Manifestazions atuales speziales

Data

24 de jené 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 24 de jené
2020 Prelites Urtijëi
Per l daunì dl luech. Fajëde pea, nchin ai 26 de jené
La grupa de lëur »Per na Lista Unica« nvieia duc i zitadins che à la rejon de jì a lité, de fé pea pra la prelites n ucajion dla veles cumeneles da d'ansciuda a Urtijëi.
Nuzëve di formuleres che ie unic dac ju te vosta cëses o jide te internet sot a www.listaunica.eu y scrijëde su cater inuemes de persones che ratëis adatedes a ve reprejenté te Chemun, unfat sce l se trata de jënt che se dà bele ca a livel politich o de inuemes defin nueves.
Da lité iel nchin ai 26 de jené 2020, coche dit tres internet o scenó smacan ite l formuler te urnes metudes su aposta tla biblioteca San Durich o tla cësa di cungresc a Urtijëi.

Biennale Gherdëina VII
Descucion davierta per se njenië ca ala Bienela 2020
Ncuei vënderdi 24.01. dala 19:00 tla galaria Doris Ghetta a Puntives vëniel rujenà dl argumënt »identificazion y relazion« a chël che la 7. edizion dla Bienela Gherdëina vën dedicheda. L curadëur Adam Budak (curadëur chef dla National Gallery de Praga) analiserà l argumënt te na ciaculeda davierta cun Josef Dabernig (artist y che fej films, Viena), Walter Moroder (artist, Urtijëi) y Julia Frank (artista, Südtirol/Viena), cun la muderazion de Sabine Gamper. Te chësta ucajion sarà nce leprò n valgun artisć che fajerà pea pra la 7. Bienela Gherdëina coche Agniesyka Bryeyanska, Habima Fuchs, Henrik Håkansson, Marcello Maloberti, Myfanwy Macleod y Pavel Buchler.
La Bienela de chësc instà meterà man ai 27 de juni y nce per chësta edizion àn nvià ntëur n 20 artisć da tlo y de inuem nternaziunel a jì ala scuvierta dl raion, dla cuntreda, dla cultura y storia, dla jënt y dl ambient publich. La nuvità dl 2020 sarà de se dé ju plu sot y de revaluté artisticamënter argumënc soziei y sozio-politics.

Curs de Telemark a La Ila
N curs por prinzipianc y progredis. Trëi sëres de jená y forá, sön la pista Doninz a La Ila
La Uniun Sport La Ila – seziun telemark, mët a jí n curs de telemark por prinzipianc y progredis. Tó pert pó düc chi che á interes da vaghé les prömes otes te chësc sport. Le pröm iade vëgn le curs tigní en mercui ai 29 de jená dales 20:00 ales 22:00, sön la pista Doninz a La Ila. Le curs vá spo inant ciamó dui iadi, plü avisa le mercui ai 5 de forá y le mercui ai 19 de forá, tres dala medema ora. Le cost é de 60,00€ (20,00€ vá sciöche iscriziun al'Uniun Sport La Ila). Les iscriziuns vëgn tutes sö tres Whattsapp pro Arthur al 329 8627658.