Manifestazions atuales

Data

16 de otober 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 16 de otober
Apoteches
Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 16.10. nchin n vënderdi ai 23.10. ie chëla de Urtijëi, tel. 0471 796125 (orar de giaurida 8:00-12:00/15:00-19:00).
Apoteca Val Badia
L'apoteca en sorvisc fora dl orar ordinar, dal vëndres ai 16 de otober dales 19:00 al vëndres ai 23 de otober ales 19:00, é chëra da Corvara, tel. 0471 830237.

Dotors
Dutor Gherdëina
L dutor de servisc da n sada ai 17.10. dala 8:00 daduman nchin ala 8:00 daduman de n lunesc ai 19.10. ie l dutor Simon Kostner de Sëlva, tel. 347 2297492
Doturs Val Badia
Le dotur en sorvisc tl fin dl'edema di 17 y 18 d'otober, ti cin' comuns dla Val Badia, é le dotur Guido Caretta, Calfosch/Corvara, tel. 0471 836870 o 337 616080.

Sozial
Atualmënter
Chëutes Mod. 730: cumedé ora fai
Chëi che à dat ju si detlarazion dla chëutes Mod. 730, possa mo cumedé ora vel' fal o junté pro sce n à desmincià velch. Tlo iel doi pusciblteies: nchin ai 25.10. pòssel unì dat ju l »Mod. 730 integrativo« o scenó, nchin ai 30.11., l »Mod. Redditi correttivo«. Per n terminn cherdé su l KVW o jì sot a www.mycaf.eu.
Atualmënter
Numer de telefonn nuef per l ufize dl KVW a Urtijëi
Tl ufize tla streda Roma a Urtijëi, vis a vis dl chemun, puderàn inò jì per cunsulënzes d'uni sort. Purempò vëniel damandà de se nunzië danora per fé ora n terminn, scrijan na email a patronat@kvw.org o cherdan su l 0471 050780 y dajan sëura inuem, luech de nasciuda y ulache n sta, y numer de telefonn.
16.10.
Reunion generela dla Lia Sustëni ala Vita
Ncuei vënderdi dala 19:00 tla pitla sala dla pluania a Urtijëi, tl respet tla normes anti-CoVi19. Chëst ann iel nce la vela dl cunsëi nuef. Davia che la Lia depënd scialdi dala cunlaurazion ativa di cumëmbri, chieren per l'atività persones che se dà gën da fé tl ciamp soziel. La Lia rengrazia duc si suste­nidëures.
23.10.
Deberieda: spazireda da d'autonn
N vënderdi dala 14:00 se ancónten dan la Cësa de Paussa a Urtijëi per jì pona deberieda tal »Zirm«. Lecur­dëve te tò pea l mascherot y mpue de scioldi. »Deberieda« ie na grupa per se ancunté danter persones che à pro­blems psichics o de soziali­sazion cun ulenteres. Per nfurmazions pudëis cherdé su Sttefania Giacoppo, tel. 0471/798015.
Nchin ai 30.10.
Sustëni nuef »Covid-19 scioldi per mutons«
La Provinzia dà, per un n iede, n sustëni a families cun mutons sot a 18 ani, che à abù vel' desvantaje tres la crisa dl Covid. Per uni mut sot a 18 ani vëniel dat n cun­tribut de 400 €. La dumanda ie da dé ju nchin ai 30.10. al Raion Saniter cumpetënt. Per n terminn pra l KVW cherdé su l 0471 050780 o scrì a patronat@kvw.org.

Referac
20.10.
Ancunteda cun i artisć
Per stlù ju la Bienela Gherdëina saràl mo n merdi dala 20:30 tla ustaria Traube/Ianesc, na sëira ulache la jirà di rituai che à da n fé cun la purtenienza y l jì de reviers a cësa. Cun i artisć Adrian Paci y Sharon Lockhart y tres cun­liamënt zoom nce l curadëur Adam Budak.(Per talian y nglëisc). La ntreda ie debant.

Sport
Atualmënter
Sport, juech y devertimënt
La Nëus Jëuni Ghedëina mët a jì uni prim mierculdi dl mëns na sëira tla palestra dl ITE, ulache l vën fat juesc, ginastica o cieche i jëuni se damanda al mumënt. Verena y Julian sarà for prejënc y a vosta despusizion. L ie da se nuté su danora al 371 3164572.
17.10.
Partides danter l HC Gherdëina y i Fassa Falcons
L HC Gherdëina y i Fassa Falcons à fat ora de fé dant la partida ududa dant ai 22 de utober. Defati la àn fata inier juebia tl stadio de Delba. Duman sada ai 17 de utober fajeràn la partida de ëuta tl stadio Pranives de Sëlva, dala 18:30.

Religion
24.10.
Ancunté Gejù
S. Mëssa per mutons y fami­lies. Nvion de cuer duc i jëuni, mutans, mutons, popsc y nëinesc y laves ala S. Mëssa duman sada dala 17:00 te dlieja de Urtijëi, cun Sn. pluan Vijo Pitscheider.

Mostres y Ert
23.10. – 01.11.
Mostra hobby y ert
Tl salf dles uniuns da San Ciascian vëgnel metü fora na mostra de articui fac tl tëmp lëde, organisada dal KVW. Chisc i termins: 23 y 24 d'otober dales 17:00 ales 20:00; 25 d'otober dales 10:00 ales 12:00 y dales 15:00 ales 18:00; 30 y 31 d'otober dales 17:00 ales 20:00; 1. de novëm­ber dales 10:00 ales 12:00 y dales 15:00 ales 18:00.
Atualmënter
Mostra persunela de Willy Verginer
Tla galaria Studio d'Arte Raffaelli a Trënt, str. L. Marchetti 17. La mostra ie cureda da Luca Beatrice y ispireda al roman »Rayuela«, che ie n juech per mutons che n fej sun streda, da nëus cunesciù coche »tempio«. La ie da udëi nchin ai 28.02., dal lunesc al vënderdi 9:30-13:30 y 15:30-19:30, de sada 10:00-12:00 y 16:30-18:30.
Atualmënter
Mostra de Sara Welponer
Tla mostra dla artista de Urtijëi, dal titul »Muster­erkennung«, iel da udëi lëures che ie na cumbinazion de dessëni a rispl, pitura a uele y tramedoi deberieda, sun papier y lën. La mostra tla Galaria Prisma a Bulsan ie davierta nchin ai 21 de nuvëm­ber, da merdi nchin sada, dala 10:00 nchin la 14:00.
Atualmënter
»Nodus« de Gregor Prugger
Mostra cureda da Ulrich Egger, tl Palais Mamming Museum a Maran. Lëns y rames se ntercea y se nturti­dlea, l crësc ite nce vel' corp fulestier. L lën vën tratà te na maniera che l vën a s'l dé n dialogh danter naturel y nfulestramënt. La mostra ie da udëi nchin ai 6 de jené, da merdi nchin sada 10:30-17:00, de dumënia y dis de festa 10:30-13:00.
Atualmënter
Di per di de Walter Moroder
Mostra dl scultëur de Urtijëi, tla Galaria Doris Ghetta a Puntives sud. La mostra resterà davierta nchin ai 28 de nuvëmber, da merdi nchin vënderdi dala 15:00-18:00.
Atualmënter
»Lüm« de Heinz Innerhofer y Markus Moling
Tres la pitura y la fotografia lascia i doi artisć udëi la natura te si aspec plu desferënc y aldò de si perzezion. La mostra te Tublà da Nives te Sëlva ie da udëi nchin ai 25.10. da merdi nchin sada 16:00-19:00 de dumënia 10:00-12:00 y 16:00-19:00, de lunesc iela stluta.
Atualmënter
Mostra »Depôt... y al é gnü la löm«
Le Museum ladin á trat fora operes da so depôt: depënc, dessëgns y scoltöres, realisades da artistes y artisć defunc plü o manco conesciüs dales valades ladines–dal 17ejim secul cina aldedaincö. La mostra pó gní vijitada cina ai 31 de otober dal mertesc ala sabeda dales 10:00 ales 16:00 y la domënia dales 14:00 ales 18:00.
Atualmënter
Mostra »Bye bye butterfly«
Tla ciasa dl parch natural a Al Plan él da odëi cina ala fin d'otober la mostra »Bye bye butterfly«, olache an pó imparé deplü sön le monn di paoi. La ciasa é daverta dal mertesc ala sabeda dales 9:30 ales 12:30 y dales 14:30 ales 18:00. De messé y agost éra daverta ince la domënia. Entrada debann.
Atualmënter
Lois Anvidalfarei tl Ciastel da Pergine
La gran mostra personala dl artist da Ciaminades de Badia sot al moto »Viandanc« vá inant cina ai 31 d'otober 2020

RADIO

LADINIA LIVE: microfons davierc sun atualità y cultura. Da aldí vigni mertesc y mercui da les 13:45 a les 14:00.
21.10
N gran storich ladin nes à lascè
Da les 13:45. En recordanza dl prof. Bepe Richebuono. Ghest: Elsa Zardini, condu­ziun de Alessandro Dapunt.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
16.10
Mnemos – Museums te Fedom y Ampëz
Da les 19:05. Te chësta trasmiscion de »Mnemos« ti vëniel cialà plu avisa ala realtá museala dla valedes ladines. Chëst iede ti dajons na udleda via n Fedom y n pert a Ampëz ulache l ie deplù realteies museales da pudëi vijité sciche l museum dla tradizions populeres a La Pli de Fedom, l museum tla Cësa de Jan a Col, la minieres dl Fursil y l Ciastel de Andrac. Trasmi­scion de Stefan Planker.
17.10
La meditaziun
Da les 19:05. Program de Alessia Pordon.
21.10
La bolifa: curer e ge star apede a la jent
Da les 19:05. La sanità e la cura de la persones l'é zeche che no semper vegn aprejià e l dotor segur no l'é n mestier per duc o dutes. Determi­nazion, pascion, studie e n eie ascort ai etres l'é vèlch che caraterisèa Rebecca Chenetti che studia medejina. Program de Cinzia Pistoia e Anna Mazzel.
Juebia, ai 22 de utober da les 19:05
I Stödafüch de Badia
Da les 19:05. Te chësc pro­gram pon aldí val' deplü dla storia, dl'ativité, di intervënc y tröpes d'atres curiosites che reverda i Stödafüch de Badia. Program de Sara Frenner.
Informaziuns sön i programs radio y tele­vijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Media­teca« y les trasmi­scions radio sota »Podcast«.

TELEVIJION

20.10
Deboriada – sozietà, familia. sanità
Da les 20:50 ca. La scolina tl bosch, nasciuda dan n valgun ani tla Scandinavia coche esperimënt, se à tl ultimo tëmp for plu y plu cristalisà te na realtá cuncreta. Dantaldut ti luesc a mesa la natura descëidela l nteres, davia che la ti pieta ai mutons n di mplenì de ativiteies tl bosch y tl sëni dla lidëza. Deboriada ie per n di jic a ti cialé a chësta forma innuvativa de scolina. N program de Ivan Senoner, tai y camera de Georg Penn, a cura de Leo Senoner.
21.10
Trail Spezial
Da les 20:50 ca. A cura de Mateo Taibon.
22.10
Dut feminin – L nutriment: na forma de amor
Da les 20:50 ca. La femena, da semper, l'é chela che per pruma se cruzia de alimen­tazion te cèsa. N tem che pel averjer ujes su argoments desferenc e che, tras na giusta sort de informazion, l pel portèr a tor en consciderazion neve maniere de magnèr. Da la valuta che à l portèr inant la tradizion te cèsa da fech, a la possibilità de tor cà atra idees e ponts de veduda en cont de coche vegn enjignèda la magnadiva, se rua prest a entener che l nutriment, per na ela, no l'é auter che na forma de amor. Program de Cinzia Pistoia, a cura de Anna Mazzel.

Avisc

Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, info.bruneck@frauen helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmenter
Oraries biblioteca de Sèn Jan
La strutura é averta dal lunesc al vender con orarie 10:00 – 12:00 e 15:00 – 19:00. No ge vel più tor apuntament per l'emprest ma l'é conseà la prenotazion al nr 0462 763062 o per mail senjandifassa@biblio.infotn.it. Se pel ite demò de doi a l'outa, no se pel tocèr libres e coroneles e se fermèr per lejer.
17.10.
Virgilio Soraperra de la Zoch
En sabeda ai 17 de otober al chino Marmolèda de Cianacei vegn prejentà l liber »Virgilio Soraperra de la Zoch, Der Kunstmaler«. Da les 17:00 recorc en musega e letures dai diaries con Diaolin (Giu­liano Natali) e Loreta Florian, da les 18:00 prejen­tazion del liber con Gianfranco Traverso, Cesare Poppi, Antonio Rizzo e la familia Soraperra.
17.10.
Regoeta de fer per solidarietà
En sabeda ai 17 de otober i volontadives di gropes Freina­demetz e Mato Grosso passa a tor sù fer e metèi ti paìjes da Soraga a Fontanac. i domana de meter dut sun or de strèda jà da doman bonora. Per Cianacei e Ciampedel chiamèr Luigi (335.7417183) o Mambo (388.0453037). Dut l vadagn serf a responer a la domana de aiut che rua dai miscionaries.

Chino

Atualmenter
Chino de Cianacei
Ai 16 de otober e domenia ai 18 da les 21.15 vegn dat l flm dramatich »Roubaix, une lumière«. En sabeda ai 17 da les 17:00 l'é la prejentazion del liber »Virgilio Soraperra de la Zoch, der Kunstmaler.«

Cursc

Dai 19.10.
Curs de tennis de 10 ores cun le Tennisclub Ladinia
Por mituns y jonins dles scores elementares, mesanes y altes, 2 iadi al'edema, cost: 140,00 euro. A Corvara. Prenotaziuns anter le 30.09.2020 y infos: atennisclubladinia@rolmail.net
22. – 23.10.
Curs da fá pan
Le jonn Nicola Laera orga­nisëia i dis 22 y 23 de otober dales 16:00 ales 23:00 n curs de dui dis de panificaziun, al gnará arjigné pastes scëmples y plö zities, pizzes, focacces... Le curs gnará tigní al Hotel La Perla a Corvara. Por iscri­ziuns y informaziuns podëise telefoné al 339 7906738.

Mujiga

Nchin ai 24.10.
Steinegg-Live
Mujiga y cultura nce te tëmps de Corona, cun Rüdiger Baldauf's Trumpet Night feat, Max Mutzke, Mad Puppet, Pamstiddn Kings, Kapelle So&So, Stefan Kröll y trueps d'autri. Da audì tla cësa de cultura de Stanecia. Program plu avisa sot a www.steinegglive.com. Apusté chertes y resservé lueges mé sot a 338 8309014 (nce WhatsUp) o 0471 376574 (Lia dl Turism).
26.10.
Belgian Brass
Cunzert dla lingia di Jëuni de Mujiga de Gherdëina n lunesc che vën dala 20:30 tla dlieja de Sëlva.

Leteratura

22.10.
»Uni liber lascia n sëni - uni biblioteca ënghe«
La biblioteches de Gherdëina nvieia ala prejentazion di sënialibri realisei dai sculeies dl Lizeum d'Ert »Cademia« y al poetry slam cun Irene Moroder. N juebia dala 17:00 sun Plaza Stetteneck a Urtijëi.

Galaria retrac