Manifestazions atuales

Data

13 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 13 de november
RADIO
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
18.11.
La bolifa: ciapel e papier
Da les 19:05. Dò 30 egn de servije la polina Serenella Manfroi è jita en penscion con encresciadum per so mestier sebenence che sibie stat momenc senestres ela recorda con gaissa si raporc con la jent te paisc. Program de Cinzia Pistoia e Anna Mazzel.
19.11.
Öri eterics y moscedoc cuntra virus y baters
Da les 19:05. Tla sajun frëida se desfridun plü saurí y porchël chiriunse te chësc pro­gram do soluziuns natu­rales che dëida varí y scona ince da se taché un cun l'ater de bur mai. Program de Sara Frenner.

TELEVIJION

17.11.
Paisc dla Ladinia, vita y storia: Pian de Ciampedel
Da les 20:50 ca. Pian é na fraziun tl comun de Ciampedel olache al vir aldedancö soporjö 30 porsones. Dala dlijia de Ciampedel pëiel ia le tru dla Via Crucis che röia sö cina dala picera dlijia de Pian, che é gnüda fata sö tl 1750. Pian é un di posc plü originai y carateristichs de Fascia, olache an po ciamó odëi avisa sciöche les ciases da paur gnô fates sö inlaota. N program de Erika Castlunger, camera y tai de Hans Peter Karbon.
18.11.
Trail spezial: 40 Agn parch natural Fanes-Senes-Braies
Da les 20:50 ca. Le parch natural Fanes Senes Braies á de gran belëzes dla natöra, al é por nüsc raiuns na gran atraziun con so teritor sot a proteziun. Mo al é ince n teritor important por l'econo­mia: por l'agricoltöra de un n vers, con les pastöres co i á dé söa bela ciaradöra ales munts, y por le turism de n ater vers: mëter adöm interesc desvalis, ghiranzes desvalies n'é nia dagnora sté saurí. Con le reconoscimënt sciöche patrimone Unesco é le parch natural n'atraziun emplü. A cura de Mateo Taibon.
19.11.
Deboriada: Mens sana in corpore sano
Da les 20:50 ca. Se n sté bën pudëssen definì coche n fin universel dla persona, che dal stlaië di tëmps cëla de ti dé cualità a si vita. Ncueicundì ntënden suvënz cun bënsté n paussé de corp y ana, for plu y plu pità da albiergs che retlamisea l »wellness«, na parola ntant buleda ite tl imaginer culetif. Ma l ie nce manieres scëmples che nes juda a resté nton, dantaldut canche n ruva plu inant cun i ani y la va nce de cialé sun nosta sanità mentela. Program y cunzet: Ivan Senoner, tai: Georg Penn, a cura de: Leo Senoner

Avisc

Atualmënter
L'Ofize de»Ëres dëida Ëres«
L'ofize a Bornech é da ciafé tla str. Paul von Sternbach nr. 6, Por tó sö contat pón scrí a info.bruneck@frauen­helfenfrauen.it o telefoné al 0474 410303.
Atualmënter
Iniziativa di ëi de Puster – MIP
L'ofize dla MIP – Männer­initiative Pustertal dëida i ëi y peri pro caji de devorz, pîta aiüt te situaziuns de dificolté. L'ofize é tl Paternsteig nr. 1 a Bornech. Contat: tel. 0474 555848, info@mip-pustertal.it
Atualmënter
Club Boè a La Ila
Le Club Boé da La Ila ti pita aiüt a porsones y families en dificolté, confrontá cun le probem dl alcol. Por tó sö contat: Angelo al 338 5975817 o Hubert al 339 1698343.
Nchin ai 16.11.
»Nadel tla scatula dai ciauzei«
La azion per ti purté mpue de legrëza a mutons de paejes pueresc va inant nce chëst ann. Te Gherdëina pòssen coche for dé ju la scatules cun la scincundes (+ pitla dun­fierta) te una dla trëi biblio­teches: S. Durich a Urtijëi, Tresl Gruber a S. Cristina y O.v. Wolkenstein te Sëlva. De ndut iel te Südtirol 70 lueges ulache n possa dé ju i pachetli, cialé plu avisa sot a www.weihnachten-im-schuhkarton.org.

Dotors

Dutor Gherdëina
L dutor de servisc da n sada ai 14.11. dala 8:00 daduman nchin la 8:00 daduman de n lunesc ai 16.11. ie la duturëssa Chiara Mazzi, che ie da urté tl ambulatuere dla dr.ssa Cordula Weber a Urtijëi, streda Trebinger 10, tel. 340 4046274.
Doturs Val Badia
Le dotur en sorvisc tl fin dl'edema di 14 y 15 de novëm­ber, ti cin' comuns dla Val Badia, é le dotur Luca Galiazzo, da ciafé al numer 342 5181295.

Apoteches

Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 13.11. nchin n vënderdi ai 20.11. ie chëla de Sëlva, tel. 0471 795142 o 333 1776615, (davierta dala 8:30-12:30 y 15:30-18:00, du. 8:30-12:30).
Apoteca Val Badia
L'apoteca en sorvisc fora dl orar ordinar, dal vëndres ai 13 de novëmber dales 19:00 al vëndres ai 20 de novëmber ales 19:00, é chëra da Corvara, tel. 0471 830237.

Mostres y Ert

Atualmënter
Mostra persunela de Willy Verginer
Tla galaria Studio d'Arte Raffaelli a Trënt, str. L. Marchetti 17. La mostra ie cureda da Luca Beatrice y ispireda al roman »Rayuela«, che ie n juech per mutons che n fej sun streda, da nëus cu­nesciù coche »tempio«. La ie da udëi nchin ai 28.02., dal lunesc al vënderdi 9:30-13:30 y 15:30-19:30, de sada 10:00-12:00 y 16:30-18:30.
Atualmënter
»Nodus« de Gregor Prugger
Mostra cureda da Ulrich Egger, tl Palais Mamming Museum a Maran. Lëns y rames se ntercea y se nturti­dlea, l crësc ite nce vel' corp fulestier. L lën vën tratà te na maniera che l vën a s'l dé n dialogh danter naturel y nfulestramënt. La mostra ie da udëi nchin ai 6 de jené, da merdi nchin sada 10:30-17:00, de dumënia y dis de festa 10:30-13:00.
Atualmënter
Di per di de Walter Moroder
Mostra dl scultëur de Urtijëi, tla Galaria Doris Ghetta a Puntives sud. La mostra resterà davierta nchin ai 28 de nuvëmber, da merdi nchin vënderdi dala 15:00-18:00.

Sport

14.-22.11.
Turnoi ITF de tennis di ëi
L turnoi nternaziunel di ëi Sparkasse Challenger - Val Gardena Südtirol possa mpo unì metù a jì, ma danz zënza publich. Purempò vëniel pità la ucajion de pudëi ti cialé ala partides tres Live Stream, debant, jan ite sot a www.tennis-valgardena.com/de/atp/home/.
17. y 21.11.
Partides de hockey dl HC Gherdëina sun Live Stream
N merdi ai 17 de nuvëmber dala 20:30 jugherà l Gherdëina n cësa contra l Cortina y n sada ai 21 de nuvëmber dala 18:30 for tl stadio Pranives contra i Falcons de Fascia. Lecurdon che n possa ti cialé ala partides tres Live Stream, debant per i abunei o paian 7,5 € per partida, jan ite sot a www.valcome.tv. (mudazions de program resservedes).

Galaria retrac