Manifestazions atuales speziales

Data

19 de fauré 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 19 de fauré
Pest per poejies ladines »Angelo Trebo«
Escrizion dla nona edizion. Termen per mené ite les poejies: 30 de auril 2021
Al é n concurs de poejies davert a duc chi che scriv per ladin (te vigni varianta y idiom), metù su dl 1997 a San Martin de Tor da l'union culturala y artistica EPL–Ert por i Ladins. Con l'edizion dl 2012 fova l pest trienal vegnù daurì a dutes les variantes ladines y i idioms ladins dl raion dles Dolomites, cie che à porté spo tles trei edizions suzessives a na maioura partezipazion da pert de autoures y autours. L'edizion nueva, segn daverta, é chela dl 2021. La premiazion é preveduda per l prum isté o auton 2021 – ence te na maniera virtuala, sce les condizions per les restrizions anti Covid–19 ne dessa nia conzede na festa y enconteda de persona.
Criters y condizions
Da prejenté él – ence en chest iade – anter trei y cinch poejies. I prums trei posć é ciariés con pesć monetars de 500,00, 300,00 respetivamenter 200,00 euro. Per tó pert él da paié ite sun l cont bancar IBAN IT41H 08010 58830 000 304000455 intesté a l'EPL-Ert por i Ladins la comiscion de partezipazion de 20,00 euro.
Vigni autour/a prejenteia les poejies te cater copies, les contrassegneia con n pseudo­nim y ajonta laprò te na mendra cuverta scluta si dac anagrafics y l'atestazion dl versament dla comiscion de partezipazion. Sun la mendra cuverta scrivel/ela su si pseudonim.
La miscion per mené ite o dé ju a man l material per tò pert al concurs – anter l 30 de auril 2021 – é:
EPL-Ert por i Ladins
Pest »Angelo Trebo«
str. Stufles 20
39030 San Martin de Tor/San Martino in Badia
BZ

Manajamënt classich di »social media«
Chësta é la tematica dl curs che le Consëi de Formaziun de Badia mët da jí sön Zoom ai 25 de forá dales 17:00. Referënta é la dot.a Alessiá Sorá
La referënta portará dant chëstes tematiches:
Svilupé na strategia por »social media«;
Le plann di contignüs dl marketing y le calënder de publicaziun;
Les funziuns prinzipales de Facebook y Instagram por fins de marketing;
Manajé i canai cun profescionalité y creativité;
Trá para na comunité (»community«) te na manira efiziënta;
Mosoré y ciaré do i resultac;
Campagnes de reclam a paiamënt;
Stromënc, app y link d'öga
Le curs döra 1,5 ores, cun tëmp por domandes lapró. Al é debann y é ponsé por ativités comerziales piceres y granes. Les prenotaziuns vëgn tutes sö tres e-mail a cf.badia@rolmail.net
Le link por la partezipaziun online é https://zoom.us/j/98872860230