Manifestazions atuales

Data

14 de fauré 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 14 de fauré
Dotors
Dutor Gherdëina
L dutor de servisc da n sada ai 15.02. dala 8:00 daduman nchin la 8:00 daduman de n lunesc ai 17.02. ie l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia
Le dotur en sorvisc tl fin dl'edema di 15 y 16 de forá, ti comuns de Mareo y San Martin de Tor, é le dotur Luca Galiazzo, tel. 342 5181295; ti comuns de Badia, Corvara y La Val él en sorvisc la doturia Mariamichela Zurlo, La Ila, str. Boscdaplan 101, tel. 333 4538165.

Apoteches
Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 14.02. nchin n vënderdi ai 21.02. ie chëla de Fie, tel. 0471/725373 (turnus: sa. 8.30-12.30/16.00-19.00, du. 10.00-12.00).
Apoteca Val Badia
L'apoteca en sorvisc fora dl orar ordinar, dal vëndres ai 14 de forá dales 19:00 al vëndres ai 21 de forá ales 19:00, é chëra da La Ila, tel. 0471 847152.

Temp Lede

Atualmenter
Alba sun Bufaure
Va inant i apuntamenc coi schi sunsom Bufaure per se goder l'èlba compagné dal menacrep Stefano Cincelli: ai 25 te Baita Cuz, ai 3 a La Bolp e ai 17 te refuge Bufaure. Se se troa da les 5:45 aló da la Veia Zentrèla a Poza. Prenotazions tel. 0462/476003.
Atualmenter
Mascherèdes ta Penìa
L Grop de la Mèscres de Dèlba e Penìa porta dant doi mascherèdes da les 20:30 te la veia scoles de Penìa: en jebia grassa ai 20 de firé da les 20:30 vegn spilenà »Piere dal Polver e l pat col malan« de Simon de Giulio e en mèrtesc gras ai 25 de firé vegn portà dant »Bricons e galantomes« de Fabio de la Menina.
14.02
San Valantin cun showcooking
Ncuei vënderdi dala 17:00 tla Jaguar Land Rover Winter Lounge a Urtijëi dlongia l Ladinia, uniràl metù a jì per la festa de S. Valantin na desmustrazion de cujiné cun cërcia, cun la cuega y cunditera Elisa Kostner.
15.02.
Aperitif cun DJ
Duman sada dala 17:00 tla Jaguar Land Rover Winter Lounge a Urtijëi saràl n aperitif cun mujiga DJ.
16.02
Scomenzadives per S. Ugèna
En ocajion de la sègra de Sènt'Ugèna, ai 16 de firé, te Ciasa de Paussa a Sèn Jan vegn metù fora i dessegnes di bec su la Sènta Patrona de Fascia. Da les 10:00 a les 17:00 te la sala del Comun a Vich l'é la ola de la fortuna per i malé en fin de vita.
19:02
Neif e focoles a Dèlba
Spetacol su la neif con la focoles endrezà dai maestres de la scola de schi Cianacei Marmolèda da mesanet aló da la stazion a val de la cabinovia Ciampac a Dèlba, viventà da musega e vin chet.
19.02.
La Ila: jí cui schi da sëra
Sön la pista »Doninz« tl zënter da La Ila pón jí cui schi ince da sëra, en mercui ai 19 de forá dales 20:00 ales 22:00. Por podëi anuzé le lift, mësson avëi na cherta dai schi de plü dis.
19.02.
San Ciascian: descurí le monn dl biatlon
En mercui ai 19 de forá án la poscibilité da imparé les carateristiches dl sport deboriada cun n maester de biatlon. A San Ciascian pón porvé da stlopeté, dales 9:30 inant. Iscriziuns ti ofizi turistics dl'Alta.
19.02.
Badia: Kids Ski show
En mercui ai 19 de forá él jödapé dl lift da La Crusc a Badia n spetacul sön i schi adöm cun i mituns. Dales 18:00 inant él na des­mostraziun di mituns dl ASC Ladinia; n valgügn mituns mostrará la tecnica dl telemark y al ne manciará nia le grup acrobatich »Pirates Freestyle Alta Badia«. I mituns pó tó pert al rait a val cun i chentli. Infos y prenotaziuns pro la scora de schi de Badia.
20.02.
Bun de Gran Risa
En jöbia ai 20 de forá pón jí cui schi söla Gran Risa bele dales 7:00 da doman inant. Te chësta ocajiun podarán se fá dui raic acompagná da de plü maestri de schi y da n fotograf. Le pröm iade por ciaré jö la pista y le secundo iade podarán fá n slalom cört pian ia dal start dla Copa dl Monn. Prenotaziuns ti ofizi turistics dl'Alta Badia.
20.02.
Festa da Carnescià
La Nëus Jëuni Gherdëina nvieia ala festa tradiziunela da Carnescià n juebia grassa tla sala dla Lia Mostra d'Ert. Chëst ann cun vel' nuvità: n scumëncia bele dala 18:00 cun la band »The Moodmaker Sons«, dala 19:30 sunerà i »Spandi« y dala 21:00 ne dàussel sambën nia mancë i »Pëufla«. Se ncunferton a fé festa cun vo!
20.02.
Festa da Carnescià per seniores
Cun mujiga, juesc y truepa bona ueia. Duc i seniores ie nviei ala festa n juebia grassa dala 14:00 nchin la 17:00 te sala de chemun a S. Cristina. Metù a jì dai Seniores de S. Cristina.
20.02.
Carnescià sun i schi
La Scola de Schi de Sëlva fajerà n juebia grassa dala 17:30 na desmustrazion cun i schi sun l purtoi da Frëina cun defileda da Carnescià.
20.02.
Sëira di artisć
Tla Jaguar Land Rover Winter Lounge a Urtijëi n juebia grassa dala 17:00 cun i ghesć Armin Grunt Rifesser y Fabrizio Biz Senoner.
20.02.
San Ciascian: Ativité didatica tl Museum Ladin
Vigni jöbia vëgnel metü da jí tl Museum Ladin Ursus ladinicus a San Ciascian n domisdé didatich por mituns da 5 a 12 agn, sot al titul »L'orso in letargo«. I mituns á la poscibilité da descurí les carateristiches dla laurs y lapró se devertí. La manifestaziun mët man dales 17:00. An pó se scrí ite anter les 12:00 tl ofize turistich da San Ciascian.
21.02.
Depënjer su l mus
Te Sëlva dala 15:00 pra la sënta dla Lia dl Turism iel n cianton ulache pitli y granc puderà se lascé depënjer su l mus. Iló sarà nce i »Magic Balloon« che fajerà d'uni sort de tieres y figures cun palons da suflé su.
20.02.
La Val: 10 incuntades de balé »Line Dance«
Dagnora de jöbia dales 20:00, te salf dles manifestaziuns a La Val. Le pröm iade s'incunton ai 20 de forá. Informaziuns y prenotaziuns pro Giovanna Moling al nr. de fonin 338 1249472. Organisaziun: Consëi de Formaziun La Val.
22.02.
Antermëia: Torné de broomball y carnival party
Ai 22 de forá dales 19:00 inant él a Antermëia n torné de broomball y na »carnival party« cun DJ Tino. Iscriziuns anter i 21 de forá pro Herbert al 348 5623348.
22.02.
Badia: gran bal da carnescé
En sabeda ai 22 de forá dales 21:00 inant tla Ciasa J. B. Runcher a Badia. Le bal vëgn organisé dala Müjiga de Badia y dal Grup dai Jogn.
24.02.
»Tanzen ab der Lebensmitte«, 10 incuntades de bal
Dagnora de lönesc dales 14:30, tl salf dles manifestaziuns a La Val. Le pröm iade se incunton ai 24 de forá. Informaziuns y prenotaziuns pro Giovanna Moling al nr. de fonin 338 1249472. Organisaziun: Consëi de Formaziun La Val.

Festes y Segres

16.02
Sègra de Sènt'Ugèna
En domenia ai 16 de firé l'é Sènt'Ugèna, patrona de Fascia. Da les 9:30 pea via la procescion aló da l'oratorie de Vich; da les 10:00 l'é messa grana col Piscop Luigi Bressan, che se pel scutèr en streaming dal canal YouTube Filmart Pictures. Dò messa sul Ciaslir sona la Musega da Vich e vegn dat fora vin brulé e grostoi.

Avisc

Atualmënter
»Club Boé«
Le grup de autoaiüt »Club Boé« por problems d'alcol o d'atres dependënzes s'incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (numer de telefon 339 1698343) y James (numer de telefon 338 5975817).
Atualmënter
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16:00 ales 17:00 tla ciasa de Comun a Badia.
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, info.bruneck@frauen helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster – MIP
L'ofize dla MIP – Männer initiative Pustertal dëida i ëi y peri pro caje de devorz, pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, vëndres dales 8:00 ales 12:00. Tel. 0474 555848, info@mip-pustertal.it
Atualmenter
Carnascèr sui brenc a Vich
L Comun de Sèn Jan con Vich Events à metù a jir per carnascèr l percors de la ciasetes sui brenc. Te la vedrines olache tel temp da Nadèl vegn metù fora la cripeles, per dut l meis de firé se pel veder de bie alestimenc da carnascèr metui fora da volontadives e sociazions. Te ofizies di ghesć l'é a la leta la mapa.
Atualmenter
Carnascèr a concors a Moena
L Comun de Moena con Perle Alpine endreza n concors per la festa che vegnarà endrezèda a Moena en mèrtesc de carnascèr ai 25 de firé. Vegnarà premià i miores de ogneuna de la 3 sezions: cères, mèscres di gregn e mèscres di bec fin ai 14 egn. L'é da se scriver ite te secretariat del Comun de Moena al 0462 573141 o segreteria@comune.moena.tn.it
21:02
Herbert Dorfmann a Moena
En vender ai 21 de firé da les 20:30 te la sala grana del Polo scolastico de Moena l'é na scontrèda con l'europarla­mentèr Herbert Dorfmann per rejonèr de la autonomìes te l'Europa, l'endesfida del davegnir. Duc é envié a tor pèrt.

Mostres y Ert

Atualmënter
»Welcome Home« de Adolf Vallazza
Adolf Vallazza (Urtijëi, 1924) ie na figura iconica tl panurama dla scultura sibe naziunela che nternaziunela d'al didancuei. 50 ani do si ultima mostra te Gherdëina ti à l Tublà da Nives te Sëlva giaurì la portes per na mostra che ie da udëi nchin ai 15.03. uni di 16:00-19:00, de dumënia nce dala 10:00-12:00; de lunesc iela stluta.
Atualmënter
»Furmazions de culëures« de Carlo Mussner
Per »Kunst im Gange« tla cësa de chemun a Laion iel da udëi pitures dl artista de Urtijëi, ulache dantaldut l culëur ie duminant. Ne se lascian nia nfluenzé da tendënzes dl mumënt costruësc Mussner la realtà da nuef, descedan mprescions otiches fines y emotives. La mostra ie da udëi nchin ai 15.05. ntan l'ëures che l Chemun ie daviert.
Atualmënter
Terracotta de Manfred Mureda
Tla sala dla mostres dl Circolo/Lia Mostra d'Ert a Urtijëi, Plaza S. Antone. Mureda se à dat ju cun la cumbinazion y la fujion dla scultura preistorica y chëla cuntemporana, fajan nascer si criazions che ie for pert de na storia. La mostra ie da udëi nchin ai 18.02. uni di 10:00-12:00 y 17:00–19:00; de lunesc iela stluta.
Atualmënter
Lëures di sculeies dl Lizeum d'Ert n con' di mejes
Tla mostra »Mejes« tla Cësa de Cultura a Urtijëi, vëniel prejentà i lëures di sculeies dl Lizeum d'Ert Cademia dla 5a tlasses de design, grafica y pitura. L se trata de n proiet nterdiszipliner sun i mejes. I lëures ie da udëi nchin ai 21.02. La ntreda ie debant.
Atualmënter
Mejes de Gherdëina, la memoria de na cuntreda
La mostra tla Cësa de Cultura a Urtijëi resterà davierta nchin ai 23 de fauré 2020, for da merdi nchin vënderdi 15:00-18:00, de vënderdi nce danmesdì dala 10:00-12:30 y de sada mé danmesdì dala 10:00-12:30.
Atualmënter
Al Plan: mostra »motus – crëps che armöi«
Tla Ciasa dl Parch a Al Plan él da odëi cina ai 28 de merz la mostra de fotografies »motus – crëps che armöi«, cun retrac di parcs naturai de Südtirol, te chi che l'artist Heinz Innerhofer anüza les figöres stilistiches dl movimënt y dl turgher. La ciasa dl parch é daverta dal mertesc ala sabeda dales 9:30 ales 12:30 y dales 14:30 ales 18:00. Entrada debann.
16.02
Mostra 200 egn Musega da Vich
Chest an 2020 la Musega da Vich festejea 200 egn de vita. En domenia ai 16 de firé, dì de Sènt'Ugèna patrona de Fascia, dò aer compagnà la procescion e sonà sul Ciaslir, da les 11:30 la Musega da Vich inaugurea te Ciasa Marmolada la mostra per l cedean.

Chino

Atualmenter
Chino de Cianacei
Insnet, vender ai 14 de firé,da les 21:15 se pel veder l film comedia con Aldo, Giovanni e Giacomo »Odio l'estate«. En sabeda ai 15 da les 21:15 l'é l film comedia »Dolittle« con Robert Downey Jr. En domenica ai 16 da les 17:00 se pel veder amò l film »Odio l'estate« e da les 21:15 vegn moscià »Dolittle«.
Atualmenter
Chino de Tieser
Insnet, vender ai 14 de firé da les 17:30 se pel veder »Sonic« e da les 21:15 »Odio l'estate«. L film »Sonic« vegn dat ence en sabeda ai 15 da les 21:15 e en domenia ai 16 da les 17:00 enveze da les 21:15 l'é endò »Odio l'estate«. En mercol ai 19 da les 21:15 vegn dat »18 regali«, en jebia ai 20 da les 21:15 l'é »1917«, en vender ai 21 da les 17:30 l'é »Jojo rabbit« e da les 21:15 »Odio l'estate«. En sabeda ai 22 da les 17:30 l'é »Il richiamo della foresta« e da les 21:15 »Bad Boys«.

Cursc

15.02.
Prevenzion dla dependënza dai media
Fonin, PS4, Xbox... Co passes'a ti tëmp liede? Ce juesc te nteressea pa deplù? Can iel pa l mumënt de lascé y fé vel' d'auter? Tl workshop, tl local di jëuni »Saut« dala 15:00 inant, mparons ciuni che ie i periculi, coche n possa se stravardé dala dependënza y jughé a na maniera sana. Iscrizions: Nëus Jëuni Gherdëina, tel. 0471 799006.
19.02.
La Ila: Workshop da cujiné sann
Ci é pa na alimentaziun sana y ci pói pa iö ti cujiné a mi mituns? Ai 19 de forá dales 17:30 vëgnel tigní, en colaboraziun cun le Consëi de Formaziun Badia, tl Zënter SaJ.un a La Ila na sëra sön le cujiné sann por geniturs, cun la dra. Ivonne Daurú Malsiner. Le cost é de 15,00€ a ce: prenotaziuns te Sorvisc ai Jogn anter i 17.02. al 0474 523070.
02.03.–06.04.
Curs per se njenië ca a parturì
Per ëiles che aspieta y genitores dl daunì, che à l terminn de auril /mei 2020. L'ancuntedes sarà tla palestra dla cësa de paussa a Urtijëi dai 02.03. ai 06.04. uni lunesc dala 16:00 ala 18:00/19:00. Iscrizions: CUPP tel. 0471 457457, 8:00-16:00 da lu- a ve.; email vormerkung.bz@sabes.it; ëifoma 0471 797778, assistënta sanitera 0471 794290.

TELEVIJION

18.02
L sciaudamënt global
Da les 20:50 ca. Ti ultimi ani à for plu persones scumencià a se dé ju cun la cuestion dl mudamënt dl tlima. Nosc planet à debujën de n mudamënt dla cuscienza ecologica dla persones y chësc mudamënt possa uniun de nëus scumencé te si pitl. Na grupa de jëuni de Gherdëina, la »Generazion tlima«, cëla co sensiblisé la persones per n mond plu daujin ala natura, che feje nce manco refudam. Idea y cunzet: Ivan Senoner Produzion: Georg Penn a cura de Leo Senoner.
19.02
Trail spezial
Da les 20:50 ca. A cura dla redaziun.
13.02
Pizes dla Ladinia: La Piza dl Patern
Da les 20:50 ca. De Manfred Stuffer y Hanspeter Karbon, a cura de Alessandro Dapunt.

RADIO

LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
19.02
L testament spiritual de pare Frumenzio Ghetta
Da les 19:05. L'Istitut Cultural Ladin à recordà chisc dis passé i 100 egn da la naa de pare Frumenzio Ghetta, n cedean per meter al luster e valoriser sia produzion culturèla, sia enrescides storiches e veder coche les vegn portèdes inant. Conduzion Anna Mazzel.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
14.02
Jì n pension
Da les 19:05. Do na vita de lëur y che n à paià ite ani alalongia cuntribuc ulëssa uniun pudëi se goder si pension madurida. Deberieda cun la cunsulënta Waltraud Delago rujenons de chësc argumënt drët atuel y nteressant dla pensions. Trasmiscion de Alex Runggaldier.
15.02
Momënc de vita – intervista a Eleonora Demattia
Da les 19:05. Eleonora Demattia é chersciüda sö a La Pli de Fodom, ara á studié Filosofia a Trënt y Sciënzes musicales a Bologna. Eleonora fej la guida dl Ciastel d'Andrac y ara se crüzia dl'archiviaziun de dötes les cosses ch'é tl Museum a La Pli de Fodom. Ara nes cunta de süa pasciun por la musiga, por la storia y di proiec de filosofia cun i mituns che ara fej tles scores. N program de Erika Castlunger.
19.02
Misteres e aventures: »La facera strionèda«. Contìa sul paìsc de Dèlba e Penìa
Da les 19:05. Program de Anna Mazzel.
20.02
Cater edli por odëi indortöra
Da les 19:05. Zënza odlá ne po tröc fá nia, le edl vëgn stanch y mët man da odëi turgher. Te chësc program orunse se tó consëi pro n espert dl'odüda por odëi bel y tler, zënza messëi spizoré. Program de Sara Frenner.
Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les trasmiscions radio sota »Podcast«.

Teater

Atualmënter
Bornech: musical »Einfach nur blond«
La classa 5aM dl »Sozial­wissenschaftliches Gymnasium« da Bornech píta tl mëis de forá le musical »Einfach nur blond«, tla Aula Tschurtschenthalerpark 1. Premiera é ai 14 dales 19:30. Atres rapresentaziuns: ai 15 y ai 16 dales 18:00, ai 17 dales 10:00; ai 18 dales 10:00 y dales 19:30; ai 19 de forá dales 10:00; ai 20 dales 16:00 y dales 20:00; ai 21 dales 10:00 y dales 19:30, ai 22 dales 19:30 y ai 23 dales 18:00. Prenotaziuns al 331 5801873, classes de scora al 0474 555167.

Iadi y Jites

18.02.
Jita cun la paures de Gherdëina
La Lia dla Paures de Gherdëina mët a jì n domesdì, ulache n jirà a pe sun Juac. N se anconta dala 14:00 dala plaza dai auti sun Daunëi te Sëlva. Duta la paures y simpatisantes ie nviedes de cuer unì pea.
22.-24.02.
»Ski Pray Celebrate«
N fin dl'ena cun Die che n ne se desmincerà mei. La Union Pasturela de Gherdëina y la Junanza Catolica de Südtirol SKJ nviei jëuni y jëunes da 15 ani insù a chësc fin dl'ena tla Val Badia. Da paië ite iel 50 €. Se scrì ite pòssen sot a https://ski-pray-celebrate5.webnode.com.
23.02.
Jita de schialpinism sun la Tatschspitze
La Lia da Mont de Gherdëina mët a jì n dumënia chësta jita t'insom Sarntal. La ie mesanmënter ria cun n deslivel de 1.000 m y 3,5 ëura da jì. Per plu nfurmazions cherdé su Arnold al 333 4377171. Da se scrì ite iel dai 17 ai 21 de fauré tla butëighes Ciofs Inge, Sport Malsiner y Sport Bruno Riffeser.
19.04. – 26.04.
Cures y palsa a Abano
Dai 19 ai 26 d'aurí vëgnel organisé n iade cun coriera a Abano Terme. Prisc por porsona, spëisa y alberch, te ciamena dopla: 630,00 € (ciamena 1 porsona: 700,00 €). Prenotaziuns y informaziuns pro Monica Costa al 0474 590069, dan i 10 d'aurí.
26.–30.04.
Te Irland cun l KVW de Sëlva
Viac per cumëmbri y simpatisanc te Irland, ulache n vijiterà Dublin y la bela campanies ntëurvia cun i pitli luesc, ruvan nchin pra i 'Cliffs of Moher« sun l Atlantich. L sarà mesun cunëscer cundizions de vita defin particuleres. L sarà nce for pea n/a mëinajita. Bele śën pòssen se lascé nuté su da Rudolf (335 6380973 o da sëira 0471 794375), che saverà nce da dé vel' nfurmazion.
13.–17.05.
Viac tla Basilicata cun l KVW de S. Cristina
Chëst ann vëniel furnà tla Basilicata, na region drët nteressanta per jì a vijité la bela zità de Matera, zità europea 2019, ma nce Metaponto, Praia a Mare, Maratea y Taranto. Cumëmbri y simpatisanc possa se lascé nuté bele śën da Emmerich S. cherdan su l 335 5713575.
23.–24.05.
Ala »Festa dla narzisses« cun l KVW de Sëlva
N chëla sada y dumënia fajeràn n viac cun la curiera a chësta festa cunesciuda a Bad Aussee y al Traunsee tl Salzkammergut. Sibe cumëmbri che simpatisanc possa bele śën se lascé nuté su. L program plu avisa unirà publicà a mez fauré. Nfurmazion giàpen da Rudolf (335 6380973 o da sëira 0471 794375).

Sozial

Atualmenter
Portel de referiment sozièl
Te Comun general, te strèda di Pré de Gejia a Sèn Jan vegn metù a jir n portel de referiment sozièl per problemes de dependenzes o de autra sort, avert a duc e no a paament. Ge vel se prenotèr a la Coprativa sozièla Le Rais chiaman l 370 3004296 o scriver a: sportello.lerais@gmail.com.
20.02.
Deberieda: Festa da Carnescià
N juebia grassa dala 13.45 se ancónten dan la Cësa de Paussa a Urtijëi per furné a Bulsan a festejé l Carnescià deberieda cun la grupa »Il Nostro Spazio«. Duc dëssa se mascaré coche i uel. 'Deberieda' ie na grupa per se ancunté danter persones che à problems psichics o de sozialisazion cun ulenteres. Infos: 0471 798015.

Referac

19.02.
Picolin: N mistier por le dagní
A Picolin él na serada de informaziuns sön le mistier da operadus soziosanitars y operadus sozioassistenziai, en mercui ai 19 de forá dales 19:30 tla sënta dl Raiun soziosanitar a Picolin. Al gnará dé informaziuns sön i mistiers, sciöche ince sön la Ciasa de Palsa, le sorvisc de Assistënza a Ciasa dl Raiun Sozial y le Zënter Sozial La Spona.

Mujiga

23.02.
Cunzert dl Vocalensemble »Alla Breve«
L cor, ulache l ie leprò nce ciantarins de Gherdëina, tenirà n dumënia che vën ai 23.02. dala 20:30 te dlieja de Sëlva n cunzert dal titul »... so klingt die Liebe« cun cumposizions de Bruckner, Bubra, Makaroff, Esenvalds, Runestad y d'autri. Ntreda cun dunfierta liedia.

Sport

Fauré
Pudejé sun Pana - l material giàpen debant
L Schi Club Gherdëina fej a l savëi che tl zënter de pudejé sun Mont de Pana puderàn se mpresté ora l material debant ntan l mëns de fauré. L sarà mé da paië la ntreda per i purtoies. Chësta azion vel per duta la populazion de Gherdëina. Nvion duc a unì a fé na raida.

Galaria retrac