Manifestazions atuales

Data

28 de mei 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla ediziun dl 28 de mei
Apoteches
Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 28.05. nchin n vënderdi ai 04.06. ie chëla de S. Cristina, tel. 0471 792106 o 333 1776615 (orar de giaurida: sa. 8:00-12:00/ 15:30-18:30, du. 8:00-12:00).
Apoteches Val Badia
L'apoteca en sorvisc fora dl orar ordinar, dal vëndres ai 28.05. dales 19:00 al vëndres ai 04.06. ales 19:00, é chëra da Corvara, tel. 0471 830237.

Dotours

Dutor Gherdëina
L dutor de servisc da n sada ai 29.05. dala 8:00 daduman nchin la 8:00 daduman de n lunesc ai 31.05. ie l dutor Michael Trocker de Urtijëi, streda Promeneda, tel. 348 8132060, 388 2580002. Dala 10:00 daduman de n merdi ai 1. de juni nchin dala 8:00 daduman dl 3 de juni ie de servisc l dutor Pablo Policastro tl ambulatuere a Urtijëi tla streda Trebinger 10, tel. 366 3646254.
Doturs Val Badia
Le dotur en sorvisc ti cin' comuns dla Val Badia, tla fin dl'edema di 29 y 30 de ma, é le dr. Guido Caretta, Calfosch/Corvara, tel. 0471 836870 o 337 616080.

Iadi y Jites

29.05.
Jita a Tagusens cun vijita al museum dla scola
Pion via dala 7.31 cun la curiera de linia da Urtijëi per furné a Ciastel. A Tagusens jons a pe, ulache on dala 9.30 na vijita meneda tl museum dla scola. De reviers pòssen furné cun l citybus dala 11.10 nchin a Ciastel. Se nuté su tla Butëiga dl Mond mo ncuei 28.05. (paië ite 5 €). Per nfur­mazions 338 9999531.
29.05.
Jon cun Roman Daldoss a ti cialé al gial fosch
La Lia da Mont de Gherdëina mët a jì duman sada na jita a ti cialé al gial fosch (Birkhuhn). Se ancunton dala 5:00 sun Plaza Nives te Sëlva per furné cun auti privac sun Jëuf de Sela. Stajon ora za. 4 ëura. Da tò pea iel guant bon ciaut nia svaient y na rola. Per nfurmazions: Roman 338 9202515. N ne à nia drë de se nuté su.

Religion

01.06.
Badia: mëssa alaleria di minis y dla schira jonila
Al 1. de jügn vëgnel tigní le »Mini – OpenAir – Gottesdienst« dla Schira Jonila a livel provinzial, organisé dai grups di minis y dla schira jonila dla Val Badia. Mitans y mituns adöm cun geniturs, neni y lâs é bel inviá. An s'incunta dales 19:00 pro la plaza di auti da La Crusc a Badia, por jí a pe cina sö dal paiun olache al gnará zelebré la mëssa. Ala fin sarál na picia aziun. A gauja dl Covid é düc periá da se tigní ales destanzes y gní cun mascherot. Families dess ciaré da sté tres adöm.

Avisc

Atualmënter
Museum Gherdëina inò daviert
L Museum tla Cësa di Ladins a Urtijëi ie daviert dal lunesc al vënderdi, for dala 14:00 nchin al 18:00. Dala fin de juni unirà l orar slungià dal lunesc ala sada y l sarà daviert nce danmesdì. Per vijites ora dl orar reguler y vijites mene­des pòssen cherdé su l 0471 797554. Plu nfurmazions sot a www.museumgherdeina.it
Nchin ai 05.06.
»Diggy-Treff« a S. Cristina
Servisc de cunsulënza per mparé a se nuzé dl computer, tablet, smart­phone. Tlo gia­pëis respostes a vosta duman­des y aiut per ve deriejer tl mond digitel. Cun Werner Messner, tla biblioteca Tresl Gruber, n sada 29.05. dala 9:00-12:00, n merdi 01.06. dala 16:00-19:00 y n sada 05.06. dala 9:00-12:00. L servisc ie debant!
Atualmënter
Borsa de lëur
La Nëus Jëuni Gherdëina lecorda che la borsa de lëur ie davierta dut l ann. Chiche chier n lëur o chiche à n lëur da pité, possa jì sot ala plata internet www.njg.it y scrì ora l formuler. Nuzëve de chësc servisc!
Atualmënter
Sorvisc de consulënza indô davert
Le Sorvisc ai Jogn Val Badia lascia alsavëi che le sorvisc de consulënza é indô davert sön orar: vigni pröma y terza jöbia dl mëis dales 8:00 ales 10:00 a Picolin y vigni secunda y cuarta jöbia dl mëis dales 16:30 ales 18:00 te SaJ.un a La Ila. Al resta inant la posci­bilité da tó n apunta­mënt fora de chësc orar, cherdan sö le 342 8410721 o scrion a barbara@jogn.org .
Da juni inant
Biblioteca inò davierta de dumënia
La biblioteca San Durich a Urtijëi sarà da juni inant inò davierta nce de dumënia, for dala 10:00 nchin la 12:00 danmesdì.

Chino

29.05.
Al chino de Cianacei
Insnet vender ai 28 de mé, en sabeda ai 29, en domenia ai 30 h. 21.00 »Nomadland«; en vender ai 4 de jugn en colaborazion con LUM Cine­ma da les 19.30 »Gladiator« tel lengaz originèl con sot titoi per talian. Se pel prenotèr l post dantfora. www.cinemacanazei.it 
29.05.
Al chino de Tieser
Insnet vender ai 28 de mé h. 20.45 »Nomadland«; en sabeda ai 29, en domenia ai 30 e en mèrtesc prum de jugn h. 20.45 »Io rimango qui«; en mercol ai 2 e dapò en sabeda e dome­nia ai 5 e 6 de jugn, semper da la medema ora, »The Father«. L'é da se prenotèr l post dantfora online su Liveticket Tesero.

Mostres y Ert

Atualmenter
Eles en mostra a Ciavaleis
Al Museo d'èrt contemporana fin ai 20 de jugn 2 mostres dedichèdes a l'esprescion artistica de eles, en colabo­razion con La Voce delle Donne. Avert de vender, sabeda e domenia da les 15.30 a les 19.00. En sabeda ai 29 da les 18.00 prejentazion del liber »Rivelazioni di donne e di arte« de Lara Steffe.
Atualmënter
»Eles daviertes«
Mostra de fotografies de pavëi, fates da Viktor Canins de Urtijëi. Da udëi tl Café Surëdl tla streda Roma 103 a Urtijëi, da lunesc nchin vënderdi dala 9:00 nchin la 19:00.
Atualmënter
Bernardi, Vallazza y d'autri
La mostra de grupa cun Michele Bernardi, Viola Bittl, Johannes Bosisio, Leonardo Silaghi y Hugo Vallazza se dà ju cun l raport di artisć y la realtà te chëla che i lëura. L ie artisć de generazions y cuntesć culturei desferënc. Da udëi tla galaria Ghetta a Puntives sud 8 nchin ai 23.07. da merdi nchin vënderdi dala 15:00-18:00 o cherdan su l 366 1500243.
Atualmënter
»Armunia y balanz«
Mostra tla galaria Vijion a Puntives, metuda a jì n cunlau­razion cun la fiera d'ert »Art Karlsruhe«, cun i artisć Elisa Alberti, Mirijam Heiler, Flavio Senoner y Egon Digon. La mostra ie da udëi nchin ai 12.06. da lunesc nchin sada dala 16:00-19:00 o nce cherdan su l 338 2098697.
Atualmënter
Mostra »Ajënda 2030«
La biblioteca S. Durich a Urtijëi se à dat ju, per la mo­stra »Ajënda 2030, 17 traverc per la sustenibltà« cun i argumënc »sanità y bënsté« y »ega nëta y servijes igienich-saniteres«. N chësc cont àn metù ora libri y per uni finalità dl proiet àn nce metù adum vel' cunsëi de cie che n possa fé per judé pea a miuré la situazion.
Atualmënter
Mostra personala retrospetiva de Albert Mellauner
I laurs dl artist ladin che vir a Bornech é da odëi cina ai 11 de messé 2021 tl Museum de cité a Bornech tratan i orars de daurida, ales condi­ziuns en regola te Südtirol.
29.05.
Markus Vallazza y Dante
Ai 29 de mei vëniel giaurì, tla Hofburg a Persenon, la mostra »Markus Vallazza y Dante. L'opra tla opra«. La mostra sarà da udëi nchin ai 7 de nuvëmber y unirà acumpa­nieda da de plu manifestazions de curnejon.

Sozial

Atualmënter
Val Badia: Bancareles dl mangé
La Bancarela dl mangé de Badia (ciasa di pici) é daverta vigni jöbia dales 9:30 ales 10:30. La bancarela da San Martin (ciasa dl sport) é daverta vigni vëndres dales 9:30 ales 11:00, chëra d'Al Plan (local Zënter Families Mareo) é daverta le vëndres dales 9:30 ales 10:30. Iló pó families che á debojëgn ciafé spëisa debann.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finanziars por cunc/fatures de bojëgns primars (scialdé, afit, spëises sanitares, de scora, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it 
Atualmenter
Vazins a Sèn Jan
Te palestra de la scola mesènes de Sèn Jan l'é avert l zenter de Fascia per i fèr i vazins contra l Covid. Ge vel se prenotèr tras l sit de la APSS al link https://cup.apss.tn.it 
Atualmënter
Patronat KVW-ACLI
Per dut chël che à da n fé cun la pension, l lëur y la preven­zion y prutezion soziela fé ora n terminn tl ufize a Urtijëi, da merdi nchin juebia, dala 15:00-16:45, cherdé su l 0471 050780.
Atualmënter
KVW Service
Per la detlarazion dla chëutes, sibe per chiche ie n pension che per dependënc, per l Mod. RED y INVCIV, la detlarazion EEVE o ISEE, dumanda per i scioldi ala families y per d'uni sort de dumandes che à da n fé cun cuestions de chëutes, fé ora n terminn danora, online sot a www.mycaf.eu o cherdé su l 0471 941704.
28.05.
Deberieda: jon a spaz te Val d'Ana
Ncuei vënderdi dala 14:00 se ancuntons dan la Cësa de Paussa a Urtijëi per jì a spaz de viers de Val d'Ana. »Debe­rieda« ie na grupa per se ancunté danter persones che à problems psichics o de sozia­lisazion cun ulenteres. Per nfurmazions tel. 0471 798015. Respunsabla da manifestazion: Nadia Grones.
01.06.
Aiut-Covid 2021
Dai 1. de juni pòssel inò unì fat dumanda per la prestazions dl Aiut-Covid 21. La dumanda ne vën nia plu fata tres l Servisc Soziel, ma muessa unì fata online y tlo adròven l SPID. N aiut per la registra­zion dl SPID dà nce i/la acumpaniadëures online per seniores. Per nfurmazions y fé ora n terminn iel da cuntaté l ufize raionel dl KVW jì sot a www.bildung.kvw.org .
Nchin 31.10.
Cuntribut dla Region per se seguré la pension
La Region Trentin-Südtirol dà n cuntribut per ti seguré, per i fins dla pension, chël tëmp che chësta persones sta a cësa a secudì zachei de familia o pra i pitli nchin al cumplì di 3 ani (o 5 ani pra n cuntrat de lëur dl 70%). Per l tëmp de secudienza dl 2020 iel da prejenté la dumanda nchin ai 31.10.21 pra l patronat KVW-Acli.

Televijion

01.06.
Pizes dla Ladinia
Da les 20:50 ca. Program de Manfred Stuffer, tai y regia de Hanspeter Karbon, a cura de Alessandro Dapunt.
02.06.
Mendret: Turism per valorisèr ambient e cultura
Da les 20:50 ca. L turism l pel esser n sistem per meter en pé ocajion de lurier te lesc olache l mencia e, olache enveze l fèsc ja pèrt del sistem econo­mich de n raion, l pel esser chel canal che serf a slarièr fora l valor de n teri­torie. Te chesta puntata de Mendret jon a veder coche chiò da nos l turism valorisea nosc ambient e noscia cultura e jon a descorir la cèsa checena che à inom »The Red House« en Groenlandia. Program de Cinzia Pistoia, a cura de Anna Mazzel.
03.06.
Scenar – ert y cultura tla Ladinia
Da les 20:50 ca. Test y cunzet de Ivan Senoner, tai y regia de Hanspeter Karbon, a cura de Leo Senoner.
03.06.
Les liëndes ladines sön »Il Mythonauta«
En jöbia ai 3 de jügn sará les liëndes ladines y en particolar la liënda dl Rëgn de Fanes protagonistes tla trasmisciun »Il Mythonauta« sön RaiDue, dales 23:05 inant.

Radio

Ladinia Live
LADINIA LIVE: microfons davierc sun atualità y cul­tura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
02.06.
»L'endoin strionà« contìa sul paisc de Vich
Da les 19:05. Descuerjon contìes originèles che desvela inomes e sorainomes de lesc e paijes de Fascia tres l liber »Misteres, aventures e magica creatures: la Val de Fascia anter fantasia e realtà« de Alberta Rossi. Insnet la contìa dedicheda a Vich che ne deida a cognoscer toponimes desche »Pian de le Stele« o »Cher« ma ence l sorainom de »patins« o »Sciori« de la jent da Vich. Program de Anna Mazzel.
03.06.
Cuartet Leterer: Veronika Zanoner Piccoljori
Da les 19:05. L Cuartet leterer metù adum da Rut Bernardi, Ingrid Runggaldier, Roland Verra y Mateo Taibon rejona ncuei dl liber » Leam ke rekon­jonc« regoita de poejies de Veronika Zanoner Piccoljori. Program de Anna Mazzel.

Galaria retrac