Manifestazions atuales

Data

07 de agost 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 7 de agost
Temp liede
Atualmënter
Alta Badia Balance
Le festival »Alta Badia Balance« píta döta l’edema che vëgn ativités sciöche yoga por mituns y gragn, escurjiuns de relassamënt, aromaterapia, Shinrin Yoku, impulsc por suravire tles munts te vigni situaziun, y Qi Gong. Le program ciafon sön www.altabadiabalance.com

10.08.

Depenjun la natöra
Mitans y mituns da 5 a 12 agn é inviá da tó pert a n domisdé olache an pó se depënje na malieta cun fëies y corusc. An s’incunta en lönesc ai 10 d’agost dales 15:00, dan scora de schi a La Ila. Iscriziuns ti ofizi turistics dl’Alta Badia.

10.08.

»Shopping nights« a Corvara
En lönesc ai 10 d’agost é les botëghes tl zënter da Corvara davertes ince da sëra, dales 20:30 ales 22:30.

11.08.

Domisdé por i mituns a Calfosch
Tl parch dai tiers a Calfosch á i mituns da 4 agn insö la poscibilité da passé n domisdé de devertimënt cun laboratore da cujiné adöm cun Elisa Perillo, en mertesc ai 11 d’agost. Al mët man dales 15:00 y al gnará arjigné ca na picia marëna. Iscriziuns ti ofizi turitics dl’Alta Badia.

12.08.

La Ila: »Nos Ladins«
En mercui ai 12 d’agost él n apuntamënt cun la iniziativa »Nos Ladins«, olache an á la poscibilité da conësce le monn ladin adöm cun n personaje dl post. En chësc iade pón cuché ite tl laur da paur adöm cun Ossi y Robert sön so lüch a La Ila. Informaziuns y iscriziuns ti ofizi turistics dl’Alta.

13.08.

Jita cun lama y alpaca
En jöbia ai 13 d’agost á pici y gragn la poscibilité da fá na jita cun n lama o alpaca. La jita pëia ia dal zënter da La Ila cina al Lech da Sompunt. An pëia ia dales 10:00 y dales 15:00. Iscriziuns ti ofizi turistics dl’Alta Badia.

13.08.

Domisdé tla natöra
Mitans y mituns da 6 a 12 agn é inviá a n domisdé por descurí la natöra, en jöbia ai 13 d’agost. An s’incunta dales 15:00 sön plaza de dlijia a La Ila. I verdaparch ti mostrará de vigni sort de tiers, plantes y lëgns. Iscriziuns ti ofizi turistics dl’Alta Badia.

13.08.

»Nëif d’instà« a Urtijëi
Tl raion da jì a pe a Urtijëi iel dala 20:00 devertimënt cun i maestri dla scola de schi y snowboard dl luech. L sarà nce da giapé nfurmazions n con’ de cieche l vën pità tla sajon da d’inviern. L ie da se nuté su; tel. 0471 796153, e-mail: info@valgardenaski.com.

14.08.

La Ila: vins alaleria
En vëndres ai 14 d’agost dales 14:30 vëgnel pité tla curt dl ciastel Colz a La Ila na cercia de vins de Südtirol, cun n sommelier. Lapró pón amiré la löna colma. Iscriziuns ti ofizi turistics dl’Alta Badia.

15.08.

Bricolage cun materiai naturei
Dala 14:00 inant sun Pitla Plaza de S. Antone a Urtijëi. N ranger espert dl Parch Naturel Puez-Odles ti mustrerà ai mutons y ala mutans co pastelné cun materiai naturei che n abina saurì tl bosch.

16.08.

Festa di dragons
Dala 14.00 nchin la 17:00 puderà mutons y mutans pastelné dragons y pona i lascé julé sun l pra de Chemun te Sëlva.

Uni merdi

Artejanat y guant dala gherdëina
Tl zënter de Urtijëi iel uni merdi de agost da sëira dala 21:00 inant da pudëi udëi la tradizion dl artejanat tradiziunel danter ziplé, turnadëcia y guant dala gherdëina.

Uni merdi

Marcià di paures y di artejans
A S. Cristina tl raion da jì a pe iel uni merdi sëira dala 19:00 inant l marcià di paures y di artejans che pieta si prudoc zidlei o fac nstësc. L sarà nce prejentazions dl artejanat tradiziunel de Südtirol. N prëia bel de tò i mascheroc y de sté de zes.

Uni mierculdi

Raida di mejes sa Sacun
Vijita ai mejes de Mëune y Peza y ala dlieja da Sacun y ntroduzion ala storia dl nridlamënt. N se urta dala 9:00 tl Museum per stlù ju dala 13:00 sa Sacun. Da se nuté su nchin al di dant tla Lies dl Turism de Gherdëina o tl Museum: 0471 797554, info@museum gherdeina.it. Nce n auter di y da n’autra ëura sce l ie almanco 6 scric ite.

Uni mierculdi

Pitl marcià de prudoc tipics a Urtijëi
A Urtijëi sun la Pitla Plaza de S. Antone vëniel metù a jì uni mierculdi nchin ala fin de agost dala 16:00 nchin la 20:00 n pitl marcià cun prudoc dl raion. Na particularità de chësc marcià ie che i stonc vën njeniei ite sun auti Haflinger Steyr-Puch.

Uni mierculdi

Marcià tradiziunel te Sëlva
Sun Plaza Nives te Sëlva iel uni mierculdi dala 15:00 nchin la 19:00 n pitl marcià cun prudoc tipics.

Uni mierculdi

Mulins da Bula y verzon dala rojules
Dala 14:00 se ancónten sa Mesavia sa Bula per jì pona a ti cialé ai mulins pra l ruf da Bula, ulache l unirà fat na pitla desmustrazion. Dopro jiràn mo a ti cialé al bel verzon dala mile rojules sal Uhrerhof. L ie da se lascé nuté su nchin la 18:00 dl di dant tla Lia dl Turism de Urtijëi, tel. 0471 777600.

Uni juebia

Jì a ti cialé ai tieres salveresc
N se urta dala 6:00 te Val per jì cun l ciaciadëur Roman a usservé i tieres tl parch naturel Puez-Odles. La jita dura nchin la 11:00. Da se scrì ite iel nchin la 18:00 dl di dant tla Lia dl Turism de Sëlva, tel. 0471 777999.

Uni juebia

Juesc y devertimënt cun Mago Bryan
Uni juebia dala 20:30 tl raion da jì a pe de S. Cristina dan l hotel Post, saràl ntan dut l instà Mago Bryan, che, cun si juesc y striunëc, ncanterà pitli y granc. Sce l ëssa da pluëi ne vëniel nia fat chësta manifestazion.

Uni vënderdi

Aperitif a Urtijëi
Uni vënderdi dala 18:00 nchin la 20:30 tla ustaries dl zënter de Urtijëi uniràl pità de bon aperitifs pra de bela mujiga dal vif.

Uni vënderdi

Shopping da sëira
De vënderdi sëira ie la butëighes tl zënter de Urtijëi y de Sëlva daviertes nce dala 21:00 nchin la 22:30.

TELEVIJION

11.08
Sport ladin
Da les 20:50 ca. Program de Diego Clara y Hartmann Mairhofer, a cura de Leo Senoner

12.08

Oujes e reijes: L franzous
Da les 20:50 ca. L lengaz franzousc é n lingaz parificà al talian te la Val D’Aosta e l’é vegnù recognosciù ufizialmenter ence tel Piemont desche lengaz de mendranza con la lege 482 del 99. Per entener mingol la storia e la reijes de chest lengaz de mendranza te la Tèlia jiron a descuerjer i aspec storics, politics e religious che ge à dat l met de se mantegnir enscin aldidanchè.  Program de Anna Mazzel

13.08

Arpejuns: Le Museum Ladin Ciastel de Tor
Da les 20:50 ca. Le Museum Ladin á la sënta tl Ciastel de Tor, na sënta che ti dá n valur particolar al museum instëss. Le compit di museums é dantadöt chël de tigní sö l’arpejun culturala por les generaziuns dl dagní, y á porchël n’importanza fondamentala por na comunité. Tl Museum Ladin él da odëi deplü seziuns, olache al é testemonianzes dl tëmp passé, y te Museum vëgnel ince organizé mostres tematiches y d’ert contemporana. N program de Erika Castlunger, camera y tai de Hans Peter Karbon, a cura de Alessandro Dapunt

13.08

I paoi, belijies dla natöra
Da les 19:05. L’eleganza dl jore di paoi afascineia saurí, tan che cotanc cöi ince adöm te coleziuns chësc inset demorvöia. Na mostra dedicada al paol odunse sëgn tla Ciasa dl Parch Natural a Al Plan de Mareo y Matteo Rubatscher nes dá na cercia radiofonica de ci che an po döt odëi. Program de Sara Frenner

RADIO

LADINIA LIVE: microfons davierc sun atualità y cultura. Da aldí vigni mertesc y mercui da les 13:45 a les 14:00
La trasmiscion “DAI CRËPS DL SELA” ie da audì uni di dala 19:05 ala 19:30 sun la frecuënzes de RAI LADINIA
08.08

Alimentaziun vegetariana

Da les 19:05. Program de Alessia Pordon

12.08

Fake–gaboles
Da les 19:05. Fin ai 20 de aost, vigni dì fora che la sabeda, se pel veder la mostra »Fake! Falimenc e gaboles de la vijion umana”, endrezèda dal grop Level Up en colaborazion con la cooperativa sozièla INOUT e la Scola ladina de Fascia, aló da la populères Jan Batista Massar a Vich. La mostra l’é n percors anter esperimenc e jeghes interatives che vida a la descorida de dut chel che revèra da vijion de l’eie. Vijita virtuèla con Sofia Lastei e Vincent Stambè. Program de Anna Mazzel
Informaziuns plü menüdes sön i programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota “Mediateca” y les trasmiscions radio sota “Podcast”.

Dotor

Dutor Gherdëina
L dutor de servisc da n sada ai 08.08. dala 8:00 daduman nchin ala 8:00 daduman de n lunesc ai 10.08. ie l dutor Pablo Policastro tl ambulatuere di dutores Kostner/Weber, a Urtijëi tla streda Trebinger 10, tel. 366 3646 254.

Doturs Val Badia

Le dotur en sorvisc tl fin dl’edema di 8 y 9 de agost, ti comuns de La Val, Corvara y Badia é le dotur Alberto Caretta, Badia, tel. 0471 839706 o 380 3161999. Ti comuns de Mareo y San Martin él en sorvisc la doturia Margarete Mahlknecht, La Val, tel. 349 0667034 o 0474 523018.

Apoteches

Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 07.08. nchin a n vënderdi ai 14.07., ie chëla de Sëlva, tel. 0471/795142 o 333/1776615, (davierta dala 8.30–12.30).

Apoteca Val Badia

L’apoteca en sorvisc fora dl orar ordinar, dal vëndres ai 7 de agost dales 19:00 al vëndres ai 14 de agost ales 19:00, é chëra da San Martin/Picolin, tel. 0471 830237.

Avisc

Atualmënter
Consulënza por jogn y geniturs resta ativa
Le sorvisc de consulënza por jogn y geniturs, por chestiuns che reverda la jonëza, l’educaziun y düc i temesc coliá, é atif. Al é la poscibilité de ciafé consulënza tres telefon o sön apuntamënt. Te trami i caji pon tó sö contat cun Barbara al 342 8410721 o scrí a barbara@jogn.org

Atualmënter

L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6, info.bruneck@frauenhelfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.

Atualmënter

Iniziativa di ëi de Puster–MIP
L’ofize dla MIP–Männerinitiative Pustertal dëida i ëi y peri pro caje de devorz, pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, vëndres dales 8:00 ales 12:00. Tel. 0474 555848, info@mip-pustertal.it

Atualmënter

Club Boè a La Ila
Chi che ess debojëgn da contaté le Club Boé, che dëida porsones y familiars confrontá cun le problem dl alcol, pó tó sö contat tres telefon. Porsones de referimënt é Angelo al 338 5975817 o Hubert al 339 1698343.

Atualmënter

L Museum Gherdëina inò daviert
L Museum ie daviert al publich, sambën tl respet de duta la normes de segurëza. Ntan dut l mëns de agost iel daviert da lunesc nchin vënderdi, 10:00-13:00 y 14:00-18:00. N possa nce resservé danora na vijita ora dl orar reguler. Nce grupes ie priedes bel de apusté danora cherdan su l 0471 797554.

Atualmenter

Oraries biblioteca de Sèn Jan
La strutura é averta dal lunesc al vender con orarie 10:00 – 12:00 e 15:00 – 19:00. No ge vel più tor apuntament per l’emprest ma l’é conseà la prenotazion al nr 0462 763062 o per mail senjandifassa@biblio.infotn.it. Se pel ite demò de doi a l’outa, no se pel tocèr libres e coroneles e se fermèr per lejer.

02-09.08.

Circen Dolomites Festival
Seconda edizion del festival de jocolerìa. Doman en sabeda ai 8 de aost da les 21:00 »BarAcca« con Scuola di Circo Bolla di Sapone aló dal Piaz J.B. Massar a Vich e en domenia ai 9 de aost spetacol »Tingel Tangel« sun Gardecia da les 13:30. Program sul sit circendolomitesfestival.com.

10.08.

Ispirazions d’istà
Per la rassegna cultural-religiousa »Ispirazions d’istà« en lunesc ai 10 de aost da les 21:00 enconter con don Marco Pozza aló da la sala gran de la scoles de Moena, »In volo oltre la croce«.

07.08.

Scontrèdes de la biblioteca
Te la rassegna da d’istà endrezèda da la biblioteca de Cianacei »Scontrèdes con i libres e i autores«, anché, vender ai 7 de aost, da les 21:00 te sala de Consei de Comun enconter con l’autor Graziano Bortolotti.

10.08.

Scontrèdes coi sportives a Poza
En lunesc ai 10 de aost da les 21:15 a Poza te tendon apuntament de la scontrèdes coi sportives endrezèdes dal Comitat Enjoy Poza con Virna Pierobon. Se rejona de Christian Ghedina, »Da Cortina a Cortina« con l giornalist Vittorio Savio.
Leteratura

22.08.

A Tlüses: Leteratöra tla Tlüsa
Dai 22 d’agost ai 24 de setëmber él a Tlüses l’iniziativa leterara »Literatur te TLUSEL in der KLAUSE in CLAUSURA«, organisada en gaujiun di 40 agn dla Lia di Auturs de Südtirol. Auturs liará fora de sües operes y dedó vëgnel pité na cercia de vins. Le pröm apuntamënt é en sabeda ai 22 d’agost dales 17:00 sön le Paterhügel (da bur’ tëmp tl Dürersaal), olache Josef Oberhol­lenzer li fora de »Sülzrather«. Moderaziun: Nina Schröder. Dedó cercia de vins cun la Eisacktaler Kellerei.

Mostres

Atualmënter
Mostra »Bye bye butterfly«
Tla ciasa dl parch natural a Al Plan él da odëi cina ala fin d’otober la mostra »Bye bye butterfly«, olache an pó imparé deplü sön le monn di paoi. La ciasa é daverta dal mertesc ala sabeda dales 9:30 ales 12:30 y dales 14:30 ales 18:00. De messé y agost éra daverta ince la domënia. Entrada debann.

Atualmenter

ArtèDonna
Dai 9 ai 31 de aost aló da la Ciasa de Nosha Jent sa Meida a Poza l’é avert la mostra de la artistes de Fascia e Fiem »ArtèDonna« con orarie 16:00-18:30 e 20:30-22:00 per endrez de la sociazion »La voce delle donne«. L’inaudazion la é en lunesc ai 10 da les 18:00.

Atualmenter

Mostra »Fake!«
Fin ai 20 de aost, vigni dì fora che la sabeda, se pel veder la mostra »Fake!« su la gaboles de la vista, endrezèda dal grop Level Up en colaborazion con INOUT e la Scola ladina de Fascia, aló da la populères Jan Batista Massar a Vich. La mostra é averta da les 16:00 fin les 19:00 e da les 20:30 fin les 22:30.

Atualmenter

Mostra La Gran Vera te Navalge
La mostra de la Gran Vera ja Moena al teater Navalge la é averta fin ai 13 de setember dal mértesc a la domenia da les 10:00 a les 12:30 e da les 15:30 a les 19:00. Vijites vidédes con prenotazion de obligh al 346 2415776.

Atualmenter

Mostra de l’Operazione Mato Grosso
Fin ai 16 de aost a Pardac te Via Garibaldi 1, vejin al piaz de gejia, mostra »Nella carità la lana si fa arte« operes fates a maia, recam e tessidura de l’Operazione Mato Grosso. L’esposizion é averta duc i dis da les 10:00 a les 12:30, da les 15:30 a les 19:00 e da les 20:30 a les 22:00.

Atualmenter

Musega da Vich
La mostra sui 200 egn de la Musega da Vich aló da la Ciasa Marmolada a Vich la é averta fin ai 8 de setember vigni dì con orarie da les 21:00 a les 22:30.

Atualmenter

Mostres al Museo d’èrt contemporana
A Ciavaleis al Museo d’èrt contemporana l’é fora la mostres »NonèSOLOonline« sul percors virtual de 12 artisć, anter chisc l fascian Matthias Sieff, e »Paesaggi« de Sergio Camin. L’esposizion restarà fora fin ai 6 de setember, dal mèrtesc a la sabeda da les 15:30 a les 19:00.

Atualmënter

Scumenciamënt dl’astrazion te Südtirol
Tla galaria Vijion a Puntives iel da udëi opres de Oswald Oberhuber, Peter Fellin, Hans Ebensperger, Michael Höllrigl, Josef Kostner, Bruno Vallazza y Luis Piazza – piunieres che à sapù da se giaurì al mond dl’ert astrata. La mostra resta davierta nchin ai 28.08., lu-sa 16:00–19:00 o cherdan su l 338 2098697.

Autalmënter

Zënza vo ne va nët nia
Mostra de Leonora Prugger, Leander Schwazer, Barbara Tavella y Tobias Tavella tla »Stadtgalerie« de Persenon, Laubes 5. Tla mostra che dura nchin ai 05.09. sperimentea i artisć cun la sala la sotmetan for inò a mudazions.

Atualmënter

»Furmazions de culëures« de Carlo Mussner
Per »Kunst im Gange« tla cësa de chemun a Laion iel da udëi pitures dl artista de Urtijëi, ulache dantaldut l culëur ie duminant. Ne se lascian nia nfluenzé da tendënzes dl mumënt costruësc Mussner la realtà da nuef, descedan mprescions otiches fines y emotives. La mostra ie da udëi nchin ai 11.09. ntan l’ëures che l Chemun ie daviert.

Atualmënter

»Ponc de ududa« lëures dla 4. tlas dl Lizeum d’Ert
Tl Café Surëdl a Urtijëi, tla streda Roma, iel nchin ai 18.09. da udëi na mostra de lëures di sculeies dla cuarta tlas dla sezion ert figurativa fac ntan chësc ultimo ann de scola. La mostra ie da udëi ntan l orar de giaurida dla ustaria, da lunesc nchin vënderdi dala 9:00 nchin la 19:30.

Atualmënter

»Cie fossa pa« y la mostra coletiva
Tla Galaria Doris Ghetta a Puntives Sud 8 iel da udëi doi mostres: una ie »Cie fossa pa« de Arnold Holzknecht da Martin y l’autra ie na mostra coletiva cun artisć y artistes da dloncora. Orar: merdi-vënderdi dala 15:00-18:00 nchin ai 30.09..

Atualmenter

Oraries Museo Ladin de Fascia
L Museo Ladin de Fascia, con la neva instalazion multimediala de »la vivana e l cian«, l’é avert enscin ai 10  de setember  dal lunesc a la sabeda da les 10.00 a les 12.30 e da les 15.00 a les 19.00 tel respet de la desposizions Covid 19. Vigni mèrtesc da les 11.00 l’é la vijita vidèda con prenotazion de obligh al 0462 760182 al cost de 5 euro e debant con Val di Fassa Card.

Atualmenter

Vijites a la sezion del Malghier
La sezion del Museo Ladin de Fascia sul lurier del Malghier, aló da la Mèlga de Fascia a Pera, é averta enscin a la fin de aost dal lunesc a la sabeda da les 16:00 a les 19:00. Vijites vidèdes enscin ai 2 de setember vigni mercol da les 10:30 al cost de 5 euro (debant con Val di Fassa Card) con prenotazion de obligh al numer 0462 760182.

Atualmenter

Vijites al Molin de Pezol
L Molin de Pezol, sezion destachèda del Museo Ladin de Fascia te Strada de Jumela 18 a Pera, é avert enscin ai 10 de setember dal lunesc a la sabeda da les 10:00 a les 12:00 e da les 16:00 a les 19:00. Vijites videdes enscin ai 2 de setember vigni mercol da les 16:00 al cost de 3 euro (debant con Val di Fassa Card) con prenotazion de obligh al numer 0462 760182.

Atualmenter

Vijites a la Sia de Penìa
La Sia, sezion destachèda del Museo Ladin de Fascia te Strèda de Ciamp Trujan a Penìa, é averta enscin ai 10 de setember dal lunesc a la sabeda da les 10:00 a les 12:00 e da les 16:00 a les 19:00. Vijites videdes enscin ai 3 de setember vigni jebia da les 11:00 al cost de 3 euro (debant con Val di Fassa Card) con prenotazion de obligh al numer 0462 760182.

Atualmenter

Vijites al Stont de Ciampedel
L Stont de Ciampedel, sezion destachèda del Museo Ladin de Fascia, é avert enscin a la fin de aost dal lunesc a la sabeda da les 16:00 a les 19:00. Vijites videdes vigni lunesc da les 11:00 al cost de 3 euro (debant con Val di Fassa Card) con prenotazion de obligh al 0462 750330 o al 0462 760182.

Atualmenter

Vijites a la sezion del Segat
La sezion del Museo Ladin de Fascia sul lurier del Segat, aló da la Sia de la Frazion de Poza sa Meida, é averta enscin a la fin de aost dal lunesc a la sabeda da les 16:00 a les 19:00. Vijites vidèdes enscin ai 4 de setember vigni vender da les 11:30 al cost de 3 euro (debant con Val di Fassa Card) con prenotazion de obligh al numer 0462 760182.

07.08.

»Pinocchios’s Nose« de Stefan Fabi
Ncuei vënderdi iel l ultimo di da pudëi udëi la mostra de Stefan Fabi tla sënta dla Lia Mostra d’Ert a Urtijëi sun Plaza de S. Antone, dala 17:00-19:00 y dala 20:00-22:00. La mostra se cunzentrea sun la persona y si maniera de fé, si perzezion dla realtà, di fac, de minonghes.

08.08.

Giaurida Bienela Gherdëina
Dala 15:00 inant iel tl zënter de Urtijëi la giaurida dla setima edizion dla Bienela Gherdëina, che resta da udëi y ativa nchin ai 20 d’utober.

Segres y festes

15.08.
San Martin: festa alternativa
Ai 15 d’agost gnôl dagnora organisé a San Martin na festa alaleria. Iniann cun la situaziun »corona« án ponsé a n’alternativa. I Stödafüch da San Martin píta en chël de dales 10:00 ales 20:00 galüc y tutres da se tó para. Döt vëgn arjigné ca pro paiun de paisc. Al vëgn perié da comané la spëisa danfora: la marëna anter les 10:00 y la cëna anter les 16:00, al numer 377 3946679 o diretamënter söl post.

Cursc

10.-14.08. y 17.-21.08.
Curs de jadiné y balé cun devertimënt
L Eisclub Gherdëina mët a jì doi enes de sport y devertimënt per mutons/mutans danter 5 y 10 ani, cun lezions de jadiné, bal y ginastica, che fej bon per la cuordinazion, balanz y flescibltà y dl corp. L curs ie dala 14:30 nchin la 18:30. Per infos y se scrì ite: 333 6048898 (domesdì o da sëira).

Chino

Atualmenter
“Antropocene – L’epoca umana” tla Val d’Ert
En vëndres, ai 14 d’agost 2020, dales 21:00, gnaral proieté tla Val d’Ert a San Martin de Tor le film de Jennifer Baichwal, tl lingaz talian.

Atualmenter

Chino de Cianacei
Anché, en vender ai 7 de aost, doman, en sabeda ai 8, e dodoman, en domenia ai 9, da les 17:00 se pel veder »La famiglia Addams« e da les 21:15 »Il traditore«.

Atualmenter

Chino de Tieser
Anché, vender ai 7 de aost, e doman, sabeda ai 8, vegn dat »Piccole donne« da les 21:15. En domenia ai 9 da la medema ora se podarà veder »Parasite« e en lunesc semper da les 21:15 »Piccole donne«.

Atualmenter

Dolomitale Autochino
Ai 08.08. »Le Mans 66«, 2019, 152’, edizion mé per auti old timer. Ai 15.08 »Midnight Express«, 1978, 121’, mujighes de Giorgio Moroder. Tramedoi ie per talian. Dala 21:30 sun plaza dai auti »Setil« a Urtijëi. I auti vën lascei ite dala 21:00 inant. Chertes: www.dolomitale.com/de/tickets o tla Lia dl Turism de Urtijëi.

Cursc
De lunesc

Curs tecnich de roda da mont
Mparé co se astilé te cërta situazion, a furné juvier, suvier, te raides, a dsaré y jì sëura rëms via. N scumëncia tl skillpark per jì pona sun troies y percursc. Metù a jì da Val Gardena Active uni lunesc dala 9:30-12:30 te Sëlva, cun almanco 2 y al plu 8 partezipanc. Per nfurmazions y se lascé nuté su cherdé su l 0471 777999.

De mierculdi

Pitl curs de jì a crëp te Val
Uni mierculdi vëniel tenì n curs de n doi ëura per purvé a jì a crëp cun n mëinacrëp. L curs vën pità tres Val Gardena Active y ie dala 13:00-15:00, o dala 15:00-17:00 o dala 17:00-19:00, cun almanco 2 y al plu 6 partezipanc. Per nfurmazions y se lascé nuté su cherdé su l 0471 777999.

Publicazions

Atualmënter
Te Cësa di Cungresc a Urtijëi iel de plu ancuntedes cun autores taliani/es. For dala 17:30 iel ai 10.08. Carlo Cottarelli, ai 13.08. Michele Mirabella, ai 18.08. Gianna Schelotto y Alberto Faustini.

Iadi

Vigni mercui
Spazierada tla Val di Morins
Le Museum Ladin mët da jí d’isté vigni mercui na escurjiun acompagnada tla Val di Morins a Lungiarü. An s’incunta dales 9:30 sön plaza de dlijia a Lungiarü, la spazierada döra cina misdé y dedó él en colaboraziun cun la Cooperativa Turistica Al Plan/San Martin na vijita sön le Lüch de Oriana. Le cost é de 5,00€, prenotaziuns tl Museum Ladin al 0474 524020 o ti ofizi turistics dla Val Badia.

Atualmënter

Vijites tl Museum Ladin
Vigni mercui y vëndres dales 15:00 ales 16:00 vëgnel pité vijites acompagnades tl Museum Ladin a San Martin, vigni mertesc (por gragn) y jöbia (por families y mituns) dales 10:30 ales 11:15 y dales 11:30 ales 12:15 vëgnel pité vijites tl Museum Ladin Ursus ladinicus. Les vijites é laite tl prisc d’entrada. Tó pert pó al plü 10 porsones.

Atualmënter

Sö dal ander de Conturines
Le Museum Ladin deboriada cun l’Ofize Natöra organisëia vigni secunda jöbia, dai 9 de messé ai 17 de setëmber, na escrujiun sö dal anter de Conturines, olache al é gnü ciafé i osc dla laurs. An pëia ia dales 8:30 pro la Capanna Alpina y an röia zoruch iló incër les 16:00. Al é na escrujiun impegnativa, por chëra che al é da s’anunzié ti ofizi turistics dla Val Badia.

Sozial

Atualmënter
Detlarazion dla chëutes nchin de setëmber
L tiermul per dé ju chësta detlarazion ie unì spënt nchin ai 30.09.. Per mëter ju la detlarazion dla chëutes (Mod. 730/2019 o Mod. davani 19) ie l ufize dl KVW/ACLI cumpetënt per la chëutes gën a despusizion. N prëia bel de fé ora n di per telefonn (Urtijëi 0471 941704) o online sot a www.mycaf.eu.

Atualmënter

Cuntribut per la pension per i ani che n à secudì zachei
La Region Trentin-Südtirol dà n cuntribut per curì, per fins dla pension, l tëmp che n ie stac a cësa ajache n ova zechei da secudì o nce pra i mutons che ie mo pitli. Per l tëmp che reverda l 2019 iel da fé la dumanda nchin ai 31.10.2020 pra l KVW-ACLI.

Sport

09.08.
»Horsefestival« Pozamanigoni
Doduman dumënia iel dala 10:00 inant ora Pozamanigoni te Sëlva l sesto festival di ciavei, ulache l sarà da udëi turnoies de raité, ma l ie nce juesc per mutons y mutans y na bona grilieda. L ie da se lascé nuté su; tel.: 0471 794138, e-mail: info@pozzamanigoni.it.

Musiga

09.08.
Cianté y soné sön munt
En domënia ai 9 d’agost dales 13:30 tla Ütia Club Moritzino sön Piz La Ila. Al sará da aldí melodies söi orghi da man adöm cun Mattia Demetz.

09.08.

Cunzert daduman sun Ciandevaves/Pana
Doduman dumënia iel dala 10:30 inant da audì n cunzert sun Ciandevaves/Pana, pra l pitl lech sun l troi PanaRaida. L cianterà la grupa de Gherdëina “Tel Tipes” y l sunerà la grupa “Zeitlous” dla Val Venuesta.

09/13.08.

Musega con l Panorama Music
L Panorama Music va inant: en domenia ai 09 de aost da les 11:00 sun Bufaure conzert de l’artist Vincenzo Capezzuto. En jebia ai 13 da les 11:00 ejibizion sun Col Margherita de Silvia Donati »Encresciadum«. I conzerc é debant.

10.08. y 12.08.

Alta Badia: le pianist viandant
Paolo, le pianist viandant, tëgn conzert alaleria, plü avisa en lönesc ai 10 d’agost jödapé dles cascades dl Pisciadú y en mercui ai 12 d’agost sö La Crusc a Badia. Intrami i conzert é dales 10:00 ales 17:00.

11.08.

Cunzert dla Mujiga de Bula
Tl zënter de Bula dala 21:00 inant.

12.08.

Sëira folcloristica
Tl Zënter Iman a Santa Cristina iel dala 21:00 nchin la 22:00 da pudëi udëi y audì l Cor di Ëi »Sasslong«, la grupa »Kryner Sound« y i Schuhplattler de Ciampedel.

13.08.

Cunzert dla Mujiga de Sëlva
Dala 21:00 nchin la 22:30 sun Plaza Oswald von Wolkenstein (dan Cësa de Cultura).

 13.08. y 20.08.

Cunzert dla Mujiga de Urtijëi
N juebia dala 20:00 tën la Mujiga de Urtijëi si cunzert; pervia dla normes anticoronavirus sarà la Mujiga partida su te trëi grupes, che sunerà te trëi lueges desferëntes tl zënter de Urtijëi: sun Plaza Stetteneck, sun pitla Plaza de S. Antone y dan la Villa Venezia.

15.08.

Val Badia Jazz Festival
En Santa Maria dal Ciüf ai 15 d’agost dales 11:00 tëgn conzert sön plaza de Comun a Corvara le grup »Savana Funk«.

Uni vënderdi

Meludies di corni da mont
Uni vënderdi ntan l mëns de agost, for dala 17:00 nchin la 18:00 iel te Val te Sëlva i sunadëures de corni da mont de Gherdëina, che lascia audì si biei sonns.

Galaria retrac