Manifestazions atuales

Data

23 de messel 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 23 de messel
Dotours
Dutor Gherdëina
L dutor de servisc da n sada ai 24.07. dala 8:00 daduman nchin la 8:00 daduman de n lunesc ai 26.07. ie l dutor Simon Kostner de Sëlva, streda Nives 2, tel. 347 2297492.
Doturs Val Badia
Tla fin dl'edema di 24 y 25 de messé él en sorvisc ti comuns de Mareo y San Martin le dotur Luca Galiazzo, tel. 342 5181295. Ti comuns de Badia y Cor­vara él en sorvisc le dotur Guido Caretta, Calfosch/Corvara, tel. 0471 836870 o 337 616080.

Apoteches
Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 16.07. nchin n vënderdi ai 23.07. ie chëla de Sëlva, tel. 0471 795142 o 333 1776615, (davierta: sa. 8:30-12:30 y 15:30-18:00, du. 8:30-12:30).
Apoteches Val Badia
L'apoteca en sorvisc fora dl orar ordinar, dal vëndres ai 23 de messé dales 19:00 al vëndres ai 30 de messé ales 19:00, é chëra da Corvara, tel. 0471 830237.

Referac
26.07.
Na munt de emoziuns
En lönesc ai 26 de messé dales 21:15 él tl salf dles manife­staziuns da San Ciascian Ezio Marlier che presentëia »Free Way«. Ara se trata de na incuntada olache al vëgn baié dla liberté da chirí fora dagnora süa strada.

Sport
Atualmënter
Se scrì ite al FC Gherdëina
Mutons y mutans nasciui dan l 2015, che ulëssa gën pratiché l sport dl juech dala codla ie nviei a se scrì ite pra l club. La iscrizions ie da fé online. N à mé drë de jì ite sun la homepage dl club www.fc-gherdeina.com. Per plu nfurmazions pòssen cherdé su Christof Rifesser al 370 7003788.
25.07.
Garejeda de saut y cumbinazion nordica
L Schi Club Gherdëina mët a jì tl zënter nordich sun Mont de Pana na garejeda naziunela di jëuni dla categuries U10, U12, U14. Sun l saut HS35 scumëncen dala 9:30 cun n saut de proa y doi de garejeda. Dopro jiràla inant cun gare­jedes de sauté per la cumbi­nazion nordica, per stlù ju ala fin cun la premiazion. Duc ie nviei a unì a cialé pro y a fé tifo.
Nchin ai 30.07.
Alenamënt dla scuadra Torino
La scuadra che juega tl cam­piunat naziunel de serie A ie a S. Cristina a fé si alena­mënt da d'instà tl ciamp dal sport de Mulin da Coi. L Torino fajerà ncevel' partida de tëmp liede, plu avisa mo ai 28 de lugio 2021.

Leteratura
28.07.
Scric de Hugo Vallazza
Nadia Rungger liej dant scric de Hugo Vallazza (artist de Urtijëi unit a mancë tl 1997), tl cuntest dla mostra danter l auter nce de si lëures, che ie da udëi tla galaria Ghetta a Puntives. N possa jì a scuté su persunalmënter tla galaria a Puntives sud 8 o scenó sun la plata facebook o Instagram dla galaria.
30.07.
Ancuntedes cun autëures
Da n vënderdi meteràl inò man la ancuntedes cun autëures de rujeneda taliana a Urtijëi tla Cësa de Cultura. N vënderdi 30.07. dala 17:30 saràl la ancunteda cun Alessandro Milan.

Sozial
Atualmënter
Val Badia: Bancareles dl mangé
La Bancarela dl mangé de Badia (ciasa di pici) é daverta vigni jöbia dales 9:30 ales 10:30. La bancarela da San Martin (ciasa dl sport) é daverta vigni vëndres dales 9:30 ales 11:00, chëra d'Al Plan (local Zënter Families Mareo) é daverta le vëndres dales 9:30 ales 10:30. Iló pó families che á debojëgn ciafé spëisa debann.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da damané do contribuc finan­ziars por cunc/fatures de bojëgns primars (scialdé, afit, spëises sanitares, de scora, etc.) Le formular por fá do­manda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it .
Atualmënter
»Bonus vacanze« – detlarazion dla chëutes
Chëi che se à nuzà l ann passà dl bonus per fé feries, possa tla detlarazion dla chëutes da chëst ann mo tré ju l 20% che restova de chësc bonus. Fajëde ora n terminn per la detla­razion dla chëutes sot a www.mycaf.eu .
Atualmënter
Aiut Covid 2021
N pruvedimënt de aiut dla Provinzia de Bulsan. Depen­dënc y d'autri (che lëura per si cont, prufesciunisć liedesc, de tei che fej n lëur ucajiunel o penduleres) possa fé du­manda per chësc aiut nchin ai 30.09.. La dumanda ie da fé tres l servisc online »myCivis« dla Provinzia. Sce n à deficulteies pòssen daman­dé n aiut dai patronc (KVW/ACLI).
23.07.
Deberieda: jita sun Pana
Ncuei dala 14:00 se anconten dan la Cësa de Paussa a Urtijëi per furné deberieda sun Pana a fé na pitla jita. »Deberieda« ie na grupa per se ancunté danter persones che à pro­blems psichics o de soziali­sazion cun ulenteres. Per nfur­mazions: Stefania Giacoppo tel. 0471 798015. Respunsabla da manifestazion: Mirella Malsiner.

TELEVIJION
27.07.
Natura e ambient – L melaur de noscia monts
Da les 20:50 ca. Dò la pedies del gran botanich fascian Francesco Facchini, nasciù a la fin del 1700, l fotograf e espert de botanica Alberto Chiocchetti, da Moena, l va a chierir fiores e piantes rères de noscia monts. Sia enre­scides les dèsc l met de saer zeche de più de chest mond pech cognosciù ma de gran emportanza per l'ambient naturèl e sia fotografìes les empienesc l cher e i eies de beleza. Program de Luciana Detomas, camera y tai Fulvio De Martin, a cura de Anna Mazzel.
28.07.
Paladina
Da les 20:50 ca.
29.07.
Deboriada – La criatività
Da les 20:50 ca. La criatività pòssen cunscidré coche l motor dla storia dl'umanità. Mé purvan ora zeche de nuef à la persona pudù se svilupé y fé la gran nvenzion che à lascià si fusties tla storia. L ie la plata blancia sun chëla che dessenion da pitli y l artist che proa a ti dì zeche ala sozietà a na maniera cijideda y fina. Program y cunzet: Ivan Senoner, Tai: Hans Peter Karbon, a cura de Leo Senoner.

RADIO
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
23.07.
L' ert anconta la sëures
Da les 19:05-19:30. Te Sëlva iel unit a s'l dé na bela scumen­ciadiva nueva ulache l'ert anconta la sëures. Dodesc artisć dl luech lascia udëi si lëures te dodesc hotiei, ustaries y bars. Ntervista a Ivan Lard­schneider, presidënt dla lia per l artejanat artistich de Sëlva y a Michael Platz­gummer, presidënt dla lia di osć-HGV de Sëlva. Tras­miscion de Sofia Stuflesser.
25.07.
Vites scutedes via – Pepi Demetz
Da les 19:05. »Vites scutedes via« ie l titul de na lingia de cinch essays letereres scric da Rut Bernardi. Cun ëila ulons mparé a cunëscer te chësta cuinta y ultima trasmiscion bera Pepi Demetz (1916-1998) de Urtijëi che à sëuravivù l'eutanasia di Nazi. Trasmi­scion de Alex Runggaldier.
28.07.
Cultura e turism
Da les 19:05. Da n trat en cà vegn dit che cultura e turism à de besegn de se conjobièr de più e l'arpejon ladina doventa semper de più element de enteress ence da pèrt di ghesc che rua adalèrch. Soraldut ti dis de catiftemp se smaora l numer de persones che chier zeche da fer te val e l Museo Ladin, che chest an compiesc 20 egn per chel che verda la senta zentrèla, à trop da sporjer ajache apede a la sezions sul teritorie l'à endrezà scomenzadives neves e gustegoles. Program de Anna Mazzel.

Mostres Y Ert
Atualmenter
Mostra 'Play!'
La mostra 'Play!' interativa a carater scientifich resta averta te la scola populèra de Vich enscin a en vender ai 20 de aost con orarie 16.00-19.00 e 20.30-22.30. I joegn de Inout é a la leta per vijites vidèdes.
Atualmënter
»Anima Mundi – Arte Pro Natura« cun Gregor Prugger
La mostra tl Museum d'ert cuntemporana a Ciavalëis, ulache l mët ora l artist Gregor Prugger de Urtijëi deberieda cun David Aaron Angeli, Stanislaw Brach, Leonardo Nava, Marco Nones, Giuliano Orsingher y Federico Seppi ie da udëi nchin ai 19.09. da merdi nchin dumënia, dala 10:00–12:00 y 15:30-19:00.
Atualmënter
»Dialogh« de Roland Perathoner
Mostra te Tublà da Nives te Sëlva da udëi nchin ai 28.07. uni di dala 16:00-19:00, de dumënia, merdi, mierculdi y vënderdi nce da sëira dala 20:30-22:00. Roland à fat pea pra plu mostres culetives ti Paejes Tudësc, tl'Austria, Svizra y tl Colorado (USA). L à fat pea pra cuncorsc de scultura n vencian nce doi de chisc.
Atualmënter
Bernardi, Vallazza y d'autri
La mostra de grupa cun Michele Bernardi, Viola Bittl, Johannes Bosisio, Leonardo Silaghi y Hugo Vallazza se dà ju cun l raport di artisć y la realtà te chëla che i lëura. L ie artisć de generazions y cuntesć culturei desferënc. Da udëi tla galaria Ghetta a Puntives sud 8 nchin ai 27.08. da merdi nchin vënderdi dala 15:00-18:00 o cherdan su l 366 1500243.
Atualmënter
»Art and Textiles« – artisć de Lottozero
Chësta mostra tla galaria Vijion a Puntives ie na bela ucajion per udëi la pusciblteies dl'ert cuntemporana de lauré cun fil y drap, tres scultura, fotografia, ceramica, nstala­zion y pitura. I lëures di artisć nternaziunei ie da udëi nchin ai 04.08., da lunesc nchin sada danter la 4 y la 7 domesdì.
Atualmënter
Pitura tridimensciunela de Sonya Hofer
La mostra tl Museum dla Zità a Tluses ie da udëi nchin ai 21.08. da merdi nchin sada dala 9:30-12:00 y 15:30-18:00. Hofer ti ie jita permez te na maniera drët particulera ala Dolomites. I culëures ma nce l material lascia udëi y sentì l crëp plu vif.
Atualmënter
»Piedies« de artisć
Tl Kunstmuseum Erlangen ti Paejes Tudësc mëtel ora 14 artisć dl raion de Bulsan, danter chisc nce i doi artisć de Gherdëina Simon Peratho­ner y Willy Verginer. La mostra ie da udëi nchin ai 01.08. La ntreda ie debant. Nfurmazions plu avisa sot a www.kunstmuseumerlangen.de .
Atualmënter
Markus Vallazza y Dante
Tla Hofburg a Persenon iel la mostra »Markus Vallazza y Dante. L'opra tla opra«, che ie da udëi nchin ai 7 de nuvëmber y unirà acum­panieda da plu manifestazions.
Atualmënter
Mumënc te na udleda
Per »Kunst im Gange« tla cësa de Chemun de Laion vëniel giaurì n juebia dala 18:30 la mostra de fotografies de Valter Pallaoro y Annamaria Pern­stich. La se trata de truep uedli, de udledes curiëuses y spriguledes, omles y che spiza i uedli, de tieres che ie ntëur nëus via. La mostra ie da udëi ntan l'ëures de giaurida dla cësa de Chemun.
Atualmënter
»Le monn ne basta nia«
Tla Ciasa dl Parch Natural a Al Plan él da odëi la mostra »Le monn ne basta nia« cun retrac de Fabian Haspinger da Türesc. Al mostra sö la merscia che la porsona á lascé tla contrada naturala, fajon sö de vigni sort de strotöres ince te munt. Info: 0474 506120.
Atualmenter
L Malghier
Te la sezion sul teritorie del Museo Ladin de Fascia dedichèda ai prodoc dal lat se pel veder coche se fèsc formai. La é averta te Strada Dolomites 233 a Pera fin ai 10 de setember, dal lunesc a la sabeda da les 16.00 a les 19.00. De mercol da les 11.00 l'é la vijita vidèda con preno­tazion de obligh al 0462 760182.
Atualmenter
L Molin de Pezol
La sezion destachèda del Museo Ladin te Strada de Jumela 18 a Pera é averta al publich fin ai 10 de setember dal lunesc a la sabeda da les 10.00 a le 12.00 e da le 16.00 a le 19.00. De mercol da les 17.00 l'é la vijita vidèda per veder coche laora l molin. Prenotazion al 0462 760182.
Atualmenter
L Segat
La sezion sul teritorie del Museo Ladin de Fascia dedichèda al bosch e si lurieres é averta te Strada Ruf de Ruacia 7 a Poza fin ai 10 de setember, dal lunesc a la sabeda da les 10.00 a les 12.00 e da les 16.00 a les 19.00. De vender da les 11.00 l'é la vijita vidèda con prenotazion de obligh al 0462 760182.
Atualmenter
Oraries Museo Ladin
L Museo Ladin de Fascia a Sèn Jan é avert al publich fin ai 10 de setember dal lunesc a la sabeda da les 10.00 a le 12.30 e da le 15.00 a le 19.00. De mèrtesc da les 11.00 se pel tor pèrt a la vijita vidèda con prenotazion al 0462 760182. De lunesc da les 17.00 l'é l Giramuseo per i più picoi.
Atualmenter
La Sia
La sezion destachèda del Museo Ladin te Strèda de Ciamp Trujan 30 a Penia é averta al publich fin ai 10 de setember dal lunesc a la sabeda da les 10.00 a le 12.00 e da le 16.00 a le 19.00. De lunesc da les 11.00 l'é la vijita vidèda con prenotazion de obligh al 0462 760182.
Atualmenter
L Stònt
La sezion destachèda del Museo Ladin su la postazion de trata al tulac di Stan­dschützen é averta al publich te Strèda de Pent de Sera a Ciampedel fin ai 10 de setem­ber dal lunesc a la sabeda da les 16.00 a le 19.00. De jebia da les 17.00 l'é la vijita vidèda con prenotazion de obligh al 0462 760182.
Atualmënter
Mostra de Silvia Nava
Tratan le mëis de messé él da odëi tl salf dles manifestaziuns da Corvara la mostra »At–tratti dalle Dolomiti« de Silvia Nava. An podará jí a ti ciaré ai chedri depënc cun corusc a ega dal mertesc ala sabeda dales 17:00 ales 19:00 y dales 21:00 ales 22:30, la domënia dales 17:00 ales 19:00.
23.07.
»Belvedere« de Ulrich Egger
La Lia Mostra d'Ert/Circolo nvieia ala giaurida ncuei vënderdi dala 19:00 tla sala dla mostres a Urtijëi sun Plaza S. Antone. Egger mostra su pruspetives nueva dl ambient che se à mudà y dassëssa dé na scasseda acioche n se rënde cont che l ie zeche che ne va nia sun chësc mond! Ntro­duzion de Hermann Josef Runggaldier. La mostra sarà da udëi nchin ai 8.8.

Mujiga
23.y 30.07.
Corni da mont
L »Trio Ladinia« sona cun si corni da mont dala 17:00 nchin la 18:00 te Val, te Sëlva.
23.07.
»Abba Show«
Cunzert dal vif cun la »First italian Abba tribute band«, dala 21:00 sun Plaza de Chemun te Sëlva.
24.07.
»The Q Project«
Duman sada dala 20:30 – sce l ie bur' tëmp ai 31.07.– sun Plaza S. Durich a Urtijëi. »The Q Project« ie na grupa nueva, cun dut musicisć de Gherdëina, metuda su coche hommage ala band de mujiga rock nglëija »Queen«. La Lia Mostra d'Ert prejënta chësc proiet che festejea duman si debut. Ntreda debant cun Green Pass.
24.07.
Corvara: conzert de musiga classica y sacrala
Indoman sabeda ai 24 de messé dales 21:15 él te dlijia da Corvara n conzert de musica classica y sacrala. Al sona n grup a archët cun orghi y vidora.
25.07.
Cianté y soné sön munt
En domënia ai 25 de messé dales 13:30 ales 14:30 pón ascuté sö tla Ütia Las Vegas Lodge a San Ciascian n conzert dl trio di corgn da munt »Sassongher«.
28.07.
Cor Sasslong y Cor di Jëuni
Sëira de cianties dala 21:00 tl zënter Iman a S. Cristina cun l Cor Sasslong y l Cor di Jëuni de S. Cristina.
28.07
Balarins y Schuhplattler
Te Sëlva sun Plaza de Che­mun, dala 21:00, cun la Grupa de Bal populer de S. Cristina/Sëlva y i Schuhplattler de Laion.
29.07.
Cunzert dla Mujiga da Bula
A Urtijëi dala 21:00 sun la Pitla Plaza de S. Antone.
29.07.
Cunzert dla Mujiga de S. Cristina
Te Sëlva dala 21:00 sun Plaza de Chemun.

Temp Lede
Atualmenter
Recam solidal
A Vich tel piaz a l'averta vejin a Ciasa Marmolada fin ai 27 de aost vigni mercol e vender (de bon temp) da les 15:00 a les 18:00 i »Mille Centrini« endreza n laboratorie de recam. L'é debant, con mate­rial dat per nia e i lurieres vegn venui per solidarietà. Ge vel se enscinuèr per les 18:00 de la sera dant al 339 7066872.
Atualmënter
Pec dla storia che va a cuer!
L Museum Gherdëina a Urtijëi pieta uni lunesc y vënderdi dala 4 domesdì vijites menedes debant (30 menuc) ai pec che va a cuer dla cule­zions naturalistiches, artisti­ches y storich-cultureles, cun Christine Kasslatter y Pauli Senoner. La ntreda ie a paia­mënt, sot ai 18 ani ne cóstel nia. N ne à nia drë de se nuté su. Per infos tel. 0471 797554.
Atualmënter
Alta Badia Balance
Le festival »Alta Badia Balance«, pîta döta l'edema deplü ativités sciöche escur­jiuns de relassamënt te bosch y leziuns de yoga. Le program cun dötes les informaziuns ciafon sön la plata www.altabadiabalance.com .
Uni vënderdi
Vënderdi lonch
Tl zënter de Urtijëi cun mujiga dal vif dala 18:00 ala 20:30 cun aperitifs speziei y la butëighes daviertes nce dala 21:00 ala 22:30. Ncuei vën­derdi sona Luca Langgartner y David Demetz sun Plaza Stetteneck y Mattia y Giovanni Demetz sun Pitla Plaza S. Antone. Ai 30.07. sunerà i Cheifree Jazz y Marion Moro­der cun Andreas Kondrak.
Uni vënderdi
Shopping da sëira
Te Sëlva sarà ntan cin' sades d'instà, nchin ai 20 d'agost, la butëighes daviertes nce da sëira, dala 21:00 nchin la 22:30.
23. y 30.07.
Vins alaleria
Vigni vëndres domisdé pón tó pert a na degustaziun alaleria di mius vins dl Süd­tirol, adöm cun n sommelier. Incö ai 23 de messé s'incunton dales 14:30 pro les cascades dl Pisciadú a Calfosch, en vëndres ai 30 de messé tl lüch de Ciablun a La Val. Iscriziuns ti ofizi turistics dl'Alta Badia.
24. y 25.07.
Gherdëina Craft Beer Festival
Sun Plaza de Chemun te Sëlva da n vënderdi dala 16:00 inant. Ot produtëures de pier pieta si pier ora de barijel. L sarà mujiga dal vif y metuda su dal Dj. N dumënia danmesdì: lianies blances y pier de selin.
25.07.
De dl Movimënt
Le parch »Movimënt« sön Piz La Ila pîta ai 25 de messé dales 10:30 inant la poscibilité da passé n bel de cun la familia. Por i plü pici sarál animadus, artisć de strada, strinadus y jüc. I geniturs pó deperpo se relassé y jí te ütia a se bëre o se mangé valch.
26.07.
Juesc y devertimënt per pitli
Sun Plaza de Chemun te Sëlva dala 17:00 nchin la 19:00. Tlo possa i pitli pastelné tieres y auter, ntënjer malietes cun culëures naturei, fé codles de jiefa y juesc coche muejer la vacia y d'autri nce deberieda cun »Mago Bryan«. N ne à nia drë de se lascé nuté su.
27.07.
Pastelné cun materiai naturei
N merdi dala 14:00 nchin la 18:00 sun la Pitla Plaza de S. Antone a Urtijëi iel na berstot de pastelné per mutons. L ne n'ie nia da se lascé nuté su danora. N possa fé pea debant.
27.07.
Marcià di paures y prudoc tradiziunei
L marcià tradiziunel cun prudoc tipics, zidlei y fac dai paures de Südtirol sarà inò ntan dut l instà uni merdi dala 19:00 nchin la 22:00 tl raion da jì a pe »Bënunii« de S. Cristina.
27.07.
Cujiné te ütia
En mertesc ai 27 de messé dales 14:30 vëgnel pité la poscibilité da cujiné spezialités ladines adöm cun n cogo, tla Ütia I Tablá. Infos y iscriziuns anter le de denant, ti ofizi turistics dl'Alta Badia.
27.07.
Entorn Vich
En mèrtesc ai 27 de messèl con scomenz da les 18.30 l Comitat manifestazions Vich Events endreza l secondo apuntament de Entorn Vich, na raida fora per paìsc con musega, cultura e degusta­zions. Se pel comprèr i biliec dantfora su http://bit.ly/EntornVich21 .
28.07.
Domisdé di mituns
I mituns y les mitans da 5 a 12 agn é inviá en mercui ai 28 de messé da tó pert a n domisdé di mituns tl Museum Ladin Ursus ladinicus a San Ciascian. Dales 17:00 podarái vijité le museum y dedô gna­rál fat deplü ativités manuales y creatives. Iscri­ziuns tl ofize turistich da San Ciascian, anter les 16:00.
28.07.
Jun a pe cun i alpacas
En mercui ai 28 de messé á pici y gragn la poscibilité da tó pert a na spazirada cun i alpacas, pro le lüch »La Poza« a Calfosch. An pëia ia dales 15:30, por rové cina ti pra sot les cascades dl Pisciadú. Prenotaziuns ti ofizi turistics dl'Alta Badia.
28.07.
Pitl marcià de prudoc tipics
N pitl marcià de prudoc tipics vëniel nce metù a jì de mierculdi dala 15:00 nchin la 19:30 sun la Pitla Plaza de S. Antone a Urtijëi y dala 15:30 nchin la 19:00 sun Plaza Nives te Sëlva.
28.07.
»Deberieda per no desmincë l 2 de agost dl 1980«
Stafeta per no desmincë la »Strage di Bologna«. N mier­culdi dala 13:20 se ancónten sun Pitla Plaza de Sant Antone cun l'autoriteies. Da dedò vëniel pià via – a pe, sautan, cun la roda, coche n uel. Uniun possa jì pea tan lonc che l uel o che l ie bon. N ne à nia drë de se nuté su danora.
28. – 30.07.
Nos Ladins
L'iniziativa »Nos Ladins« vá inant. Ai 28 de messé pón imparé da cují cun Anita a San Ciascian, ai 29 vëgnel tigní n curs de ladin cun Elena a Badia, ai 30 pón jí a cöie erbes dl bosch cun Andrea. Infos y iscriziuns anter le de denant ti ofizi turistics dl'Alta Badia.
29.07.
Juesc y devertimënt cun »Mago Bryan«
De juebia dala 20:30 nchin la 21:30 tl raion da jì a pe »Bënunii« a S. Cristina dal l hotel Post.
29.07.
Turnoi dl juech »no te dessené«
Per mutons da 6 a 14 ani, sun Plaza de dlieja a Urtijëi, n juebia dala 15:00 nchin la 17:00. L ie da se scrì ite nchin ai 28.07. tla biblioteca San Durich.
30.07.
I mituns cujina
Mituns da 4 agn insö pó tó pert a n laboratore da cujiné, adöm cun Elisa Perillo. Vignun pó arjigné ca süa picia marëna, te süa postaziun. Al vëgn damané la presënza de n adult. An s'incunta en vëndres ai 30 de messé dales 15:30, pro le paiun da Corvara. Infos y iscriziuns ti ofizi turistics dl'Alta Badia, anter le de denant.
30.07.
Iluminaziun dla Tridentina
En vëndres ai 30 de messé dales 21:15 vëgnel iluminé la via ferata Tridentina. An pó la odëi dal zënter da Calfosch sö y ara gnará abelida da melodies plajores.

Cursc
Atualmënter
Hockey por mituns
Tl stadiun dala dlacia da Corvara vëgnel metü da jí n curs de hockey por mituns nasciüs dal 2014 y ince plü pici. Le curs á metü man ai 19 de messé y vá inant vigni lönesc y mercui dales 16:45 ales 17:30. Por infos: 331 3667023 (Ivan).
26. y 27.07.
La Val: lauré cun felter
La Uniun Ëres La Val en colaboraziun cun le Consëi de Formaziun mët a jí n curs por mituns olache al gnará lauré cun felter. Le curs é por mitans y mituns dai 6 ai 16 agn y vëgn tigní intrami i dis dales 8:00 ales 12:00. Infos y iscriziuns: 329 2597048.
28.07.
La Val: pastelné tiers cun coches
La Uniun Ëres La Val en colaboraziun cun le Consëi de Formaziun mët a jí ai 28 de messé dales 9:00 ales 12:00 n curs da fá tiers cun coches. Al é por mitans y mituns da 3 a 12 agn. Infos y iscriziuns: 329 2597048.

Concursc
Nchin ai 15.09.
PandeMusic - Nuvità
Dala Provinzia àn giapà n cuntribut per sustenì scumen­ciadives cultureles do la gran stluta. Duc chëi che fej pea pra l cuncors, y à i recuisic aldò dla bandida, giapa n cuntribut! Mplu saràl da vëncer pesć per na cumpo­sizion particular­mënter uri­ginela, per n test che va particularmënter a cuer y per grupes de jëuni 2000+ (nasciui do l ann 2000). Sambën vencerà i miëures sëuraprò mo de biei pesć. Nfurmazions: Servisc Furmazion Gherdëina tel. 0471 794268. La bandida dl cuncors ie sot a https://www.micura.it .

Avisc
Atualmënter
Marënda per i »over 60«
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant do marënda, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Atualmënter
Museum Gherdëina daviert plu giut
L Museum tla Cësa di Ladins a Urtijëi à per d'instà n orar slungià y ie perchël daviert dal lunesc ala sada, for dala 10:00-13.00 y dala 14:00-18:00. Per vijites ora dl orar reguler y vijites menedes pòssen cherdé su l 0471 797554. Plu nfurmazions sot a www.museumgherdeina.it .
Atualmënter
Sorvisc de consulënza
Le Sorvisc ai Jogn Val Badia lascia alsavëi che le sorvisc de consulënza por jogn, jones y geniturs é davert tratan l'isté y fina amez setëmber sön apuntamënt o tres telefon al 342 8410721, mail barbara@jogn.org. An pó damané do na consulënza personala sön temesc che reverda la jonëza y/o l'educaziun.
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, Por tó sö contat pón scrí a info.bruneck@frauen­helfenfrauen.it o telefoné al 0474 410303.
Atualmënter
Iniziativa di ëi de Puster – MIP
L'ofize dla MIP – Männer­initiative Pustertal dëida i ëi y peri pro caji de devorz, pîta aiüt te situaziuns de dificolté. L'ofize é tl Paternsteig nr. 1 a Bornech. Contat: tel. 0474 555848, info@mip-pustertal.it
26.07.
Proiezion del film »Con il sorriso«
Tel chèder de la rassegna Enjoy Poza, en lunesc ai 26 de messèl da les 9 da sera te sala de l'oratorie de Poza proiezion del film »Con il sorriso« con l regist Andrea Azzetti, la protagonista Roberta Silva e Mauro Leveghi president de Trent Film Festival.
27/30.07.
Scontrèda de la biblioteca de Cianacei
En mèrtesc ai 27 de messèl da les 21.00 te chino Marmo­lèda la biblioteca de Cianacei endreza na scontrèda con l scritor Carlo Martinelli che prejenta il liber »Un libro ogni trenta secondi«. En vender ai 30 scontrèda con Margherita Detomas e Domenico Volcan en recort de Mario Rigoni Stern e la proiezion del filmat »Le stagioni di Mario«.
28.07.
I monc ocajions de rescat
En mercol ai 28 de messèl da les 21.00 te piaz Marconi a Cianacei la sociazion »Campo Base« endreza na scontrèda con Nikolaj Niebuhr pascionà alpinist, Chiara Mazzel schiadora paralimpica e sia guida Fabrizio Casal.
24/29.07
Ispirazions d'istà
En sabeda ai 24 de messèl da les 21.15 a La Gran Ciasa a Soraga Armando Fumagalli e Andrea Fagioli rejona de Fiction e valores, da don Matteo a Che Dio ci aiuti. Ai 29 da les 21.00 te gejia de Poza mons. Nicola Ciola rejonarà de 'Fratelli tutti', Enciclica de Papa Francesch su fraternità e amicizia sozièla, con scomenzadives concretes de la Diozesa de Trent.
28.07.
A Moena enconter con Carlo Cottarelli
En mercol ai 28 de messèl da les 21.00 te sala Simonin Maza de la scoles per la ressegna »Moena Incontri« vegn endrezà na scontrèda con l professor Carlo Cottarelli che prejenta sie ultim liber »All'inferno e ritorno – Per la nostra rinascita sociale e economica«.

Religion
24.07.
Pelegrinasc sun Jevun
L'Ena dla familia vën stluta ju cun l pelegrinasc a chël che duta la families ie nviedes. N se urta dala 10:00 sun plaza de dlieja a Tluses (nchina iló vàn cun auti privac o cun mesuns publics), per muever pona de viers de Jevun. Iló tenirà l digan Sn.Vijo na funzion. Da dedò se maieràn deberieda zeche ora de flucion.

Chino
Atualmenter
Al chino de Cianacei
Insnet, vender ai 23 de messèl, en sabeda ai 24 e en domenia ai 25, da les 17.00 l'é »Peter Rabbit 2« e da les 21.15 »Black Widow«. En mèrtesc ai 27 e en mercol ai 28 da les 21.15 l'é »Agente speciale 117«, en jebia ai 29 da les 17.00 l'é »Raya e l'ultimo drago«.
Atualmenter
Al chino de Tieser
Insnet,vender ai 23 da les 21.15 l'é »I Croods 2«, ai 24 da les 17.15 vegn moscià »I Croods 2« e da les 21.15 »Black Widow«, ai 25 da les 17.15 »I Croods 2« e da les 21.15 »Io sono nessuno«, ai 27 da les 21.15 »The father«, ai 28 da les 17.15 »Peter Rabbit« e da les 21.15 »The father«, ai 29 e 31 de messèl e al prum de aost da les 21.15 »Sognando a New York«.
23.07.
Dolomitale On Tour
Ncuei vënderdi dala 21:00 sun Pana a S. Cristina iel da udëi l »Alpen Film Festival« n program de films curc che à da n fé cun i raions da mont. I films ie per tudësch cun sottituli per talian. Da bur' tëmp vën i films mustrei tla Cësa de Cultura a Urtijëi. Ntreda debant.
23.07.
»Das Camp«, film per l'Ena dla familia
Te sala de calonia a Urtijëi, dala 20:30. L se trata de n film che va a cuer y ie da rì. Na testemunianza de fede y de amor per l proscimo. Ispirà da na storia vëira, adateda per granc y mutons dai 6 ani insù.
30.07.
Dolomitale On Tour
N vënderdi che vën dala 20:30 te Sëlva pra Tublà da Nives uniràl mustrà »Der kleine Cowboy« de Lisa Maria Kersch­baumer y »Climbing Iran« de Francesca Borghetti. I films a sottituli per talian, l auter per tudësch. Da bur' tëmp sarà la manifestazion sun plaza de Chemun. Ntreda debant.
23.07
»Il sale della terra«
Por la ligna Film.Club, vëgnel lascé odëi en vëndres ai 23 de messé dales 21.00 tla Val dl'Ert, a ca. 30 menüc a pe dal Museum Ladin Ciastel de Tor da San Martin , le film »Il sale della terra« de Wim Wenders & Juliano R. Salgado. Sce al é burt tëmp vëgn la manifestaziun desdita.
24.07.
Pearl Harbor con Lum Cinema
Doman, sabeda ai 24 de messèl, da les 21.30 al zenter sportif Navalge Lum Cinema met dant la proiezion a l'averta e tel lengaz originèl del film »Pearl Harbor«. Prenotazions sul sit www.lumcinema.co.uk o al box te piaz Navalge.

Iadi y Jites
Uni merdi
Jita geologica meneda
L Museum dla Natura de Bulsan mët a jì uni merdi dala 14:00 inant na jita cun l paleontologh Herwig Prinoth, che spiega sun l Geotrail sa Bula te na maniera drët nteressanta la geologia y la storia dla furmazion dla Dolomites. L ie da se nuté danora tla Lia dl Turism de Urtijëi, tel. 0471 777600, ulache n se urta per muever.
Uni merdi
Raida di mejes sa Sacun
Vijita ai mejes de Mëune y Peza y ala dlieja da Sacun y ntroduzion tl Museum Gher­dëina. Chëst ann iel pra i mejes nce da udëi miniatures di mestieres da paur fac cun savëi da Siegfried Irsara. N se urta dala 9:00 tl Museum per stlù ju dala 13:00 sa Sacun. Nfurmazion y iscrizion: Museum Gherdëina Urtijëi, tel. 0471 797554, info@museumgherdeina.it .

Galaria retrac