Manifestazions atuales speziales

Data

13 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 13 de november
Le corp cunta dl dolur
Le Sorvisc ai Jogn Val Badia mët da jí l'Edema de Formaziun, che gnará tignida online, cun temesc dal'educaziun ala mobilité. Le pröm apuntamënt é ai 16 de novëmber
En lönesc ai 16 de novëmber dales 19:30 vëgnel tigní le pröm referat che inviëia ia l'Edema de Formaziun organisada dal Sorvisc ai Jogn. Tema de chësta serada é »Der Körper erzählt das Leid – Krisen im Jugendalter. Referënt é Hartmann Raffeiner, psicologh y aconsiadú sessual. Al portará dant la tematica dl autolesionism, sües formes, les gaujes che vëgn dant le plü y metodes por smendrí le comportamënt.
Por se colié al referat él da jí ite sön chësc link
(https://zoom.us/j/93512731428)
Chësc referat é gnü metü a jí en colaboraziun cun le Consëi de Formaziun de Badia.

Mituns y i media digitai
L'Edema de Formaziun píta ai 20 de novëmber n referat atual sön l'adoranza di media pro i pici mituns
»Darf ich dein Handy? Tipps und Infos zum Umgang mit digitalen Medien im Kleinkind­alter«. Chësc é le titul dl referat cun l'assistënta soziala Manuela Lechner, che vëgn tigní online en vëndres ai 20 de novëmber dales 19:30.
N adult ciara mesamënter 88 iadi al de sön so zelular. Insciö él 88 iadi de ejëmpl por i mituns. Eduché a n raport critich y auto­determiné cun i media é porchël important, independentamënter sce i mituns á n so zelular o manco. Manuela Lechner nes cuntará deplü sön n consum sigü di media moderns y dará consëis sön l'adoranza di media te familia.
Le link por se colié al referat é:
(https://zoom.us/j/98936652568)

Co prevení le stres?
Prevenziun dal stres – manires da ti an jí al stres y traumas tl'eté da mituns. Ai 18 de novëmber dales 19:30 sön Zoom
L'Edema de Formaziun píta en mercui ai 18 de novëmber dales 19:30 le referat dal titul »Stressprävention – Auswirkungen und Umgang mit Stress und Trauma im frühen Kindesalter«, cun Heike Torggler, psicologa y mental coach. Ara jará ite sön gaujes poscibles (sciöche inzidënc, nasciüda problematica, relaziuns o esperiënzes de vita negatives) che é liades a sentimënc stersc. La referënta spligará le punt de odüda dla sciënza traumatologica. Aladó de chëra á vigni comportamënt na buna gauja.
Le link por se colié al referat é:
(https://zoom.us/j/94649775782)

E-Mobility: mobilité eletrica
L'Edema de Formaziun se stlüj jö ai 23 de novëmber cun n referat sön la mobilité eletrica
Ai 23 de novëmber dales 19:30 él online le referat dal titul »E-Mobility – i auti dl dagní, mo ince bele dl presënt?!« Referënt é Philipp Agreiter, tecnich d'auto y titolar de Autoservice Agreiter. Da ël ciafarán informaziuns arjignades ca te na manira scëmpla: sön les tecnologies atuales tl ciamp di auti, le svilup dla mobilité motorisada y les poscibilités che le marcé píta bele aldedaincö.
Le link por se colié al referat é chësc:
(https://zoom.us/j/93504909313)