Manifestazions atuales

Data

18 de jugn 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 18 de jugn
Dotors y apoteches

Apoteches Val Badia
L’apoteca en sorvisc fora dl orar ordinar, dal vëndres ai 18 de jügn dales 19:00 al vëndres ai 25 de jügn ales 19:00, é chëra d’Al Plan, tel. 0474 501240.

Doturs Val Badia
Le dotur en sorvisc ti cin’ comuns dla Val Badia, tla fin dl’edema di 19 y 20 de jügn, é la doturia Lodovica Mattioni, La Ila/Badia, tel. 328 8590842.

Dutor Gherdëina
L dutor de servisc da n sada ai 19.06 dala 8:00 daduman nchin la 8:00 daduman de n lunesc ai 21.06. ie l dutor Simon Kostner de Sëlva, streda Nives 2, tel. 347 2297492.

Apoteca Gherdëina
L’apoteca che ie de servisc ora dl orar ordiner de giaurida, da n vënderdi ai 18.06. nchin n vënderdi ai 25.06. ie chëla de Sëuc, tel. 0471 708970 (orar: sa. 8:30-12:30/16:00-18:00; du. 9:00-12:00; juebia domesdì stlut).

Mostres y ert
Atualmënter
Mostra personala retrospetiva de Albert Melllauner
I laurs dl artist ladin che vir a Bornech é da odëi cina ai 11 de messé 2021 tl Museum de cité a Bornech tratan i orars de daurida, ales condiziuns en regola te Südtirol.

Atualmenter
30 egn de Forum per la Pèsc
Per l cedean del Forum Trentin per la Pèsc, nasciù ai 10 de jugn del 1991, enscin ai 17 de messèl a Trent, tel Palaz Trentini en Via Manci, se pel veder na esposizion de retrac che conta de chesta istituzion emportanta. La mostra à l sostegn de la presidenza del Consei provinzièl.

Atualmenter
A Trent na mostra sui Schützen
Fin ai 25 de jugn te Palaz Trentini a Trent se pel veder la mostra »Sizzeri, Schützen, Standschützen«, na esposizion de retrac che conta la storia de chisc omegn che à combatù per defener noscia tera. La mostra é averta dal lunesc al vender da les 10.00 a les 19.00 e de sabeda da les 10.00 a les 12.30

Atualmënter
Mostra »Ajënda 2030«
La biblioteca S. Durich a Urtijëi se à dat ju, per la mostra »Ajënda 2030, 17 traverc per la sustenibltà« cun i argumënc »sanità y bënsté« y »ega nëta y servijes igienich-saniteres«. N chësc cont àn metù ora libri y per uni finalità dl proiet àn nce metù adum vel’ cunsëi de cie che n possa fé per judé pea a miuré la situazion.

Atualmënter
Mostra de Nadia Rungger
Tla sala dla Lia Mostra d’Ert/ Circolo a Urtijëi sun Plaza S. Antone iel da udëi la mostra »spielereien. collagen und gedichte« de Nadia Rungger, che prejënta colajes y poejies, da pudëi liejer o nce scuté su. La mostra ie da udëi nchin ai 27.06., uni di dala 10:00-12:00 y 17:00-19:00.

Atualmenter
Rivelazions de femenes e èrt
Al Museo de èrt contemporana de Ciavaleis enscin ai 20 de jugn se pel veder doi mostres dedichèdes a l’esprescion artistica de la eles. L’é averta de vender, sabeda e domenia da les 15.30 a les 19.00.

Atualmënter
Markus Vallazza y Dante
Tla Hofburg a Persenon iel la mostra »Markus Vallazza y Dante. L’opra tla opra«, che ie da udëi nchin ai 7 de nuvëmber y unirà acumpanieda da plu manifestazions. Ncuei vënderdi ai 18.06. dala 20:00 iel tla Hofburg na »Hommage a n cumpani« da pert dla lia di »Bücherwürmer« de Lana cun Gundi Feyrer, Oswald Egger y Elmar Locher.

Atualmënter
»GO BACK« de Anneliese Pichler
Mostra te Tublà da Nives te Sëlva, da udëi mo nchin n dumënia ai 20.06. for dala 16:00-19:00. La artista Anneliese Pichler de Ciavalëis se dà ju mascimamënter cun dessëni y pitura a tecnica mescededa. Tl ziclus »Go Back« va la artista de reviers per crì l’identità tl labirint dl »ie«.

Atualmënter
»Eles daviertes«
Mostra de fotografies de pavëi, fates da Viktor Canins de Urtijëi. Da udëi tl Café Surëdl tla streda Roma 103 a Urtijëi, da lunesc nchin vënderdi dala 9:00 nchin la 19:00.

Atualmenter
Oraries Museo Ladin
L Museo Ladin de Fascia a Sèn Jan à avert si ujes al publich con l’orarie da d’istà: dal lunesc a la sabeda da les 10.00 a le 12.30 e da le 15.00 a le 19.00. Per dut l meis de jugn l’é ence la cordanza con l Fassa Coop per i rebasc e la vijites vidèdes debant su prenotazion al 0462 760182. 

Sozial
Atualmënter
Val Badia: Bancareles dl mangé
La Bancarela dl mangé de Badia (ciasa di pici) é daverta vigni jöbia dales 9:30 ales 10:30. La bancarela da San Martin (ciasa dl sport) é daverta vigni vëndres dales 9:30 ales 11:00, chëra d’Al Plan (local Zënter Families Mareo) é daverta le vëndres dales 9:30 ales 10:30. Iló pó families che á debojëgn ciafé spëisa debann.

Atualmënter
Contribuc »Cörs dla Val Badia«
Porsones/Families dla Val Badia á la poscibilité da damané do contribuc finanziars por cunc/fatures de bojëgns primars (scialdé, afit, spëises sanitares, de scora, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it

26.06.
Deberieda: jita sa Sacun
N vënderdi dala 14:00 se ancuntons dan la Cësa de Paussa a Urtijëi per fé na pitla jita sa Sacun. »Deberieda« ie na grupa per se ancunté danter persones che à problems psichics o de sozialisazion cun ulenteres. Per nfurmazions: Stefania Giacoppo tel. 0471 798015. Respunsabla da manifestazion: Sandra Perathoner.

Nchin 31.10.
Cuntribut dla Region per se seguré la pension
La Region Trentin-Südtirol dà n cuntribut per ti seguré, per i fins dla pension, chël tëmp che chësta persones sta a cësa a secudì zachei de familia o pra i pitli nchin al cumplì di 3 ani (o 5 ani pra n cuntrat de lëur dl 70%). Per l tëmp de secudienza dl 2020 iel da prejenté la dumanda nchin ai 31.10.21 pra l patronat KVW-Acli.

Atualmënter
Aiut-Covid 2021
Dai 1. de juni pòssel inò unì fat dumanda per la prestazions dl Aiut-Covid 21. La dumanda ne vën nia plu fata tres l Servisc Soziel, ma muessa unì fata online y tlo adròven l SPID. N aiut per la registrazion dl SPID dà nce i/la acumpaniadëures online per seniores. Per nfurmazions y fé ora n terminn iel da cuntaté l ufize raionel dl KVW o jì sot a bildung.kvw.org.

Temp liede
19.06.2021
Dolomites Bike Day
En sabeda ai 19 de jügn vëgnel tigní la cuarta ediziun dl Dolomites Bike Day dales 8:30 ales 14:30. En chësc de gnará i jus de Ciaulunch, Falzares y Valparola stlüc al trafich motorisé insciö da ti lascé lerch ales rodes y ti pité plü segurëza fora por döt le percurs. Por tó pert ala manifestaziun n’ól ester degöna iscriziun. Deplü informaziuns sot a www.dolomitesbikeday.it

25.06.2021
Nos ladins
Ince en chësc isté vëgnel metü a jí l’iniziativa »Nos Ladins«, tres chëra che an á la poscibilité da conësce le monn ladin adöm cun n personaje dl post. Le vëndres ai 25 de jügn pón fá na escurjiun cun la roda adöm cun Igor Tavella, che ti mostra ai partezipanc percursc manco conesciüs por la roda. An pëia ia dales 9:00 da Badia. Deplü informaziuns y iscriziuns ti ofizi turistics dl’Alta Badia.

21.06.
Di nternaziunel dl yoga
Dala 14:30 nchin la 16:00 saràl pra la stazion dla furnadoia sun Mont de Sëuc Rakesh Nanda dl’India, prim maester de yoga te Südtirol che nsënia da 30 ani incà, a dé desmustrazion de chësta forma de ginastica fisica y mentela. N possa fé pea debant, ma l ie da se nuté su nchin al di dant tla Lia dl Turism de Urtijëi, tel. 0471 777 600.

24.06.
»Flying Aperitivo«
N juebia dala 18:00 nchin la 20:30 sun Mont de Pana. Ntan n viac de za. n’ëura sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif y vel’ bon bucon leprò. Da bur’ tëmp vën la manifestazion spënta. L ie da se scrì ite nchin al di dant pra la Lies dl Turism de Gherdëina.

Nchin ai 31.10.
LiL–azion de liejer d’instà
La azion »Lesen im Liegestuhl« vën metuda a jì dala biblioteches a livel provinziel, per jëuni danter 11 y 16 ani. L ie da liejer un o de plu di 40 libri crisc ora. Ala fin dla azion uniràl trat ala busca cënt pesć danter chëi che à fat pea. La biblioteches de Gherdëina fej ënghe pea.

Concorsc
Atualmënter
PandeMusic, testemunianzes de mujiga
Cores, ciantarins, mujighes y grupes de mujiga ie nviei a fé pea cun n pez metù adum nstësc, che trata dla situazion de emergënza che vivon. Da vëncer saràl de biei pesć y da fé n videoclip. Mandëde ite na desmazeda dl video dai 01.08. ai 15.09.. Nfurmazions sot a www.micura.it o scrì a furmazion.gh@micura.it. Metù a jì dala Consulta per la Furmazion y dai Chemuns de Gherdëina cun l Istitut Ladin Micurá de Rü.

Mujiga
25.06.
Corni da mont
L »Trio Ladinia« sunerà cun si corni da mont n vënderdi dala 17:00 nchin la 18:00 te Val, te Sëlva.

Referac
19.06.
Dala pizes plu autes dl mond ala Elpes urienteles
Duman sada dala 20:00 tla Cësa de Cultura a Urtijëi mët la Lia da Mont de Gherdëina a jì na sëira cun Emanuele Confortin. Ël lascerà udëi na documentazion ulache l à fat 27 tapes te 50 dis a pe y cun la roda, de ndut 1.000 km y 47.000 m de deslivel. L film ie unì premià da »Mountain Wilderness International«.

Chino
Atualmenter
Al chino de Cianacei
Insnet, vender ai 18 de jugn da les 21.00 se pel veder l film »The father – Nulla è come sembra«, en sabeda ai 19 e en domenia ai 20 semper da les 21.00 vegn moscià »Il cattivo poeta«.

25.06.
Lum Cinema a Cianacei
En vender ai 25 de jugn da les 21.00 tel chino de Cianacei l’é »The Devil wears Prada« en verscion originèla con sot titoi per talian. Prenotazion de obligh sul sit www.lumcinema.co.uk.

25.06.
Info chino Tieser
En vender ai 25 de jugn, en sabeda ai 26 da les 21.15 e en domenia ai 27 da les 17.00 l’é da poder veder »Crudelia«. Semper en domenia da les 21.15 vegn moscià »The Conjuring - Per ordine del diavolo«.

Religion
19.06.
Mëssa di jëuni
Cun l titul »School’s out–Party with Jesus« nvieia la Junanza Catolica SKJ de Sëlva ala mëssa di jëuni, duman sada dala 18:00, tla dlieja de Sëlva. N scumëncia dala 17:40 cun na adurazion da druch. »Special guest« pra chësta santa mëssa ie l preve jëunn Josef Augsten. Vië nce tu, Gejù uel festejé nce cun té!

Avisc
Atualmënter
Picolin: repartiziun prestaziuns–orar da d’isté
L’ofize dla repartiziun pre­staziuns (Ex-Kranken­kasse) tl Distret Soziosanitar a Picolin á sëgn l’orar da d’isté. L’ofize é davert fina ai 10 de setëmber lönesc, mercui y vëndres dales 9:30 ales 12:45. L’orar por le sorvisc da tó jö sanch (sön preno­taziun), resta le medemo co denant.

Atualmënter
Sorvisc de consulënza
Le Sorvisc ai Jogn Val Badia lascia alsavëi che le sorvisc de consulënza por jogn, jones y geniturs é davert tratan l’isté y fina amez setëmber sön apuntamënt o tres telefon al 342 8410721, mail barbara@jogn.org. An pó damané do na consulënza personala sön temesc che reverda la jonëza y/o l’educaziun.

Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6, Por tó sö contat pón scrí a info.bruneck@frauenhelfenfrauen.it o telefoné al 0474 410303.

Atualmënter
Iniziativa di ëi de Puster–MIP
L’ofize dla MIP–Männer­initiative Pustertal dëida i ëi y peri pro caji de devorz, pîta aiüt te situaziuns de dificolté. L’ofize é tl Paternsteig nr. 1 a Bornech. Contat: tel. 0474 555848, info@mip-pustertal.it

Atualmenter
ADEL a Ciampedel averta duc i dis
Te la palestra de rampinèda ADEL de Ciampedel l Fascia Climbing ve speta col nef orarie da d’istà, duc i dis da la does domesdì a les diesc da sera.

26.06
Prejentazion Libres Zerilo e Tinoto
En sabeda ai 26 de jugn, en ocajion de la sègra de Sèn Vile, l Comun de Moena col Grop Ladin e l’Union de Fascia da les 16.30 te sala grana de la Scoles recorda i sentadins de Moena Luigi Canori, Zerilo Bora e Tinoto Monech con prejentazion de la neva publicazions enjignèdes en sie onor.

23.06.2021
Reuniun generala dla seziun Ladinia dl AVS
La seziun Ladinia dl AVS tëgn süa uniun generala, tres videoconferënza. Ara sará en mercui ai 23 de jügn dales 20:00. Por informaziuns y registraziuns, él da jí sön le link https://ladinia.alpenverein.it .

Atualmënter
Museum Gherdëina inò daviert
L Museum tla Cësa di Ladins a Urtijëi ie daviert dal lunesc al vënderdi, for dala 14:00 nchin al 18:00. Dala fin de juni unirà l orar slungià dal lunesc ala sada y l sarà daviert nce danmesdì. Per vijites ora dl orar reguler y vijites menedes pòssen cherdé su l 0471 797554. Plu nfurmazions sot a www.museumgherdeina.it.

Atualmënter
Borsa de lëur
La Nëus Jëuni Gherdëina lecorda che la borsa de lëur ie davierta dut l ann. Chiche chier n lëur o chiche à n lëur da pité, possa jì sot ala plata internet www.njg.it y scrì ora l formuler. Nuzëve de chësc servisc!

Atualmënter
Urtijëi – la pluania
N se njënia per la veles dl Cunsëi de Pluania. Per l’ativiteies te uni ciamp de vita dla pluania uelel vester ulenteres che se mët adum, tën adum y se dà ju te scumenciadives per dé vita y renfurzé la cultura uman-soziel-cristiana. Per nfurmazions tulëde su cuntat cun Georg Senoner 339 7127474, gsenoner@gmail.com o Patrizia Kostner Senoner 320 1187642, patrizia.kostner@rolmail.net.

Iadi y jites
26.06.
Da Selva di Cadore a S. Vito di Cadore
La Lia da Mont de Gherdëina mët a jì chësta traverseda tres la Val Fiorentina passan per l Col Duro. L ie da fé n deslivel de 1.100 m y da jì za. 6 ëura y mesa. Per nfurmazions cherdé su Monica al 339 6563015. N possa se nuté su dai 21.06. nchin n juebia 24.06. tla butëighes Ciofs Inge, Sport Malsiner y Sport Bruno Riffeser.

Televijion

22.06
Paisc dla Ladinia – Ciampedel
Da les 20:50 ca. Program de Erika Castlunger, regia y tai de Hanspeter Karbon, a cura de Alessandro Dapunt.

23.06
Spëisa ladina, saus da zacan: Na derzada adöm cun l’ombolt da Fodom
En chësc iade él gnü arjigné ca na derzada cun ciamalta, riji y pësc adöm al ombolt da Fodom Leandro Grones te süa ütia tla localité Plan Boé. Al tolará pert ince Manuela Ladurner, presidënta dl’Union dei Ladins da Fodom che portará dant val’curiosité sura i ladins da Fodom. 

Program de Anna Mazzel, produziun de Zak Mairhofer, regia de Stefan Ghedina, conzet y presentaziun se Concetta Bonaldi.

24.06
Natura y ambient - La cura di pré: n spieie de l’ambient
Da les 20:50 ca. I pré i moscia i efec de la dezijions toutes ti egn, dalajache ti egn l’é mudà ence l met de i rencurèr. Anchecondì, l’é semper più besegn che vegne rencurà la tera; no demò per la parbuda ma ence e soraldut per valorizèr e sostegnir nesc raions da mont. Program de Cinzia Pistoia, tai e camera Fulvio de Martin, a cura de Anna Mazzel

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00

22.06
LSegnaliberCheVolesse
Da les 13:45. Tel cheder di festejamenc per i 20 egn de la biblioteca de l’Istitut Cultural Ladin l’é vegnù endrezà la scomenzadiva LSegnaliber Che Volesse per meter a una la pitura e la schertura de età desvalives. En rejonon con Alberta Rossi, conduzion Anna Mazzel.

La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA

18.06
Vites scutedes via–Anna Maria Wanker 
Da les 19:05. »Vites scutedes via«, ie l titul de na lingia de cin essays letereres scric da Rut Bernardi, autora de Urtijëi che viv a Tluses. Chësta opra à venciù tl 2020 l segondo pest pra l cuncors »Scribo« tla categuria »Senior«. Cun ëila ulons mparé a cunëscer te chësta cuarta trasmiscion la diretëura dla scoles ladines de Gherdëina Anna Maria Wanker (1891-1964) da Lavies (Bula). Trasmiscion de Alex Runggaldier.

23.06
N liber per recorder Zerilo Bora
Da les 19:05. L Comun de Moena, ensema al Grop Ladin e a l’Union de Fascia, à metù ensema n bel liber de documenc e testimonianzes che recorda la fegura de Cirillo Dell’Antonio, artist e maester de gran valor no del dut recognosciù te si tempes soraldut te so paisc Moena. En rejonon con Annalisa Zorzi e Fabio Chiocchetti. Program de Anna Mazzel

24.06
Semenzes che vèl or
Da les 19:05. Nosc teritorie l ne rejona da semper de cultura, usanzes e tradizions ma, col jir di egn, coron semper de più l risech che stories, saeres e saores da n’outa i vae perdui. Na pascion fona per la tera che aon ciapà en arpejon che caraterisea ence l projet »N’OUTA«, portà dant da Sara Desilvestro e sie om Fabio. Conduzion Cinzia Pistoia

Insnet vender ai 11 de jugn da les 21.00 se pel veder »Io rimango qui«, en sabeda ai 12 e en domenia ai 13 da les 17.00 vegn dat »Tom & Jerry« e da les 21.00 »The father«, chest film vegn moscià ence en vender ai 18 de jugn semper da les 21.00.

Galaria retrac