Manifestazions atuales

Data

24 de jené 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 24 de jené
Dotors
Dutor Gherdëina
L dutor de servisc da n sada ai 25.01. dala 8:00 daduman nchin la 8:00 daduman de n lunesc ai 27.01. ie l dutor Valentin Tröbinger de Sëlva, tel. 0471/773073 o l 335 6844944.
Doturs Val Badia
Le dotur en sorvisc tl fin dl'edema di 25 y 26 de jená, ti comuns de Mareo y San Martin de Tor, é le dotur Edoardo Agreiter, San Martin de Tor, tel. 0474 523315 o 333 1380852; ti comuns de Badia, Corvara y La Val él en sorvisc le dotur Guido Caretta, Calfosch/Corvara, tel. 0471 836870 o 337 616080.

Apoteches

Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 24.01. nchin n vënderdi ai 31.01. ie chëla de Sëlva, tel. 0471/795142 o 333/1776615, (davierta dala 8.30 - 12.30).
Apoteca Val Badia
L'apoteca en sorvisc fora dl orar ordinar, dal vëndres ai 24 de jená dales 19:00 al vëndres ai 31 de jená ales 19:00, é chëra da San Martin/Picolin, tel. 0474 523020.

Sport

01.02.
Val Gardena Xtreme Up
N sada che vën dala 18:30 sun l purtoi da Frëina te Sëlva pierà via i atlec cun i schi dala peves, cun i grifs o la ciaspes, per ruvé do 2.370 m y n deslivel de 700 m sun piza de Ciampinëi. Per la 18:50 aspieten bele i prims te travert. La furnadoia de Ciampinëi fej n priesc speziel n chësta sëira. La premiazion sarà dala 21.15 tla Pitla Sala dla Cësa de Cultura de Sëlva.
01.02.
Partides dl HC Gherdëina
N sada dala 19:00 saràl tl stadio Pranives de Sëlva la partida dl campiunat AHL danter l HC Gherdëina y l Red Bull Junior de Salzburg.

Avisc

Atualmënter
Museum Gherdëina daviert
L Museum Gherdëina a Urtijëi tla Cësa di Ladins ie daviert per la sajon da d'inviern da merdi nchin vënderdi for dala 10:00-12:30 y 14:00-18:00, nchin ai 9 de auril.
Atualmënter
Devënta nce tu cumëmber dla Bibliotech
L valor soziel y culturel dla biblioteca S. Durich a Urtijëi ne pòssen segurdenó museré mé cun numeri, ma i desmostra che l ie na istituzion scialdi nuzeda. Nvion duc a sustenì la biblioteca paian ite 12 € al ann. Sciche cumëmber giàpen la club-card Secëda/Ciampinei debant y po' nsci furné cun chëla furnadoies belau a mez priesc.
Atualmënter
Sorvisc de consulënza y orientamënt
Le Sorvisc de consulënza y orientamënt por jogn, jones y geniturs sön temesc dla jonëza y dl'educaziun é vigni 2. y 4. mercui dl mëis dales 9:30 ales 11:30 tl Zënter Pedagogich a Picolin (alzada -1) y vigni 2. y 4. vëndres dl mëis dales 13:00 ales 15:00 tl SaJ.un a La Ila (Ciasa dla Cultura, alzada -2). An ne mëss nia prenoté y é debann. Infos: barbara@jogn.org o 342 8410721.
Atualmënter
»Club Boé«
Le grup de autoaiüt »Club Boé« por problems d'alcol o d'atres dependënzes s'incunta vigni mercui dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Geims (tel. 338 5975817).
Atualmënter
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16:00 ales 17:00 tla ciasa de Comun a Badia.
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, info.bruneck@frauen helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster – MIP
L'ofize dla MIP–Männer­initiative Pustertal dëida i ëi y peri pro caje de devorz, pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, vëndres dales 8:00 ales 12:00. Tel. 0474 555848, info@mip-pustertal.it
Atualmenter
Mascherèdes ta Penìa
L Grop de la Mèscres de Dèlba e Penìa porta dant doi mascherèdes da les 20:30 te la veia scoles de Penìa. En sabeda ai 8 e en mèrtesc gras ai 25 de firé vegn portà dant »Bricons e galantomes« de Fabio de la Menina e en jebia grassa ai 20 de firé vegn spilenà »Piere dal Polver e l pat col malan« de Simon de Giulio.
Atualmenter
Sescion forestales
Chest l program de la sescions forestales te Fascia: anché, vender ai 24 de jené da les 10:00 a Moena, en mèrtesc ai 28 da les 8:30 a Soraga e da les 10.30 a Mazin, en mercol ai 29 da les 9:00 te Comun de Sèn Jan, en vender ai 31 de jené da les 8:15 a Ciampedel e da les 10:00 a Cianacei.
27.01
Dì de la Recordanza
En lunesc ai 27 de jené, dì de la Recordanza, Istitut Ladin, Scola de Fascia e Comun de Moena prejenta l liber de Chiara Iotti »No ve desmention. Richard Löwy e i giusti della Val di Fassa«: da les 14:15 te Sorastanza a Sèn Jan e da les 17:00 te Navalge a Moena, olache l'é la mostra su Richard Löwy rencurèda da Giorgio Jellici.
01.02
Festa de Sèn Jan Bosco
En sabeda prum de firé teparochia de Poza vegn metù a jir la festa de Sèn Jan Bosco per duc i fidei. Da les 18:00 l'é la messa animèda dai gropes de la catechesi, da les 19:00 te oratorie la cena su prenotazion a oferta ledia e da les 20:30 te teater de l'oratorie lspetacol su don Bosco per endrez del grop de joegn.

Chino

Atualmenter
Chino de Cianacei
Insnet, vender ai 24 de jené da les 21:15 vegn moscià »Sulle ali dell'avventura«, en sabeda ai 25 da les 17:00 vegn dat »Pinocchio« e da les 21:15 l'é »Sulle ali dell'avventura« che vegn moscià ence en domenia ai 26 da les 17:00, da les 21:15 enveze l'é »Piccole donne«. En mercol ai 29 da les 21:15 l'é »Sulle ali dell'avventura« e en vender ai 31 da les 21:15 l'é »Manaslu-La montagna delle anime«, documentarie con Hans Kammerlander e Reinhold Messner.
Atualmenter
Chino de Tieser
Insnet, vender ai 24 de jené da les 21:15 vegn moscià »La dea fortuna«, en sabeda ai 25 e en domenia ai 26 da les 17:30 vegn dat »Me contro Te« e da les 21:15 l'é »Richard Jewell«, en jebia ai 30 da les 21:15 l'é »L'ufficiale e la spia« e en vender ai 31 da les 20:00 l'é la cena e l spetacol con »Chef a Teatro«.
Cursc
02.03.–06.04.
Curs per se njenië ca a parturì
Per ëiles che aspieta y genitores dl daunì, che à l terminn de auril /mei 2020. L'ancuntedes sarà tla palestra dla cësa de paussa a Urtijëi dai 02.03. ai 06.04. uni lunesc dala 16:00 ala 18:00/19:00. Iscrizions: CUPP tel. 0471 457457, 8:00-16:00 da lu- a ve.; email vormerkung.bz@sabes.it; ëifoma 0471 797778, assistënta sanitera 0471 794290.

Mujiga
25.01.
S'ancunton per cianté deberieda
L KVW de Urtijëi mët a jì duman sada ai 25.01. n cianté daviert a duc, cun Willy Runggaldier dal Ampezan y Otto Dellago, dala 17:00 tla biblioteca tla Cësa di Ladins a Urtijëi. Nviei ie duc chëi che cianta gën! N ne à nia drë de se scrì ite. Deberieda cianteràn de blòta cianties populeres cunesciudes y nce manco cunesciudes.

Temp Lede

28.01.
Sommelier sön les pistes
En mertesc ai 28 de jená domisdé vëgnel tigní tl'Alta Badia n apuntamënt cun le sommelier sön les pistes. Te chësta ocajiun án la poscibilité da ciarcé valgügn di mius vins de Südtirol, acompagná da n sommelier y n maester de schi. Prenotaziuns ti ofizi turistics dl'Alta Badia.
29.01.
Ancunteda dla Lies da Mont dla Ladinia sun Dantercepies
La Lia da Mont de Gherdëina mët a jì chësta ancunteda n mierculdi sëira sun Danter­cëpies. Uniun ie liede de jì su canche l uel. N se anconta dala 8 da sëira tla ustaria sun Dantercëpies per na sëira n cumpania. N ne à nia drë de se lascé nuté su danora. La Lia da Mont se ncunforta sun vosc unì.
29.01.
La Ila: jí cui schi da sëra
Sön la pista »Doninz« tl zënter da La Ila pón jí cui schi ince da sëra, en mercui ai 22 de jená dales 20:00 ales 22:00. Por podëi anuzé le lift, mësson avëi na cherta dai schi de plü dis.
29.01.
San Ciascian: descurí le monn dl biatlon
En mercui ai 29 de jená án la poscibilité da imparé les carateristiches dl sport deboriada cun n maester de biatlon. A San Ciascian pón porvé da stlopeté, dales 9:30 inant. Iscriziuns ti ofizi turistics dl'Alta.

Religion

28.01 y 29.01.
Oies: Zelebraziuns por la festa de Sant Ojöp Freinademetz
En gaujiun dla festa de Sant Ojöp Freinademetz él de plü funziuns te dlijia da Oies. En mertesc ai 28.01. dales 20:00 él na devoziun a onú dl sant abelida dal Cor de Dlijia da Lungiarü. En mercui ai 29.01. dales 16:00 él na mëssa da festa ciantada da n grup da San Martin, dales 20:00 él na mëssa ciantada dal Cor de Dlijia da La Val.
29.01.
Bornech: mëssa a onú dl Sant da Oies
Ai 29 de jená dales 18:00 vëgnel dit tla dlijia dles Ursulines da Bornech na mëssa ciantada en onur de Sant Ojöp da Oies, tla intenziun di cristiagn cineji che mëss ince aldedaincö tigní fora de ries proes sot al govern comunist.
29.01.
Persenon: messa per Sant Ojöp Freinademetz
En mercui 29 de jené da les 18:00 él tla gliejia de Ploania da Persenon la messa en onour de sant Ojöp Freinademetz. Da les 17:00 él na proa da cianté tla capela dla calonia. Do la messa pice renfresch te calonia – sce zacai vuel porté valch, él benvedù.
01.02.
Mëssa di pitli
Duc i genitores cun mutans, mutons y popsc y sambën laves y nëinesc ie nviei de cuer ala S. Mëssa di pitli duman sada, dala 17.00 tla gran sala de calonia a Urtijëi. Sun vosc unì se ncunforta l pluan Sn. Vijo Pitscheider y i genitores che mët a jì.

Referac

27.01.
Liejer la busta paga. Lauré per si cont
N lunesc dala 20:00 tl local di jëuni fun&more te Sëlva, uniràl spiegà cie che uel dì duc i numer che n vëija sun la busta paga. L cumerzialist Rudi Moroder spiegherà cie che n adrova sce n uel scumencé a lauré per si cont y doi jëuni da tlo cunterà de si esperienza cun la firma che i à metù su. L sarà nce mesun fé dumandes.
27.01.
La stëiles tl firmamënt y la lums polares
N lunesc dala 17:00 tla ustaria Locia a Urtijëi, per l'ucajion dla mostra de fotografies dl'Aurora Borealis, fates da Simon Moroder, tenirà l apasciunà de astronomia n referat n con' de chësc fenomenn y cunterà nce dla stëiles, planec y custelazions.

Sozial

Atualmenter
Portel de referiment sozièl
Te Comun general, te strèda di Pré de Gejia a Sèn Jan vegn metù a jir n portel de referi­ment sozièl per problemes de dependenzes o de autra sort, avert a duc e no a paament. Ge vel se prenotèr a la Coprativa sozièla Le Rais chiaman l 370 3004296 o scriver a: sportello.lerais@gmail.com.
Atualmënter
Soma liedia da chëutes per chiche ie n pension
A chëi che ie n pension y à mo n davani da dependënc ti vëniel cunsià de renunzië a tré ju da si pension la soma liedia da chëutes (Steuer­freibetrag). Pra la detlarazion dla chëutes pòssen nsci smendré o nchinamei schivé de messëi paië chëutes. Chësta renunzia muessa unì fata a l savëi uni ann y l ie mesun l fé tres l KVW/ACLI, http://www.mypatronat.eu.
Nchin ai 29.02.
Detlarazion RED 2019
Trueps de chëi che ie n pension muessa dé ju la detlarazion RED, ma i ne vën nia nfurmei diretamënter dal'INPS. I possa perchël lascé cialé dal KVW sce i muessa dé ju chësta detla­razion o no. La detlarazion RED 2019 muessa unì data ju nchin ai 29.02. Per fé ora n terminn pra l KVW cherdé su l 0471 941704 o jì sot a www.mycaf.eu.

Iadi y Jites

26.01.
Jita cun la ciaspes sun la mont de Lujon/Lüsen
La Lia da Mont de Gherdëina mët a jì n dumënia ai 26.01. na jita cun la ciaspes sun la Lüsneralm. L unirà fat na blòta raida nchin sun la Astner­alm y ju dala Kreuzwiesenhütte. Per plu nfurmazions cherdé su Valentin, tel. 338 8362004. Da se scrì ite iel tla lueges de for.
05.02.
Jita cun i schi a Speikboden y Klausberg
La grupa »Nëus jon pa bel plan« dla Lia da Mont de Gherdëina mët a jì n di cun i schi sun i purtoies de Speikboden y Klausberg. L program plu avisa ie da giapé tla butëighes ulache l vën pià do la iscrizions: a Urtijëi da Ciofs Inge, a S. Cristina da Malsiner K. Panaval y te Sëlva da Sport Bruno Riffeser.
02.02.
Jita cun la luesa
La Lia da Mont de Gherdëina mët a jì na blòta jita cun la luesa sa la Prantner Alm. N furnerà nchin sëura Sterzing y jirà da iló inant a pe zirca n'ëura y mesa (4,5 km y 400 m deslivel) nchin sa la Prantner Alm. Pudëis ve nuté su tla butëighes de zënza dai 27. ai 31.01. Per nfurmazions pudëis cherdé su Arnold al 333 4377171.

Mostres y Ert

Atualmenter
Mostra di dozenc del Liceo Artistich
Te sala esposizions del Liceo Artistich a Sèn Jan se pel veder la mostra coletiva di dozenc de la Scola Ladina »Vis[j]ions«. L'esposizion é averta fin ai 13 de firé da les 9:00 a les 12:00 e da les 14:00 a les 17:00 fora che de sabeda e domenia.
Atualmënter
Aurora Borealis
Mostra de fotografies fates da Simon Moroder, graficher y apasciunà de astronomia, che ie jit ti paejes dl nord a udëi y pultré ju l fenomenn dla lums polares. La mostra ie da udëi a Urtijëi tl Café Surëdl, streda Roma 101, de lunesc dala 13:00 ala 19:30 y da merdi nchin sada dala 10:00 nchin la 19:30.
Atualmënter
Scultures de dlacia lecurdan i Mundiei dl '70
Tl raion da jì a pe de Urtijëi. L argumënt cun chël che n valgun scultëures de Gherdëina se à dat ju chëst ann ie i 50 ani dai Campiunac dl Mond de schi te Gherdëina. Chësc avenimënt sportif vën lecurdà sibe tla scultures de dlacia che nce cun truepa de bela fotografies.
Atualmënter
Lëures di sculeies dl Lizeum d'Ert n con' di mejes
Tla mostra »Mejes« tla Cësa de Cultura a Urtijëi, vëniel prejentà i lëures di sculeies dl Lizeum d'Ert Cademia dla 5a tlasses de design, grafica y pitura. L se trata de n proiet nterdiszipliner sun i mejes. I lëures ie da udëi nchin ai 21.02. La ntreda ie debant.
Atualmënter
Mejes de Gherdëina, la memoria de na cuntreda
La mostra tla Cësa de Cultura a Urtijëi resterà davierta plu giut y plu avisa nchin ai 23 de fauré 2020, for da merdi nchin vënderdi dala 15:00-18:00, de vënderdi nce danmesdì dala 10:00-12:30 y de sada mé danmesdì dala 10:00-12:30.

TELEVIJION

28.01
N capitul de storia dl turism Alta Badia
Da les 20:50 ca. L'Alta Badia é gnüda arichida da n'opera de gran valüta por süa storia dl turism, cun n liber de 660 plates dal titul: »N capitul dla storia dl turism tl'Alta Badia«, plëgn de retrac y de in­formaziuns interessantes, scrit da Renate Kostner Pizzinini deboriada cun Werner Pescosta. Sciöche al é sté ti dejenns passá, é ince por le dagní tlera la direziun che l'Alta Badia dess tó tl dagní: chëra dla colaboraziun, deache sce an vá düc tla medema direziun, esun bogn da arjunje tröp deplü de ci che an pó fa despartis. Program de Karin Pizzinini, camera y tai Fulvio De Martin, a cura de Anna Mazzel.
29.01
Recordanzes: vites do troes de spins
Da les 20:50 ca. Tel secol passà l'odech razist à portà al destraboniment de milions de persones, l fascism e nazism à portà violenza e temes che se stenta a entener ma l'é emportant cognoscer. Chest à tocià ence nosc raion olache tel 2007 aane tout su testimonianzes de persones che à cognosciù o enrescì dò la storia di ebrei desche Carletto Weiss e Maria Piccolin o Mansueto Sommavilla che era stat 22 meis prejonier ti lager nazisc. Tropes egn é passé ma chesta stories meritèa de vegnir recordèdes amò na outa. Program de Anna Mazzel.
30.01
EURO – trasmisciun d'economia
Da les 20:50 ca. De Diego Clara y Hartmann Mairhofer, a cura de Leo Senoner.

RADIO

24.01 – 30.01
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
24.01 – 30.01
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
27.01
Franz Insam »Brida« (2)
Da les 19:05. La mpurtanza storica dl'ert de Gherdëina va de reviers ti secui. Scultëures, depenjadëures y artisc ne messova nia me produjer si lëures, ma nce i vënder. Tlo ti univa ancontra la figura dl ferlëigher o marcadënt, che cumerzialisova la produzion dl lën. L dr. Edgar Moroder lecorda l persunaje storich Franz Insam »Brida«. Program a cura de Leo Senoner.
29.01
La bolifa: no demò numeres
Da les 19:05. Valoriser la pascions o i entresc con gaissa deida a realiser zeche olache la personalità desc n tai desvalif ence a na profescion mingol suta desche chela de comerzialista che à a che fèr con numeres. Con Cinzia Pistoia descorion l spirit feruscol de Denise Pederiva. Program de Anna Mazzel.
30.01
Le sorvij ala jonëza
Da les 19:25. Le laur cun y por la jonëza se damana impëgn y n sostëgn che va de deplü versc. Deboriada a Carla Pedevilla, la responsabla por le Sorvisc ala jonëza, orunse ti jí plü pormez ales chestiuns di jogn y dles jones. Program de Sara Frenner.

Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les trasmiscions radio sota »Podcast«.

Galaria retrac