Manifestazions atuales speziales

Data

23 de auril 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 23 de auril
PandeMusic – na testemunianza de mujiga
Pec de mujiga de Gherdëina ntan i tëmps dl coronavirus
Cun chësta scumenciadiva uel la Cunsulta per la Furmazion de Gherdëina lecurdé cun registrazions de mujiga audio y video chësc mumënt straurdiner di tëmps dl corona y ti dé na usc al tlima che ie unì su te chësta situazion.
L ie nvià a fé pea: duc chëi de Gherdëina (o che à na relazion cun l raion de Gherdëina) de uni età y che à la pascion per la mujiga, grupes de ujes o de strumënc, duec o de majera grupes de d'uni sort de mujiga, dala tlassica ala moderna, dala populera al jazz. Mpurtant iel che tl test y tla mujiga àuden ora fusties de chësc tëmp straurdiner.
Recuisic di pec: la cumposizions dëssa vester metudes adum dala grupa nstëssa y traté tematiches unides ora tl tëmp dl corona, n tëmp che ie senià dala emergënza ma nce dala speranza, che porta pruspetives nueves ti mumënc canche n ne se l aspitëssa nianca, che spartësc la sozietà, ma auza ora l senificat dla solidarità y dl tenì adum, n curt n tëmp che nce sce senià da truepa ndesfidedes gëura nce pusciblteies nueves. L possa vester rielaburazions de pec dla grupa, ma nia plu vedli de merz 2020. L ne vën nia lascià pro covers de cumposizions de d'autri. Lunghëza di pec danter 2:00 y 4:00 menuc.
Pesć: prim tlassificà 2.000 €, segondo tlassificà 1.500 €, terzo tlassificà 1.000 € y mo pesć sëuraprò.
I miëur pec, che vën crisc ora da na iuria de prufesciunisć da dedora, arà la puscibltà de fé na registrazion audio y n videoclip prufesciuni che unirà metù online. Duc i pec y i videos cialeràn de mëter da garat per duc, tla biblioteches de chemun y de scola.
L fin de chësta scumenciadiva ie de valorisé l aspet de fé mujiga deberieda, de sperimenté cun d'autri y de scumencé inò cun l'atività de mujiga. Do che dut à messù resté fërm tan giut, dëssen se giaurì inò a ideies y perspetives nueves y sustenì sibe la cunlaurazion che nce l spirt de grupa.
N puderà dé ju i pec de mujiga dai 01.08. nchin ai 15.09.2021 pra l Servisc Furmazion Gherdëina tl Istitut Ladin Micurá de Rü te Sëlva.
Per nfurmazions: Servisc Furmazion Gherdëina, tel. 0471 794268, email: furmazion.gh@micura.it, daviert da lunesc nchin juebia 9.00-12.00 y de vënderdi 9.00-11.00.