Manifestazions atuales

Data

07 de mei 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 07 de mei
Dotours
Dutor Gherdëina
L dutor de servisc da n sada ai 08.05. dala 8:00 daduman nchin la 8:00 daduman de n lunesc ai 10.05. ie l dutor Pablo Policastro tl ambulatuere a Urtijëi tla streda Trebinger 10, tel. 366 3646 254.
Doturs Val Badia
Le dotur en sorvisc ti cin' comuns dla Val Badia, tla fin dl'edema di 8 y 9 de ma, é le dotur Alberto Caretta, Badia, tel. 0471 839706 o 380 3161999.

Apoteches

Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 07.05. nchin n vënderdi ai 14.05. ie chëla de Sëuc, tel. 0471 708970 (orar sa. 8:30-12:30/16:00-18:00, du. 9:00-12:00, juebia domesdì stlut).
Apoteches Val Badia
L'apoteca en sorvisc fora dl orar ordinar, dal vëndres ai 7 de ma dales 19:00 al vëndres ai 14 de ma ales 19:00, é chëra da La Ila, tel. 0471 847152.

Iadi y Jites
15.05.
Jita per jì a ti cialé ai uciei
La Grupa per la Defendura di Uciei de Gherdëina mët a jì na jita ntëur al luech de Urtijëi per jì ti cialé ai uciei y scuté su coche i scibla. N se anconta dala 7 daduman tla streda Stazion dan la Cësa de Paussa a Urtijëi. L vën cunsià de tò pea na rola. Zënzauter uniràl tenì ite la regules scrites dant pervia dl coronavirus.

Concursc

Atualmënter
PandeMusic, testemunianzes de mujiga
Cores, ciantarins, mujighes y grupes de mujiga ie nviei a fé pea cun n pez metù adum nstësc che trata dla situazion de emergënza che vivon. Da vëncer saràl de biei pesć y da fé n videoclip. Mandëde ite na desmazeda dl video dai 01.08. ai 15.09.. Nfurmazions sot a www.micura.it o scrì a furmazion.gh@micura.it. Metù a jì dala Consulta per la Furmazion y dai Chemuns de Gherdëina cun l Istitut Ladin Micurá de Rü.

TELEVIJION

11.05.
Sport Ladin
Da les 20:50 ca. Trasmisciun de Diego Clara y Hartmann Mairhofer, a cura de Leo Senoner.
12.05.
Biografies: Josef Kostner, artist y scritur
Da les 20:50 ca. Josef Kostner é nasciü tl 1933 y al é mort tl 2017, al á insigné tla scora d'ert y al á dediché döta la vita al'ert. Al s'á de jö cun la scultöra y cun le dessëgn y sües operes artistiches é plënes de forza y dles emoziuns che al â daite. N program de Erika Castlun­ger, camera y tai de Fulvio de Martin Pinter.
13.05.
Nosta Scola – Atualità dala scoles dla valedes ladines
Da les 20:50 ca. Tesć y cunzet de Lena Mulser, camera y tai de Hans Peter Karbon, a cura de Alessandro Dapunt.

RADIO

LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
07.05.
Registrazions sonores te Gherdëina
Da les 19:05. La mujiga conta la storia y la storia dla mujiga conta de n svilup. Y de chësc svilup vëniel rujenà ntan chësta trasmiscion cun Pauli Senoner Gredine che à fat na tueda drët a puntin dla prima registrazions sonores te Gher­dëina (1. pert). Trasmi­scion de Bruno Maruca.
09.05.
Registrazions sonores te Gherdëina
Da les 19:05. La prima regi­strazions sun plata de grupes de Gherdëina ie unides fates tl ani '60. Te chësta segonda pert vëniel rujenà de coche y ulache l univa tan tëut su. Trasmi­scion de Bruno Maruca.
12.05.
Work in progress
Da les 19:05. Che el pa l lurier? Lurone per viver o vivon per lurer? Chestes e autra doman­des se à fat i studenc del quarto an del Liceo scientifich de Sen Jan Program de Anna Mazzel.

Mostres y Ert

Atualmënter
Mostra »Ajënda 2030«
La biblioteca S. Durich a Urtijëi se à dat ju, per la mostra »Ajënda 2030, 17 traverc per la sustenibltà« cun i argumënc »sanità y bënsté« y »ega nëta y servijes igienich-saniteres«. N chësc cont àn metù ora libri y per uni finalità dl proiet àn nce metù adum vel' cunsëi de cie che n possa fé per judé pea a miuré la situazion.
Nchin ai 09.05.
Sté Ert
Na documentazion artistica n con' dla situazion ntan la pandemia. Do che l ie unit ora l liber à la Lia Mostra d'Ert śën nce metù a jì la mostra de chisc lëures nasciui tl tëmp canche l ie rot ora l coronavirus. Da udëi tla sala dla mostres dla cësa di cun­gresc a Urtijëi mo ncuei vënderdi dala 16:00-19:00 y n sada y dumënia dala 10:00-12:00 y 16:00-19:00.
Nchin ai 14.05.
Mostra persunela de Walter Moroder
Tla galaria Ghetta a Puntives Sud 8, davierta da merdi nchin vënderdi dala 15-18 sun apusteda, tel. 366 1500243. N vënderdi ai 14.05. dala 18:00 saràl online na ancun­teda cun l critich d'ert Joachim Müller, ulache la jirà dla streda artistica de Moroder (cëla plata facebook o internet dla Galaria).
14.-29.05.
»Lum de speranza«
Mostra de pitures de Walter Senn dl Renon tla galaria Hofburg-Kompatscher a Persenon, davierta da lunesc nchin sada dala 10-13 y 15-18. Ai 14 y 15 de mei sarà nce l artist prejënt. »L ie na gran dumbria sëura l mond, n pitl virus nes dà da cë, ma śën bel plan udons linëus ala fin dl tunel« scrij Senn te si nvit y chësta ie nce stata l'ispirazion de chësc ziclus artistich.
Nchin ai 16.05.
Martina Stuflesser tl Circolo
»Die Mode wechselt – der Druckknopf bleibt!« ie l titul dla mostra dla artista de Urtijëi Martina Stuflesser, da udëi tla sala dla Lia Mostra d'Ert-Circolo a Urtijëi sun Plaza S. Antone y che ie davierta uni di dala 10:00-12:00 y 17:00-19:00.

Avisc

Atualmënter
Borsa de lëur
La Nëus Jëuni Gherdëina lecorda che la borsa de lëur ie davierta dut l ann. Chiche chier n lëur o chiche à n lëur da pité, possa jì sot ala plata internet www.njg.it y scrì ora l formuler. Nuzëve de chësc servisc!
Atualmënter
Sorvisc de consulënza indô davert
Le Sorvisc ai Jogn Val Badia lascia alsavëi che le sorvisc de consulënza é indô davert sön orar: vigni pröma y terza jöbia dl mëis dales 8:00 ales 10:00 a Picolin y vigni secunda y cuarta jöbia dl mëis dales 16:30 ales 18:00 te SaJ.un a La Ila. Al resta inant la posci­bilité da tó n apuntamënt fora de chësc orar, cherdan sö le 342 8410721 o scrion a barbara@jogn.org.
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, Por tó sö contat pón scrí a info.bruneck@frauen helfenfrauen.it o telefoné al 0474 410303.
Atualmënter
Club Boè a La Ila
Le Club Boé da La Ila ti pita aiüt a porsones y families en dificolté, confrontá cun le probem dl alcol. Por tó sö contat: Angelo al 338 5975817 o Hubert al 339 1698343.
15.05
Regoeta de fer per la miscions
En sabeda ai 15 de mé da les 8 inant i volontères del Grop Miscio­narie Freinademetz-Mato Grosso i passa a tor sù fer e metai te duc i paijes da Soraga a Fontanac. I pel jir ence ti etres paìjes de Fascia, ge vel chiamèr fin al dì dant l numer 335 5956009. Dut l vadagn de la regoeta serf a didèr i miscionères e chi che à de besegn.
08.05.
Marcià dl adurvà »VKE«
Te sala de chemun a S. Cri­stina, duman sada dala 13:30 ala 16:00. Guant da d'instà y roba per mutons da 0-16 ani, adurvei ma mo da pudëi avëi. N possa dé ju i pec l di dant dala 17:00-21:00. Chi che à plu de cin' pec da dé ju dëssa cherdé su l 333 7739605 o l 339 8642719, tlo y sun la plata facebook dl VKE giàpen nce nfurmazion plu avisa.
Nchin ai 31.10.
LiL – azion de liejer d'instà
La azion »Lesen im Liegestuhl« vën metuda a jì dala biblio­teches a livel provinziel, per jëuni danter 11 y 16 ani. L ie da liejer un o de plu di 40 libri crisc ora. Ala fin dla azion uniràl trat ala busca cënt pesć danter chëi che à fat pea. La biblioteches de Gherdëina fej ënghe pea.

Religion

08.05.
Ancunté Gejù
S. Mëssa per mutons y families. Nvion de cuer duc i jëuni, mutans, mutons, popsc, genitores y nëinesc y laves ala S. Mëssa per la families, duman sada ai 8 de mei dala 17:00 te dlieja de Urtijëi, cun Sn. pluan Vijo Pitscheider.
15.05.
Santa Mëssa ladina
La Comunanza Ladina a Bulsan nvieia n sada ai 15 de mei dala 15:30 ala mëssa ladina tla dlieja di Capuzineri a Bulsan, che unirà zelebreda da pater Guido Demetz y abelida dal trio Inso Drei de Clara Sattler. Respetan duta la mesures de precauzion stajeràn da dedò mo mpue deberieda te verzon a s'la cunté.

Sozial

Atualmenter
Scontrèdes su Covid e sanità mentala
Per didèr chi che é dò a viver momenc de dejèje emotif e mental te chisc tempes malse­gures a cajon del Covid-19, l Comun general de Fascia endreza 3 scontrèdes debant su Google meet: Ai 11, ai 18 e ai 25 de mé da les 20.30. Informazione e enscinuazions per mail a: sociale@cgf.tn.it.
Atualmënter
Val Badia: Bancareles dl mangé
La Bancarela dl mangé de Badia (ciasa di pici) é daverta vigni jöbia dales 9:30 ales 10:30. Les bancareles da San Martin (ciasa dl sport) y Al Plan (local dl Zënter Families) é davertes vigni vëndres dales 9:30 ales 11:00. Iló pó families che á debojëgn ciafé spëisa debann.
Atualmënter
Covid-19, liede dal lëur per genitores
L vën slungià nchin ai 30 de juni la retuda dl 50% dl paia­mënt a genitores cun lëur da dependënc che sta a cësa pra i mutons (nchin a 12 ani) per gauja dl Covid. L possa fé dumanda chiche à mutons amalei, te n cajo de carentina o sce i ne possa nia plu vester n prejënza te scola o scolina. Per la dumanda y nfurmazions: patronat KVW.
Atualmënter
Bonus bebè 2021
Chësc »bonus« ie n sustëni per i pitli nchin a si prim ann de vita. L ie da fé dumanda ti 90 dis do la nasciuda dl/a pop/a. La soma dl cuntribut depënd dala detla­razion ISEE. Sce la ie sëura i 40.000 € o sce la ne vën nia data ju, vëniel paià ora na soma minima de 80 € al mëns. Fajëde ora n terminn per la detlarazion ISEE sot a www.mycaf.eu. L KVW pieta chësc servisc debant.
Atualmënter
Patronat KVW-ACLI
Per dut chël che à da n fé cun la pension, l lëur y la preven­zion y prutezion soziela. Per fé ora n terminn tl ufize a Urtijëi, da merdi nchin juebia, dala 15:00-16:45, cherdé su l 0471 050780.
Atualmënter
KVW Service
Per la detlarazion dla chëutes sibe per chiche ie n pension che per dependënc, per l Mod. RED y INVCIV, la detlarazion EEVE o ISEE, dumanda per i scioldi ala families y per d'uni sort de dumandes che à da n fé cun cuestions de chëutes. Fé ora n terminn danora, online sot a www.mycaf.eu o cherdé su l 0471 941704.
Atualmenter
Spazie de confront per i genitores
L Zenter Joegn de Moena e l Comitat Genitores Istà Alge­gra en colaborazion coi Co­muns de Moena e de Soraga endreza scontrèdes debant col pedagogist Biju Vadagnini. L'é n spazie per scutèr e se confrontèr coi genitores. Per info chiamèr 3480378308.
Atualmenter
Vazins a Sèn Jan
Te palestra de la scola mesènes de Sèn Jan l'é avert l zenter de Fascia per i fèr i vazins contra l Covid. Ge vel se prenotèr tras l sit de la APSS al link https://cup.apss.tn.it
07.05.
Ciüfs por n bun fin
N ciüf é pice, mo la ligrëza che al scinca é zënza fin. En ocajiun dla festa dla uma, vënn les Patrones de Badia de vigni sort de ciüfs. Can y olá? Incö vëndres ai 7 de ma dales 9:00 inant, sön plaza de Comun a Badia. Döt le davagn jará a fin de bëgn.

Temp Lede

Atualmënter
Instà vif
Enes de atività dai 21.06. ai 27.08. per mutons dla scola elementera y mesana. Bele śën iel da se scrì ite per fé pea d'instà una o plu enes de atività criativa cun La Vëta (lialaveta@gmail.com) o de atività sportiva cun l FC Gherdëina (giuana.prugger@gmail.com), l tennis (info@tennis-valgardena.com) o l schi club (info@sciclub gardena.info). Da paië iel 40 € al'ena. N possa nce se nuzé dl bonn »Dut l bon«, ma chësc possa unì spendù mé pra una na lia.
15.05.
Chino per mutons
N sada ai 15 de mei dala 17:00 te sala de chemun a S. Cristina lascerà l VKE udëi n film per mutons.
Lugio – agost
SAKL – instà per jëuni y mutons
La Nëus Jëuni Gherdëina fej a l savëi che per vel' ena iel mo lerch da pudëi fé pea. Per iscrizions o plu nfurmazions pudëis passé tl ufize dla NJG a Urtijëi sun Plaza S. Antone, o cherdé su l 0471 799006.
Atualmënter
Curs söles saus y plantes de medejina
La Comunanza Ladina a Bulsan organisëia ai 8 de ma 2021 dales 14:30 na vijita al urt Zoggler a Tramin con la cumpetënza de Karin Planker che spligarà les proprietes y carateristiches dles plantes.
Atualmënter
»De dal ambiont 2021« te Mareo
Indoman, sabeda ai 8 de ma 2021, gnaral metü da jì te Mareo l'aziun da jì a cöie adöm le ciomënt y refodam fora por pra, bosc y en ur' de trus y strades. La jënt vëgn periada da tó pert, ara s'incunta dales 9:00 pro i paiuns dla musiga de vignun id trëi paisc Al Plan, La Pli y Rina. Dales 13:00 ciafa la jënt che á daidé la marëna pro le paiun a Al Plan.

Galaria retrac