Manifestazions atuales

Data

22 de jené 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 22 de jené
Dotors
Dutor Gherdëina
L dutor de servisc da n sada ai 23.01. dala 8:00 daduman nchin la 8:00 daduman de n lunesc ai 25.01. ie l dutor Valentin Tröbinger de Sëlva, tel. 0471 773073 o l 335 6844944.
Doturs Val Badia
Le dotur en sorvisc tlla fin dl'edema di 16 y 17 de jená, ti comuns de Badia, Corvara y La Val, é le dotur Alberto Caretta, Badia, tel. 0471 839706 o 380 3161999. Ti comuns de Mareo y San Martin de Tor él en sorvisc le dotur Luca Galiazzo, tel. 342 5181295.

Apoteches

Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 22.01. nchin n vënderdi ai 29.01. ie chëla de S. Cristina, tel. 0471 792106 o 333 1776615 (orar sa. 8:00-12:00/15:30-18:30, du. 8:00-12:00).
Apoteches Val Badia
L'apoteca en sorvisc fora dl orar ordinar, dal vëndres ai 22 de jená 2021 dales 19:00 al vëndres al 29 de jená 2021 ales 19:00, é chëra da San Martin/Picolin, tel. 0474 523020.

Sport
Atualmënter
Plaza dala dlacia Setil davierta
La plaza dala dlacia a Urtijëi ie davierta al publich uni di danmesdì dala 10:00-12:00 y domesdì dala 14:00-18:00, mé de lunesc y de vënderdi iela domesdì permò davierta dala 16:00 inant.
Atualmënter
Zënter da pudejé sun Pana
L zënter ie daviert uni di dala 9:00 nchin la 16:30. Mutons nchin a 14 ani possa se nuzé debant di purtoies.

Mostres y Ert
Atualmënter
Mostra »genitor - mut«
Tla Vijion Art Gallery a Puntives/Urtijëi iel da udëi nchin ai 05.02. opres de 18 artisć che nes mostra si nter­pretazions dl liam danter genitor y mut. La maniera de tré su mutons se à mudà dassënn. Sce chësc à mé purtà pertes positives resta daviert. Co vëij pa la sozietà chësc mudamënt, ma dantaldut co la vëij pa i artisć? Mostra davierta: lu.-sa. 16:00-19:00 o cherdan su l 338 2098697.

Avisc

Atualmenter
Jon te Museo!
Da lunesc a vender da les 15:00 fin les 19:00 i ujes del Museo ladin de Fascia i é da nef averc aldò de la normatives de segureza anti-Covid. Resta serà de sabeda e de domenia.

TELEVIJION

26.01.
Jogn y profesciuns
Da les 20:50 ca. La gran varieté de poscibilités ch'i jogn dles valades ladines á al de da incö te na realté cun manco restriziuns, ti dá la motivaziun nezesciara por chirí fora mistiers nia tan conesciüs y por to dezijiuns che vá cuntra i standard che fej te nosta sozieté oramai pert dla normalité. Elisabeth á trés salpü ch'al ti ess salpü bel da cuncé cun sües mans les paches fora di auti. Marisa motivëia la jënt da möie vigni pert dl corp pur schivé l me, deperpo ch Paul s'á chirí fora l laur da sciacher sciöche so nene y so bsaun. Program de Mara Miribung y Obexer Peter, a cura de Leo Senoner.
27.01.
Trail Spezial
Da les 20:50 ca. A cura de Alexia Grossi.
28.01.
Euro – trasmisciun de economia
Da les 20:50 ca. De Diego Clara y Hartmann Mairhofer, a cura de Leo Senoner.

RADIO

LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
22.01.
I planns de pricul te Gherdëina
Dales 19:05. Duc i Chemuns de Südtirol muessa anjenië n plann de pricul per si raions. Deberieda cun mprejes y studi de cumpetënza vëniel ejaminà ulache l ie pricul de smueies, levines o ulache l pudëssa unì a s'l dé egajons. I trëi ambolc de Gherdëina fej n pont sun la situazion. Trasmiscion de Simon Moroder.
24.01.
Ciantarins y musizisć morc tl 2020
Dales 19:05. Tla trasmiscion »De viac tl mond dla mujiga moderna« se lecurdons de ciantarins y musizisć che ie passei a n'autra vita y n valguni de chisc nce pervia dl Covid19. Chisc artisć dla mujiga à tëut cumià da nosc mond, ma si cianties nes ie restedes y unirà for inò scutedes su y nscila penserons cun plajëi a d'ëi. I plu cunesciui che se n ie jic ie zënzauter Little Richard, Peter Green, Eddie van Halen y nosc Stefano d'Orazio di Pooh. Trasmiscion de Georg Mussner.
27.01.
Jan Batista Deville, l Schindler ladin
Dales 19:05. Don Jan Batista Deville da Moena al scomenz del secol passà l'à portà a salvament zirca 1500 jent. Sia storia vegn recordeda tel liber »Back from Belgium- storia segreta di tre anni dietro le linee tedesche« scrit da el enstess tel 1918. Nos la recor­don chiò tel dì de la memoria con Alberto Chiocchetti che à cognosciù e aprejià de cher chesta storia. Program de Anna Mazzel.
Informaziuns plü menüdes sön i programs radio y tele­vijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Media­teca« y les trasmiscions radio sota »Podcast«.

Sozial

Atualmenter
Se mever con Rencureme
Per endrez de la sociazion Rencureme, coi 18 de jené taca n nef servije de mobilità a paament, endèna per i comuns de Mazin e Moena, out a persones che à dificoltà a se spostèr en autonomia, tel respet de la normes anticovid: ge vel prenotèr amancol na dì dant a la Crousc Chechena al 0462/764266 (Vich) o 0462/573166 (Moena).

Religion
28. y 29.01.
Festa por le Sant da Oies
Le vëndres ai 29 de jená festejëia la Dlijia le De de Sant Ujöp Freinademetz, le Sant da Oies. Chësc vëgn recordé sambëgn ince chësc ann, ai 28 y 29 de jená. La jöbia ai 28 dales 20:00 él a Oies na devoziun y oraziun en onú de Sant Ujöp Freinademetz. Le vëndres ai 29 de jená él dales 16:00 na mëssa da festa a Oies, y dales 20:00 ciamó na mëssa. La jënt é periada da tigní ite les prescriziuns por le coronavirus.

Galaria retrac