Manifestazions atuales

Data

19 de fauré 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 19 de fauré
Dotours
Dutor Gherdëina
L dutor de servisc da n sada ai 20.02. dala 8:00 daduman nchin la 8:00 daduman de n lunesc ai 22.02. ie l dutor Giuliano Piccoliori de Santa Cristina, tel. 0471 792282 o 348 3301004.
Doturs Val Badia
Le dotur en sorvisc tla fin dl'edema di 20 y 21 de forá, ti comuns de Badia, Corvara y La Val, é le dotur Alberto Caretta, Badia, tel. 0471 839706 o 380 3161999. Ti comuns de Mareo y San Martin de Tor él en sorvisc le dotur Luca Galiazzo, tel. 342 5181295.

Apoteches

Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 19.02. nchin n vënderdi ai 26.02. ie chëla de Urtijëi, tel. 0471 796125 (orar de giaurida 8:00-12:00/15:00-19:00).
Apoteches Val Badia
L'apoteca en sorvisc fora dl orar ordinar, dal vëndres ai 19 de forá 2021 dales 19:00 al vëndres al 26 de forá 2021 ales 19:00, é chëra da San Martin/Picolin, tel. 0474 523020.

Sport
20. y 27.02.
Partides dl HC Gherdëina n cësa
Ala partida de duman sada ai 20 de fauré contra l KAC II dala 20:30 tl stadio Pranives de Sëlva (zënza prejënza de publich), pòssen ti cialé sun www.valcome.tv tres live stream, debant per i abunei o paian 7,5 € per duc i autri. N sada ai 27 de fauré for dala 20:30 saràl da udëi la partida contra l Kitzbühel.

Religion

27.02.
Ancunté Gejù
S. Mëssa per mutons y families. Nvion de cuer duc i jëuni, mutans, mutons, popsc, genitores y nëinesc y laves ala S. Mëssa n sada che vën dala 17:00 te dlieja de Urtijëi, cun Sn. pluan Vijo Pitscheider.

Cursc

20.02.
Curs de basa Wikipedia Ladin, online
Duman sada ai 20 de fauré, dala 16:00-18:00, saràl la segonda pert dl curs cun Wolfgang Moroder, chëst iede de coche n fej a mëter foto­grafies sun Wikipedia. L curs ie online, da se cunlië cun meet.jit.si/Wikipedia Ladin. Per nfurmazions: Union di Ladins de Gher­dëina, tel. 0471 796870, info@ulg.it.

Avisc

Atualmenter
La Colomba de pèsc de Emergency
Emergency Fiem e Fascia propon per Pèsca la Colomba de pèsc, en colaborazion con Tre Marie, fata con rezeta tradizionèla e scorzes de pomananc. L cost l'é de € 15 che va a sostegn di projec de Emergency. Prenotazions fin ai 24 de firé a fiemme-fassa@volontari.emergency.it o al 349 8042968.
Atualmënter
Sorvisc de consulënza
Ria löna? Desperaziun? Le Sorvisc ai Jogn Val Badia pîta le sorvisc de consulënza te orars dá dant, tres telefon o sön apuntamënt. Lascesse adintëne tres Whatsapp al 342 8410721 o tres e-mail a barbara@jogn.org.
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, Por tó sö contat pón scrí a info.bruneck@frauen helfenfrauen.it o telefoné al 0474 410303.
Atualmënter
Iniziativa di ëi de Puster – MIP
L'ofize dla MIP – Männer­initiative Pustertal dëida i ëi y peri pro caji de devorz, pîta aiüt te situaziuns de dificolté. L'ofize é tl Paternsteig nr. 1 a Bornech. Contat: tel. 0474 555848, info@mip-pustertal.it
Atualmënter
Club Boè a La Ila
Le Club Boé da La Ila ti pita aiüt a porsones y families en dificolté, confrontá cun le probem dl alcol. Por tó sö contat: Angelo al 338 5975817 o Hubert al 339 1698343.
19.02.
Radunanza de La Grenz
La Sociazion La Grenz met a jir anché vender ai 19 de firé la radunanza te sia senta e en streaming. Da les 20:00 pèrt ordenèra con relazion atività, aproazion bilanz e litazion encèries, da les 21:00 pèrt straordenèra con muda­ment del Statut e iscrizion a l'albo ASP. Ge vel se enscinuèr inant les 16:00 a infolagrenz@gmail.com.

Referac

26.02.
Té y craitles... se nuzé dla natura n cësa
La Bibliotech San Durich nvieia de cuer al referat online cun Ujep Runggaldier n vënderdi, ai 26 de fauré dala 8 da sëira sun Zoom. L ie da se nuté su nchin ai 24 de fauré tla Bibliotech San Durich, cherdan su l 0471 797814 o scrijan a info@biblio.bz.

RADIO
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
19.02.
Ludwig Hofer y si pascion per l pudejé
Da les 19:05. Dan 49 ani ova Ludwig fat pea si prima Marcialonga y chëst ann per l segondo iede. Ël conta de coche l ova scumencià a pudejé, coche l se à svilupà ti ani y dla sudesfazions che chësc sport ti à dat. Trasmi­scion de Alex Runggaldier.
20.02.
Mendranzes tudesces tla Talia
Da les 19:05. Program de Iris Del Valle.
21.02.
100 ani „Circolo« – I ani '60 y '70
Da les 19:05. Carlo Mussner ie stat presidënt dl »Circolo« dal 1965 al 1968 y ël nes lascia audì si testemunianza de chëi ani, rejona dl cunflit danter Lia Mostra d'Ert y la lia »Ruscel«, coche univa finan­zieda l'atività y dla mpurtanza dl »Circolo« per l'ert y artejanat artistich de Gherdëina. Tras­miscion de Sofia Stuflesser.
24.02.
Contest video Canori e autra scomenzadives
Da les 19:05. L Istitut Cultural Ladin e l Museo Ladin de Fascia à metù a jir desvaliva scomenzadives per viventèr la cultura che trop à padì te chisc tempes de pandemia. L'intent l'é chel de ruèr apede a la jent e la fèr tor pèrt ativa­menter ajache duc se n'à adat del valor e peis de la cultura per l ben esser de la persones. En rejonon con la diretora Sabrina Rasom e si cola­boradores del museo. Program de Anna Mazzel.

TELEVIJION

22.02.
Monumënc d'ert y storia – Le Museum Ladin Ciastel de Tor
Da les 20:50 ca. Le Museum Ladin á la sënta tl Ciastel de Tor, na sënta che ti dá n valur particolar al museum instëss. Le compit di museums é dantadöt chël de tigní sö l'arpejun culturala por les generaziuns dl dagní, y á porchël n'importanza fonda­mentala por na comunité. Tl Museum Ladin él da odëi deplü seziuns, olache al é testemonianzes dl tëmp passé, y te Museum vëgnel ince organizé mostres tematiches y d'ert contem­porana. N program de Erika Castlunger, camera y tai de Hans Peter Karbon, a cura de Alessandro Dapunt.
23.02.
SunS Europe 2020
Da les 20:50 ca. SunS Europe, l festival di lengac de men­dranza é vegnù endrezà ence chest an ma zenza concors e sot na viesta più locala e nazionèla aldò de l'emergenza sanitèra. L Festival à tout ite doi gregn conzert SunS Europe daite e SunS Friul a l'averta apede a la presentazion de vèlch liber e film. La musega no stesc ceta! Program de Marco D'Agostini, a cura de Anna Mazzel.
24.02.
Euro – trasmisciun de economia
Da les 20:50 ca. Program de Diego Clara y Hartmann Mairhofer, a cura de Leo Senoner.

Sozial

Atualmenter
L CGF deida per prenotèr l vazin
Per chi che no é bogn o che no i à n aparat informatich, l Servije Sozio-assistenzièl del Comun general de Fascia l'é a la leta per dèr sie didament per la prenotazion telematica per la vazinazion anti Covid. Per concordèr l'apuntament se pel telefonèr al 0462 764297.
Atualmenter
N costionèr su la dependenzes
L Servije Sozio-assistenzièl del Comun general de Fascia à endrezà n costionèr per monitorèr la situazion de la dependenzes te val e miorèr l'atività del portel metù a jir adum con la Coprativa Le Rais. L'é anomim e sorì e duc é envié a responer dal link: https://forms.gle/jbZdmjCBT1xyDh278
Atualmenter
Se mever con Rencureme
Per endrez de la sociazion Rencureme, coi 18 de jené l'é tacà n nef servije de mobilità a paament, endèna per i comuns de Mazin e Moena, out a persones che à dificoltà a se spostèr en autonomia, tel respet de la normes anticovid: ge vel prenotèr amancol na dì dant a la Crousc Chechena al 0462/764266 (Vich) o 0462/573166 (Moena).
Atualmënter
Cuntribut per cumpré n auto a lectrisc
Persones cun na detlarazion ISEE sot a 30.000 euro giapa n cuntribut dl 40% dl priesc a cumpré n auto a lectrisc. L cuntribut ti spieta mé sce l priesc de lista dl auto ie de manco de 30.000 euro. Nfurmazions plu avisa pra l KVW, www.mypatronat.euv
Atualmënter
Lëur da paur: scioldi per chiche ie restei zënza lëur
La dumanda per giapé i scioldi de dejocupazion tl lëur da paur per l ann 2020 muessa unì data ju nchin ai 31 de merz 2021. La dumanda muessa unì mandeda inant tres via telematica al INPS. Chësc servisc vën pità a paiamënt dal patronat KVW-ACLI, www.mypatronat.eu.

Galaria retrac