Manifestazions atuales

Data

29 de mei 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 29 de mei
Apoteches
Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 29.05. nchin n vënderdi ai 05.06. ie chëla de Sëlva, tel. 0471 795142 o 333 1776615 (davierta dala 8:30 - 12:30).
Apoteca Val Badia
L'apoteca en sorvisc fora dl orar ordinar, dal vëndres ai 29 de ma dales 19:00 al vëndres ai 5 de jügn ales 19:00, é chëra da Corvara, tel. 0471/830237.

Dotors

Dutor Gherdëina
L dutor de servisc da n sada ai 30.05. dala 8:00 daduman nchin n lunesc ai 01.06. dala 10:00 daduman ie la duturëssa Tanja Bregolin, che fej servisc tl ambulatuere tla streda Trebinger 10 a Urtijëi, tel. 333 9111642. Da n Lunesc de Pasca de Mei, ai 01.06. nchin dala 8:00 daduman de n mierculdi ai 03.06. ie de servisc l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia
Le dotur en sorvisc ti cin' comuns dla Val Badia, tl fin dl'edema di 30 y 31 de ma, é le dotur Guido Caretta, Calfosch/Corvara, tel. 0471 836870 o 337 616080. En Lönesc de Pasca de Ma y sura la festa nazionala al 1. y ai 2 de jügn él en sorvisc le dotur Luca Galiazzo, tel. 342 5181295.

TELEVIJION

02.06
Pizes dla Ladinia: Piza meridiunela de Fanes
Da les 20:50 ca. Program de Manfred Stuffer y Hanspeter Karbon, a cura de Alessandro Dapunt.
03.06
Df dut feminin: La eles en devisa
Da les 20:50 ca. La devisa la é fata per palesèr n sens de partegnuda a n grop spezifich, ajache l'é de besegn che chi­che i la à tel dos posse se fèr recognoscer defata. Vindedò chesta mondura, troon sci­chedonca ence n grop de eles che, con sie carater, sia storia e l cher che les met tel lurier, les reprejenta valores fogn. Program de Cinzia Pistoia a cura de Anna Mazzel.
04.06
Scenar ert y cultura: Diego Perathoner y Paul Moroder de Doss
Da les 20:50 ca. Diego Perathoner de Caio ie n artist che cëla tres na esprescion sëcia y direta, ma nce aiceda da n zinism fin, de traté la tematiches sozieles suvënz nvijibles ai uedli dla massa. Paul Moroder de Doss se caraterisea per si sensibltà. Unfat sce l va a arziché la dimenscion spirituela o i argu­mënc liei al ambient y al cun­sum. Te si ultima performance »Nia mé maroca« àl cunlaurà cun la grupa »Nothing about trains«. Program y cunzet: Ivan Senoner, tai: Hans Peter Karbon, a cura de: Leo Senoner.

RADIO

LADINIA LIVE: microfons davierc sun atualità y cultura. Da aldí vigni mertesc y mercui da les 13:45 a les 14:00.
03.06
Museum Ciastel de Tor indô davert
Da les 13:45. Ghest: Stefan Planker, diretur dl museum. Moderaziun: Alessandro Dapunt.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
31.05
Ascuté musiga en pröma fila da ciasa?
Da les 19:05. L'aisciöda. Tröc è i componisc' che se á lascé ispiré da chësta sajun che porta danü en vita plantes, descëda tiers dal lunch invern y dá löm y forza a ales por­sones. Vivaldi, Schumann, Glazunov, Beethoven, Piazzolla y tröc d'atri lascia rogore tres ones musicales, sües emoziuns liades al aisciöda. Program de Esther Videsott.
03.06
L Museo Ladin de Fascia se enjigna a averjer
Da les 19:05. L museo Ladin de Fascia vegnarà avert ai 10 de jugn ma te chisc meis de Coronavirus l staff del Museo à chierì de lurèr per troèr strumenc neves o de potenzièr chi jà en doura. Apede al sit www.istladin.net l'é vegnù sport ence autra piates Facebook e Instagram e, giusta apontin, l'é ruà ence l projet DolomitesMuseum de la Fondazion UNESCO. De chest e auter rejonaron col diretor del Museo e ICL Fabio Chiocchetti e si colaboradora Martina Chiocchetti. Program de Anna Mazzel.
04.06
Le monn te tai
Da les 19:05. Program de Sara Frennner.
Informaziuns plü menüdes sön i programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Media­teca« y les trasmiscions radio sota »Podcast«.

Sozial

Atualmënter
Racoiüda de vedli jeans
»La Spona« a Pidró chir de vedli jeans por fá tepihs. I jeans mëss ester lavá y nëc. I ves periun da telefoné al numer 0471 843060, dal lönesc al vëndres dales 8:00 ales 15:00, por fá fora n termin da i dé jö. »La Spona« dij n gran dilan danfora.

Avisc

Dai 01.06. inant
Azion liejer d'instà, per sculeies dla elementera
N possa passé te Bibliotech S. Durich a se tò la cherta da bingo cun sies duvieres da liejer. Per uni duvier fat giàpen n stempl. Almanco cin' duvieres muessen avëi fat per fé pea ai 27 de agost pra l'estrazion di biei pesć. Sambën, plu chertes che n dà ju y majera che ie la puscibltà de vëncer.
06.06
Regoeta de fer per solidarietà
En sabeda ai 6 de jugn i volon­tadives di gropes Freinademetz e Mato Grosso passa a tor sù fèr e metèi ti paìjes da Soraga a Fontanac. i domana de meter dut sun or de strèda jà da doman bon­ora. Per Cianacei e Ciampedel chiamèr Luigi (335.7417183) o Mambo (388.0453037). Dut l vadagn serf a responer a la domana de aiut che rua dai miscio­naries.
Atualmënter
La cunsulënza per families FABE va inant
L ufize de cunsulënza per families pieta si servisc, al mumënt nia tla sënta a Urtijëi, ma per telefonn o skype. N possa se nunzië da lunesc nchin vënderdi (10:00-12:00), cherdan su l 379 1517349 o tres email a kontakt@familien beratung. Chësc servisc vën pità inant, iust ajache te chësta situazion particulera possa families avëi de bujën de assistënza d'uni sort.
Atualmënter
Orar Bibliotech O.v. Wolkenstein
La biblioteca publica de Sëlva ie davierta cun orar scurtà y plu avisa iela davierta da n lunesc nchin vënderdi domesdì dala 15:00 ala 17:00, de merdi, mierculdi y juebia nce danmesdì dala 9:00 ala 11:00 y de dumënia dala 10:00 ala 12:00.
Atualmenter
Gé compre te la boteighes de Fascia
En sabeda ai 30 de mé na trentina de boteighes de Fascia tol pèrt a la giornèda »Gé compre te mia val« endrezèda dal CGF e sie assessor Matteo Iori. Se se va a proveder te una de chesta boteighes se ciapa na zedola dal valor del 20% de chel che l'é stat spenù. Maor informazions su la piata Facebook del CGF.
Atualmënter
Orar Bibliotech Tresl Gruber
La biblioteca publica de S. Cristina à daviert da merdi nchin vënderdi dala 15:00 ala 18:00, de merdi y mierculdi nce danmesdì dala 8:30 ala 11:30, de sada sëira dala 19:30 ala 21:00 y de dumënia dala 9:30 ala 11:30. L vën nce pità l servisc de pudëi se liejer la zaites da uni di, sambën tl respet dla normes de igiena aldò.
Atualmënter
Orar Bibliotech San Durich
La biblioteca publica de Urtijëi à daviert da lunesc nchin vënderdi domesdì for dala 14:30 ala 19:00, danmesdì iela davierta da merdi nchin sada dala 9:00 ala 12:00. De dumënia iela per ntant stluta.
Atualmënter
Liejer d'instà, per jëuni danter 11 y 16 ani
Azion a livel provinziel, ulache la se trata de liejer libri online y de dé ju na valutazion nchin ai 31.10. sun la plata web www.lilestate.bz.it. Fajan pea pòssen vëncer de biei pesć. N possa crì ora danter 40 libri, che ie nce da pudëi se mpresté ora tla biblioteches publiches de Gherdëina.
Atualmënter
Fotos o videos per la azion de liejer d'instà
Pra la azion de liejer metuda a jì a livel provinziel iel nce da pudëi vëncer de biei pesć mandan ite n video che dura n menut o na bela fotografia che ebe da n fé cun un di 40 libri dla azion. Duta la nfurmazions plu avisa ie da abiné sun la plata internet www.lilestate.bz.it.
Atualmënter
Toniebox, n cubo per scuté su cianties o stories
N à mé drë de mëter lessù n pitl mandl y riesc àuden la prima parola, l prim sonn. L cubo ie fat a na maniera che uni pitl ie bon de l manejé. N valgun mandli iel bele dal scumenciamënt dl ann, śën n àn giapà trueps de nueves, che n possa se mpresté ora nchin a mez setëmber tla Bibliotech S. Durich a Urtijëi.
Atualmënter
»Ciamena dal guant« a Picolin
La Ciamena dal Guant resta inant stlüta por gauja dl »coronavirus«. Canche al gnará indó daurí, gnarál lascé alsavëi.
Atualmënter
Sorvisc de consulënza por jogn, jones y geniturs
Le sorvisc sön temesc che reverda la jonëza y l'educaziun vëgn indó pité: vigni 2. y 4. mercui dl mëis dales 09:30 ales 11:30 tl Zënter Pedagogich a Picolin (alzada -1) y vigni 2. y 4. vëndres dales 13:00 ales 15:00 tl SaJ.un a La Ila (Ciasa dla Cultura, alzada -2). Por tó n apuntamënt fora de chësc orar o por na consulënza tres telefon, pón scrí sön whatsapp al 342 8410721 o na mail a barbara@jogn.org Tratan la consulënza gnarál respeté les leges varëntes en cunt dla sanité.
Atualmënter
Scriedi a berbesc y mëdes
Ëise pa parënc, ëise amisc o conescënc te Ciasa de Palsa da San Martin? Ales mëdes y ai berbesc ti fajessel n gran plajëi da ciafé n salüt, n sëgn de vita da defora. Porchël se confortassai sce i ti scriesses. Chësc podëise fá a »Inom dl berba o dla mëda – Ciasa de Palsa Ojöp Frëinademetz – Pinis nr. 50, 39030 San Martin de Tor«. N gran giulan a Os che i se recordëis de ëi.

Religion

Atualmënter
Prion per té
https://bit.ly/3acBNhU. Uniun possa dé ite si preghiera te na maniera anonima sun chësta plata internet metuda a despusizion dala SKJ de Sëlva y Santa Cristina. Gejù dij: chi che damanda, giapa. Perchël porta dant duta ti preghieres, festidesc, problems y tëmes da Chël bel Die. I jëuni dla SKJ juda pona a prië per chësc.

Mostres y Ert

Nchin ai 31.05.
Ponc de ududa
L Lizeum d'Ert Cademia y la Scola prufesciunela deberida cun la Lia Mostra d'Ert nvieia ala mostra di sculeies de duta la sezions, tla sala dla mostres dl Circolo sun plaza de S. Antone a Urtijëi. La resta mo davierta nchin n dumënia ai 31.05. uni di dala 10:00-12:00 y dala 17:00-19:00 y possa unì vijiteda da al plu 5 persones al iede.

Concursc

Nchin ai 15.07.
4° Simposium nternaziunel de scultura tl lën
Per chësta edizion dl simposium de ziplé à la Lia Mostra d'Ert/Circolo de Urtijëi cris ora l titul »Zipla... na lerch«. Per dé ite si pru­postes possa i artisć se ciarië ju regulamënt y formuleres sun www.circolozipla.org. I artisć crisc ora puderà realisé si opra d'ert ala fin d'agost sun Ciampinëi.

Galaria retrac