Manifestazions atuales speziales

Data

16 de otober 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 16 de otober
Ëur – Mostra de Egon Digon
Tla Vijion Art Gallery a Puntives iel ncuei, 16.10. dala 20:30 la giaurida dla mostra persunela de Egon Stuflesser da Digon
»Ie chire formes artifizieles, che spiedla la tendënza ala sterilità sun chësc mond«. Chësc pensier dl artist Egon Digon dij ora tler cieche ie la fundamënta de si lëur. L ne ti nteressea nia de fé do la formes natureles, ma de jì a crì na purëza sëurameneda. Egon pëia via da na geometria stara, a chëla che l ti tol si carateristica cruënta y frëida. Nsci se muda nce la rissa ndrëta che devënta lesiera y giapa muvimënt. Tl lën se prejënta la linia coche »Ëur«, l ëur che tol ite senificac plu soc de vita y dla sozietà.
Egon ne ti tol nia mé la durëza ala geometria, ma nce al matrial lën, che vën tënder y mujel. Suvënz vën la formes tenides adum da vel' ciol, che sënia na ambivalënza danter l bujën dla persona de vester cunlieda y l bujën de lidëza.
La mostra »Ëur« de Egon Digon resta davierta nchin ai 7.11., da lunesc nchin sada dala 16:00-19:00.

La forza dla fede
La Unité Pastorala mët da jí dai 18 ai 25 d'otober l'Edema dla Fede, sot al tema »Canche i sun debl, dailó sunse sterch: la forza dla fede«
Chësc é le program dla Edema dla Fede tla Val Badia.
Domënia ai 18.10.: gran mëssa te vigni ploania–Dé de fede tla comunité
Mertesc ai 20.10. dales 20:00 a La Val: referat tl salf dles manifestaziuns cun don Paolo Renner, dal titul »Quando sono debole è allora che sono forte«.
Jöbia ai 22.10. ales 20:00 a La Ila: tl salf dles manifestaziuns, mësa torona cun le dr. Marco Pizzinini, le vicar general siur Eugen Runggaldier y Alfons Pezzei, sot al titul »Tëmp de Covid: esperiënzes danter tëma y fidënza«.
Vëndres ai 23.10.: ora de adoraziun/oraziun te vigni ploania.
Sabeda ai 24.10. dales 17:00 a San Martin: tl gran salf »The joy of the Lord!«, sëra cun le grup musical ProVoXis, en colaboraziun cun le Sorvisc ai Jogn.
Domënia ai 25.10. dales 15:00: prozesciun cun Via Crucis da San Linert a Oies y dales 16:00 mëssa dles ploanies tla dlijia da Oies, cun le grup Octovox.