Manifestazions atuales

Data

20 de merz 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 20 de merz
Apoteches
Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 20.03. nchin n vënderdi ai 27.03. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L'apoteca en sorvisc fora dl orar ordinar, dal vëndres ai 20 de merz dales 19:00 al vëndres ai 27 de merz ales 19:00, é chëra da San Martin/Picolin, tel. 0474 523020

Dotors

Dutor Gherdëina
L dutor de servisc da n sada ai 21.03. dala 8:00 daduman nchin la 8:00 daduman de n lunesc ai 23.03. ie l dutor Pablo Policastro tl ambulatuere di dutores Kostner/Weber, a Urtijëi tla streda Trebinger 10, tel. 366 3646254. N prëia bel de cheré su dan jì te ambulatuere.
Doturs Val Badia
Le dotur en sorvisc tl fin dl'edema di 21 y 22 de merz, ti comuns de Mareo y San Martin de Tor, é le dotur Eduard Agreiter, San Martin de Tor, tel. 0474 523315 o 333 1380852; ti comuns de Badia, Corvara y La Val él en sorvisc la doturia Maria Michela Zurlo, Badia, tel. 0471 839706 o 380 3161999.

Avisc

Atualmënter
Iscrizions al proiet da d'instà SAKL 2020
Pervia dla situazion atuela, saràl da fé chëst ann la iscrizions autramënter. Les vën mé tëutes su per email a info@njg.it, cun l formuler d'iscrizion scrit ora sciche l toca. Per uni luech iel scrit dant n di y n'ëura canche n possa se scrì ite: Sëlva vënderdi 27.03. 15:30; Urtijëi lunesc 30.03. 19:00; Sureghes merdi 31.03. dala 8:00; S. Cristina mierculdi 01.04. 15:30. Sce na email ëssa da unì ite dan l'ëura scrita dant, ne puderàn nia la lascé valëi. Giaperëis nce la resposta sce ëis giatà lerch.
Atualmënter
Bonus per renuvé fassades
L KVW fej a l savëi che per l 2020 iel udù dant n bonus sun la chëutes dl 90% per lëures de renuvamënt dla fassades de cëses che ie te n raion A o B dl luech. L ne vel nia per fassades nternes.
Atulamënter
Pension sëuraprò
L KVW fej a l savëi de se cruzië de na pension njunteda, che possa vester nteressanta per uniun, unfat sce n lëura bele, sce l se trata de studënc o mutons. Plu abenëura che n scumëncia a paië ite y miec che l ie. N à de plu vantajes. Nfurmazions plu avisa ti ufizies dl KVW-ACLI tel. 0471 941704.
Atualmënter
Dcetlarazion dla chëutes
La detlarazion dla chëutes mod. 730/2020 possa unì data ju da mez merz nchin ai 22 de lugio. Pensëde per tëmp y ëura a vosta detlarazion dla chëutes y fajëde ora n terminn pra l KVW per telefonn cherdan su l 0471 941704 o online sot a www.mycaf.eu
Atualmënter
Spëises da tré ju dla chëutes
Acioche la somes per spëises particuleres posse inant unì trates ju tla detlarazion dla chëutes, muessa i paiamënc unii fai tres banca, cherta de credit o auter mesun da pudëi desmustré l paiamënt nce giut do, ora che per medejines tla apoteches y per prestazions de dutores te strutures saniteres publiches y cunvenziunedes.
31.03.
Iscriziuns ala Scora de Musiga Val Badia
Les iscriziuns ala Scora de Musiga Val Badia por l'ann de scora 2020/2021 pó gní fates tratan le mëis de merz cina ai 31.03.2020. I formulars é da ciafé te internet sot a www.musikschule.it. Por informaziuns telefonede al 0471 847748.

Cursc

Scumenciamënt de auril
Café dla rujenedes »tudësch«
Cun Franziska Gasser de mierculdi dala 9:00-11:00 tla biblioteca S. Durich a Urtijëi nchin ai 3 de juni. La Cunsulta per la Ntegrazion Gherdëina meterà a jì chësta ancuntedes canche la situazion sanitera l lascerà pro. Nteressei dëssa perchël mpo cherdé su mo śën de merz l 0471 773225 o l 333 7564 531 o mandé na email a furmazion.gh@micura.it.
Scumenciamënt de auril
Curs de tudësch per chëi che sà bele n puech
Cun Franziska Gasser, de merdi y juebia dala 9:00-11:00 tla biblioteca S. Durich a Urtijëi nchin ai 4 de juni. La Cunsulta per la Ntegrazion Gherdëina meterà a jì chësc curs canche la situazion sanitera l lascerà pro. Nteressei dëssa perchël mpo cherdé su mo śën de merz l 0471 773225 o l 333 7564 531 o mandé na email a furmazion.gh@micura.it.
01.04.
Curs de ladin per chëi che sà bele n puech
Cun Karin Comploj, de mierculdi dala 18:00-19:30 tl Istitut Ladin Micurà de Rü te Sëlva. Per se scrì ite cherdé su, nchin a n'ena dan che l scumëncia l curs, l 0471 773225 o mandé na mail a furmazion.gh@micura.it.
15.04.
Curs per chi che uel purvé a fé arpizeda sportiva
L Gardenaclimb-AS Gherdëina mët a jì n curs per purvé ora l'arpizeda sportiva, per mutans y mutons dl 2011/12. L curs scumencerà n mierculdi ai 15.04. y jirà inant per 8 iedesc. Per nfurmazions plu avisa pudëis cherdé su l numer de tel. 333 5235675 o 0471 786181.
20.04.-25.05.
Curs per se njenië ca a parturì
Per ëiles che aspieta y genitores dl daunì, che à l terminn danter mei y agost 2020. L'ancuntedes sarà tla palestra dla Cësa de Paussa a Urtijëi uni lunesc dala 16:00 ala 18:00/19:00. Iscrizions: CUPP tel. 0471/457457, 8:00-16:00 dal lunesc al vënderdi; email: vormerkung.bz@sabes.it; ëifoma 0471/797778, assistënta sanitera 0471/794290.

Sozial

Atualmënter
Purtina de cunsulënza per la cura y assistënza
Tla sënta dl Servisc Soziel a Urtijëi, str. Purger 16, tla vedla cësa de paussa. Davierta: de lunesc 14:00-16:00 y juebia 10.00-12.00. Tlo giàpen nfurmazions y cunsulënza n cont de assistënza y aiut per chëi che à nstësc de bujën o che à da secudì zachei. Per nfurmazions pòssen cherdé su l 0471 798015.
Atualmënter
Baby – Burocrazia – Cuntribuc
L KVW à dat ora na verscion plu atuela de chësc cudejel de cunsulënza. Dedicà iel a chiche devënta genitores y dëssa vester de aiut canche la se trata de batejé, fé via cuestions burocratiches, dumandes de cuntribut y tëmp che i genitores po' sté a cësa pra i mutons. Da giapé ti ufizies dl KVW y sot a www.inflow.it/baby.
Atualmënter
Kita-Bonus per duc
La dumandes possa unì fates tres l KVW-ACLI. Da jené dl 2020 incà ti spietel a duc i pitli metui ju via per l di te na istituzion de secudienza publica o privata, n bonus de al plu 3.000 €. L cuntribut anuel depënd dal fator statel de avëi ISEE. La dumanda possa unì fata tres l KVW telematicamënter al INPS.

TELEVIJION

24.03
Natura e ambient: N prossach pien de emozions
Da les 20:50 ca. Manuel Bernard e Mattia Felicetti, doi joegn Fascegn che va sa mont ogne outa che i pel, un percheche l'à n muie de hobby leé a la natura e l'auter percheche l'é n gran sportif e l sport l'é doventà ence sie lurier. Doi vides de se goder la natura te duc si aspec, per se empienir l prossach de beleza e de emozions.Program de Luciana Detomas, camera y tai Fulvio De Martin, a cura de Anna Mazzel
25.03
Tassìe: L cher di ogec
Da les 20:50 ca. I ogec de noscia tradizion i met ensema tassìe che revela sacotanta stories en cont de chiche i li à. I palesa emozions, sentimenc e segnificac e, soraldut, i se tramuda te n spieie che moscia e conta chel che l'é tel fon de noscia identità. Program de Cinzia Pistoia, a cura de Anna Mazzel
26.03
EURO: trasmisciun d'economia
Da les 20:50 ca. De Diego Clara y Hartmann Mairhofer, a cura de Leo Senoner
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00
24.03
Stories Grimm por ladin
Da les 13:45 – 14:00. Finalmënter podunse lì valgönes stories di fredesc Grimm ince por ladin. Gabriela Frontull, insegnanta y aratista, nes cunta de süa pasciun por les stories y dla publicaziun nöia che é dan man. Moderaziun: Sara Frenner
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA
22.03
Agorà – L tëmp (terza pert)
Da les 19:05. Co iela pa cun la imortalità, fina pa l tëmp o ne finel pa nia? O vivons'a inant nchin tl'eternità? Ivan Senoner y l artist Egon Rusina, filosofea rujenan de religion, mort y vita etierna. Trasmiscion de Ivan Senoner
25.03
La bolifa: L gust te cesa da fech
Da les 19:05. La bolifa snesa insnet de bona speisa ajache rejonaron con Franco Cincelli, cogo de profescion che se à avert ence a la speisa vegana. Program de Cinzia Pistoia e Anna Mazzel
26.03
Dal tach ala piza
Da les 19:05. Ai dess ester bí, comoc y madër nia doiusc. Te chësc program nen vara de cialzá, mo ince dl mistir dl carigá, conscidran süa storia da inlaota fina incö. Program de Sara Frenner.
Informaziuns plü menüdes sön i programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les trasmiscions radio sota »Podcast«.

Galaria retrac