La Usc di Ladins

Deventé operadus sozio – sanitars
N mistier por le dagní, n laur sigü! Formaziuns por deventé operadus sozio – sanitars (por tod. »Pflegehelfer«). Stüde a tëmp plëgn o parzial
La Scora por laurs soziai »Hannah Arendt« pita na formaziun a tëmp plëgn por operadú o operadëssa sozio – sanitar/a, ponsada por porsones che ó jí a lauré te istituziuns soziales y sanitares sciöche ciases de palsa, strotöres por porsones cun handicap, ospedai, sorvisc ambulanc sciöche le Sorvisc de assistënza a ciasa (por tod. »Hauspflege«).
Recuisic
An mëss avëi complí almanco 17 agn y al vëgn aconsié n practicum danfora.
Dorada
La dorada dla formaziun é de 1 ann, plü avisa 1.200 ores – 36 ores de scora al'edema. Implü él preodü practicums te istituziuns soziales y sanitaries sciöche ciases de palsa, ospedai, sorvisc ambulanc.
I contignüs dla formaziun se orientëia a competënzes pratiches dl laur sciöche:

• reconësce i bojëgns fisics, psichics y soziai de basa y daidé da i garantí;
• ciaré y reconësce situaziuns prigoroses, se comporté aladô dla situaziun y tó prove­dimënc adatá;
• lauré cun profescionalité te situaziuns de assistënza y cura da vigni de, sciöche ince te situaziuns praticolares.

Por fá chësc laur ól ester na bona capazité da porté pëis fisich y mental, coscienziosité, costanza, vëia da se dé da fá y ligrëza da sté cun jënt.
La formaziun vëgn tignida sides a Porsenú co ince a Balsan y a Maran y é debann.
Opziun a mez tëmp
Al vëgn ince pité na formaziun a mez tëmp por operadú o operadëssa – soziosanitar/a por porsones dai 25 agn insö; ara vëgn tignida a Bornech y döra 2 agn. Les leziuns de teoria sará 3 iadi al'edema danmisdé.
Iscriziuns
Les iscriziuns por intrames les formaziuns pó gní fates fina ai 15 de forá 2021 pro la Scora por laurs soziai »Hannah Arendt«, tel. 0471 973494 o ala mail: lfs.bz-sozialberufe@schule.suedtirol.it


Deventé operadus sozio – assistenziai
N mistier por le dagní, n laur sigü! Al vëgn pité formaziuns por deventé operadus sozio – assistenziai (tod. »Sozialbetreuer«). Studié pón a tëmp plëgn o a mez tëmp
La Scora por laurs soziai »Hannah Arendt« pita na formaziun a tëmp plëgn por operadú o operadëssa sozio – assisten­zial/a, por porsones che ó jí a lauré te istituziuns soziales sciöche ciases de palsa, sorvisc ambulanc sciöche le Sorvisc de assistënza a ciasa (tod. »Haus­pflege«), strotöres por porsones cun handicap y cun maraties psichiches.
Recuisic

• 4 edemes de practicum danfora;
• avëi stlüt jö la scora mesana y avëi complí i 18 agn;
• o 2 agn de scora alta y/o 2 agn de formaziun profescionala stlüta jö cun suzes;
• o avëi stlüt jö n aprendistat.

Dorada
La formaziun döra 3 agn cun 38 ores de scora al'edema, implü vëgnel metü da jí practicums te istituziuns soziales sciöche ciases de palsa, strotöres abitatives y de laur de porsones cun handicap, sorvisc ambulanc y i.i..
I contignüs dla formaziun se orientëia a competënzes pratiches dl laur sciöche:

• acompagné, curé y assistí porsones vedles o ince amará de demënza tles situaziuns desvalies de vita;
• acompagné, curé y assistí porsones, ince porsones cun n handicap o cun maraties psichiches, che á debojëgn de aiüt y cura;
• svilupé na identité profescionala por acom­pagné porsones te sü ultims tëmps de vita

Compic

• Cura, assistënza y acompagnamënt de porsones vedles, de porsones cun maraties pscichiches, sostëgn a families o a porsones singoles;
• alisiramët por umes y familiars tles familes;
• sostëgn tla formaziun, tl laur y tëmp lëde por manajé la vita da vignidé

Por fá chësc laur ól ester na bona capazité da tigní fora pëis fisich y mental, coscienziosité, costanza, vëia da se dé da fá, ligrëza da sté cun jënt y capazité da lauré en autonomia.
La formaziun vëgn tignida sides a Porsenú co ince a Balsan y a Maran y é debann.
Opziun a mez tëmp
Al vëgn ince pité na formaziun a mez tëmp por porsones sura i 25 agn. La formaziun döra 4 agn y vëgn tignida a Porsenú. Les leziuns de teoria vëgn tignides 3 iadi al'edema danmisdé.
Iscriziuns
Les iscriziuns por intrames les formaziuns pó gni fates fina ai 15 de forá 2021 pro la Scora por laurs soziai »Hannah Arendt«, tel. 0471 973494 o ala mail: lfs.bz-sozialberufe@schule.suedtirol.it