Manifestazions atuales

Data

11 de jugn 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 11 de jugn
Dotours
Dutor Gherdëina
L dutor de servisc da n sada ai 12.06 dala 8:00 daduman nchin la 8:00 daduman de n lunesc ai 14.06. ie la duturëssa Tanja Bregolin, che fej servisc tl ambulatuere tla streda Trebinger 10 a Urtijëi, tel. 333 9111642.
Doturs Val Badia
Le sorvisc da dotur tla Val Badia (te düc cinch i comuns) tratan la findledema di 12 y 13 de jügn 2021 gnará desfiré dal Dr. Luca Galiazzo, tel. 342 5181295.

Apoteches
Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 11.06. nchin n vënderdi ai 18.06. ie chëla de Sëlva, tel. 0471 795142 o 333 1776615 (davierta sa. 8:30-12:30 y 15:30-18:00, du. 8:30-12:30).
Apoteches Val Badia
L'apoteca en sorvisc fora dl orar ordinar, dal vëndres ai 11 de jügn dales 19:00 al vëndres ai 18 de jügn ales 19:00, é chëra da San Martin/Picolin, tel. 0474 523020.

Avisc
Atualmënter
Biblioteca inò davierta de dumënia
La biblioteca San Durich a Urtijëi ie inò davierta nce de dumënia, for dala 10:00 nchin la 12:00 danmesdì.
Atualmënter
Museum Gherdëina inò daviert
L Museum tla Cësa di Ladins a Urtijëi ie daviert dal lunesc al vënderdi, for dala 14:00 nchin al 18:00. Dala fin de juni unirà l orar slungià dal lunesc ala sada y l sarà daviert nce danmesdì. Per vijites ora dl orar reguler y vijites mene­des pòssen cherdé su l 0471 797554. Plu nfurmazions sot a www.museumgherdeina.it .
Atualmënter
Borsa de lëur
La Nëus Jëuni Gherdëina lecorda che la borsa de lëur ie davierta dut l ann. Chiche chier n lëur o chiche à n lëur da pité, possa jì sot ala plata internet www.njg.it y scrì ora l formuler. Nuzëve de chësc servisc!
Atualmënter
Sorvisc de consulënza indô davert
Le Sorvisc ai Jogn Val Badia lascia alsavëi che le sorvisc de consulënza é indô davert sön orar: vigni pröma y terza jöbia dl mëis dales 8:00 ales 10:00 a Picolin y vigni secunda y cuarta jöbia dl mëis dales 16:30 ales 18:00 te SaJ.un a La Ila. Al resta inant la posci­bilité da tó n apuntamënt fora de chësc orar, cherdan sö le 342 8410721 o scrion a barbara@jogn.org .
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, Por tó sö contat pón scrí a info.bruneck@frauen www.helfenfrauen.it o telefoné al 0474 410303.
Atualmënter
Iniziativa di ëi de Puster – MIP
L'ofize dla MIP – Männer­initiative Pustertal dëida i ëi y peri pro caji de devorz, pîta aiüt te situaziuns de dificolté. L'ofize é tl Paternsteig nr. 1 a Bornech. Contat: tel. 0474 555848, info@mip-pustertal.it .
14.06.
Picolin: repartiziun prestaziuns – orar da d'isté
L'ofize dla repartiziun pre­staziuns (Ex-Krankenkasse) tl Distret Soziosanitar a Picolin mët man cun l'orar da d'isté. L'ofize é davert dai 14 de jügn fina ai 10 de setëm­ber ma plü lönesc, mercui y vëndres dales 9:30 ales 12:45. L'orar por le sorvisc da tó jö sanch (sön prenotaziun), resta le medemo co denant.

Televijion
15.06.
Dut feminin: su la pedies de Tresl Gruber
Da les 20:50 ca. Sobito do la vera, tel medemo temp de la pruma batalies per l'auto­nomia, te la scoles de nosc raion scomenza a ruèr ite n sistem scolastich fat de più lengac. Tant te la storia che anchecondì, la eles les se dèsc ju per fèr a na vida che vigni sort de lengaz – o de espre­scion- la posse doentèr na chief emportanta del svilup culturèl. Program de Cinzia Pistoia, a cura de Anna Mazzel.
16.06.
Pizes dla Ladinia: via fereda Hoachwool
Da les 20:50 ca. Documenter de Manfred Stuffer y Hans Peter Karbon, a cura de Alessandro Dapunt.
17.06.
Conësce y controlé i raiuns de prigo
Da les 20:50 ca. Bele da vedlamënter incá ciafun te tröc comuns chiló da nos posc che é al prigo de danns o finamai de destruziun por gauja de evënc naturai. Te nüsc raiuns ciafunse de gran sperses, che é a prigo de rôs. La Provinzia de Balsan scrí dant por vigni comun de arjigné n plan di raiuns de prigo. Al é da speré che chisc pois deventé n stromënt ütl por conësce damí chisc prighi y mëte al sigü la popolaziun y sües proprietes. Program de Karin Pizzinini, a cura de Anna Mazzel.

Radio
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
12.06.
N dependënt cuntënt
Da les 19:05. Program de Giuliana Dejaco.
13.06.
L'autonomia de Südtirol
Da les 19:05. L statut de autonomia de Südtirol ie na seva mpurtanta per l svilup sozio-storich-culturel ma nce economich de nosta provinzia. Deberieda cun l aucat dut. Christoph Perathoner vëniel spiegà coche l Land Südtirol ie ruvà pra chësc »pachetl« y ciuna rejons, cumpetënzes y scunanza che ie garantides ala mendranzes tudëscia y ladina tl Stat Talian. Program de Simon Moroder.
16.06.
Emigrazion da la Dolomites: nef liber de Luciana Palla
Da les 19:05. »Emigrazione dalle Dolomiti nel corso del Novecento. Storie di esodo da Colle S.Lucia. Livinallongo e Rocca Pietore.« Chest l'é l titol del liber de Luciana Palla dat fora en colaborazion con l'Istitut Cultural »Cesa de Jan«. L liber l'é frut de n enre­scida storica che te n cheder global conta stories d'emigra­zion personales tres n analisa de letres, foto e documenz prezious. Program de Anna Mazzel.
17.06.
»Hoffmann's Erzählungen« de Jacques Offenbach
Da les 19:05. L'opera dal titul original »Les contes d'Hoff­mann« de Jacques Offenbach alda pro la sort de »Opéra fantastique« che jô dër de moda i agn 1850-1900, dan­dadöt a Paris. L'opera é gnüda raprejentada le pröm iade a Paris tl 1881 y n pêr de edemes denant morîle so Komponist J.Offenbach. El n'â nia rové l'opera, lascian na schizza dl' ultima pert, che é spo gnüda laorada fora da deplü com­ponisc. Program de Esther Videsott.

Iadi y Jites
13.06.
Jita »Nëus Granc y Pitli«
La grupa dla Lia da Mont de Gherdëina mët a jì na jita per families a Castelfeder. N furnea cun auti privac nchin a Auer, da ulache n pëia su a pe sun l col de Castelfeder. Iló iel n gran pra ulache n po' fé damat y se maië zeche ora de flucion. Za. n'ëura y mesa da jì. Deslivel: 100 m. Se nuté su da Barbara, tel. 346 8305416 da sëira

Concursc
Atualmënter
PandeMusic, testemunianzes de mujiga
Cores, ciantarins, mujighes y grupes de mujiga ie nviei a fé pea cun n pez metù adum nstësc, che trata dla situazion de emergënza che vivon. Da vëncer saràl de biei pesć y da fé n videoclip. Mandëde ite na desmazeda dl video dai 01.08. ai 15.09.. Nfurmazions sot a www.micura.it o scrì a furmazion.gh@micura.it. Metù a jì dala Consulta per la Furmazion y dai Chemuns de Gherdëina cun l Istitut Ladin Micurá de Rü.

Temp Lede
17.06.
»Flying Aperitivo«
n juebia dala 18:00 nchin la 20:30 sun Mont de Pana. Ntan n viac de za. n'ëura sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif y vel' bon bucon leprò. Da bur' tëmp vën la manifestazion spënta. L ie da se scrì ite nchin al di dant pra la Lies dl Turism de Gher­dëina.

Mostres y Ert
Atualmenter
A Trent na mostra sui Schützen
Fin ai 25 de jugn te Palaz Trentini a Trent se pel veder la mostra »Sizzeri, Schützen, Standschützen«, na esposizion de retrac che conta la storia de chisc omegn che à combatù per defener noscia tera. La mostra é averta dal lunesc al vender sa les 10.00 a les 19.00 e de sabeda da les 10.00 a les 12.30.
Atualmenter
Rivelazions de femenes e èrt
Al Museo de èrt contemporana de Ciavaleis enscin ai 20 de jugn se pel veder na mostra dedichèda a l'esprescion artistica de la eles. La é averta de vender, sabeda e domenia da les 15.30 a les 19.00.
Atualmënter
»Udledes tl dedite«
Mostra de scultures dl artist de Urtijëi Eric Perathoner, da udëi tl ciampanil dla dlieja de Ciastel nchin ai 18 de juni, uni di dala 10:00-12:30 y 17:00-22:00.
Atualmënter
Markus Vallazza y Dante
Tla Hofburg a Persenon iel la mostra »Markus Vallazza y Dante. L'opra tla opra«, che ie da udëi nchin ai 7 de nuvëm­­ber y unirà acumpa­nieda da plu manifestazions. N vënderdi ai 18.06. dala 20:00 saràl tla Hofburg na »Hommage a n cumpani« da pert dla lia di »Bücherwürmer« de Lana cun Gundi Feyrer, Oswald Egger y Elmar Locher.
Atualmënter
»GO BACK« de Anneliese Pichler
Mostra te Tublà da Nives te Sëlva, da udëi nchin ai 20.06. da merdi nchin dumënia for dala 16:00-19:00 (lunesc stlut). La artista Anneliese Pichler de Ciavaleis se dà ju mascima­mënter cun dessëni y pitura a tecnica mescededa. Tl ziclus »Go Back« va la artista de reviers per crì l'identità tl labirint dl »ie«.
Atualmënter
»Eles daviertes«
Mostra de fotografies de pavëi, fates da Viktor Canins de Urtijëi. Da udëi tl Café Surëdl tla streda Roma 103 a Urtijëi, da lunesc nchin vënderdi dala 9:00 nchin la 19:00.
Atualmënter
Mostra »Ajënda 2030«
La biblioteca S. Durich a Urtijëi se à dat ju, per la mostra »Ajënda 2030, 17 traverc per la sustenibltà« cun i argumënc »sanità y bënsté« y »ega nëta y servijes igienich-saniteres«. N chësc cont àn metù ora libri y per uni finalità dl proiet àn nce metù adum vel' cunsëi de cie che n possa fé per judé pea a miuré la situazion.
Atualmënter
Mostra personala retrospetiva de Albert Melllauner
I laurs dl artist ladin che vir a Bornech é da odëi cina ai 11 de messé 2021 tl Museum de cité a Bornech tratan i orars de daurida, ales con­diziuns en regola te Südtirol.

Sozial
Atualmënter
Val Badia: Bancareles dl mangé
La Bancarela dl mangé de Badia (ciasa di pici) é daverta vigni jöbia dales 9:30 ales 10:30. La bancarela da San Martin (ciasa dl sport) é daverta vigni vëndres dales 9:30 ales 11:00, chëra d'Al Plan (local Zënter Families Mareo) é daverta le vëndres dales 9:30 ales 10:30. Iló pó families che á debojëgn ciafé spëisa debann.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finanziars por cunc/fatures de bojëgns primars (scialdé, afit, spëises sanitares, de scora, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos:info@solidariete.it .
Atualmenter
Vazins a Sèn Jan
Te palestra de la scola mesènes de Sèn Jan l'é avert l zenter de Fascia per i fèr i vazins contra l Covid. Ge vel se prenotèr tras l sit de la APSS al link https://cup.apss.tn.it .
Atualmënter
Aiut-Covid 2021
Dai 1. de juni pòssel inò unì fat dumanda per la prestazions dl Aiut-Covid 21. La dumanda ne vën nia plu fata tres l Servisc Soziel, ma muessa unì fata online y tlo adròven l SPID. N aiut per la regi­strazion dl SPID dà nce i/la acumpaniadëures online per seniores. Per nfurmazions y fé ora n terminn iel da cuntaté l ufize raionel dl KVW o jì sot a www.bildung.kvw.org .
Atualmënter
Patronat KVW-ACLI
Per dut chël che à da n fé cun la pension, l lëur y la preven­zion soziela fé ora n terminn tl ufize a Urtijëi, tel. 0471 050780, da merdi nchin juebia dala 15:00-16:45.
Atualmënter
KVW Service
Per la detlarazion dla chëutes, per l Mod. RED y INVCIV, la detlarazion EEVE o ISEE, la dumanda per i scioldi ala families y per d'uni sort de dumandes che à da n fé cun cuestions de chëutes, fé ora n terminn danora, online sot a www.mycaf.eu o cherdé su l 0471 941704.
Atuamënter
La ciamena dal guant »Néores« indó daverta
La ciamena dal guant a La Ila Alta á indó davert vigni vëndres dales 14:00 ales 15:30.
14.06.
Webinar su l'ADMO
En lunesc ai 14 de jugn da les 20.15 su la piataforma Life Size al link https://call.lifesizecloud.com/8084511 ADMO Trentin, en colabo­razion col Comun general de Fascia, endreza n webinar per cogno­scer la sociazion co la testi­monianza de Luca Varesco e Francesco Romano da Cia­nacei.
Nchin 31.10.
Cuntribut dla Region per se seguré la pension
La Region Trentin-Südtirol dà n cuntribut per ti seguré, per i fins dla pension, chël tëmp che chësta persones sta a cësa a secudì zachei de familia o pra i pitli nchin al cumplì di 3 ani (o 5 ani pra n cuntrat de lëur dl 70%). Per l tëmp de secudienza dl 2020 iel da prejenté la dumanda nchin ai 31.10.21 pra l patronat KVW-Acli.

Religion
24.06.
Pelegrinaje a Weissenstein
L'Uniun dles porsones vëdues y sores dla Val Badia inviëia al pelegrinaje a Weissenstein cun marëna, mëssa y aurela cörta, che gnará metü da jí la jöbia ai 24 de jügn 2021. Trëi sará les corieres che piará ia: dales 7:00 da San Ciascian, dales 7:30 da La Val y dales 7:30 da La Pli de Mareo. Da s'anunzié por tó pert él pro la rapresentanta te vigni paisc (dan i 20 de jügn).

Referac
19.06.
Dala pizes plu autes dl mond ala Elpes urienteles
N sada che vën dala 20:00 tla Cësa de Cultura a Urtijëi mët la Lia da Mont de Gherdëina a jì na sëira cun Emanuele Confortin. Ël lascerà udëi na documentazion ulache l à fat 27 tapes te 50 dis a pe y cun la roda, de ndut 1.000 km y 47.000 m de deslivel. L film ie unì premià da »Mountain Wilderness International«.

Chino
Atualmenter
Al chino de Cianacei
Insnet vender ai 11 de jugn da les 21.00 se pel veder »Io rimango qui«, en sabeda ai 12 e en domenia ai 13 da les 17.00 vegn dat »Tom & Jerry« e da les 21.00 »The father«, chest film vegn moscià ence en vender ai 18 de jugn semper da les 21.00.

Galaria retrac