Manifestazions atuales speziales

Data

18 de jugn 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla ediziun dl 18 de jugn
"Erbes de Börz": saus y curiosités dles erbes da munt
Ia por l'edema dai 19 ai 27 de jügn 2021 saral sön Börz da ciarcé derzades tles üties da munt y pié do te deplü manifestaziuns informaziuns desvalies söles erbes y saus
I corusc y la varieté di pra da munt i plej a tröpa jënt, mo tröc ne conësc nia plü i inoms y les proprietés de erbes, ciüfs y lëgns che crësc chiló da nos. Insciö él gnü ponsé al'edema "Erbes de Börz", cun jites menades y derzades che dess fá conësce les erbes da munt. I interessá podará tó pert a 3 ativités cun esperc dl setur, sciöche ince ciarcé les erbes ti taís pitá te bëgn 10 üties y restoranc a Antermëia/Börz y incëria. Deplü informaziuns ciafon pro la Cooperativa Turistica Al Plan-San Martin. Les iscriziuns por les ativités vëgn tutes sö cina le de denant (tres i ofizi dla Cooperativa Turistica).

21.06.21: I mituns descür la botanica
N domisdé por mituns, olache an pó imparé tres jüc fora por la natöra da mëte averda a döt ci che crësc en ur de tru. Orar: 15.00-17.00 – Antermëia

22.06.21–Le pice lersc – n lëgn por le clima
Pro chësta ativité, ponsada suradöt por families, podaran jí adöm a n verdabosch fora por pra y bosć. Ala fin gnaral senté deboriada de pici lersc, por curí le öt lasce zoruch dai lëgns tomá tla tempesta Vaia. Orar: 9.30-13.00 – Pe de Börz

24.06.21–La natöra che varësc
Adöm a na esperta de erbes coiarunse deplü erbes y ciüfs che an pó adoré te taís desvalis, mo ince sciöche medejina. Chiló gnaral ince mostré co podëi adoré les erbes y saurs, y les lauré inant canche ares é coiüdes. Orar: 15.00-17.00 – Börz

Ladiniatrail: da San Martin cina söla Plose
Ai 3 de messé vëgnel tigní por le secundo iade la gara da salté »Ladiniatrail« de 29 km cun n deslivel söpert de 1.852 metri. Iscriziuns ciamó davertes
La sabeda ai 3 de messé n menüt do mesanöt pëia ia la gara sfadiosa »Dolomites Ultra Trail«, cun sü 84 km de percurs. Start y travert é sön plaza dl dom da Porsenú. Tla cornisc de chësta gara vëgnel ince tigní le Ladiniatrail, na gara da salté individuala de 29 km, cun start ai 03.07. dales 8:30 tl zënter da San Martin de Tor. I partezipanc rovará sön Göma, pro la Ütia de Fornella, inant cina ala Tauberhütte y ala Rossalm, por despassé spo le travert sön la Plose. Ala pröma ediziun dl 2019 â tut pert 106 atletes y atlec. Iniann n'él bele passa 130 de scric ite, da 14 naziuns. An pó ciamó se scrí ite ala gara y ince al Ultra Trail sön le sít www.brixenmarathon.com
Les gares vëgn organisades en colaboraziun cun le Comun da San Martin de Tor, la Cooperativa Turistica Al Plan/San Martin, i stödafüch y les uniuns dl sport dl comun da San Martin y l'Aiüt Alpin da San Martin.

»Poetry slam« tl Museum Ladin
Set auturies y auturs ladins lasciará aldí sü pinsiers, en sabeda ai 26 de jügn dales 17:00, tla curt dl Ciastel de Tor a San Martin
En sabeda ai 26 de jügn mët a jí le Museum Ladin Ciastel de Tor, en colauraziun cun l'Union di Ladins de Gherdëina y cun la partezipaziun dla Uniun Ladins Val Badia, n »poetry slam« tla curt dl ciastel. Dales 17:00 sarál 7 auturies y auturs che nes lasciará aldí sü pinsiers: Rut Bernardi, Antonietta Crepaz, Stefen dell'Antonio, Simon Kostner, Silvia Murer, Nadia Rungger y Daniel Zardini. Martina Iori fistidiará por l'acompagnamënt musical.
I posć é limitá y al vëgn damané do le greenpass o n zertificat de n test negatif. Por prenotaziuns cherdé sö le numer 0474 524062 o scrí ala misciun info@museumladin.itAdöm a na esperta de erbes coiarunse deplü erbes y ciüfs che an pó adoré te taís desvalis, mo ince sciöche medejina. Chiló gnaral ince mostré co podëi adoré les erbes y saurs, y les lauré inant canche ares é coiüdes. Orar: 15.00-17.00 – Börz