Manifestazions atuales

Data

22 de mei 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 22 de mei
Religion
Atualmënter
Prion per té
https://bit.ly/3acBNhU. Uniun possa dé ite si preghiera te na maniera anonima sun chësta plata metuda a despusizion dala SKJ de Sëlva y S. Cristina. Gejù dij: chi che damanda, giapa. Perchël porta duta ti preghieres, festidesc, problems y tëmes da Chël bel Die. I jëuni dla SKJ juda pona a prië per chësc.

RADIO

Atualmënter
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00
26.05
Scolina daverta, mo por püc...
Da les 13:45. Le debojëgn da sostigní les families é gran y la provinzia se lascia sön les istituziuns scolina y scora por daidé fora. Te n'intervista cun la direturia dles scolines ladines, Hannelore Insam, orunse capí sciöche la scolina se á organisé y ci che al se é mudé por pici y gragn, respet a denant. Moderaziun: Sara Frenner
27.05
Normatives e cruzies
Da les 13:45. La normatives per averjer hotie e restoranc à zacan n cheder mingol più segur. Co vegnarel pa avertes la strutures turistiches chest istà? En rejonon con Filippo Debertol president sociazion albergatores. Conduzion Anna Mazzel
Atualmënter
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA
24.05
Ascuté musiga en pröma fila da ciasa?
Da les 19:05. Ta- Ta- Ta Taaa: n iade fora por la vita dl componist revoluzionar Ludwig van Beethoven, en ocajiun di 250 agn dala nasciüda. (secunda pert). Program de Esther Videsott
27.05
La bolifa: La magìa de la biblioteca
Da les 19:05. Vigni liber ne averc a n viac, n aventura del saèr che ne deida a crescer e emparer per chest l lurier de bibliotecaria ne mena te n post magich desche che ne à contà Barbara Pederiva. Program de Cinzia Pistoia e Anna Mazzel
28.05
Le tëmp é madü, i jun a erbes
Da les 19:05. Les erbes salvaries da medejina é sön so plü bel y Rai Ladinia ves condüj incö tres na spazirada cun l'esperta Cristina Dapunt, por imparé da reconësce y adoré valgönes erbes spon­tanes de nosc raiun. Program de Sara Frenner
Informaziuns
Informaziuns plü menüdes sön i programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les trasmiscions radio sota »Podcast«.

TELEVIJION

26.05
Spëisa ladina saus da zacan: Tutres cun file vërda
Da les 20:50 ca. Al gnará arjigné ca tutres adöm a Steven Moling dl restorant Fornata a Longiarü. La rezeta tradizionala gnará arjignada ca cun produc frësc dl Lüch L'Ostí Vedl. Program de Concetta Bonaldi, a cura de Anna Mazzel
27.05
Arpejuns, monumënc de ert y storia: La dlijia de Badia
Da les 20:50 ca. La dlijia de Badia é dedicada a San Iaco y a San Linert, le pröm documënt che baia de na dlijia a Badia é dl 1347, y al ê dessigü na dlijia scialdi plü picera, che é spo gnüda fata plü grana deplü iadi. L'ultimo gran laur é gnü fat danter le 1776 y 1778, canche ara é gnüda ingrandida scialdi y daite éra gnüda abelida cun pitöres de Matthäus Günther. Tl 2013 él gnü benedí l'orghe nü dla dlijia, n orghe de stil baroch de gran cualité. Te dlijia de San Iaco y San Linert él dër na bona acustica y la Musiga da Badia á tres na gran ligrëza da fá conzerc te dlijia. N program de Erika Castlunger, camera y tai de Hans Peter Karbon, a cura de Alessandro Dapunt
28.05
Euro
Da les 20:50 ca. Trasmisciun d'economia condüta da Diego Clara, regia de Hartmann Mairhofer, a cura de Alessandro Dapunt.

Dotors

Dutor Gherdëina
L dutor de servisc da n sada ai 23.05. dala 8:00 daduman nchin n lunesc ai 25.05. dala 8:00 daduman ie la duturëssa Barbara Micoli de Sëlva, streda Nives 2, numer de telefon 351 5544347.
Doturs Val Badia
Le dotur en sorvisc ti cin' comuns dla Val Badia, tl fin dl'edema di 23 y 24 de ma, é le dotur Edoardo Agreiter, San Martin de Tor, tel. 0474 523315 o 333 1380852.

Apoteches

Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 22.05. nchin n vënderdi ai 29.05. ie chëla de Ciastel, tel. 0471/706323 (Turnus: sa. 8:30-12:00/16:00-18.00, du. 10:00-12:00).
Apoteca Val Badia
L'apoteca en sorvisc fora dl orar ordinar, dal vëndres ai 22 de ma dales 19:00 al vëndres ai 29 de ma ales 19:00, é chëra d'Al Plan, tel. 0474 501240.

Sozial

Atualmënter
Racoiüda de vedli jeans
»La Spona« a Pidró chir de vedli jeans por fá tepihs. I jeans mëss ester lavá y nëc. I ves periun da telefoné al numer 0471 843060, dal lönesc al vëndres dales 8:00 ales 15:00, por fá fora n termin da i dé jö. »La Spona« dij n gran dilan danfora.

Avisc
Atualmënter
La cunsulënza per families FABE va inant
L ufize de cunsulënza per families pieta si servisc, al mumënt nia tla sënta a Urtijëi, ma per telefonn o skype. N possa se nunzië da lunesc nchin vënderdi (10:00-12:00), cherdan su l 379 1517349 o tres email a kontakt@familien beratung. Chësc servisc vën pità inant, iust ajache te chësta situazion particulera possa families avëi de bujën de assistënza d'uni sort.
Atualmënter
Orar Bibliotech O.v. Wolkenstein
La biblioteca publica de Sëlva ie davierta cun orar scurtà y plu avisa iela davierta da n lunesc nchin vënderdi domesdì dala 15:00 ala 17:00, de merdi, mierculdi y juebia nce danmesdì dala 9:00 ala 11:00 y de dumënia dala 10:00 ala 12:00.
Atualmënter
Orar Bibliotech Tresl Gruber
La biblioteca publica de S. Cristina à daviert da merdi nchin vënderdi dala 15:00 ala 18:00, de merdi y mierculdi nce danmesdì dala 8:30 ala 11:30, de sada sëira dala 19:30 ala 21:00 y de dumënia dala 9:30 ala 11:30.
Atualmënter
Orar Bibliotech San Durich
La biblioteca publica de Urtijëi à daviert da lunesc nchin vënderdi domesdì for dala 14:30 ala 19:00, danmesdì iela davierta da merdi nchin sada dala 9:00 ala 12:00. De dumënia iela per ntant stluta.
Atualmënter
Liejer d'instà
Azion a livel provinziel per mutans y mutons danter 11 y 16 ani, ulache la se trata de liejer libri online y de dé ju na valutazion, nchin ai 31.10. sun la plata web www.lilestate.bz.it. Fajan pea pòssen vëncer de biei pesć. N possa crì ora danter 40 libri, che ie nce da pudëi se mpresté ora tla biblioteches publiches de Gherdëina.
Atualmënter
Fotos o videos per la azion de liejer d'instà
Pra la azion de liejer metuda a jì a livel provinzeil iel nce da pudëi vëncer de biei pesć mandan ite n video che dura n menut o na bela fotografia che ebe da n fé cun un di 40 libri dla azion. Duta la nfurmazions plu avisa ie da abiné sun la plata internet www.lilestate.bz.it.
Atualmënter
L'Ofize de »Ëres dëida Ëres«
L'ofize a Bornech pón al momënt arjunje tres e-mail a info.bruneck@frauen helfenfrauen.it, o tres telefon al 0474 410303.
Atualmënter
Iniziativa di ëi de Puster – MIP
L'ofize dla MIP – Männer­initiative Pustertal dëida i ëi y peri pro caje de devorz, pîta aiüt te situaziuns de dificolté. An pó al momënt tó sö contat tres telefon al 0474 555848, o e-mail a info@mip-pustertal.it
Atualmënter
Sorvisc de consulënza por jogn, jones y geniturs
Le sorvisc sön temesc che reverda la jonëza y l'educaziun vëgn indó pité: vigni 2. y 4. mercui dl mëis dales 09:30 ales 11:30 tl Zënter Pedagogich a Picolin (alzada -1) y vigni 2. y 4. vëndres dales 13:00 ales 15:00 tl SaJ.un a La Ila (Ciasa dla Cultura, alzada -2). Por tó n apuntamënt fora de chësc orar o por na consulënza tres telefon, pón scrí sön whatsapp al 342 8410721 o na mail a barbara@jogn.org Tratan la consulënza gnarál respeté les leges varëntes en cunt dla sanité.
Atualmënter
Scriedi a berbesc y mëdes
Ëise pa parënc, ëise amisc o conescënc te Ciasa de Palsa da San Martin? Ales mëdes y ai berbesc ti fajessel n gran plajëi da ciafé n salüt, n sëgn de vita da defora. Porchël se confortassai sce i ti scriesses. Chësc podëise fá a »Inom dl berba o dla mëda – Ciasa de Palsa Ojöp Frëinademetz – Pinis nr. 50, 39030 San Martin de Tor«. N gran giulan a Os che i se recordëis de ëi.
Atualmënter
Club Boè a La Ila
Chi che ess debojëgn da contaté le Club Boé, che dëida porsones y familiars confrontá cun le problem dl alcol, pó tó sö contat tres telefon. Porsones de referimënt é Angelo al numer 338 5975817 o Hubert al numer de telefon 339 1698343.

Mostres y Ert

23.-31.05.
Ponc de ududa
L Lizeum d'Ert Cademia y la Scola prufesciunela deberida cun la Lia Mostra d'Ert nvieia ala mostra di sculeies de duta la sezions, tla sala dla mostres dl Circolo sun plaza de Sant Antone a Urtijëi. La giaurida vën fata te na forma virtuela y n possa ti cialé duman sada ai 23.05. sot a https://www.youtube.com/channel/UCiEw PFLXoP5qgm FDzy1G5vA/ videos. La mostra resta davierta nchin ai 31.05. uni di dala 10:00-12:00 y dala 17:00-19:00 y possa unì vijiteda da al plu doi persones al iede. De lunesc iela stluta.

Galaria retrac