Manifestazions atuales speziales

Data

26 de jugn 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 26 de jugn
Curs de »graffiti« per jëuni cun performance
Metù a jì dala Lia Mostra d'Ert ai 11 y 12 de lugio
L workshop de graffiti cun i artisć »Senka Semak« y »Nemo's« ie pensà per jëuni y jëunes dl'età dla scola auta, nasciui dan l 2005.
L vën tenì tla sënta dla Lia Mostra d'Ert/Circolo a Urtijëi sun Plaza de Sant Antone, n sada y dumënia ai 11 y 12 de lugio, dala 10:00 nchin la 18:00. N dumënia saràl nce na performance dan la Cësa di Ladins, ulache n dajerà desmustrazion de una dla tecniches de graffiti.
N possa se scrì ite nchin n juebia ai 9 de lugio, cherdan su l 377 5936350 o passan tla biblioteca d'ert dl Circolo. Da paië ite iel 50 €.

L Museum Gherdëina inò daviert
Azes regulà – Raida meneda ai mejes sa Sacun – Azion »liejer y scinché«
Dai 1. de lugio sarà l Museum Gherdëina inò daviert al publich cun orar reguler dal lunesc al vënderdi, dala 10:00-13:00 y 14:00-18:00.
• Raida meneda ai mejes sa Sacun: de lugio y agost, uni mierculdi danmesdì, cun ntroduzion al patrimone architetonich da paur de nosta valeda.
• Azion »liejer y scinché«: la publicazions dates ora dal Museum Gherdëina ie da giapé a scialdi n miëur priesc, p.ej. »Mejes de Gherdëina. La memoria de na cuntreda«, »N viac tres l tëmp« liber guida per la culezions dl Museum.
Per respeté la normes de segurëza ie l azes al Museum regulà. Per persones a risch vëniel nce pità de pudëi resservé la ntreda da n'ëura ora dl orar reguler. A de mëndra y de majera grupes ti vëniel cunsià de apusté la vijita danora.
Per nfurmazions, iscrizions y tickets: tel. 0471 797554, www.museumgherdeina.it.