Manifestazions atuales

Data

14 de mei 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 14 de mei
Dotours
Dutor Gherdëina
L dutor de servisc da n sada ai 15.05. dala 8:00 daduman nchin la 8:00 daduman de n lunesc ai 17.05. ie l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia
Le dotur en sorvisc ti cin' comuns dla Val Badia, tla fin dl'edema di 15 y 16 de ma, é le dotur Luca Galiazzo, tel. 342 5181295.

Apoteches
Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 14.05. nchin n vënderdi ai 21.05. ie chëla de Urtijëi, tel. 0471 796125 (orar de giaurida 8:00-12:00/15:00-19:00).
Apoteches Val Badia
L'apoteca en sorvisc fora dl orar ordinar, dal vëndres ai 14 de ma dales 19:00 al vëndres ai 21 de ma ales 19:00, é chëra da San Martin/Picolin, tel. 0474 523020.

Mujiga
15.05.
»La ert dl sonn«
Dala 17:00 tla cësa di cungresc a Urtijëi, cunzert de mujiga da camera di studënc dl Conservatorio »Claudio Monteverdi« che fej la tlas de »Bachelor« cun pec coche l Trio op.40 per tlavier, corn y vidula, la sonata op.38 per violoncello y tlavier, l cuartet op.26 per tlavier, vidula, viola y violoncello de J. Brahms, l sestet per tlavier, flaut, oboe, tlarinet, fagot y corn de F. Poulenc. Ntreda debant.

Referac
14.05.
Ciaculonsela de ert online
Per stlù ju la mostra de Walter Moroder tla galaria Ghetta a Puntives, iel nsnuet dala 18:00 na ancunteda online cun l critich d'ert Joachim Müller, ulache la jirà dla streda artistica de Moroder. N puderà vester leprò virtual­mënter, jan ite sun la plata facebook dla galaria o tres zoom (ID: 916 5539 8921, Passcode: 258594).

Mostres y Ert
Atualmënter
Mostra »Ajënda 2030«
La biblioteca S. Durich a Urtijëi se à dat ju, per la mostra »Ajënda 2030, 17 traverc per la sustenibltà« cun i argumënc »sanità y bënsté« y »ega nëta y servijes igienich-saniteres«. N chësc cont àn metù ora libri y per uni finalità dl proiet àn nce metù adum vel' cunsëi de cie che n possa fé per judé pea a miuré la situazion.
14.-29.05.
»Lum de speranza«
Mostra de pitures de Walter Senn dl Renon tla galaria Hofburg-Kompatscher a Persenon, davierta da lunesc nchin sada dala 10-13 y 15-18. Ai 14 y 15 de mei sarà nce l artist prejënt. »L ie na gran dumbria sëura l mond, n pitl virus nes dà da cë, ma śën bel plan udons linëus ala fin dl tunel« scrij Senn te si nvit y chësta ie nce stata l'ispirazion de chësc ziclus artistich.
Nchin ai 16.05.
Martina Stuflesser tl Circolo
»Die Mode wechselt–der Druckknopf bleibt!« ie l titul dla mostra dla artista de Urtijëi Martina Stuflesser che ie da udëi tla sala dla Lia Mostra d'Ert-Circolo a Urtijëi sun Plaza S. Antone y ie davierta uni di dala 10:00-12:00 y 17:00-19:00.
20.05.
Bernardi, Vallazza y d'autri
La mostra de grupa cun Michele Bernardi, Viola Bittl, Johannes Bosisio, Leonardo Silaghi y Hugo Vallazza se dà ju cun l raport dl/a artist/a y la realtà te chëla i lëura. L ie artisć de generazions y cuntesć culturei desferënc. Tla galaria Ghetta a Puntives sud 8, giaurida ai 20. y 21.05. dala 17-20 y 22.05. dala 10-13.

Religion
15.05.
Santa Mëssa ladina
La Comunanza Ladina a Bulsan nvieia duman sada ai 15 de mei dala 15:30 ala mëssa ladina tla dlieja di Capuzineri a Bulsan, che unirà zelebreda da pater Guido Demetz y abelida dal trio Inso Drei de Clara Sattler. Respetan duta la mesures de precauzion stajeràn da dedò mo mpue deberieda te verzon a s'la cunté.

Concursc
Atualmënter
PandeMusic, testemunianzes de mujiga
Cores, ciantarins, mujighes y grupes de mujiga ie nviei a fé pea cun n pez metù adum nstësc, che trata dla situazion de emergënza che vivon. Da vëncer saràl de biei pesć y da fé n videoclip. Mandëde ite na desmazeda dl video dai 01.08. ai 15.09.. Nfurmazions sot a www.micura.it o scrì a furmazion.gh@micura.it. Metù a jì dala Consulta per la Furmazion y dai Chemuns de Gherdëina cun l Istitut Ladin Micurá de Rü.

Avisc
Atualmënter
Borsa de lëur
La Nëus Jëuni Gherdëina lecorda che la borsa de lëur ie davierta dut l ann. Chiche chier n lëur o chiche à n lëur da pité, possa jì sot ala plata internet www.njg.it y scrì ora l formuler. Nuzëve de chësc servisc!
Atualmënter
Sorvisc de consulënza indô davert
Le Sorvisc ai Jogn Val Badia lascia alsavëi che le sorvisc de consulënza é indô davert sön orar: vigni pröma y terza jöbia dl mëis dales 8:00 ales 10:00 a Picolin y vigni secunda y cuarta jöbia dl mëis dales 16:30 ales 18:00 te SaJ.un a La Ila. Al resta inant la posci­bilité da tó n apuntamënt fora de chësc orar, cherdan sö le 342 8410721 o scrion a barbara@jogn.org.
Nchin ai 31.10.
LiL – azion de liejer d'instà
La azion »Lesen im Liegestuhl« vën metuda a jì dala biblio­teches a livel provinziel, per jëuni danter 11 y 16 ani. L ie da liejer un o de plu di 40 libri crisc ora. Ala fin dla azion uniràl trat ala busca cënt pesć danter chëi che à fat pea. La biblioteches de Gherdëina fej ënghe pea.
15.05.
Dis FAI d'Aisciuda
En sabeda ai 15 de mé l Grop FAI Fascia e Fiem envia a descorir la testimonianzes de storia e èrt de Pardac, dal zenter storich a la gejia de Sèn Nicolò. Se pea via a picoi gropes distanzié da les 14.00, 14.15 e 14.30. L'é da se scriver ite amò anché vender 14 sul sit internet www.giornatefai.it chierian l lech 'Predazzo'.
15.05.
Radunanza Grop Folk de Soraga
L Grop de Folclor de Soraga endreza la radunanza generèla en domenia ai 15 de mé da les 20.00 te La Gran Ciasa a Soraga. Vegn portà dant l bilanz e l'ativitèdes del 2020 e vegn renovà la encèria de secretèr.
15.05
Regoeta de fer per la miscions
En sabeda ai 15 de mé da les 8 inant i volontères del Grop Miscionarie Freinademetz-Mato Grosso i passa a tor sù fer e metai te duc i paijes da Soraga a Fontanac. I pel jir ence ti etres paìjes de Fascia, ge vel chiamèr fin al dì dant l numer 335 5956009. Dut l vadagn de la regoeta serf a didèr i miscionères e chi che à de besegn.
22.05.
30 egn de »Mizacoles«
En sabeda ai 22 de mé da les 4 domesdì tel Chino Marmo­lèda de Cianacei la Filodra­matica »La Mizacoles« da Ciampedel prejenta en travers n video la publicazion enji­gnèda per recordèr i 30 egn de storia de chest feruscol Grop de teater.

Temp Lede
Atualmënter
Proiet de sport »muda«
Dai 17.05. nchin ai 28.05. pòssen se scrì ite pra l proiet »muda – muvimënt y deverti­mënt dut l ann«, metù a jì dal Chemun de Urtijëi deberieda cun l VKE, sun la plata online www.vke.it/it/sezioni/vke-gardena.it. Per nfurma­zions cherdé su Monica Pescosta (333 5393048) o Martina Leitner (346 6435384).
15.05.
Chino per mutons
Duman sada ai 15 de mei dala 17:00 te sala de chemun a S. Cristina lascerà l VKE udëi n film per mutons.
Lugio – agost
SAKL – instà per jëuni y mutons
La Nëus Jëuni Gherdëina fej a l savëi che per vel' ena coche l artworkshop, l'ena de sport, l'ena per pasciunei de teater y cianté o l'ena te medel sun Börz o la Plose iel mo lerch. Per iscrizions o plu nfurma­zions pudëis passé tl ufize dla NJG a Urtijëi sun Plaza S. Antone, o cherdé su l 0471 799006.

Iadi y Jites
15.05.
Jita per jì a ti cialé ai uciei
La Grupa per la Defendura di Uciei de Gherdëina mët a jì na jita ntëur al luech de Urtijëi per jì a ti cialé ai uciei y scuté su coche i scibla. N se anconta dala 7 daduman tla streda Stazion dan la Cësa de Paussa a Urtijëi. L vën cunsià de tò pea na rola. Zënzauter uniràl tenì ite la regules scrites dant pervia dl coronavirus.
16.05.
Jita sun l Monte Misone (1.803 m)
Cun la Lia da Mont de Gher­dëina furneràn tl raion dl lech de Tenno, nchin sun l jëuf Ballino, da iló inant a pe nchin sa la Malga di Tenno y pona su per cresta per ruvé sun piza. Juvier passeràn tl blòt »Borgo Canale« per finé la jita pona pra l lech de Tenno. Jita mesanmënter ria cun n deslivel de ca. 1.000/1.300 m y 5,5 ëura da jì. Da se nuté su iel tla butëighes Ciofs Inge, Sport Malsiner cësa Panaval y Sport Bruno Riffeser nchin ai 14 de mei.

Sozial
Atualmenter
Vazins a Sèn Jan
Te palestra de la scola mesènes de Sèn Jan l'é avert l zenter de Fascia per i fèr i vazins contra l Covid. Ge vel se pre­notèr tras l sit de la APSS al link https://cup.apss.tn.it
Atualmënter
Val Badia: Bancareles dl mangé
La Bancarela dl mangé de Badia (ciasa di pici) é daverta vigni jöbia dales 9:30 ales 10:30. La bancareles da San Martin (ciasa dl sport) é daverta vigni vëndres dales 9:30 ales 11:00, chëra d'Al Plan (local Zënter Families Mareo) é daverta le vëndres dales 9:30 ales 10:30. Iló pó families che á debojëgn ciafé spëisa debann.
Atualmenter
Scontrèdes su Covid e sanità mentala
Per didèr chi che é dò a viver momenc de dejèje emotif e mental te chisc tempes malse­gures a cajon del Covid-19, l Comun general de Fascia endreza amò 2 scontrèdes debant su Google meet: Ai 18 e ai 25 de mé da les 20.30. Informazions e enscinuazions per mail a: sociale@cgf.tn.it.

TELEVIJION
18.05
Monumënc de ert y storia–Les seziuns locales dl Museo Ladin de Fascia
Da les 20:50 ca. Le Museo Ladin de Fascia á süa sënta prinzipala a San Jan y sües 5 seziuns locales é te paisc desvalis. N program de Erika Castlunger, camera y tai de Hans Peter Karbon, a cura de Alessandro Dapunt.
19.05
Trail Spezial – Educazion di pitli
Da les 20:50 ca. Cheder de referimënt por les ativités de formaziun, educaziun y assistënza ala pröma infanzia. A cura de Alexia Grossi.
20.05
Cult, rituai da inier y incö – La superbia
Da les 20:50 ca. Ara é cone­sciüda sciöche le pröm viz capital, chël viz che porta la porsona a pretëne da se mirité cun vigni meso na posiziun privilegiada y dagnora mail co chëra de dötes les atres porsones. Program de Daria Valentin, regia de Hanspeter Karbon, a cura de Alessandro Dapunt.

RADIO
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
18.05
Mara Nemela diretora neva Dolomiti UNESCO
Da les 13:45. Mara Nemela da Cianacei e la é stata nomi­nèda diretora de la Fondazion Dolomiti UNESCO ai 3 de mé a Belun dal Consei de Aministrazion de la Fondazion dò che Marcella Morandini aea dat jù sia demiscions l'an passà. Rejonon de vijions e obietives per l davegnir con la neo-diretora Mara Nemela. Conduzion Anna Mazzel.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
14.05
Na sajon da d'inviern che ne n'ie nia stata!
Da les 19:05. D'autonn foven piëi via cun gran otimism per la sajon da d'inviern. Ala fin na n'an nia pudù giaurì y duc ie restei a sut. Cun Andreas Schenk, l sëurastant dl Cun­sorz mplanc Gherdëina-Mont de Sëuc rujenons dl inviern che ie stat y dl instà che pea bel plan via. Program de Alex Runggaldier.
16.05
L artejanat artistich de Gherdëina: L moler
Da les 19:05. Culëures, armunies, creatività. Jessica Noflaner y Sigmund Holz­knecht nes spiega coche n possa mparé chësc mestier, ciunes che ie la tecniches y ciche ie tan faszinënt de chësc bel mestier. (prima pert) Trasmiscion de Simon Moroder.
17.05
Pandemusic
Da les 19:05. L cuncors de mujiga nvià via dala consulta per la furmazion de Gherdëina y pensà per l mond dla cultura y plu avisa dla mujiga, mët al zënter la creatività mujichela n relazion al tema dla pande­mia dl covid 19, che caraterisea stersciamënter nosc tëmp. Program de Leo Senoner.
19.05
Ladins al filmfestival de Trent
Da les 19:05. Program de Anna Mazzel.
20.05
Overtüres (2° pert)
Da les 19:05. La overtüra è conesciüda dandadöt sciöche toch de introduziun strumen­tala pro n melodramma, oratorio, ballett o na opera, olache les coltrines dla pala­dina ne è nia ciamò davertes. Program de Esther Videsott.

Galaria retrac