Manifestazions atuales

Data

27 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla ediziun dl 27 de november
Dotors
Dutor Gherdëina
L dutor de servisc da n sada ai 28.11. dala 8:00 daduman nchin la 8:00 daduman de n lunesc ai 30.11. ie l dutor Valentin Tröbinger de Sëlva, tel. 0471 773073 o l 335 6844944.
Doturs Val Badia
Le dotur en sorvisc tl fin dl'edema di 28 y 29 de novëmber, ti cin' comuns dla Val Badia, é le dotur Eduard Agreiter, San Martin de Tor, tel. 0474 523315 o 333 1380852.

Apoteches

Apoteca Val Badia
L'apoteca en sorvisc fora dl orar ordinar, dal vëndres ai 27 de novëmber dales 19:00 al vëndres ai 4 de dezëmber ales 19:00, é chëra da San Martin/Picolin, tel. 0474 523020.
Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 27.11. nchin n vënderdi ai 4.12. ie chëla de Urtijëi, tel. 0471 796125 (orar de giaurida sa. 8:00-12:00/15:00-19:00, du. 9:00-12:00/15:00-19:00).

Avisc

Atualmenter
Azess a Istitut e biblioteca ladina
L'azess ai ofizies de l'Istitut Cultural Ladin 'Majon di Fascegn' vegn consentì demò su apuntament o per telefon. La biblioteca sporc l servije de take away: per maor infor­mazions chiamèr te Istitut al 0462 764267 o scriver na mail a biblioteca@istladin.net.
Atualmenter
Tesseramenc al Cai Sat
Dal prum de november i tesseramenc al CAI-SAT i é averc. La sezion Auta Fascia envia duc si sozi a renovèr sia fideltà: se pel se oujer a la presidenta Licia Favé o ai comembres del diretif o se pel jir te senta de jebia da les 17:00 a les 18:00.
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, Por tó sö contat pón scrí a info.bruneck@frauen helfenfrauen.it o telefoné al 0474 410303.
Atualmënter
Iniziativa di ëi de Puster – MIP
L'ofize dla MIP – Männer­initiative Pustertal dëida i ëi y peri pro caji de devorz, pîta aiüt te situaziuns de dificolté. L'ofize é tl Paternsteig nr. 1 a Bornech. Contat: tel. 0474 555848, info@mip-pustertal.it
Atualmënter
Club Boè a La Ila
Le Club Boé da La Ila ti pita aiüt a porsones y families en dificolté, confrontá cun le probem dl alcol. Por tó sö contat: Angelo al 338 5975817 o Hubert al 339 1698343.
04.12.
Radunanza Neva UAL
En vender ai 4 de dezember da les 17:00 l consei de la Neva Union Autonomista Ladina chiama ite sie sozi a la Radunanza. La scontrèda sarà en modalità streaming su la piata Facebook e sul canal YouTube de la sociazion.

Mostres y Ert

Atualmënter
Mostra de criples
Nce chëst ann mët i cumëmbri dla »Gardena Art« inò ora tl zënter dl luech de Urtijëi la ciasotes cun la bela criples, riches y te d'uni sort de stii, che sarà da udëi nchin Santaguania. Na scumen­ciadiva da prijé chëst ann tan deplù, per purté nce mpue de atmosfera de speranza tl tëmp dan Nadel.

Sozial

Atualmënter
Covid-19, liede dal lëur per genitores
Nchin ai 31.12. à genitores cun mutons nchin a 14 ani che viv cun ëi, la rejon de fé »smart working« sce la Unità Saniterà à metù n carantena la scola, scolina o cësa di pitli. Mé sce l ne n'ie nia mesun a lauré a cësa póssel unì fat dumanda de avëi liede dal lëur per Covid-19. Nfurma­zions plu avisa giàpen ti ufizies dl KVW-ACLI, www.mypatronat.eu, tel. 0471 050780.
Atualmënter
Bonus per PC, tablet y internet
L bonus de al plu 500 €, possa unì nuzà sciche sconto sun l priesc da paië al mëns per l internet o per la nuzeda de n PC o tablet. Rejon de chësc bonus à chëi che à na detlarazion ISEE de manco de 20.000 €. Per l bonus iel pona da fé via diretamënter cun chiche pieta l servisc (p.ej. Tim, Vodafone, Wind y n.i.). Per la detlarazion ISEE pòssen se ëujer al KVW Service (www.kvwservice.eu, service.bozen@service.kvw.org)

Teater

27.11.
Conturina a cèsa tia
Anché vender ai 27 de november da les 20:30 tel teater de Vilazan vegn spilenà la mini opera lirica ladina Conturina de la Sociazion Aurona, museghes del maester Claudio Vadagnini, regìa e narazion Mirko Corradini, sopran Victoria Burneo Sanchez. Se pel la veder online su la piataforma digitala Retroscena: www.retroscena.org.

TELEVIJION

01.12
Pizes dla Ladinia
Da les 20:50 ca. Documenter de Manfred Stuffer y Hans Peter Karbon a cura de Alessandro Dapunt.
02.12
SunS Europe 2020
Da les 20:50 ca. SunS Europe, l festival di lengac de men­dranza é vegnù endrezà ence chest an ma zenza concors e sot na viesta più locala e nazionèla aldò de l'emergenza sanitèra. L Festival à tout ite doi gregn conzert SunS Europe daite e SunS Friul a l'averta apede a la presentazion de vèlch liber e film. La musega no stesc ceta! Program de Marco D'Agostini, a cura de Anna Mazzel.
03.12
Scenar ert y cultura
Da les 20:50 ca. Program y cunzet de Ivan Senoner, tai de Hans Peter Karbon, a cura de Leo Senoner.

RADIO

LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00
1.12.
La sajon dai schi scumëncia: o nia?
Da les 13:45 – 14:00. Uni ann ie l mëter man dla sajon dai schi cumpanieda da deplù ponc de dumanda. Nëif natu­rela dal ciel, frëit, ega assé per la produzion de nëif pro­grameda y truep d'autri fatores cundiziunea l scumen­ciamënt dla sajon turistica da d'inviern. Chëst ann rùvel leprò na variabla nueva, che ne cune­scian nia nchinamò, ma che rënd dut mo termen­damënter plu cumplicà: la pandemia dl coronavirus. Ntervista cun Andy Varallo, presidënt dl Dolomiti Super­ski. Conduzion Leo Senoner
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA
27.11.
La lege urbanistica nueva per Südtirol
Da les 19:05. Ai prim de lugio iel jit n droa la lege urbanistica nueva per la provinzia de Bulsan. Deberieda cun l aucat dut. Christoph Perathoner vëniel jit tres n valgun aspec de chësta lege nueva, scialdi cumplicheda ma mpurtanta per l svilup de nosc raion. Trasmiscion de Simon Moroder
28.11.
Sciuré demez ne vëgnel nia
Da les 19:05. Program de Giuliana Dejaco.
29.11
Evelyne jola cun l paracadut
Da les 19:05. Per Evelyne fova l julé cun l paracadut da for bele n sëmi che n di o l auter ëssela ulù fé deventé realtà. Chëst ann d'ansciuda àla fat duc i ejams per l brevet y possa julé can y ulà che la uel. Ëila nes conta de si pascion che ascuend sambën nce vel' pericul. Trasmiscion de Alex Runggaldier.
30.11
David Wieser tla serie A de codlapé
Da les 19:05. Mo mei ne n'à n jugadëur dl juech ala codla ladin arjont n livel prufesciunel tan aut. David Wieser de Urtijëi, che juega tla scuadra di jëuni dl Inter, tachelnea pra la portes dl campiunat naziunel talian plu mpurtant, la serie A. Storia de n suenn che ie daujin dal deventé realtà. Program de Leo Senoner.
02.12.
La bolifa: L pianoforte l'é n amich per Paolo Bernard
Da les 19:05. La musega classica pel sosceder emozions ence te chi che no i l'à studiè­da, l'é n lengaz universèl e la deida a se averjer al mond. Paolo Bernard da Cianacei sona con pascion per trasmeter magìa e fèr maraveèr. Program de Cinzia Pistoia e Anna Mazzel.
03.12.
Pippi Cialzalungia
Da les 19:05. Pippi complësc 75 agn, mo al romagn na möta zënza na falda tl müs. Cun sües trëces adërtafora, le coraje y da na forza demorvöia resta Pippi tl record y tl cör di mën­dri y ince di adulc. Program de Sara Frenner.

Sport

03.12.
Partida de hockey dl HC Gherdëina
Ala partida de n juebia ai 3 de dezëmber dala 20:30 contra l Asiago, tl stadio Pranives de Sëlva (zënza prejënza de publich) pòssen ti cialé tres Live Stream, debant per i abunei o paian 7,5 €, sot a www.valcome.tv. L se trata mo de na partida dl »Return2Play«.

Galaria retrac