Manifestazions atuales

Data

13 de merz 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 13 de merz
Apoteches
Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 13.03. nchin n vënderdi ai 20.03. ie chëla de Sëuc, tel. 0471/708970 (Turnus: 9:00-12:00).
Apoteca Val Badia
L'apoteca en sorvisc fora dl orar ordinar, dal vëndres ai 13 de merz dales 19:00 al vëndres ai 20 de merz ales 19:00, é chëra da La Ila, tel. 0471 847152.

Dotors

Dutor Gherdëina
De servisc da n sada ai 14.03. dala 8:00 daduman nchin la 8:00 daduman de n lunesc ie la dut.ssa Bregolin, tla str. Trebinger 10 a Urtijëi. N prëia bel de cherdé su dan jì te ambulatuere, tel. 333 9111642.
Doturs Val Badia
Le dotur en sorvisc tl fin dl'edema di 14 y 15 de merz, ti comuns de Mareo y San Martin de Tor, é le dotur Luca Galiazzo, tel. 342 5181295; ti comuns de Badia, Corvara y La Val él en sorvisc le dotur Guido Caretta, Calfosch/Corvara, tel. 0471 836870 o 337 616080.

Avisc
Atualmënter
Chi da La Ila foradecá
Le KVW da La Ila y la Ploania mët a jí chësc altonn na incuntada cun chi da La Ila che vir foradecá. Sce te toches lapró o te conësces valgügn personalmënter che foss interessé/ada a ciafé l'invit a chësta incuntada te periunse da ti al comuniché a Hubert Pizzinini al 339 1698343 o a hubert-pizzinini@libero.it anter i 15 de merz cun dé dant l'inom, la misciun y ince la e-mail.
Atualmënter
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16:00 ales 17:00 tla ciasa de Comun a Badia.
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, info.bruneck@frauen helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster – MIP
L'ofize dla MIP – Männer- initiative Pustertal dëida i ëi y peri pro caje de devorz, pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, vëndres dales 8:00 ales 12:00. Tel. 0474 555848, info@mip-pustertal.it
Atualmënter
Lia Mostra d'Ert, duta la manifestazions desdites
N fej a l savëi che per ntant vën duta la manifestazion desdites pervia dla desposizions n cont dl Coronavirus. Nsci nce la mostra »Nia mé maroca« che fossa mo stata davierta nchin n dumënia. Lascià vester vëniel per ntant nce la Nuet Longia te biblioteca de juebia sëira, ajache nce la biblioteca d'ert resta dsareda.
Atualmënter
Biblioteches dsaredes
La biblioteches San Durich, Tresl Gruber y O.v. Wolkenstein fej a l savëi che duc i libri y media che tumëssa danter i 10 de merz y 7 de auril ie unic automaticamënter slungëi nchin ai 15 de auril 2020.
13.03.
Museum stlut y generela spënta
L Museum Gherdëina fej a l savëi che, pervia dla desposizions stateles de prevenzion per l Coronavirus, resta l Museum tla Cësa di Ladins dsarà al publich nchin ai 03.04.. Nce la reunion generela, che fossa stata ai 13 de merz, muessa unì desdida y spusteda a n'autra data. Tl cajo de bujën pòssen cherdé su l 0471 797554 o 338 6040477.
31.03.
Iscriziuns ala Scora de Musiga Val Badia
Les iscriziuns ala Scora de Musiga Val Badia por l'ann de scora 2020/2021 pó gní fates tratan le mëis de merz cina ai 31.03.2020. I formulars é da ciafé tl secretariat dla Scora de Musiga a La Ila o te internet sot a www.musikschule.it. Por info telefonede al 0471 847748.

Mostres y Ert

Atualmënter
L'Abécédaire – A comme Animal
Mostra persunela de Diego Perathoner tla Vijion Art Gallery a Puntives, che prejentea si ultim lëures ispirei dala natura di tieres. Te si dessënies fac cun crëida de ciarbon, àuzel ora l tier, sotrissan l raport mparentà cun la persona. La mostra ie da udëi nchin ai 04.04. Orar: lu.-sa. 16:00-19:00 o cherdan su l 338 2098697.
Atualmënter
Julia Frank solo y culetiva »Komisch' Wetter«
La mostra persunela de Julia Frank dal titul »Fine Corsa« y la mostra culetiva cureda da Siggi Hofer cun »dans op de tafel«, Lydia Hamann & Kaj Osteroth, Karolina Jabłońska, Cécilia Mangini, Tobias Teschner y Paweł Żukowski, ie da udëi tla Galaria Ghetta a Puntives sud nchin de 01.04. y ai 23.04..
Atualmënter
»Furmazions de culëures« de Carlo Mussner
Per »Kunst im Gange« tla cësa de chemun a Laion iel da udëi pitures dl artista de Urtijëi, ulache dantaldut l culëur ie duminant. Ne se lascian nia nfluenzé da tendënzes dl mumënt costruësc Mussner la realtà da nuef, descedan mprescions otiches fines y emotives. La mostra ie da udëi nchin ai 15.05. ntan l'ëures che l Chemun ie daviert.

Cursc

15.04.
Curs per chi che uel purvé a fé arpizeda sportiva
L Gardenaclimb-AS Gherdëina mët a jì n curs per purvé ora l'arpizeda sportiva, per mutans y mutons dl 2011/12. L curs scumencerà n mierculdi ai 15.04. y jirà inant per 8 iedesc. Per nfurmazions plu avisa tel. 333 5235675 o 0471 786181.
20.04.-25.05.
Curs per se njenië ca a parturì
Per ëiles che aspieta y genitores dl daunì, che à l terminn danter mei y agost 2020. L'ancuntedes sarà tla palestra dla Cësa de Paussa a Urtijëi uni lunesc dala 16:00 ala 18:00/19:00. Iscrizions: CUPP tel. 0471/457457, 8:00-16:00 dal lunesc al vënderdi; email: vormerkung.bz@sabes.it; ëifoma 0471/797778, assistënta sanitera 0471/794290.

TELEVIJION

17.03
Pizes dla Ladinia: la piza de Ciadenac
Da les 20:50 ca. Program de Manfred Stuffer y Hanspeter Karbon, a cura de Alessandro Dapunt.
18.03
Trail spezial
Da les 20:50 ca. A cura dla redaziun.
19.03
Oujes e reijes: L'Ozitan, da passa 1000 egn l lengaz de l'amor
Program de Anna Mazzel.

RADIO

LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA
14.03
Momënc de vita – intervista a Roberto Marchione
Da les 19:05. Roberto Marchione é chersciü sö a Salejei de Sot a Fodom y bel da pice él tres sté n aposcioné de musiga y al stüdia percusciuns al conservatore de Balsan. Roberto nes cunta de süa pasciun por la musiga, de sü stüdi a Balsan y de süa esperiënza, che al á fat tl conservatore a Oslo. N program de Erika Castlunger.
18.03
Almanach 2019
Da les 19:05. Desche vigni an l'Union di Ladins de Fascia sporc a duc i sozi l'Almanach coi avenimenc de dut l'an viventà da la caricatures de Manuel Riz che chest an se joa ence di dessegnes di studenc del Liceo Artistich che à rencurà la piates de la sieves. Program de Anna Mazzel.
19.03
Tröpa fadia por nia?
Da les 19:05. N alenamënt te palestra costant y aconsié aladô dla porsona y de sü obietifs, porta früc... y co! Ci tlienc che la palestra á aldedaincö, ciodí che ara é de moda y ci novites che ara pita, nes cuta te chësc program le alenadú Werner Perathoner. Program de Sara Frenner.
Informaziuns plü menüdes söi programs radio y televijion de RAI Ladinia pón ciafé sön www.raibz.rai.it – Sun l medem sit i programes TV sarà da vedei sota »Mediateca« y les trasmiscions radio sota »Podcast«.

Sozial

Atualmënter
L ie da pensé ala detlarazion dla chëutes
La detlarazion dla chëutes mod. 730/2020 possa unì data ju da mez merz nchin ai 22 de lugio. Pensëde per tëmp y ëura a vosta detlarazion dla chëutes y fajëde ora n terminn pra l KVW per telefonn cherdan su l 0471 941704 o online sot a www.mycaf.eu
Atualmënter
Purtina de cunsulënza per la cura y assistënza
Tla sënta dl Servisc Soziel a Urtijëi, str. Purger 16, tla vedla cësa de paussa. Davierta: de lunesc 14:00-16:00 y juebia 10.00-12.00. Tlo giàpen nfurmazions y cunsulënza n cont de assistënza y aiut per chëi che à nstësc de bujën o che à da secudì zachei. Per nfurmazions tel. 0471 798015.
Atualmënter
Baby – Burocrazia – Cuntribuc
L KVW à dat ora na verscion plu atuela de chësc cudejel de cunsulënza. Dedicà iel a chiche devënta genitores y dëssa vester de aiut canche la se trata de batejé, fé via cuestions burocratiches, dumandes de cuntribut y tëmp che i genitores po' sté a cësa pra i mutons. Da giapé ti ufizies dl KVW y sot a www.inflow.it/baby.
Atualmënter
Kita-Bonus per duc
La dumandes possa unì fates tres l KVW-ACLI. Da jené dl 2020 incà ti spietel a duc i pitli metui ju via per l di te na istituzion de secudienza publica o privata, n bonus de al plu 3.000 €. L cuntribut anuel depënd dal fator statel de avëi ISEE. La dumanda possa unì fata tres l KVW telematicamënter al'INPS.

Galaria retrac