Manifestazions atuales speziales

Data

13 de merz 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 13 de merz
Concurs »Formes y geometries«
Le Fotoclub Val Badia mët da jí ince dl 2020 le concurs de fotografia, davert a düc, cun le tema »Formes y geometries«
Pro chësc tema toma ite düc i retrac olach'al vëgn dant formes y geometries. Les 30 plü beles fotos gnará metüdes fora te na mostra da d'altonn y les 10 plü beles, chirides fora da na juria, gnará premiades cun la soma de 250, 150 y 100 euro por i pröms trëi posć y de 25 euro dal 4. al 10. post. Vigni partezipant al concurs po dé jö alplü 5 fotografies sön chësc tema, meton pro vigni fotografia l'inom dl fotograf y n titul/na descriziun. Les foto-grafies pó gní dades jö sön CD/DVD, USB – stick o les mené tres le sistem de trasmisciun de dac www.wetransfer.com ala mail fotoclubvalbadia@rolmail.net.
Le format mëss ester .jpg y mëss avëi almanco 5 mega pixel. Les fotografies sön CD/DVD o USB – stick mëss gní menades te na busta stlüta al: Fotoclub Val Badia, Str. Pares 10, 39030 La Val.
Al vëgn recordé che i partezipanc dl concurs dess mené n file Word cun inom, misciun y mail al Fotoclub, por podëi gní contatá sce ai á davagné. L'ultim termin por dé jö les fotos é ai 13 de setëmber.

Dal alcol pón se delibré
Che me dëida pa? Sce l'alcol o d'atres dependënzes é o pó deventé n problem, por te o por les porsones che te stá dlungia, él i grups de autoaiüt che pó te daidé. Insciö él ince i Clubs che dá n aiüt concret
Canche l'alcol devënta na dependënza, pól desdrüje porsones y families intieres. I grups de autoaiüt pó ester n sostëgn concret por nen gní fora, deache: dal alcol pón se delibré. Sce l'alcol é n problem por te, o por porsones che te stá dlungia, poste damané do aiüt pro:
- Club Boè, tla ciasa di stödafüch a La Ila, da sëgn inant vigni mertesc dales 20:00 ales 21:30. Porsones de referimënt é Hubert al 339 1698343 y James al 338 5975817.
- Club Pütia, tl raiun sozial a Picolin, vigni mertesc dales 20:00 ales 21:30. Porsona de referimënt é Paul al 348 6108479.
- Aziënda Sanitara da Bornech – Sorvisc por les dependënzes, dra. Marion von Sölder, tel. 0474 586200.Infidete y ais coraje: fá le pröm vare. Dales dependënzes pón nen gní fora, sce t'os. Te pos mëte man danü.