Manifestazions atuales speziales

Data

04 de jugn 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 04 de jugn
Di Vogaiga
Da audì n juebia ai 10.06. dala 20:30 tla Cësa de Cultura a Urtijëi
I Jëuni de Mujiga de Gherdëina nvieia al cunzert di »Di Vogaiga«, ulache l cuintet cun vidules, violoncello y erpa, armonica, violon, percuscions y nce usc, ulerà ve n suné dant o »vorgeigen« n valgunes, cossa che i fej tla maniera plu naturela dl mond.
A strufs seméiel monce che i stona belau, ma chësc feji da gën, per nes fé cialé ca! Mujiga tradiziunela da mont se ntercea cun elemënc de stii dldut desferënc, te n juech che va nchin te si ravises. Te chësta grupa se ancóntel musizisć de genres y caratri drët desvalives.
Cun l program »Von Heiter bis Mondschein« uel Di Vogaiga ncanté si publich cun pec scric da d'ëi nstësc, cun sunedes romantiches che fej semië o nce s'la rì, cun mujiga da temperamënt che se archieta pona via cun meludies sotes y da sentimënt, tulan pea l publich sun si streda y te si mond, tl linëus dla luna.

50 ani Lia per Natura y Usanzes
Festa n sada ai 12.06. tla Cësa de Cultura a Urtijëi
La Lia per Natura y Usanzes nviea duc de cuer ala festa di 50 ani da canche l ie unì metù su la Lia.
La sarà n sada ai 12 de juni 2021 tla Cësa de Cultura »Luis Trenker« a Urtijëi, dala 3 domesdì inant.
Per abelì la festa saràl leprò i balarins dla Grupa de Bal populer, la Lia dai guanc dala gherdëina y Kevin Mauroner al tlavier.
Duc i prejënc muessa se tenì ala normes de segurëza scrites dant per l Coronavirus.

Senteda generela dla Lia Guanc dala gherdëina Urtijëi
N mierculdi ai 9 de juni, dala 20:30, tl »local dla lies« tl segondo partimënt dla Cësa de Cultura a Urtijëi
La Lia Guanc dala gherdëina de Urtijëi nvieia duc i nteressei y chëi che à legrëza cun l guant dala gherdëina y cun nosta tradizions a chësta senteda generela.
L unirà rujenà dl'atività di ultimi ani y l sarà nce la vela dl cunsëi nuef.
Ve aspiton de trueps.
Nvion oradechël duc canc a unì n Dumënia dai Andli ala pruzescion furnii cun l bel guant dala gherdëina.

Urtijëi – la pluania
N se njënia per la veles dl Cunsëi de Pluania
Per la ativiteies te uni ciamp de vita dla pluania uelel vester ulenteres che se mët adum, tën adum y se dà ju te scumen­ciadives per dé vita y renfurzé la cultura uman-soziel-cristiana tla pluania. Chësc travert va arjont te na cunlaurazion lieda cun n bon spirt, criatività, bona ueia y n śich de speranza!
Śën damandons a ti, a vo, de pensé do y cialé sce l ie zeche tla pluania che ve sta a cuer, che ve nteressea. Prion de vosta resposta! On debujën de vosta parola, aiut, talënt, ulentà y idealism per l Cunsëi nuef!
La veles sarà n sada y dumënia ai 23 y 24 de utober 2021.
Co saràla pa tl Cunsëi nuef?
N se anconta, se rejona, fej pea, se mët adum per na idea y n proiet nuef. Nëus duc son laite tla vita dl luech, vivon, udon, fajon, scuton su, cialon de capì, de udëi ite y de tò dezijions. L viver nes nvieia a crì ideies, nventé proiec, a fé zeche de bel y de utl per la cumenanza. Deberieda y de cuer per cin' de biei ani!
Tulëde su cuntat cun Georg Senoner o Patrizia Kostner Senoner, iló giapëis nce nfur­mazions avisa: 339 7127474 – gsenoner@gmail.com; 320 1187642 – patrizia.kostner@rolmail.net.a