Manifestazions atuales speziales

Data

09 de otober 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 9 de otober
Marcià di libri adurvei de Segra Sacun
Da n lunesc ai 12.10. nchin n mierculdi ai 14.10. tla Cësa de Cultura a Urtijëi
Coche l ie bele tradizion meterà la trëi biblioteches publiches dla valeda – San Durich, Tresl Gruber y O.v. Wolkenstein – nce chëst ann a jì l marcià di libri adurvei de Segra Sacun.
I libri tëuc ora dala biblioteches – ajache danejei o nia plu atuei – y chëi dunei dai privac unirà vendui a 1 € per liber. I scioldi che vën trac ite unirà pona inò dac ora per l bën dla trëi biblioteches.
L marcià di libri ie a Urtijëi tla Cësa de Cultura dan l ufize dla Lia dl Turism y scumëncia n lunesc ai 12 de utober, ulache l ie daviert dala 8:00-18:00. N merdi ai 13.10. iel daviert dala 8:00-12:00 y 14:00-18:00 y n mierculdi ai 14.10. mé danmesdì dala 8:00-12:00.
La trëi biblioteches San Durich de Urtijëi, Tresl Gruber de S. Cristina y Oswald v. Wolkenstein de Sëlva se ncunforta sun duc chëi che vën al marcià!

18ejim Marcià bio 2020
L cunsëi dla Lia per Natura y Usanzes nvieia de cuer al marcià bio, n sada ai 10.10. a Urtijëi, sun Pitla Plaza de S. Antone, dala 9:00 inant
L blòt marcià, ulache paures bio dl Südtirol vënd si prudoc, vën inò fat.
Nce nëus dla Lia per Natura y Usanzes ve piton velch da maië: tëurtes y strudli fac nstësc, pans ntegrei d'uni sort, dut sambën cun prudoc biologics. L bon tof da castanies pratedes ne mancerà y l stont dal craut sarà ënghe inò sun plaza.
Chiche uel se mplenì si barijel possa se lascé fé ju l craut da nosc esperc, ma prion bel, pervia dla urganisazion, de se nuté su pra Engelbert cherdan su l 334 1630081.
L sarà nce inò n valgun jëuni che torna sun plaza.
L unirà sambën tenì ite la normes de segurëza scrites dant per l coronavirus.

»Dépôt... y al é gnü la löm«
Cun la mostra tl Museum Ladin vëgnel daurí y lascé odëi ci che resta ascognü normalmënter, ci che é tl depot, ci che vëgn trat fora dal magazin, »stöpé jö« y osservé danü
Por chësc á le Museum ladin trat fora operes da so depot: depënc, dessëgns y scoltöres, realisades da artistes y artisć defunc plü o manco conesciüs dales valades ladines – dal 17ejim secul cina aldedaincö.
La mostra pó gní vijitada da en domënia ai 11 de otober cina ai 31 de otober dal mer­tesc ala sabeda dales 10:00 cina les 16:00 y la domënia dales 14:00 ales 18:00.
Da novëmber inant spo dal lönesc al vëndres tratan i orars de ofize.

Mostra de Willy Verginer a Trënt
Prima mostra persunela de Verginer tla galaria Studio Arte Raffaelli. La mostra ie cureda da Luca Beatrice
L artista se à ispirà al roman »Rayuela« scrit dal scritëur dl'Argentina Julio Cortazar tl 1963. L liber ie unì premià plu iedesc y ie stat de gran mpurtanza per la leteratura. Rayuela ie l inuem spanuel dl juech per mutons, cunesciù da nëus sciche »tempio«. Sun streda sauta i mutons da un n cheder al auter smacan n pitl sas.
La figures zipledes de grandëza naturela se tol duta la lerch dla sala dla galaria. Uni pez possa sté da sëul, ma tl medemo tëmp iel lià adum a na gran nstalazion.
La mostra unirà inaugureda n juebia ai 15.10. danter la 16:00 y la 20:00.
La mostra resterà davierta nchin ai 28 de fauré 2021, dal lunesc al vënderdi dala 9:30-13:30 y dala 15.30-19:30, la sada dala 10:00-12:00 y 16:30-18:30.
Studio d'Arte Raffaelli, Palazzo Wolkenstein, streda L. Marchetti 17, Trënt.