Manifestazions atuales

Data

10 de jené 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 10 de jené
Apoteches
Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 10.01. nchin n vënderdi ai 17.01. ie chëla de S. Cristina, tel. 0471 792106 o 333 1776615.
Apoteca Val Badia
L'apoteca en sorvisc fora dl orar ordinar, dal vëndres ai 3 de jená dales 19:00 al vëndres ai 10 de jená ales 19:00, é chëra da Corvara, tel. 0471 830237.

Dotors

Doturs Val Badia
Le dotur en sorvisc tl fin dl'edema di 11 y 12 de jená, ti comuns de Mareo y San Martin de Tor, é le dotur Edoardo Agreiter, San Martin de Tor, tel. 0474 523315 o 333 1380852; ti comuns de Badia, Corvara y La Val él en sorvisc la doturia Mariamichela Zurlo, La Ila - str. Boscdaplan 101, tel. 333 4538165.
Dutor Gherdëina
L dutor de servisc da n sada ai 11.01. dala 8:00 daduman nchin la 8:00 daduman de n lunesc ai 13.01. ie l dutor Pablo Policastro tl ambulatuere di dutores Kostner/Weber, a Urtijëi tla streda Trebinger 10, tel. 366 3646254.

Referac

16.01.
Droghes - la chimica dla cuntentëza
N juebia dala 19:30 te sala de chemun a S. Cristina cun l doz. univer. dr. Martin Kurz. L rujenerà dla sensazions che droghes porta, dla fazion che les à sun l cervel, coche l vën a s'l dé dependënza che ne n'ie nia pra duc unfat y coche n ruva dainora. N viac tla chimica de nosc cervel, per savëi co la manejé.

Sport

Atualmënter
Se scrì ite pra i Gherdëina Runners
I Gherdëina Runners nvieia duc i pasciunei de sauté, sibe da mont su che pra maratones o d'autra garejedes, de se scrì ite ala lia per l 2020. Per plu nfurmazions pòssen scrì a info@gherdeinarunners.it, cherdé su l 339 7004045 o se mëter n cuntant cun un di cunselieres.
12.01.
Partida de hockey dl HC Gherdëina
N dumënia dala 20:30 tl stadio Pranives de Sëlva saràl la partida dl campiunat AHL danter l HC Gherdëina y i Vienna Capitals Silver.

Temp Lede

11.01.
Batadù dla Lia da Mont
Duman sada domesdì mët la Lia da Mont de Gherdëina a jì l batadù tradiziunel da 32, tla ustaria Pramulin daujin ala furnadoia de Col Raiser. N se urta dala 5 domesdì per la iscrizions y pudëi pona scumencé ntëur mesa la sies cun l batadù. Te ustaria saràl la puscibltà de se maië velch de bon.
13.-18.01.
Scultures de dlacia lecurdan i Mundiei dl '70
Tl raion da jì a pe de Urtijëi uniràl ntan duta chëst'ena che vën ziplà tla dlacia. L argumënt cun chël che n valgun scultëures de Gherdëina se dajerà ju chëst ann ie i 50 ani dai Campiunac dl Mond de schi te Gherdëina. Chësc avenimënt sportif unirà lecurdà tla scultures de dlacia y nce cun truepa de bela fotografies.
15.01.
La Ila: jí cui schi da sëra
Sön la pista »Doninz« tl zënter da La Ila pón jí cui schi ince da sëra, en mercui ai 15 de jená dales 20:00 ales 22:00. Por podëi anuzé le lift, mësson avëi na cherta dai schi de plü dis.
15.01.
San Ciascian: descurí le monn dl biatlon
En mercui ai 15 de jená án la poscibilité da imparé les carateristiches dl sport deboriada cun n maester de biatlon. A San Ciascian pón porvé da stlopeté, dales 9:30 inant. Iscriziuns ti ofizi turistics dl'Alta.
16.01.
Defilada di mituns cun chentli
La scora de schi Corvara/Ladinia mët da jí na defilada cun chentli adöm cun i mituns che tol pert ai cursc dai schi, en jöbia ai 9 de jená dales 17:00, sön la pista »Burjé«. Dedó intratignimënt musical cun DJ.
16.01.
Cun la liösa da ciaval do le Tru di Artisć
En jöbia ai 16 de jená pón se fá na roda cun la liösa da ciaval do le Tru di Artisć. Dales 20:45 s'incunton tla plaza da parché dan l'ofize turistich a La Ila, por pié spo ia da Altin demez do l'ega ite cina San Ciascian y indó zoruch. Le tru y les operes di artisć gnará iluminades da chentli. Iscriziuns ti ofizi turistics dl'Alta.
16.01.
Movimënt challenge day
Ai 16 de jená pón to pert al de dl »Movimënt challenge«, te chël che an mëss jí do a n percurs tles arees »Movimënt«, fajon de plü ativités sön la nëi, pian ia da San Ciascian o da Corvara. An pó davagné de bi pesć y se gode n de söi schi. Iscriziuns sön www.skiline.cc

Mostres y Ert
Atualmenter
Mostra di dozenc del Liceo Artistich
Te sala esposizions del Liceo Artistich a Sèn Jan se pel veder la mostra coletiva di dozenc de la Scola Ladina »Vis[j]ions«. L'esposizion é averta fin ai 13 de firé da les 9:00 a les 12:00 e da les 14:00 a les 17:00 fora che de sabeda e domenia.
Atualmënter
Mostra dl artist Josef Kostner
»Oltre ogni soglia« ie l titul dla mostra y dl liber nuef dl artist de Urtijëi. La mostra cureda da Mario Cossali y Remo Forchini, tl Palaz Probizer a Isera (Rovereto) ie da udëi nchin ai 22.02. da merdi nchin vënderdi dala 16:00-20:00 y de sada y dumënia nce danmesdì dala 10:00-12:00 o cherdan su danora l 339 2253754.
Atualmënter
»set« de Federico Lanaro
Tla mostra »set«, cunzepida per l Zënter culturel Tublà da Nives de Sëlva, prejënta l artist pitures y nstalazions che reprejënta reflescions dl juech, ntendù nia tan coche forma de fé damat, ma tl'azion esplujiva dla ntuizion che mira ala sudesfazion nteletiva. Da udëi nchin ai 12.01. uni di dala 10:00-12:00 y 15:00-19:00.
Atualmënter
5 ani de ert cuntemporana
Per l'ucajion di 5 ani dla galaria Doris Ghetta a Puntives, iel da udëi na mostra cun 30 artisć, danter chisc nce Michele Bernardi, Aron Demetz, Arnold Holzknecht, Philip Messner, Walter Moroder, Thaddäus Salcher y Barbara Tavella. La mostra ie da udëi nchin ai 28.02.
Atualmënter
Mejes de Gherdëina, la memoria de na cuntreda
La mostra tla Cësa de Cultura a Urtijëi ie śën de jené davierta da merdi nchin vënderdi dala 15:00-18:00, de vënderdi nce danmesdì dala 10:00-12:30 y de sada mé danmesdì dala 10:00-12:30, chësc nchin ala fin de jené 2020.
Atualmënter
San Martin: mostra sön la cura y le guern
Cina ai 12 de jená 2020 él da odëi te Ciasa de Palsa a San Martin de Tor la mostra »Cun cura – stories de guern, cura y palsa«, che se dá jö cun le tema dla cura sot a de plü aspec.
11.01.-13.02.
Campiunac dl Mond de schi 1970
Mostra de fotografies a Urtijëi tl raion da jì a pe y sun Plaza Stetteneck, per l anuel di 50 ani da canche l ie stat i Campiunac mundiei de schi te Gherdëina.

Sozieles

Atualmenter
Portel de referiment sozièl
Te Comun general, te strèda di Pré de Gejia a Sèn Jan vegn metù a jir n portel de refe­riment sozièl per problemes de dependenzes o de autra sort, avert a duc e no a paament. Ge vel se prenotèr a la Coprativa sozièla Le Rais chiaman l 370 3004296 o scriver a: sportello.lerais@gmail.com.
Atualmënter
Soma liedia da chëutes per chiche ie n pension
A chëi che ie n pension y à mo n davani da dependënc ti vëniel cunsià de renunzië a tré ju da si pension la
soma liedia da chëutes (Steuerfreibetrag). Pra la detlarazion dla chëutes pòssen nsci smendré o nchinamei schivé de messëi paië chëutes. Chësta renunzia muessa unì fata a l savëi uni ann y l ie mesun l fé tres l KVW/ACLI, http://www.mypatronat.eu.
Atualmënter
Deventé cumëmber
Sciche majera lia soziela dla provinzia (35.000 cumëmbri, 260 grupes ti luesc, 3.000 ulenteres y 100 cunla­uradëures) ti pieta l KVW n aiut solidal a duc. L KVW ie cunsiadëur, aucat, defensëur, l juda y se dà da fé per la cumenanza. Per deventé cu­mëm­ber cuntatea l sëurastant de luech o nunzieiete sot a http://www.kvw.org/mitglied-werden.

Religion

11.01.
Preparaziun dl Bato
La Uniun dles Ëres Catoliches dl Decanat Val Badia inviëia i geniturs che á n möt da batié, pérs che aspeta, toc y totes ala preparaziun dl Bato, en sabeda ai 11 de jená dales 15:00 ales 17:00, tl salf di stödafüch a San Martin. Prenotaziuns al 328 0717796. Deboriada orunse aprofondí l'importanza de chësc sacramënt, presenté le ritus y splighé i simboi dl Bato.

TELEVIJION

14.01
Sport ladin
Da les 20:50. De Diego Clara y Hartmann Mairhofer, a cura de Leo Senoner.
15.01
Memorie de guera sul fronte dolomitico
Da les 20:50. N program de Giulia Tasser, camera y tai de Hans Peter Karbon, a cura de Alessandro Dapunt.
16.01
La vita y forza spirituala de Siur Heinrich Videsott
Da les 20:50. Na personalité ch'á raprejenté n gran significat tla vita de tröpes persones te nostes valades, mo ince sura i confins dla Talia fora. N pro conesciü por süa fede sterscia y tlera, ch'é deventada fontana de grazies y de richëzes spiri­tuales. Na persona che vëgn recordada dala jënt cun n carater autoritar y patriarchal, mo ince cun na buna urëdla da ascuté sö y n gran cör. Program de Mara Miribung y Peter Obexer, a cura de Alessandro Dapunt.

RADIO

10.01–17.01
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 a les 14:00.
10.01 – 17.01
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
15.01
La bolifa: La politica anter la jent
Da les 19:05. La gaissa de poder fèr zeche de bon coi etres e per i etres l'è una de la bolifes che tiza ite interesc de vigni sort te Matteo Iori che, anter l'auter, l'arcedèa l joegn de l'hockey, l fesc pèrt de la musega Auta Fascia e del grop Inout . El l'à n eie ascort per i joegn ence te si empegn politich olache l'è l più joegn assessor del Comun General de Fascia e segreter particolèr del conseier provinzial Luca Guglielmi. Program de Cinzia Pistoia e Anna Mazzel.
16.01
La musiga da La Val y süa bachëta
Da les 19:05. Tres chësc program podunse conësce tl monü la musiga da La Val ters n'intervista cun so dirighënt, Stephan Ploner. Program de Sara Frenner.
10.01–16.01
Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les trasmiscions radio sota »Podcast«.

Chino

Atualmenter
Chino de Tieser
Insnet, vender ai 10 da les 21:15, sabeda ai 11 da les 17:30 e domenia ai 12 da les 20:30 l'é »Tolo Tolo«, en sabeda ai 11 da les 21:15, en domenia ai 12 da les 17:00 e en mercol ai 15 da les 21:15 l'é »Piccole donne«.

Avisc

Atualmënter
Museum Gherdëina daviert
L Museum Gherdëina a Urtijëi tla Cësa di Ladins ie daviert per la sajon da d'inviern da merdi nchin vënderdi for dala 10:00-12:30 y 14:00-18:00, nchin ai 9 de auril.
Atualmënter
Devënta nce tu cumëmber dla Bibliotech
L valor soziel y culturel dla biblioteca S. Durich a Urtijëi ne pòssen segurdenó museré mé cun numeri, ma i des­mostra che l ie na istituzion scialdi nuzeda. Nvion duc a sustenì la biblioteca paian ite 12 € al ann. Sciche cumëmber giàpen la club-card Secëda/Ciampinei debant y nsci furné cun chëla furnadoies belau a mez priesc.
Atualmënter
»Club Boé«
Le grup de autoaiüt »Club Boé« por problems d'alcol o d'atres dependënzes s'incunta vigni mercui dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Geims (tel. 338 5975817).
Atualmënter
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16:00 ales 17:00 tla ciasa de Comun a Badia.
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, info.bruneck@frauen­helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster – MIP
L'ofize dla MIP – Männer­initiative Pustertal dëida i ëi y peri pro caje de devorz, pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, vëndres dales 8:00 ales 12:00. Numer de telefon 0474 555848, e-mail: info@mip-pustertal.it
10.01.
San Martin: Udiënza dla defensuria popolara
La defensuria zivica G. Morandell o süa colaboradëssa Verena Crazzolara tëgn udiënza incö vëndres ai 13 de jená dales 14:30 ales 16:00, te ciasa de Comun a San Martin de Tor. Infos y prenotaziuns al 0471 946020.
10.01.
Open Day a la Scola de Fascia
Anché, vender ai 10 de jené da les 14:00 a les 18:00 genitores e studenc pel jir te la neva senta del Liceo Artistich G. Soraperra e ti Licees Scientifich e Ladin di Lengac a Sèn Jan per descorir materies de studies e projec che vegn endrezà te la scola de Fascia.
10.01.
Scontrèda sul prum socors te levina
L Grop Bela Ladinia e l Socors da mont endreza doi scontrèdes su »la valutazion risesc e prum socors te levina«: en vender ai 10 de jené da les 21:00 te sala gran del Comun general de Fascia con l'istrutor regional Robert Cecco e en mercol ai 15 de jené da les 20:30. Info al numer 334 9052429 o per mail a info@belaladinia.it.

Galaria retrac