na sëira mpue autramënter!
Te Tublà da Nives te Sëlva, n vënderdi ai 22 de nuvëmber dala 20:00.
Davia che l ie mé 90 lueges da garat Ve prions bel de apusté la lerch danora scrijan a info@tubladanives.it (mob. 333 7166471).
Ntreda: 10 €; cumëmbri 8 €.