Manifestazions atuales speziales

Data

28 de mei 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 28 de mei
L'Orlando Innamorato a teater
Anché da les 18.30 e da les 21.00, i studenc che à tout pèrt al laboratorie porta sun paladina del PalaDolomites l teater con la regia de Michela Marangoni. Ge vel se prenotèr
Anché, vender ai 28 de mé, al PalaDolomites de Ciampestrin vegn spilenà l'Orlando Innamorato de Matteo Maria Boiardo con la regia de Michela Marangoni.
L spetacol l'é l resultat del laboratorie de teater coi joegn de la Scola auta sostegnù dal Comun general de Fascia e la Region Trentin-Südtirol, en colaborazion col Comun de Mazin.
Sun paladina l'é Lorenzo Bernard, Roberto Bolgiani, Daniele Chiocchetti, Nicolò Dorich, Maria Cristina Folchetti, Sofia Luci, Alessia Chiara Mazzilli, Magdalene Pellegrin, Desirè Partel, Noemi Pirone, Francesco Sensato, Giulia Stoffie, Mattia Valentini. Referent per la Scola Ladina de Fascia Thomas Zulian. I posć te teater é limité donca ge vel prenotèr, chiaman Mattia dò les 15.00 al 392 2623594 o manan na mail a associazioneantermoia@gmail.com .
L spetacol vegn portà dant doi outes, da les 18.30 e da les 21.00.

Rumon su nosc luech
L Chemun de Sëlva deberieda cun la Lia per l Turism nvieia nce chëst ann a fé pea pra l di ecologich n sada, ai 5 de juni 2021
N se anconta n sada te Sëlva, dan la Cësa de Cultura »Oswald von Wolkenstein«, dala 8:00 daduman.
Tlo saràl i uemes di destudafuech y i lauranc de chemun che cuordinerà l'azion, metan adum la grupes y les destinan ai ridli.
Ëi partirà ora a duc chëi che vën a fé pea sac, manëces y n gurmel (che l Chemun lascia fé aposta per chësta manifestazion), dan che n pierà ora per l luech a tlupé su l refudam lascià ncantëur.
Duta la lies, assoziazions y duta la jënt de Sëlva ie nvieda de cuer a judé pea a rumé su nosta Sëlva!

»Ravises«
Mostra dla Scola prufesciunela per l Artejanat artistich »Cademia« tla sala dla Lia Mostra d'Ert a Urtijëi, dai 01. nchin ai 06.06.2021
I lëures che trata la tematica »Ravises« ie unic fac ntan la didatica a destanza y nce te scola. L à fat pea duta la sezions dla scola prufe­sciunela, sibe chëles de scultura y pitura che nce de grafica. L se trata de n argumënt daniëura atuel, pra chël che i sculeies y la sculées à laurà cun criatività y esprescività.
La Lia Mostra d'Ert y la Scola prufesciunela per l Artejanat artisich nviei de cuer ala giaurida, che sarà n merdi ai 1. de juni dala 11 danmesdì, tla sala dla mostres sun Plaza S. Antone a Urtijëi.
Davierta resterà la mostra nchin n dumënia ai 6 de juni, uni di dala 10:00-12.00 y 17:00-19:00.

»GO BACK« de Anneliese Pichler
Mostra te Tublà da Nives cun giaurida ncuei vënderdi ai 28 de mei dala 6 da sëira
L tëmp dla stluta d'ublianza pervia dla pandemia dl Coronavirus ie passà y pudon finalmënter inò jì inant cun nosta atività, nce sce sambën cun la mesures de segurëza da respeté. L program de mostres njenià ca ie scialdi nteressant y speron de pudëi ve udëi y ancunté tl Tublà da Nives.
L mët ora, te chësta prima mostra, la artista Anneliese Pichler de Ciavaleis (TN). Ëila se dà ju mascimamënter cun dessëni y pitura a tecnica mescededa, ma nce cun obiec d'ert de de mëndra mesures, draps, colajes, scultures de »cartapesta« y de bront. Tl ziclus »Go Back« va la artista de reviers per crì l'identità tl labirint dl »ie«.
La ntroduzion artistica unirà fata da Elio Vanzo. Danterite sunerà Martin Holzknecht sun l marimba.
La mostra resterà davierta nchin ai 20.06.2021, da merdi nchin dumënia for dala 16:00-19:00, de lunesc iela stluta.

Ramón Ortega Quero & Amaryllis Quartett
Cunzert n lunesc ai 31.05. dala 20:30 tla Cësa de Cultura de Urtijëi
I Jëuni de Mujiga de Gher­dëina à śën l plajëi de pudëi prejenté mpo mo cater cunzerc per chësta 54ejima sajon, l prim de chisc ie cun Ramon Ortega Quero (oboe), Gustav Frielinghaus (vidula), Lena Sandoz (vidula), Mareike Hefti (viola) y Yves Sandoz (celo). Ëi lascerà audì l »Oboen­quartett« KV 285 de W.A. Mozart, l »Streichquartett« Op. 59/1 de L.v. Beethoven, l »Vogelquartett« Op. 33/3 de F.J. Haydn y l »Oboenquintett« do KV 516 de W.A. Mozart.
Ramón Ortega Quero, si talënt per suné l oboe ie bele unì scuvrì che l fova mo jëunn y ie al didancuei un di musizisć plu nteressanc de si generazion y un di plu damandei te si ciamp strumentel. L lëura regularmënter cun i dirighënc plu cunesciui. L cuartet de archëc Amaryllis ie cunesciù per coche l sà da nterpreté pec tlassics te na maniera nueva y giaurì nsci esperienzes nueves de i scuté su.
A duc chëi che ova l abuna­mënt 2019/20 ti vëniel lascià do l priesc: 10 € (mpede 15 €) y 7 € (mpede 10 €) per chëi sot a 26 ani.
L ie debujën dl Corona-Pass y n respetea duta la mesures de segurëza ududes dant.