Manifestazions atuales

Data

31 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 31 de messel
Sport
09.08.
»Horsefestival« Pozamanigoni
Dala 10:00 inant iel ora Pozamanigoni te Sëlva l sesto festival di ciavei, ulache l sarà da udëi turnoies de raité, ma l ie nce juesc per mutons y mutans y na bona grilieda. L ie da se lascé nuté su; tel.: 0471 794138, e-mail: info@pozzamanigoni.it.

Temp Lede

Atualmënter
Alta Badia Balance
Le festival »Alta Badia Balance« píta döta l'edema che vëgn ativités sciöche yoga por mituns y gragn, escurjiuns de relassamënt, aromaterapia, Shinrin Yoku, impulsc por suravire tles munts te vigni situaziun, y Qi Gong. Le program ciafon sön www.altabadiabalance.com
31.07.
Domesdì de pastelné per mutons
Ncuei dala 14:00 sun la Pitla Plaza de S. Antone a Urtijëi. Cun materiai naturei puderà i pitli se pastelné n ncësa per nsec de utl. Per fé pea iel da paië ite 15 €.
02.08.
Festa di joluns a Corvara
En domënia ai 2 d'agost dales 15:00 inant él tl ciamp dal sport da Corvara la festa di joluns, olache an pó imparé co che an fej n jolun y co che an fej da le fá joré. Les iscriziuns vëgn tutes sö söl post, dales 14:00 inant.
02.08.
De dl Movimënt
En domënia ai 2 d'agost vëgnel tigní tl parch »Movimënt« sön Piz La Ila n de por les families cun animaziun, jüc y sport. L'iniziativa vëgn metüda da jí dales 10:30 ales 15:00 y vëgn abelida cun musiga dal vi.
04.08.
Domisdé por i mituns a Calfosch
Tl parch dai tiers a Calfosch á i mituns da 5 agn insö la poscibilité da passé n domisdé de devertimënt cun laboratore didatich, olache an fajará na scoltöra cun materiai dla natöra. En mertesc ai 4 d'agost dales 15.00 inant. Preno­taziuns ti ofizi turitics dl'Alta Badia.
04.08.
Descurí la natöra
I mituns dai 6 ai 12 agn é inviá a n domisdé por descurí la natöra, en mertesc ai 4 d'agost dales 15:00 tl pinëi a Corvara. I verdaparch ti mostrará de vigni sort de tiers, plantes y lëgns. Iscriziuns ti ofizi turistics dl'Alta Badia.
05.08. y 16.08.
Festa di dragons
Dala 14.00 nchin la 17:00 puderà mutons y mutans pastelné dragons y pona i lascé julé sun l pra de Chemun te Sëlva.
06. – 07.08.
Le monn dles stëres
Tl'Alta Badia pón ti ciaré ales stëres cun telescop o ince zënza. Les incuntades é preodüdes en jöbia ai 6 d'agost pro la ütia Planfistí sura Ciaulunch sö, y en vëndres ai 7 d'agost pro la Capanna Alpina a San Ciascian. Intrames les incuntades mët man dales 21:15. Prenotaziuns ti ofizi turistics dl'Alta Badia.
07.08.
Cujiné te ütia
En vëndres ai 7 d'agost pón imparé da fá balotes pro la ütia I Tablá. Le curs mët man dales 15:00. Prenotaziuns ti ofizi turistics dl'Alta Badia.
07.08.
Vins alaleria
En vëndres ai 7 d'agost dales 20:30 vëgnel pité a Ciablun da La Val na degustaziun de vins de Südtirol, cun n sommelier. Lapró pón amiré la löna colma. Iscriziuns ti ofizi turistics dl'Alta Badia.
Uni merdi
Artejanat y guant dala gherdëina
Tl zënter de Urtijëi iel uni merdi de agost da sëira dala 21:00 inant da pudëi udëi la tradizion dl artejanat tradi­ziunel danter ziplé, turnadëcia y guant dala gherdëina.
Uni merdi
Marcià di paures y di artejans
A S. Cristina tl raion da jì a pe iel uni merdi sëira dala 19:00 inant l marcià di paures y di artejans che pieta si prudoc zidlei o fac nstësc. L sarà nce prejentazions dl arte­janat tradiziunel de Südtirol. N prëia bel de tò i mascheroc y de sté de zes.
Uni mierculdi
Raida di mejes sa Sacun
Vijita ai mejes de Mëune y Peza y ala dlieja da Sacun y ntroduzion ala storia dl nridlamënt. N se urta dala 9:00 tl Museum per stlù ju dala 13:00 sa Sacun. Da se nuté su nchin al di dant tla Lies dl Turism de Gherdëina o tl Museum: 0471 797554, info@museum gherdeina.it. Nce n auter di y da n'autra ëura sce l ie almanco 6 scric ite.
Uni mierculdi
Pitl marcià de prudoc tipics a Urtijëi
A Urtijëi sun la Pitla Plaza de S. Antone vëniel metù a jì uni mierculdi nchin ala fin de agost dala 16:00 nchin la 20:00 n pitl marcià cun prudoc dl raion. Na parti­cularità de chësc marcià ie che i stonc vën njeniei ite sun auti Haflinger Steyr-Puch.
Uni mierculdi
Marcià tradiziunel te Sëlva
Sun Plaza Nives te Sëlva iel uni mierculdi dala 15:00 nchin la 19:00 n pitl marcià cun prudoc tipics.
Uni mierculdi
Mulins da Bula y verzon dala rojules
Dala 14:00 se ancónten sa Mesavia sa Bula per jì pona a ti cialé ai mulins pra l ruf da Bula, ulache l unirà fat na pitla desmustrazion. Dopro jiràn mo a ti cialé al bel verzon dala mile rojules sal Uhrerhof. L ie da se lascé nuté su nchin la 18:00 dl di dant tla Lia dl Turism de Urtijëi, tel. 0471 777600.
Uni juebia
Jì a ti cialé ai tieres salveresc
N se urta dala 6:00 te Val per jì cun l ciaciadëur Roman a usservé i tieres tl parch naturel Puez-Odles. La jita dura nchin la 11:00. Da se scrì ite iel nchin la 18:00 dl di dant tla Lia dl Turism de Sëlva, tel. 0471 777999.
Uni juebia
Juesc y devertimënt cun Mago Bryan
Uni juebia dala 20:30 tl raion da jì a pe de S. Cristina dan l hotel Post, saràl ntan dut l instà Mago Bryan, che, cun si juesc y striunëc, ncanterà pitli y granc. Sce l ëssa da pluëi ne vëniel nia fat chësta manifestazion.
Uni vënderdi
Aperitif a Urtijëi
Uni vënderdi dala 18:00 nchin la 20:30 tla ustaries dl zënter de Urtijëi uniràl pità de bon aperitifs pra de bela mujiga dal vif.
Uni vënderdi
Shopping da sëira
De vënderdi sëira ie la butëighes tl zënter de Urtijëi y de Sëlva daviertes nce dala 21:00 nchin la 22:30.

Mostres y Ert

Atualmenter
Mostra »Fake!«
Fin ai 20 de aost, vigni dì fora che la sabeda, se pel veder la mostra »Fake!« su la gaboles de la vista, endrezèda dal grop Level Up en colaborazion con INOUT e la Scola ladina de Fascia, aló da la populères Jan Batista Massar a Vich. La mostra é averta da les 16:00 fin les 19:00 e da les 20:30 fin les 22:30.
Atualmenter
Mostra La Gran Vera te Navalge
La mostra de la Gran Vera ja Moena al teater Navalge la é averta fin ai 13 de setember dal mèrtesc a la domenia da les 10:00 a les 12:30 e da les 15:30 a les 19:00. Vijites vidèdes con prenotazion de obligh al 346 2415776.
Atualmenter
Mostra de l'Operazion Mato Grosso
A Pardac dai 25 de messèl fin ai 16 de aost aló da Via Garibaldi 1 mostra de operes fates a maia, recam e tessidura de l'Operazion Mato Grosso. L'esposizion la é averta duc i dis da les 10:00 a les 12:30, da les 15:30 a les 19:00 e da les 20:30 a les 22:00.
Atualmenter
Musega da Vich
La mostra sui 200 egn de la Musega da Vich aló da la Ciasa Marmolada a Vich la é averta fin ai 8 de setember vigni dì con orarie da les 21:00 a les 22:30.
Atualmenter
Mostres al Museo d'èrt contemporana
A Ciavaleis al Museo d'èrt contemporana l'é fora la mostres »NonèSOLOonline« sul percors virtual de 12 artisć, anter chisc l fascian Matthias Sieff, e »Paesaggi« de Sergio Camin. L'esposizion restarà fora fin ai 6 de setember, dal mèrtesc a la sabeda da les 15:30 a les 19:00.
Atualmënter
Laurina Paperina
Laurina Paperina (Rurëi, 1980) se muev da for sun n orizont culturel amezite danter l mond dl cartoon y dla cultura pop, dajan vita a na ert sarcastica y ironica. La mostra te Tublà da Nives te Sëlva, partida su te plu sezions, ie da udëi nchin ai 05.08. uni di 16:00-19:00, de dumënia, merdi, mierculdi y vënderdi nce 20:30-22:00.
Atualmënter
»Pinocchios's Nose« de Stefan Fabi
Da udëi tla sënta dla Lia Mostra d'Ert a Urtijëi sun Plaza de S. Antone nchin ai 07.08., uni di dala 17:00-19:00 y dala 20:00-22:00, lunesc stlut. La mostra de Stefan Fabi se cunzentrea sun la persona y si maniera de fé, si perzezion dla realtà, di fac, de minonghes.
Atualmënter
Scumenciamënt dl'astrazion te Südtirol
Tla galaria Vijion a Puntives iel da udëi opres de Oswald Oberhuber, Peter Fellin, Hans Ebensperger, Michael Höllrigl, Josef Kostner, Bruno Vallazza y Luis Piazza – piunieres che à sapù da se giaurì al mond dl'ert astrata. La mostra resta davierta nchin ai 28.08., lu-sa 16:00 – 19:00 o cherdan su l 338 2098697.
Autalmënter
Zënza vo ne va nët nia
Mostra de Leonora Prugger, Leander Schwazer, Barbara Tavella y Tobias Tavella tla „Stadtgalerie" de Persenon, Laubes 5. Tla mostra che dura nchin ai 5.9. sperimentea i artisć cun la sala la sotmetan for inò a mudazions.
Atualmënter
»Ponc de ududa« lëures dla 4. tlas dl Lizeum d'Ert
Tl Café Surëdl a Urtijëi, tla streda Roma, iel da udëi na mostra de lëures di sculeies dla cuarta tlas dla sezion ert figurativa fac ntan chësc ultimo ann de scola. La mostra ie da udëi ntan l orar de giaurida dla ustaria, da lunesc nchin vënderdi dala 9:00 nchin la 19:30.
Atualmënter
Mostra »Bye bye butterfly«
Tla ciasa dl parch natural a Al Plan él da odëi cina ala fin d'otober la mostra »Bye bye butterfly«, olache an pó imparé deplü sön le monn di paoi. La ciasa é daverta dal mertesc ala sabeda dales 9:30 ales 12:30 y dales 14:30 ales 18:00. De messé y agost éra daverta ince la domënia. Entrada debann.
Atualmenter
Oraries Museo Ladin de Fascia
L Museo Ladin de Fascia, con la neva instalazion multi­mediala de »la vivana e l cian«, l'é avert enscin ai 10 de setem­ber dal lunesc a la sabeda da les 10.00 a les 12.30 e da les 15.00 a les 19.00 tel respet de la desposizions Covid 19. Vigni mèrtesc da les 11.00 l'é la vijita vidèda con prenotazion de obligh al 0462 760182 al cost de 5 euro e debant con Val di Fassa Card.
Atualmenter
Vijites a la sezion del Malghier
La sezion del Museo Ladin de Fascia sul lurier del Malghier, aló da la Mèlga de Fascia a Pera, é averta enscin a la fin de aost dal lunesc a la sabeda da les 16:00 a les 19:00. Vijites vidèdes enscin ai 2 de setember vigni mercol da les 10:30 al cost de 5 euro (debant con Val di Fassa Card) con prenotazion de obligh al numer 0462 760182.
Atualmenter
Vijites al Monin de Pezol
L Molin de Pezol, sezion destachèda del Museo Ladin de Fascia te Strada de Jumela 18 a Pera, é avert enscin ai 10 de setember dal lunesc a la sabeda da les 10:00 a les 12:00 e da les 16:00 a les 19:00. Vijites videdes enscin ai 2 de setember vigni mercol da les 16:00 al cost de 3 euro (debant con Val di Fassa Card) con prenotazion de obligh al numer 0462 764089 o 0462 760182.
Atualmenter
Vijites a la Sia de Penìa
La Sia, sezion destachèda del Museo Ladin de Fascia te Strèda de Ciamp Trujan a Penìa, é averta enscin ai 10 de setember dal lunesc a la sabeda da les 10:00 a les 12:00 e da les 16:00 a les 19:00. Vijites videdes enscin ai 3 de setember vigni jebia da les 11:00 al cost de 3 euro (debant con Val di Fassa Card) con prenotazion de obligh al numer 0462 760182.
Atualmenter
Vijites al Stont de Ciampedel
L Stont de Ciampedel, sezion destachèda del Museo Ladin de Fascia, é avert enscin a la fin de aost dal lunesc a la sabeda da les 16:00 a les 19:00. Vijites videdes vigni lunesc da les 11:00 al cost de 3 euro (debant con Val di Fassa Card) con prenotazion de obligh al 0462 750330 o al 0462 760182.
Atualmenter
Vijites a la sezion del Segat
La sezion del Museo Ladin de Fascia sul lurier del Segat, aló da la Sia de la Frazion de Poza sa Meida, é averta enscin a la fin de aost dal lunesc a la sabeda da les 16:00 a les 19:00. Vijites vidèdes enscin ai 4 de setember vigni vender da les 11:30 al cost de 3 euro (debant con Val di Fassa Card) con prenotazion de obligh al numer 0462 760182.
08.08.
Bienela Gherdëina
Dala 15:00 inant iel tl zënter de Urtijëi la giaurida dla setima edizion dla Bienela Gherdëina, che resta ativa nchin ai 20 d'utober.

Sozial

Atualmënter
Detlarazion dla chëutes nchin de setëmber
L tiermul per dé ju chësta detlarazion ie unì spënt nchin ai 30.09.. Per mëter ju la detlarazion dla chëutes (Mod. 730/2019 o Mod. davani 19) ie l ufize dl KVW/ACLI cumpetënt per la chëutes gën a despusizion. N prëia bel de fé ora n di per telefonn (Urtijëi 0471 941704) o online sot a www.mycaf.eu.
Atualmënter
Cuntribut per la pension per i ani che n à secudì zachei
La Region Trentin-Südtirol dà n cuntribut per curì, per fins dla pension, l tëmp che n ie stac a cësa ajache n ova zachei da secudì o nce pra i mutons che ie mo pitli. Per l tëmp che reverda l 2019 iel da fé la dumanda nchin ai 31.10.2020 pra l KVW-ACLI.
Atualmënter
Raiun Soziosanitar: prestaziuns y tó jö sanch
L'ofize dla repartiziun pre­staziuns (ex »Kranken­kasse«) tl Raiun Soziosanitar a Picolin á fina ai 11 de setëmber l'orar da d'isté. Al é davert lönesc, mercui y vëndres dales 9:30 ales 12:45. Novités él ince pro le sorvisc da tó jö sanch, olache an mëss avëi n termin. Prenotaziuns: por Picolin él da cherdé sö le 0474 586120 dal lönesc al vëndres dales 9:30 ales 12:45; por Pedraces y Bornech le 0474 581390 dal lönesc al vëndres dales 9:30 ales 12:30.
Atualmënter
Degüna racoiüda de guant
La Caritas Diozejana á lascé alsavëi che iniann de novëmber ne sarál degüna racoiüda de guant adoré. Danter les motivaziuns él la situaziun malsigüda tla situaziun »corona«, che á ince atoché dassënn le marcé dl guant adoré.

Publizistica

Atualmënter
Ancuntedes cun autëures
Te Cësa di Cungresc a Urtijëi iel de plu ancuntedes cun autëures taliani/es. For dala 17:30 iel ai 04.08 Pino Petruzzelli, ai 10.08. Carlo Cottarelli, ai 13.08. Michele Mirabella, ai 18.08. Gianna Schelotto y Alberto Faustini.

Dotors

Dutor Gherdëina
L dutor de servisc da n sada ai 01.08. dala 8:00 daduman nchin ala 8:00 daduman n lunesc ai 03.08. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Le dotur en sorvisc tl fin dl'edema di 1. y 2 de agost, ti comuns de La Val, Corvara y Badia é le dotur Martin Spechtenhauser, La Ila, tel. 0471 844200. Ti comuns de Mareo y San Martin él en sorvisc le dotur Eduard Agreiter, San Martin de Tor, tel. 0474 523315 o 333 1380852.

Apoteches

Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 24.07. nchin a n vënderdi ai 31.07., ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L'apoteca en sorvisc fora dl orar ordinar, dal vëndres ai 31 de messé dales 19:00 al vëndres ai 7 de agost ales 19:00, é chëra da La Ila, tel. 0471 847152.

Avisc

Atualmënter
Ciamena dal guant »Neores«
Al vëgn lascé alsavëi che la ciamena dal guant »Neores« a La Ila á indó davert, vigni vëndres dales 14:00 ales 16:00.
Atualmënter
Consulënza por jogn y geniturs resta ativa
Le sorvisc de consulënza por jogn y geniturs, por chestiuns che reverda la jonëza, l'educa­ziun y düc i temesc coliá, é atif. Al é la poscibilité de ciafé consulënza tres telefon o sön apuntamënt. Te trami i caji pon tó sö contat cun Barbara al 342 8410721 o scrí a barbara@jogn.org
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, info.bruneck@frauen helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster – MIP
L'ofize dla MIP – Männer initiative Pustertal dëida i ëi y peri pro caje de devorz, pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, vëndres dales 8:00 ales 12:00. Tel. 0474 555848, info@mip-pustertal.it
Atualmënter
Club Boè a La Ila
Chi che ess debojëgn da contaté le Club Boé, che dëida porsones y familiars confrontá cun le problem dl alcol, pó tó sö contat tres telefon. Porsones de referimënt é Angelo al 338 5975817 o Hubert al 339 1698343.
Atualmenter
Oraries biblioteca de Sèn Jan
La strutura é averta dal lunesc al vender con orarie 10:00 – 12:00 e 15:00 – 19:00. No ge vel più tor apuntament per l'emprest ma l'é conseà la prenotazion al nr 0462 763062 o per mail senjandifassa@biblio.infotn.it. Se pel ite demò de doi a l'outa, no se pel tocèr libres e coroneles e se fermèr per lejer.
31.07–01.08.
Scrittura Festival sulle Dolomiti
L Scrittura Festival sulle Dolomiti va inant con Luca Bottura ai 31 te piaz del Paladolomites a Ciampestrin da les 21:00 e de l'alpinist Herbé Barmasse l prum de aost a la palestra ADEL semper da les 21:00. Moderea l giornalist Matteo Cavezzali.
01.08.
Scontrèdes de la biblioteca
Te la rassegna da d'istà endrezèda da la biblioteca de Cianacei »Scontrèdes con i libres e i autores«, doman, sabeda al prum de aost da les 21:00 te sala del Consei de Comun enconter con la scritora Romina Casagrande.
02.08.
Festa Ta Mont Light Edition
La festa te Val San Nicolò no la podea mencèr. A partir da les 10:30 distribuzion de »Saores de Fascia«, da les 11:00 Messa e da les 13:30 »Eco Circus Show«. Domesdì, percors fotografich »Attraverso Vaia«. Da les 15:00 percors tel bosch anter lejendes e musega e da les 16:00 contìes su »El Giaf«.
02-09.08.
Circen Dolomites Festival
Seconda edizion del festival de jocolerìa. En domenia ai 2 de aost »EcoCircus Show« te val San Nicolò. En mèrtesc ai 4 de aost »Circo a Teater« al PalaDolomites de Ciampestrin da les 21:00. Program sul sit circendolo mitesfestival.com.
03.08.
Scontrèdes coi sportives a Poza
En lunesc ai 03 de aost da les 21:15 a Poza te tendon quinto apuntament de la scontrèdes coi sportives endrezèdes dal Comitat Enjoy Pozza con Virna Pierobon. L protagonist sarà Cristian Zorzi, »Zorro, le medaglie al collo«.

TELEVIJION

4.08
Sciüri, sigoloc y Sioloc
Da les 20:50 ca. Program de Paolo Vinati, a cura de Alessandro Dapunt.
5.08
Tassìe: Vindò i ogec de beleza
Da les 20:50 ca. La beleza l'é zeche da de più che ge vardèr a ninoi e ornamenc. I ogec che i la raprejenta i pel esser muie e dei più desvalives, ma che val de più l'é l segnificat che i à per la persona che i li porta. N viac che met ensema picoi detaes bogn de contèr dut chel che no se veit. Program de Cinzia Pistoia, a cura de Anna Mazzel.
6.08
Paisc dla Ladinia:Mantëna
Da les 20:50 ca. Mantëna é tl comun de Mareo, danter Longega y Al Plan. Chësc pice paisc é nasciü dlungia le rü d'Al Plan, deache inlaota êl chiló deplü morins olache al gnô majiné la blâ di gran paurs da La Pli, y ince i artejans adorâ la forza dl'ega por so laur. Aldedaincö n'él plü degügn morins y artejans a Mantëna, te paisc él na picera capela, n'ostaria, na botëga dai ciüfs y n valgügn lüsc da paur. N program de Erika Castlunger, camera y tai de Hans Peter Karbon, a cura de Alessandro Dapunt.

RADIO

LADINIA LIVE: microfons davierc sun atualità y cultura.Da aldí vigni mertesc y mercui da les 13:45 a les 14:00
La trasmiscion»DAI CRËPS DL SELA«ie da audì uni di dala 19:05 ala 19:30 sun la frecuënzes de RAI LADINIA
31.07
La chëuta IMU
Da les 19:05. Ultimamënter vëniel rujenà truep dla chëuta sun la imobilies IMU/GIS, chëuta che vën de norma scudida dai chemuns ma che ne unissa chëst ann nia paiëda dala categuries nteressedes ma dal Stato y n pert dala Provinzia. Ma a Bulsan iel unì dit che i chemuns che ie turisticamënter scialdi svilupei pudëssa scencajo mpomo se damandé l 20% che mancia y chël dala mprejes turistiches. Chësta dezijion ne ti scusa nia a duc canc. La parola ti vën data al ambolt de Sëlva Roland Demetz, al presidënt dla lia turistica de Sëlva Christoph Vinatzer y al pre­sidënt di artejans de Gherdëina Ivo Insam. Trasmiscion de Simon Moroder
1.08
Momënc de vita – intervista a Arcangel Pitscheider da Rainé
Da les 19:05. Arcangel Pitscheider é nasciü söl lüch da Rainé a Badia tl 1932, al á tres vit y lauré sön so lüch y al vá ciamó a daidé te stala. Al é sté tröc agn alalungia le surastant dl Uniun di Paurs de Badia, incëria che al á tres fat gian. Arcangel nes cunta de sciöche le laur da paur ê inlaota y de valgügn de sü recorc da müt. N program de Erika Castlunger
2.08
JAWA, scumenciadiva per i jëuni
Da les 19:05. Bele da plu de 10 ani nca vëniel pità ai jëuni de Gherdëina la puscibltà de jì a fé vel lëur d'instà pra vel' istituzion o lia. Karin Rabanser de Nëus Jëuni Gherdëina nes spiega l proiet y conta coche ie la situazion chëst ann. N audirà nce la testemunianza de doi jëuni che à fat pea pra chësta scumenciadiva.Trasmiscion de Sofia Stuflesser.
5.08
Raides e curiositèdes: Maran
Da les 19:05. Tel raion de Südtirol tropes é i melaures da descorir, te chest program adum con Claudia Conta jiron a Maran per cognoscer mìngol de storia de chesta zità con si gejia de Sen Nicolò, l troi Tappeiner e l vidor de Trauttmannsdorff. Apede a chest uzaron fora vèlch curiosità e vèlch personaje de nonzech che é stat alò desche l dotor Tappeiner e la prinzessa Sissi. Program de Anna Mazzel.
Informaziuns plü menüdes sön i programs radio y tele­vijion de RAI Ladinia pôn ciafè sön www.raibz.rai.it– Sun l medem sit i programes TV sarà da vedei sota »Media­teca« y les trasmiscions radio sota »Podcast«.

Chino

31.07
»BLACKkKLANS MAN« tla Val d'Ert
Insnöt vëndres, ai 31 de messé, dales 21:00, gnaral proieté tla Val d'Ert a San Martin de Tor le film de Spike Lee, tl lingaz talian.
Atualmenter
Chino de Cianacei
Anché, vender ai 31 de messèl, doman, en sabeda al prum de aost, e en domenia ai 2 da les 17:00 vegn moscià »Il richiamo della foresta« e ti medemi dis da les 21:15 »Gli anni più belli«. En mercol ai 5 de aost da les 21:15 ante­pruma con »They shall not grow old« e en jebia ai 6 da les 21:15 se pel veder »Gli anni più belli«.
Atualmenter
Chino de Tieser
Anché, vender ai 31 de messèl, vegn dat »Cena con delitto« da les 21:15 e doman al prum de aost da la medema ora »Favolacce«. En domenia ai 2 da les 17:15 vegn moscià »Trolls. World Tour« e da les 21:15 »Cena con delitto«. En lunesc ai 3 da les 21:15 se pel veder »Parasite«.
31.07 y 01.08.
Dolomitale Autochino
Ai 31.07. »Systemsprenger«, film tudësch dl 2019, 119', ai 01.08. »The Blues Brothers«, film uriginel dl 1980 per nglëisc cun sottituli talians, 132'. Dala 21:30 sun la plaza dai auti »Setil« a Urtijëi. I auti vën lascei ite dala 21:00 inant. Chertes mé online sot a www.dolomitale.com/de/tickets o tla Lia dl Turism de Urtijëi.

Mujiga

Uni vënderdi
Meludies di corni da mont
Uni vënderdi ntan i mënsc de lugio y agost, for dala 17:00 nchin la 18:00 iel te Val te Sëlva i sunadëures de corni da mont de Gherdëina, che lascia audì si biei sonns.
02.08.
Musega con l Panorama Music
L Panorama Music va inant: en domenia ai 02 de aost, da les 11:00, ejibizion sun Rodela de Mauro Beggio. L conzert l'é debant.
04.08.
Corni da mont a Urtijëi
Pra la stazion japé dla furna­doia de Secëda sona l trio de corni da mont Ladinia dala 16:00 inant.
05.08.
Calfosch: conzert tla natöra
En mercui ai 5 d'agost dales 15:00 sona le trio »Sassongher«; tla bela contrada jödapé dles cascades dl Pisciadú a Calfosch.
05.08.
Cunzert dla Mujiga de Santa Cristina
Tl Zënter Iman dala 21:00 inant.
06.08.
Cunzert dla Mujiga de Urtijëi
Tl zënter de Urtijëi dala 21:00 inant.
06.08.
Cunzert dla Mujiga de Sëlva
Dala 21:00 nchin la 22:30 sun Plaza Oswald von Wolkenstein (dan Cësa de Cultura).

Cursc

De lunesc
Curs tecnich de roda da mont
Mparé co se astilé te cërta situazion, a furné juvier, suvier, te raides, a dsaré y jì sëura rëms via. N scumëncia tl skillpark per jì pona sun troies y percursc. Metù a jì da Val Gardena Active uni lunesc dala 9:30-12:30 te Sëlva, cun almanco 2 y al plu 8 partezipanc. Per nfurma­zions y se lascé nuté su cherdé su l 0471 777999.
De mierculdi
Pitl curs de jì a crëp te Val
Uni mierculdi vëniel tenì n curs de n doi ëura per purvé a jì a crëp cun n mëinacrëp. L curs vën pità tres Val Gardena Active y ie dala 13:00-15:00, o dala 15:00-17:00 o dala 17:00-19:00, cun almanco 2 y al plu 6 parte­zipanc. Per se lascé nuté su cherdé su l 0471 777999.
10.-14.08. y 17.-21.08.
Curs de jadiné y balé cun devertimënt
L Eisclub Gherdëina mët a jì doi enes de sport y devertimënt per mutons danter 5 y 10 ani, cun lezions de jadiné, bal y ginastica, che fej bon per la cuordinazion, balanz y flesci­bltà y dl corp. L curs ie dala 14:30 nchin la 18:30. Per infos y se scrì ite: 333 6048898 (domesdì o da sëira).

Iadi y Jites

Atualmënter
Vijites tl Museum Ladin
Vigni mercui y vëndres dales 15:00 ales 16:00 vëgnel pité vijites acompagnades tl Museum Ladin a San Martin, vigni mertesc (por gragn) y jöbia (por families y mituns) dales 10:30 ales 11:15 y dales 11:30 ales 12:15 vëgnel pité vijites tl Museum Ladin Ursus ladinicus. Les vijites é laite tl prisc d'entrada. Tó pert pó al plü 10 porsones.
Atualmënter
Sö dal ander de Conturines
Le Museum Ladin deboriada cun l'Ofize Natöra organisëia vigni secunda jöbia, dai 9 de messé ai 17 de setëmber, na escrujiun sö dal anter de Conturines, olache al é gnü ciafé i osc dla laurs. An pëia ia dales 8:30 pro la Capanna Alpina y an röia zoruch iló incër les 16:00. Al é na escrujiun impegnativa, por chëra che al é da s'anunzié ti ofizi turistics dla Val Badia.
Vigni mercui
Spazierada tla Val di Morins
Le Museum Ladin mët da jí d'isté vigni mercui na escurjiun acompagnada tla Val di Morins a Lungiarü. An s'incunta dales 9:30 sön plaza de dlijia a Lungiarü, la spazierada döra cina misdé y dedó él en colaboraziun cun la Cooperativa Turistica Al Plan/San Martin na vijita sön le Lüch de Oriana. Le cost é de 5,00 €, prenotaziuns tl Museum Ladin al 0474 524020 o ti ofizi turistics dla Val Badia.
04.08.
Escurjiun cun l'Uniun Maestri Ladins
L'UML inviëia i mëmbri en mertesc ai 4 d'agost (sce al é bur' tëmp ai 11) a na roda sot ai Rieserferner, che condujará da Rein ala Kasseler Hütte, tres le Hartdegen Höhenweg, la Ursprungalm y indó a Rein. Al acompagnëia Rosmarie Crazzolara. An s'abina dales 7:15 a Longega. Le tëmp da jí é de 6 – 7 ores. Infos y prenotaziuns anter i 3 d'agost pro Ingeborg Dejaco al 339 1696311.

Galaria retrac