Manifestazions atuales

Data

02 de auril 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 02 de auril
Dotours
Dutor Gherdëina
L dutor de servisc da n sada ai 03.04. dala 8:00 daduman nchin la 8:00 daduman de n lunesc ai 05.04. ie la dutor Giuliano Piccoliori de S. Cristina, tel. 0471 792282 o 348 3301004.
N Lunesc de Pasca ai 05.04. nchin la 8:00 daduman dl di do ie de servisc l dutor Simon Kostner de Sëlva, streda Nives 2, tel. 347 2297492.
L dutor de servisc da n sada ai 10.04. dala 8:00 daduman nchin la 8:00 daduman de n lunesc ai 12.04. ie l dutor Valentin Tröbinger de Sëlva, tel. 0471 773073 o l 335 6844944.
Doturs Val Badia
Le dotur en sorvisc ti cin comuns dla Val Badia, tla fin dl’edema di 3 y 4 d’aurí, é le dotur Luca Galiazzo, tel. 342 5181295. En Lönesc de Pasca él en sorvisc le dotur Martin Spechtenhauser, La Ila, tel. 0471 844200. Tl fin dl’edema di 10 y 11 d’aurí él en sorvisc le dotur Eduard Agreiter, San Martin de Tor, tel. 0474 523315 o 333 1380852.

Apoteches
Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 02.04. nchin n vënderdi ai 09.04. ie chëla de Urtijëi, tel. 0471 796125 (sa. 8:00-12:00, 15:00-19:00, du. 10:00-12.00). Dai 09. nchin ai 16.04. ie de servisc ora dl orar ordiner de giaurida la apoteca de Fie, tel. 0471 725373 (sa. 8:30-12:30, 16:00-19:00, du. 10:00-12:00; stlut mierculdi domesdì)
Apoteches Val Badia
L’apoteca en sorvisc fora dl orar ordinar, dal vëndres ai 2 de aurí dales 19:00 al vëndres ai 9 de aurí ales 19:00, é chëra da Corvara, tel. 0471 830237. Tla edema dai 9 ai 16 de aurí él en sorvisc l’apoteca da La Ila, tel. 0471 847152.

Sport
Atualmënter
Zënter de pudejé sun Mont de Pana
L vën fat al savëi che l zënter de pudejé sun Mont de Pana cun l mprëst dai schi ie inò daviert. Daviert iel dala 9 dadumann nchin la 5 domesdì.

Religion
10.04.
Ancunté Gejù
S. Mëssa per mutons y fami­lies. Nvion de cuer duc i jëuni, mutans, mutons, popsc, genitores y nëinesc y laves ala S. Mëssa per la families, n sada ai 10 de auril dala 17:00 te dlieja de Urtijëi, cun Sn. pluan Vijo Pitscheider.

TELEVIJION
06.04
Cult – rituai da inier y ncuei: Le degan dla Val Badia
Da les 20:50 ca. Program de Daria Valentin, camera y tai de Hanspeter Karbon y a cura de Alessandro Dapunt.
07.04
Balé danter sport y ert
Da les 20:50 ca. La pasciun por le balé é sota y brüj te tramesdöes les personalités. Carolina Kostner y Anastasia Kostner se eserzitëia vigni de por svilupé inant so talënt, mioré sües capazités y resté en competiziun. Fora de na pasciun él deventé n laur, che se damana sforz, ambiziun, ardimënt, conzentraziun. Tramesdöes bala por profe­sciun: Carolina tl ciamp dl sport a livel olimpich y Ana­stasia tl ciamp dl ert y dla cultura. N confrunt da sfuma­töres scialdi fines. Program de Esther Videsott y Eugen Cela, a cura de Leo Senoner.
08.04
Df : La mères tel temp de la pandemia
Da les 20:50 ca. I tempes senestres i soscedea te la families domanes, besegnes neves e cruzies senza fin. La mères, usèdes a dèr amor, sostegn e ènema a si pìcoi, les se troa tedant situazions gre­vies a cheles che les cogn ge fèr front sobito. Che velel pa dir esser mère tel temp de la pandemia? Program de Cinzia Pistoia, a cura de Anna Mazzel.
13.04
Sport ladin
Da les 20:50 ca. Program de Diego Clara, Regia y produ­ziun: Zak Multimedia, a cura de Leo Senoner.
14.04
Tassìe: »Ogec che sosceda sentiments«
Da les 20:50 ca. I ogec i ne sosceda de spes sentiments che i se lea a la memoria de chiche i li à duré, i tol cà de gregn segnificac e i ne traina inant e endò tel temp. N repor­tage anter i recorc leé a la vita da zacan, per fèr vegnir fora i tassìe de noscia identità. Program de Cinzia Pistoia, a cura de Anna Mazzel.
15.04
Nosta scola–atualità dala scoles dla valedes ladines
Da les 20:50 ca. Tesc' y cunzet de Lena Mulser, camera y tai de Hans Peter Karbon, a cura de Alessandro Dapunt.

RADIO
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
06.04
L Portel de mediazion rua te Fascia
Da les 13:45. L Comun General de Fascia, de gra al projet del Zenter de Giustizia Riparativa de la Region Trentin Sudtirol, l'à metù a jir l Portel de mediazion; n servije debant, portà inant da n operator de competenza–che tegn la costion resservèda–per didèr chi che se troa te na situazion de conflit a n vegnìr fora tras la mediazion. N rejonon con Mirella Florian. Conduzion de Cinzia Pistoia.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
02.04
Judé l proscimo tl'Africa
Da les 19:05. Josef Bernardi da Lësc ie un de chëi che à fat truep de bën per la miscions dl'Africa. Ël ti fova nce for de aiut a Otto Mair de Urtijëi che à fat truep ulentariat te si vita, metan a jì nce cunzerc de benefizënza y mostres per abiné adum scioldi per judé la jënt che vivova tl miseria. Trasmiscion de Simon Moroder.
03.04
Defensuries dla natöra
Da les 19:05. Program de Iris Delvalle.
04.04
Vites scutedes via (segonda pert)
Da les 19:05. »Vites scutedes via«, ie l titul de na lingia de cin essays letereres scric da Rut Bernardi, autora de Urtijëi che viv a Tluses. Chësta opra che à venciù tl 2020 l segondo pest pra l cuncors »Scribo« tla categuria »Senior«. Cun ëila ulons mparé a cunëscer te chësta segonda trasmiscion l cumponist y poet Matie Ploner de Urtijëi. Trasmiscion de Alex Runggaldier.
07.04
Veder la mort ti eies
Da les 19:05. Aprejiar chel che se à, reagir a situazions grevies, emparer endò a trer l fià, emparer endò a jir...demò n esperienza sota desche la malatia olache valch'outa se rua a veder la mort ti eies desceda te la persona na coscienza più sota de dut chest. N an de pandemia à metù tropa jent sot stress con temes, cruzies e mort ma l'é ence autra caujes pel ne porter a viver chisc momenc. En rejonon con Massimo Girardi che à volù spartir con nos na sia esperienza ti ospedèi e la reanimazion. Program de Anna Mazzel.
14.04
La Biblioteches cogn se oujer al nef
Da les 19:05. La tecnologìes digitèles à portà gregn muda­menc e ence la biblio­teches te chest an de pandemìa à padì trop. En rejonon con Domenico Volcan da 40 egn bibliotecar a Cianacei. Pro­gram de Anna Mazzel.

Avisc
Atualmënter
Botëga d'La Spona daverta
Le Zënter Sozial »La Spona« lascia alsavëi che la botëga é indô daverta dal lönesc ala jöbia dales 8:00 ales 15:00, le vëndres dales 8:00 ales 12:00. Le Vëndres Sant y Lönesc de Pasca él stlüt. Al é ince de vigni sort de produc nüs y scincundes por Pasca.
02.-05.04.
Biblioteca
La bibliteca San Durich resta dsareda da n Vënderdi Sant domesdì nchin n Lunesc de Pasca.
07.04.
Mobilità con la Neva UAL
La Neva UAL endreza n mercol ai 7 de oril da les 20.30 na scontrèda streaming su la piata Facebook e sul canal YouTube per rejonèr de mobilità ensema a Mauro Gilmozzi, jà assessor provin­zièl a la mobilità, viabilità e urbanistica.
08.04.
Biblioteca
Tla biblioteca »Sas dla Crusc« a La Ila röiel adalerch, en jöbia ai 8 de aurí dales 15:30 ales 17:30, le »Spielemobil« cun jüc da mësa che an pó se impresté fora.

Sozial

Atualmenter
L CGF deida per prenotèr l vazin
Per chi che no é bogn o che no i à n aparat informatich, l Servije Sozio-assistenzièl del Comun general de Fascia l'é a la leta per dèr sie didament per la prenotazion telematica per la vazinazion anti Covid. Per concordèr l'apuntament se pel telefonèr al 0462 764297.
Atualmenter
N costionèr su la dependenzes
L Servije Sozio-assistenzièl del Comun general de Fascia à endrezà n costionèr per monitorèr la situazion de la dependenzes te val e miorèr l'atività del portel metù a jir adum con la Coprativa Le Rais. L'é anomim e sorì e duc é envié a responer dal link: https://forms.gle/jbZdmjCBT1xyDh278
Atualmenter
Te deida la Crousc Checena
La Crousc Checena de Fascia é a la leta per chi che à pro­blemes o no sà co fèr a jir te speziaria a tor medejines, a ge portèr zeche a n parent o a fèr na vijita dal dotor. Se pel chiamèr l nr 333 6940419 o scriver na mail a consegna farmacicri@gmail.com.
Atualmenter
»Te compagne gé«
Per endrez de la Crousc Che­cena de Fascia e de Rencureme e l sostegn del Comun general l'é tacà n nef servije de mobilità tel respet de la normes anti­covid, con n picol paament, per persones che stenta a se spostèr en autonomia, per jir a fèr vijites, vazins o auter. Ge vel prenotèr amancol na dì dant a la Crousc Chechena al numer 333 6940419.

Referac
16.04.
La cuntreda sonora sciche mesun de cunescënza y de scuvierta dl luech
Chësta ie la terza de na lingia de cunferënzes online metudes a jì dal Museum de Gherdëina, che à da n fé cun la »Cuntreda y arpejon culturela de Gher­dëina: reflescions sun la storia y vijions per n daunì sustenibl«. Cun Martino Mocchi, filosof y architët, dala 18 ala 19 sun »Zoom«. L link per ruvé ite ie da giaté sot a www.museum gherdeina.it.

Galaria retrac