Manifestazions atuales

Data

11 de setember 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 11 de setember
Chino
Atualmenter
Chino de Cianacei
Anché, vender ai 11 de setember, se pel veder da les 17:00 »Il principe dimenticato» e da les 21:15 »Volevo nascondermi«. Doman, sabeda ai 12, da les 17:00 vegn dat »Onward« e da les 21:15 da nef »Il principe dimenticato«. Chest film l vegn moscià da nef en domenia da les 17:00 e dò da les 21:15 »Volevo nascondermi«.
Atualmenter
Chino de Tieser
Anché, vender ai 11 de setember, doman, sabeda ai 12, e domenia ai 13 de setem­ber da les 21:15 vegn moscià »After 2«. Doman da les 17:15 se pel veder »Onward« e en domenia da les 17:00 vegn dat »Volevo nascondermi«.
Atualmënter
Chino dla Bienela Gherdëina
Tl Hotel Ladinia uni di 10:00-12:30 y 15:00-19:30. Ntreda liedia. D'uni sort de films che dura danter 7' y 35', danmesdì un da 139'. Ai 11.09. dala 20:30 vëniel mo mustrà la segonda pert dl film »Notturno«, 1986/2006, 170' (de ndut).
11.09.
Dolomitale Autochino »Modern Times«
Per stlù ju la sajon dl Drive-In chino sun la plaza dai auti Setil a Urtijëi, vëniel mustrà l film cunesciù cun Charlie Chaplin dl ann 1936, che cun si ududa mpue senestra dl daunì dl mond modern, ie te na si maniera restà nchin al didancuei vijioner. Chertes de ntreda sot a www.dolo mitale.com/de/tickets.
11.09.
Filmclub tla »Val dl'Ert« cun le film »L'uomo che verrà«
Le film por talian dl regist Giorgio Diritti gnará proieté alaleria tla Val dl'Ert a San Martin de Tor dales 21:00. Entrada lëdia, iade a pe dal Museum Ladin demez.

Mujiga

12.09.
Conzert del Coro Nosc
En sabeda ai 12 de setember del 2020 da les 21:15 aló da la palestra EnerGym de Soraga, l Coro Nosc endreza l conzert »Per n luster«, per zelebrèr sie prum travert, ensema da cinch egn.

Sport

11.09.
Vie nce tu a nudé!
L Club de Nudé de Gherdëina nvieia mutons y mutans a fé pea chësc sport. Ncuei vënderdi danter la 15:00 y la 16:00 iel tla nudadoia a Urtijëi na proa de nudé per mpartì ite la grupes. N ne à nia drë de se lascé nuté su danora. L Club scumëncia po' si atività ai 14.09. L possa se scrì ite tl Club mutons y mutans dl 2015 y plu vedli.
12/13.09.
Extreme Uphill Val di Fassa
L prum apun­tament l'é la Lusia Legend Uphill doman, en sabeda ai 12: la partenza la sarà te Piaz de Ramon da les 12:00. Seconda garejèda, dodoman, con la Extreme Uphill Val di Fassa: se ponta demez da les 9:00 da Piaz de Ramon.
13.09.
Trail Arena Gherdëina
Per fé cunëscer i biei purtoies y percursc dla »Trail Arena« per chëi dala roda da mont iel da giapé n chësta dumënia na cherta debant per i purvé ora y puderà jurné sun i sies »trails« da de ndut 13,9 km tan de iedesc che i uel. Per nfurmazions plu avisa: Val Gardena Active Suelva, tel. 0471 777900.
16.-27.09.
Partides dl HC Gherdëina
Per se njenië ca al campiunat fajerà l HC Gherdëina chësta partides: n mierculdi ai 16.09. contra l Puster tl stadio de Sëlva dala 20:30 y n vënderdi ai 18.09. a Burnech dala 20:00. N mierculdi ai 23.09. jugherà l HC Gherdëina dala 20:00 sun Renon y n dumënia ai 27.09. pona n cësa dala 18:30 for contra l Renon.

Leteratura

17.09.
Letöres d'auturia te plü lingac
En jöbia, ai 17 de setëmber 2020, dales 20:00, sarál a Tlüses tl Walthersaal tla cornisc dl festival »leteratura te tlusel« na serada cun la poeta Roberta Dapunt che liará fora dl liber Sincope (Einaurdi, 2018). Alma Vallazza y Werner Menapace cunta dla fatibilité y nia-fati­bilité dla traduziun de poesies. Info y prenotaziuns: tel. 0472 847424 y info@klausen.it

Mostres y Ert

Atualmenter
Mostra La Gran Vera te Navalge
La mostra de la Gran Vera ja Moena al teater Navalge la é averta fin ai 13 de setember dal mèrtesc a la domenia da les 10:00 a les 12:30 e da les 15:30 a les 19:00. Vijites vidèdes con prenotazion de obligh al 346 2415776.
Atualmenter
Oraries Museo Ladin de Fascia
L Museo Ladin de Fascia a Sèn Jan, con la neva instalazion multimediala de »la vivana e l cian«, l'é avert dai 11 de setember ai 11 de otober con l'orarie da d'uton: dal mèrtesc a la sabeda da les 15.00 a les 19.00, tel respet de la despo­sizions Covid 19. Per info chaimèr l numer 0462 760182.
Atualmënter
Lois Anvidalfarei tl Ciastel da Pergine
La gran mostra personala dl artist da Ciaminades de Badia sot al moto »Viandanc« vá inant cina ai 31 d'otober 2020.
Atualmënter
»Furmazions de culëures« de Carlo Mussner
Per »Kunst im Gange« tla cësa de chemun a Laion iel da udëi pitures dl artista de Urtijëi, ulache l culëur ie duminant. Ne se lascian nia nfluenzé da tendënzes dl mumënt costru­ësc Mussner la realtà da nuef, descedan mprescions otiches fines y emotives. Da udëi nchin ai 11.09. ntan l'ëures che l Chemun ie daviert.
Atualmënter
»Stramuda« te Tublà da Nives
Te Sëlva ie la mostra de Flavio Senoner y Matthäus Kostner davierta nchin ai 22.09., da merdi nchin dumënia dala 16:00-19:00, de juebia nce dala 20:00-22:00. Senoner se dà ju cun la criazion de cum­posizions tridimensciu­neles ntant che Kostner mët adum mprescions de viages nce mé te una na fotografia sëula.
Atualmënter
»Cie fossa pa« y la mostra coletiva
Tla Galaria Doris Ghetta a Puntives Sud 8 iel da udëi nchin ai 30.09. doi mostres: una ie »Cie fossa pa« de Arnold Holzknecht da Martin y l'autra ie na mostra coletiva cun artisć y artistes da tlo y da oradecà. Orar: merdi nchin vënderdi 15:00-18:00.
Atualmënter
Bienela Gherdëina 2020
Tl zënter de Urtijëi danter la sala Luis Trenker te Cësa di Cungresc, lerch publica tl raion da jì a pe, Hotel Ladinia, y chëst ann nce sa Pilat y te Val. La mostra ie da udëi nchin ai 20 de utober.
Atualmënter
Mostra »Bye bye butterfly«
Tla ciasa dl parch natural a Al Plan él da odëi cina ala fin d'otober la mostra »Bye bye butterfly«, olache an pó imparé deplü sön le monn di paoi. La ciasa é daverta dal mertesc ala sabeda dales 9:30 ales 12:30 y dales 14:30 ales 18:00. De messé y agost éra daverta ince la domënia. Entrada debann
12.09.
»Vester Dlacia« de Aron Demetz
Duman sada dala 18:00 a Bulsan tl rundel dla stredes Volta y Siemens, saràl la naugurazion dla scultura de Aron Demetz cun perfor­mance de bal de Sarah Merler. Dala 19:00 saràl po' la giaurida de si mostra tl self de EOS Solutions, streda G. di Vittorio 23, for a Bulsan, cun ntro­duzion de Bart von der Heide.
17.09.
Empatizanc - mostra
Tla Stadt Galerie de Persenon vëniel giaurì n juebia dala 17:00 ala 21:00 la mostra »empatizanc« che se taca ite a chëla da dant »zënza vo ne va nët nia« y se dà ju inant cun la dumandes n cont' dl Covid-19 y dla fazion sun nosta sozietà. I artisć che se à dat ju cun chësc argumënt ie Ali Paloma, Nicoló Degiorgis, Ingrid Hora, Manuela Kerer, Leonora Prugger, Leander Schwazer, Berty Skuber, Barbara Tavella, Tobias Tavella. La mostra ie da udëi nchin ai 6.11.
20.09.
Unika y l'ert sustenibla
La grupa Unika ie unida nvieda a mëter ora te na mostra coletiva a Wiesbaden ti Paejes Tudësc, tl prim museum al mond dedicà al'ert sustenibla. La giaurida dla mostra sarà n dumënia ai 20 de setëmber dala 11:00 danmesdì y davierta resteràla nchin ai 16.12., for da lunesc nchin vënderdi dala 10:00-17:00.

TELEVIJION

15.09
Natura e ambient: N picol mond de marevea
Da les 20:50 ca. Da n trat en ca te Fascia à metù man ence dotrei joegn a tegnir la eves, se emprevalan de l'esperienza e del saer di apicoltores più veies. Na atività tradizionèla che dèsc de gran sodesfazions e che la ge fèsc ence n gran ben a l'ambient, ajache chesta picola besties lurentes les fèsc trop per tegnir en pé nosc ecosistem naturèl. Program de Luciana Detomas, camera y tai Fulvio De Martin, a cura de Anna Mazzel.
16.09
SunS Europe 2019
Da les 20:50 ca. SunS Europe l festival artistich cultural di lengac de mendranza é a si 5°Edizione e l'à semper n gran ejit. Artisć e musizisć rué adalèrch da vigni cianton à viventà l festival con mùsega, film e auter olache l lengaz l'é l fil checen. Joegn e manco joegn da desvalives ciantons à chiò l met de se cognoscer, baratèr fora idees, musega tres n zich de competizion...chest an l pest é jit ai catalans Magali Sare! Program de Marco D'Agostini, a cura de Anna Mazzel.
17.09
Biografies: Rinaldo Zardini Foloin, studios de ra natura
Da les 20:50 ca. Rinaldo Zardini Foloin é nasciü tl 1902 te Ampëz, al é sté n gran apascioné dla natöra y al á coiü adöm tröc ciüfs, paoi y corëc. La maiú pert de süa coleziun é da odëi tl Museum Paleontologich »Rinaldo Zardini« a Cortina d'Ampëz. Al á ince publiché n valgügn libri sön la geologia de Ampëz. Le contribut che Rinaldo Zardini Foloin á de ala comunité ampezana é scialdi grana y de valüta, al nes á fat conësce la storia di crëps y al á de inant na gran pasciun y amur por la conoscënza de nüsc raiuns. N program de Erika Castlunger, camera y tai de Fulvio de Martin Pinter, a cura de Anna Mazzel.

RADIO

LADINIA LIVE: microfons davierc sun atualità y cultura. Da aldí vigni mertesc y mercui da les 13:45 a les 14:00.
15.09
Ciodí á pa i gragn te n iade n mascherot sön le müs?
Da les 13:45 – 14:00. La publicaziun nöia dal titul »Covidino y Lara«, dada fora dal Istitut Ladin Micurá de Rü en colaboraziun cun la Cooperativa Casa Bimbo/Tagesmutter, dëida da ti splighé a nüsc mëndri, ci che le Corona Virus é y co che al é dërt da se comporté por ne se taché nia la maratia. Program de Sara Frenner.
12.09
Momënc de vita – intervista a Erwin Pescosta
Da les 19:05. Erwin Pescosta é nasciü tl 1938 a Badia, da möt âl fat 7 agn alalungia le famëi y do che al á rové la scora elementara él jü a fá la scora d'ert a Sëlva. Do trëi agn él jü a imparé le ziplé pro n maester a Urtijëi, olache al á spo lauré tröc agn. Erwin Pescosta nes cunta de süa esperiënza te Gherdëina y de sciöche al é spo jü inant cun le laur tla Val Badia. N program de Erika Castlunger.
16.09
La bolifa: La gaissa de la cocktailerie
Da les 19:05. Tel turism se se vel se pel emparer trop soraldut canche se dezide de viajer e jir a fèr esperienzes a la foresta. De cocktailerie e dura di social network en rejonon con Gessica Defran­cesco na joena che à fat tesor de si esperienzes e vel porter inovazion te val. Program de Cinzia Pistoia e Anna Mazzel.
17.09
Le bal popolar
Da les 19:05. L'Uniun Bal Popolar Val Badia complësc 35 agn. Le grup folcloristich tëgn impé tradiziuns y respidlëia aspec culturai tl balé, tla musiga y tl vestimënt. Program de Sara Frenner.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
Informaziuns sön i programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les trasmi­scions radio sota »Podcast«.

Referac

15.09.
La fazion psicologica dla spëisa
Tl referat dal titul »Liebe geht durch den Magen« vëniel purtà dant te na maniera scëmpla y tlera ce fazion che la spëisa possa avëi sun la psiche y coche nosc pensieres à da n dì pra uni bucon che se maion. L referat sarà n merdi dala 20:30 te sala de chemun a S. Cristina y ie metù a jì dala Lia dl Turism.
16.09.
Ciaculeda cun i artisć
Per l'ucajion dla Bienela Gherdëina iel n mierculdi dala 20:30 tla sala Trenker tla Cësa di Cungresc a Urtijëi na ciaculeda (tla rujeneda taliana) cun l artist Marcello Maloberti y la curadëura Sabine Gamper, ulache la jirà dla forza politica tla poejia. La ntreda ie debant.

Dotors

Dutor Gherdëina
L dutor de servisc da n sada ai 12.09. dala 8:00 daduman nchin ala 8:00 daduman de n lunesc ai 14.09. ie l dutor Pablo Policastro tl ambula­tuere di dutores Kostner/Weber, a Urtijëi tla streda Trebinger 10, tel. 366 3646 254.
Doturs Val Badia
Le dotur en sorvisc tl fin dl'edema di 12 y 13 de setëmber, ti cin' comuns dla Val Badia, é le dotur Guido Caretta, Corvara, tel. 337 616080.

Apoteches

Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 11.09. nchin n vënderdi ai 18.09. ie chëla de Fie, tel. 0471/725373 (orar: 8:30-12:30/15:00-19:00, sada 8:30-12:30, stlut mierculdi domesdì. Turnus: sa. 8:30-12:30/16:00-19:00, du. 10:00-12:00).
Apoteca Val Badia
L'apoteca en sorvisc fora dl orar ordinar, dal vëndres ai 11 de setëmber dales 19:00 al vëndres ai 18 de setëmber ales 19:00, é chëra d'Al Plan, tel. 0474 501240.

Cursc

23.09.
Curs de ginastica
Fit, fun & stretching: alena­mënt per dut l corp. L curs cun Karin Moroder, tla palestra Pranives te Sëlva, scumëncia n mierculdi ai 23.09. dala 20:00 ala 21:00 y jirà inant per 8 iedesc. Iscrizions y infos da Olga, tel. 0471 794040. Metù a jì dal KVW Sëlva.
28.09.
Curs de tudësch per chëi che scumëncia
Cun Franziska Gasser, dai 28.09. ai 03.12. for de lunesc 8:30-10:30 y de juebia 8:30-10:00 a Urtijëi tla Cësa de Cultura (cun mascra coche udù dant dala normativa n droa). Priesc: 40 €. Da se scrì ite iel nchin ai 20.09. per e-mail a furmazion.gh@micura.it o per telelefonn 0471 773225 o fonin +39 333 7564531.
29.09.
Curs de tudësch per chëi che sà bele n puech
Cun Franziska Gasser, dai 29.09. ai 03.12. for de merdi 08:30-10:30 y de juebia 10:15-11:45 a Urtijëi tla Cësa de Cultura (cun mascra coche udù dant dala normativa n droa). Priesc: 40 €. Da se scrì ite iel nchin ai 20.09. per e-mail a furmazion.gh@micura.it o per telelefonn 0471 773225 o fonin +39 333 7564531.

Iadi y Jites

13.09.2020
Jita naturalistica Viel del Pan
La Comunanza Ladina a Bulsan mët a jí en domënia ai 13 de setember na jita dal Ju de Pordú sön le Viel del Pan, acompagnada da Vito Zingerle. An s'incunta dales 8:00 a Balsan (plaza da parché dan la fornadoia Kohlern) o dales 10:00 sön le Ju de Pordú (pert de Fascia. Al é da se tó para cialzá, guant da jí sö por munt, proviant. S'anunzié pro Ludwig al 349 7530267.
13.09.
Jita sul Viel dal Pan
La Comunanza Ladina a Bulsan mët a jì na jita dal Jëuf de Pordoi sun l troi Viel dal Pan. Vito Zingerle cunterà dla geologia dla Dolomites. N muverà n dumënia dala 8:00 a Bulsan y dala 10:00 sot al Jëuf de Pordoi (sun la pert de Fascia). Da jì saràl 3-4 ëura. Per plu infos: 349 7530267 (Ludwig)

Avisc

Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, info.bruneck@frauen helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster – MIP
L'ofize dla MIP – Männer­initiative Pustertal dëida i ëi y peri pro caje de devorz, pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, vëndres dales 8:00 ales 12:00. Tel. 0474 555848, info@mip-pustertal.it
Atualmënter
Club Boè a La Ila
Chi che ess debojëgn da contaté le Club Boé, che dëida porsones y familiars confrontá cun le problem dl alcol, pó tó sö contat tres telefon. Porsones de referimënt é Angelo al 338 5975817 o Hubert al 339 1698343.
Atualmenter
Oraries biblioteca de Sèn Jan
La strutura é averta dal lunesc al vender con orarie 10:00 – 12:00 e 15:00 – 19:00. No ge vel più tor apuntament per l'emprest ma l'é conseà la prenotazion al nr 0462 763062 o per mail senjandifassa@biblio.infotn.it. Se pel ite demò de doi a l'outa, no se pel tocèr libres e coroneles e se fermèr per lejer.
19.09.
»Dut na grignada!«
Spetacol de cabaret con Mario Cagol en sabeda ai 19 de setember da les 20:30 aló dal pavion de la manifestazions de Poza en colaborazion con sociazion Bambi e l Comun de Sèn Jan. Entrèda con oferta ledia.
19.09.
L Cor di Jëuni chier té
L Cor di Jëuni de Urtijëi fej ai 19.09. la prima proa te calonia autite. Sce te es plu de 14 ani y es legrëza a cianté, posses fé pea y cuntaté Laura (333 7273332) o Tanja (377 9414527).
30.09.
Incuntada por porsones che ciara do a ciasa porsones vedles y/o amarades:
La Portina por l'assistënza y la cura mët da jí ai 30.09. dales 17:00, te Ciasa de Palsa, na incuntada por porsones che socodësc a ciasa porsones vedles y/o amarades, cun le tema »Ich pflege dich und schau auf mich«. Al gnará fat eserzizi de relassamënt, de piceres meditaziuns y porté dant val' storia dla bona löna. La incuntada vëgn tignida da Margareta Fuchs da Porsenú, Iscriziuns anter i 21.09. al 0474 524513.

Temp Lede

11.09. y 12.09.
Ancunteda de auti a lectrisc
L'assoziazion EcoDolomites vën cun si auti a lectrisc te Gherdëina cun n program de doi dis, che ie da abiné online sun www.ecodolomites.com.
13.09.
»Selatour« di auti 500
Ancunteda y tour di auti Fiat 500 te Sëlva, dala 8:30 inant. Per infos n con' de priesc y program cherdé su l 329 4221363.
18.09.
Vins alaleria
En vëndres ai 18 de setëmber pón tó pert al'ultima degu­staziun de vins de Südtirol tla natöra, en chësc iade tratan che sorëdl florësc. Sön Frëinatorona sura la fraziun de Runch a Badia él n somme­lier che presënta y lascia ciarcé i vins dales 17:00. Por tó pert él da se scrí ite pro un di ufizi turistics dl'Alta Badia.
19.09.
Festa da d'autonn dl VKE
A Urtijëi sun la plaza dai juesc dan la scola elementera, dala 14:00 nchin la 17:00, ulache l sarà nce la curiera nueva dai juesc dl VKE.

Galaria retrac