Manifestazions atuales

Data

30 de messel 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 30 de messel
Dotours
Dutor Gherdëina
L dutor de servisc da n sada ai 31.07. dala 8:00 daduman nchin la 8:00 daduman de n lunesc ai 02.08. ie l dutor Pablo Policastro tl ambula­tuere di dutores Kostner/Weber, a Urtijëi tla streda Trebinger 10, tel. 366 3646 254.
Doturs Val Badia
Tla fin dl'edema di 31 de messé y 1. d'agost él en sorvisc ti comuns de Mareo y San Martin la doturia Margarete Mahlknecht, La Val, tel. 349 0667034 o 0474 523018. Ti comuns de Badia y Corvara él en sorvisc le dotur Guido Caretta, Calfosch/Corvara, tel. 0471 836870 o 337 616080.

Apoteches
Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 23.07. nchin n vënderdi ai 07.08. ie chëla de Sëuc, tel. 0471 708970 (orar de giaurida lu-ve 8:30-12:30/15:00-19:00, sada 8:30-12:30, juebia domesdì stlut).
Apoteches Val Badia
L'apoteca en sorvisc fora dl orar ordinar, dal vëndres ai 30 de messé dales 19:00 al vëndres ai 6 de agost ales 19:00, é chëra da La Ila, tel. 0471 847152.

Temp Lede
Atualmenter
Recam solidal
A Vich tel piaz a l'averta vejin a Ciasa Marmolada fin ai 27 de aost vigni mercol e vender (de bon temp) da les 15:00 a les 18:00 i »Mille Centrini« endreza n laboratorie de recam. L'é debant, con mate­rial dat per nia e lurieres vegn venui per solidarietà. Ge vel se enscinuèr per les 18:00 de la sera dant al 339 7066872.
Atualmënter
Pec dla storia che va a cuer!
L Museum Gherdëina a Urtijëi pieta uni lunesc y vën­derdi dala 4 domesdì vijites menedes debant (30 menuc) ai pec che va a cuer dla cule­zions naturalistiches, artisti­ches y storich-cultureles, cun Christine Kasslatter y Pauli Senoner. La ntreda ie a paia­mënt, sot ai 18 ani ne cóstel nia. N ne à nia drë de se nuté su. Per infos tel. 0471 797554.
Atualmënter
Alta Badia Balance
Le festival »Alta Badia Balance«, pîta döta l'edema deplü ativités sciöche escur­jiuns de relassamënt te bosch y leziuns de yoga. Le program cun dötes les informaziuns ciafon sön la plata www.altabadiabalance.com .
De vënderdi
Vënderdi lonch
Tl zënter de Urtijëi cun mujiga dal vif dala 18:00 ala 20:30, aperitifs speziei y la butëighes daviertes nce dala 21:00 ala 22:30. Ncuei 30.07. sona i Cheifree Jazz sun Plaza Stette­neck y Marion Moroder cun Andreas Kondrak sun Pitla Plaza S. Antone. Ai 06.08. sunerà Silvy Perathoner cun Raffaele Barberio, Simon Rabanser y Georg Malfer­theiner.
De vënderdi
Shopping da sëira
Te Sëlva saràl uni vënderdi nchin ai 20 d'agost, la butëi­ghes daviertes nce da sëira, dala 21:00 nchin la 22:30.
01.08.
Gran festa cun i guanc dala gherdëina
N dumënia dala 16:00 inant saràl te Sëlva la gran defileda tradiziunela »Gröden in Tracht«.
01/08.08
Circen Dolomites Festival
En domenia prum de aost da les 14.30 te Campié (Val de Sèn Nicolò) taca l rich pro­gram del Circen Dolomites Festival che jirà inant ogne dì con spetacoi ogni dì te lesc desferenc de Fascia e se serarà sù en domenia ai 8 sun Gar­decia. Program sun www.circendolomitesfestival.com 
02.08.
Juesc y devertimënt per pitli
Sun Plaza de Chemun te Sëlva dala 17:00 nchin la 19:00. Tlo possa i pitli pastelné tieres y auter, ntënjer malietes cun culëures naturei, fé codles de jiefa y juesc coche muejer la vacia y d'autri nce deberieda cun »Mago Bryan«. N ne à nia drë de se lascé nuté su.
02.08.
Eco-hiker
En lönesc ai 2 d'agost dales 16:00 él tla localité Sciaré a San Ciascian le proscim apun­tamënt cun eco – hiker, na iniziativa liada ala ecososteni­bilité de nostes munts. Tratan na escurjiun acompa­gnada él i partezipanc che dá n contribut ala natöra, rome­nan sö i trus. Iscriziuns ti ofizi turistics dl'Alta Badia, anter le de denant.
03.08.
Cujiné te ütia
En mertesc ai 3 de agost dales 14:30 vëgnel pité la poscibilité da cujiné spezialités ladines adöm cun n cogo, tla Ütia de Bioch. Infos y iscriziuns anter le de denant, ti ofizi turistics dl'Alta Badia.
03.08.
Calfosch: devertimënt por mituns
En mertesc ai 3 d'agost pó mitans y mituns da 4 a 12 agn tó pert a n domisdé de devertimënt. Dales 15:00 gnarál mostré sciöche al vëgn fat pan, tl furn da pan pro le parch dai tiers a Calfosch. Dedô pó i mituns pastelné na marionëta cun materiai desvalis. Iscriziuns ti ofizi turistics dl'Alta Badia.
03.08.2021
Pastelné julons
N merdi dala 14:00 nchin la 16:00 sun Pra da Nives te Sëlva saràl na persona esperta che ti mostra ai mutons che se pastelné adum n julon per dopro l lascé julé tl aier.
03.08.
Pastelné cun materiai naturei
N merdi dala 14:30 nchin la 18:00 sun la Pitla Plaza de S. Antone a Urtijëi iel na berstot de pastelné per mutons. L ne n'ie nia da se lascé nuté su danora. N possa fé pea debant.
03.08.
Marcià di paures y prudoc tradiziunei
L marcià tradiziunel cun prudoc tipics, zidlei y fac dai paures de Südtirol sarà inò ntan dut l instà uni merdi dala 19:00 nchin la 22:00 tl raion da jì a pe »Bënunii« de S. Cristina.
03.08.
Vedrines vivëntes
N merdi sëira dala 21:00 nchin la 22:00 saràl da udëi te 19 butëighes de Sëlva la vedrines vivëntes.
04.08.
La Val: presentaziun di stödafüch
I Stüdafüch da La Val deura les portes por pici y gragn, en mercui ai 4 de agost. Dales 21:15 pón jí a ciaré le magazin y i auti. Mëmbri dla uniun spliga döta l'atrezadöra.
04.08.
Domisdé di mituns tl Museum Ursus Ladinicus
Mituns y mitans da 5 a 12 agn é inviá en mercui ai 4 d'agost a n domisdé tl Museum Ladin Ursus ladinicus a San Ciascian. Dales 17:00 pói vijité le museum y dedô gnarál fat ativités manuales y creati­ves. Iscriziuns tl ofize turistich da San Ciascian, anter les 16:00.
04. y 05.08.
Nos Ladins
L'iniziativa »Nos Ladins« vá inant. Ai 4 d'agost pón imparé da conësce i socrëc dla ciasa­dafüch ladina cun Annamaria, ai 5 d'agost pón imparé da conësce le lingaz di cerfs cun Lukas. Infos y iscriziuns ti ofizi turistics dl'Alta Badia, anter le de denant.
04.08.
Pitl marcià de prudoc tipics
N pitl marcià de prudoc tipics vëniel nce metù a jì de mier­culdi dala 15:00 nchin la 19:30 sun la Pitla Plaza de S. Antone a Urtijëi y dala 15:30 nchin la 19:00 sun Plaza Nives te Sëlva.
05.08.
Juesc y devertimënt cun »Mago Bryan«
De juebia dala 20:30 nchin la 21:30 tl raion da jì a pe »Bënunii« a S. Cristina dal l hotel Post.
05.08.
Domesdì de Daksy te Val
Uni juebia d'agost vàn ala scuvierta dla natura. Brigitte, l'assistënta dl Parch Naturel, ve aspieta cun ncëries nteres­santes y criatives y truep juesc per mparé a cunëscer l Parch Naturel, patrimone dl UNE­SCO. Vie nce tu! Te Val te Sëla dala 14:00 nchin la 16:30.

Sport
Atualmënter
Se scrì ite al FC Gherdëina
Mutons y mutans nasciui dan l 2015, che ulëssa gën pratiché l sport dl juech dala codla ie nviei a se scrì ite pra l club. La iscrizions ie da fé online. N à mé drë de jì ite sun la homepage dl club www.fc-gherdeina.com . Per plu nfurmazions pòssen cherdé su Christof Rifesser al 370 7003788.
Agost
Camp de jadiné sun dlacia
L Eisclub Gherdëina mët a jì doi enes de sport y devertimënt per mutans y mutons danter 5 y 10 ani, dai 9. ai 13.8. y dai 16. ai 20.8., tl stadio dala dlacia de Sëlva for dala 14:30 ala 18:30. Te na cumbinazion danter jadiné, bal y ginastica possa i mutons mparé truepa abiliteies. Per infos y iscrizions: marion_p82@hotmail.com o tel. 333 6048898 (domesdì o da sëira). Priesc: 100 €/ena. Posć limitei!

Referac
02.08.
Messner a Cianacei
En lunesc ai 2 de aost da les 21:00 te chino Marmolèda de Cianacei Campo Base endreza na scontrèda con l'alpinist Reinhold Messner en colaborazion con Scritura Festival su la Dolomites.
03/09.08.
Ispirazions d'istà
En mèrtesc ai 3 de aost da les 21:00 te gejia de Pera Gregorio Vivaldelli porta dant »Donna, se' tanto grande e tanto vali«, Maria de Nazareth te la Divina Commedia. En lunesc ai 9 de aost da les 21.15 te tendon de Vich »Chiara Lubich: origine e carisma di un movimento«.
04.08.
Carnascèr ladin con Cesare Poppi
En mercol ai 4 de aost da les 21:00 a Cianacei te Piaz Marconi o, se fossa burt, te la sala te sot del chino de Marmolèda, l'antropologh Cesare Poppi rejona del Car­nascèr fascian anter tradizion e traduzion.
05.08.
Film y referat n con' dl Everest
N juebia dala 17:00 tla Cësa de Cultura de Sëlva uniràl mustrà l film »Fino alla fine dell'Everest« che documentea coche Davide Chiesa ova arjont tl 2017 la piza dl Everest. L unirà dopro nce rujenà dla spedizion cun duta si triches, problematiches y legrëzes.

Concursc
Nchin ai 15.09.
PandeMusic - Nuvità
Dala Provinzia àn giapà n cuntribut per sustenì scumen­ciadives cultureles do la gran stluta. Chiche fej pea pra l cuncors, y à i recuisic aldò dla bandida, giapa n cuntribut! Mplu iel pesć per na cum­posizion particularmënter uriginela, n test che va a cuer y per grupes de jëuni 2000+. Sambën vencerà i miëures sëuraprò mo de biei pesć. Infos: Servisc Furmazion Gherdëina tel. 0471 794268. La bandida dl cuncors ie sot a https://www.micura.it .

Mostres y Ert
Atualmënter
»Belvedere« de Ulrich Egger
Egger lascia udëi tan zite che ie nosc mond materiel. L mostra su na pruspetiva nueva dl ambient che se à mudà y dassëssa ti dé na scasseda al'umanità. La mostra ie tla sala dla Lia Mostra d'Ert/Circolo a Urtijëi y ie da udëi nchin ai 8.8 da merdi nchin juebia, dala 16:00-20:00, de vënderdi, sada y dumënia dala 16:00 ala 22:00.
Atualmënter
»Anima Mundi – Arte Pro Natura« cun Gregor Prugger
La mostra tl Museum d'ert cuntemporana a Ciavalëis, ulache l mët ora l artist Gregor Prugger de Urtijëi deberieda cun David Aaron Angeli, Stanislaw Brach, Leonardo Nava, Marco Nones, Giuliano Orsingher y Federico Seppi ie da udëi nchin ai 19.09. da merdi nchin dumënia, dala 10:00–12:00 y 15:30-19:00.
Atualmënter
Bernardi, Vallazza y d'autri
La mostra de grupa cun Michele Bernardi, Viola Bittl, Johannes Bosisio, Leonardo Silaghi y Hugo Vallazza se dà ju cun l raport di artisć y la realtà te chëla che i lëura. L ie artisć de generazions y cuntesć culturei desferënc. Da udëi tla galaria Ghetta a Puntives sud 8 nchin ai 27.08. da merdi nchin vënderdi dala 15:00-18:00 o cherdan su l 366 1500243.
Atualmenter
Mostra 'Play!'
La mostra 'Play!' interativa a carater scientifich resta averta te la scola populèra de Vich enscin a en vender ai 20 de aost con orarie 16.00-19.00 e 20.30-22.30. I joegn de Inout é a la leta per vijites vidèdes.
Atualmënter
»Art and Textiles« – artisć de Lottozero
Chësta mostra tla galaria Vijion a Puntives ie na bela ucajion per udëi la pusciblteies dl'ert cuntemporana de lauré cun fil y drap, tres scultura, fotografia, ceramica, nsta­lazion y pitura. I lëures di artisć nternaziunei ie da udëi nchin ai 04.08., da lunesc nchin sada danter la 4 y la 7 domesdì.
Atualmënter
Pitura tridimensciunela de Sonya Hofer
La mostra tl Museum dla Zità a Tluses ie da udëi nchin ai 21.08. da merdi nchin sada dala 9:30-12:00 y 15:30-18:00. Hofer ti ie jita permez te na maniera drët particulera ala Dolomites. I culëures ma nce l material lascia udëi y sentì l crëp plu vif.
Atualmënter
»Piedies« de artisć
Tl Kunstmuseum Erlangen ti Paejes Tudësc mëtel ora 14 artisć dl raion de Bulsan, danter chisc nce i doi artisć de Gherdëina Simon Pera­thoner y Willy Verginer. La mostra ie da udëi nchin ai 01.08. La ntreda ie debant. Nfurmazions sot a www.kunstmuseumerlangen.de .
Atualmënter
Mumënc te na udleda
Per »Kunst im Gange« iel da udëi tla cësa de Chemun de Laion la mostra de fotografies de Valter Pallaoro y Anna­maria Pernstich. La se trata de truep uedli, de udledes curiëuses y spriguledes, omles y che spiza i uedli, de tieres che ie ntëur nëus via. La mo­stra ie da udëi ntan l'ëures de giaurida dla cësa de Chemun.
Atualmënter
Al Plan: »Le monn ne basta nia«
Tla Ciasa dl Parch Natural a Al Plan él da odëi la mostra »Le monn ne basta nia« cun retrac de Fabian Haspinger da Türesc. Al mostra sö la merscia che la porsona á lascé tla contrada naturala, fajon sö de vigni sort de strotöres ince te munt. Info: 0474 506120.
Atualmënter
»Efet Clima, contrades y natöra che se müda«
Chësc le titul de na mostra alaleria che é da odëi cina ai 19 de setëmber tl parch »Col dles Cialciares« a Al Plan. Al é da odëi retrac de Sergio Pitamitz (contribuënt dla »National Geographich Image Collection), che mostra sö co che les mudaziuns climatiches stramüda les contrades.
Atualmënter
»Simbol, podëi, movimënt – Tirol tles chertes storiches«
Tl Museum Ciastel Tirol dlungia Maran él da odëi cina ai 21 de novëmber na mostra che pîta na racoiüda de chertes geografiches storiches. Lapró ince zacotan de esponac de localités ladines, cun chertes cënc d'agn vedles.
Atualmënter
Markus Vallazza y Dante
Tla Hofburg a Persenon iel la mostra »Markus Vallazza y Dante. L'opra tla opra«, che ie da udëi nchin ai 7 de nuvëm­ber y unirà acumpa­nieda da plu manifestazions.
Atualmenter
L Malghier
Te la sezion sul teritorie del Museo Ladin de Fascia dedi­chèda ai prodoc dal lat se pel veder coche se fèsc formai. La é averta te Strada Dolo­mites 233 a Pera fin ai 10 de setember, dal lunesc a la sabeda da les 16.00 a les 19.00. De mercol da les 11.00 l'é la vijita vidèda con prenota­zion de obligh al 0462 760182.
Atualmenter
L Molin de Pezol
La sezion destachèda del Museo Ladin te Strada de Jumela 18 a Pera é averta al publich fin ai 10 de setember dal lunesc a la sabeda da les 10.00 a le 12.00 e da le 16.00 a le 19.00. De mercol da les 17.00 l'é la vijita vidèda per veder coche laora l molin. Prenotazion al 0462 760182.
Atualmenter
L Segat
La sezion sul teritorie del Museo Ladin de Fascia dedi­chèda al bosch e si lurieres é averta te Strada Ruf de Ruacia 7 a Poza fin ai 10 de setember, dal lunesc a la sabeda da les 10.00 a les 12.00 e da les 16.00 a les 19.00. De vender da les 11.00 l'é la vijita vidèda con prenotazion de obligh al 0462 760182.
Atualmenter
Oraries Museo Ladin
L Museo Ladin de Fascia a Sèn Jan é avert al publich fin ai 10 de setember dal lunesc a la sabeda da les 10.00 a le 12.30 e da le 15.00 a le 19.00. De mèrtesc da les 11.00 se pel tor pèrt a la vijita vidèda con prenotazion al 0462 760182. De lunesc da les 17.00 l'é l Giramuseo per i più picoi.
Atualmenter
La Sia
La sezion destachèda del Museo Ladin te Strèda de Ciamp Trujan 30 a Penia é averta al publich fin ai 10 de setember dal lunesc a la sabeda da les 10.00 a le 12.00 e da le 16.00 a le 19.00. De lunesc da les 11.00 l'é la vijita vidèda con prenotazion de obligh al 0462 760182.
Atualmenter
L Stònt
La sezion destachèda del Museo Ladin su la postazion de trata al tulac di Stand­schützen é averta al publich te Strèda de Pent de Sera a Ciampedel fin ai 10 de setem­ber dal lunesc a la sabeda da les 16.00 a le 19.00. De jebia da les 17.00 l'é la vijita vidèda con prenotazion de obligh al 0462 760182.
03.08.
Laurs de Siegward Sprotte
En mertesc ai 3 de agost vëgnel daurí a Corvara na mostra dl depenjadú y filosof todësch Siegward Sprotte, dal titul »La Val Badia tla pitöra dl gran artist todësch«. La mostra é da odëi tl salf dles manifestaziuns, cina ai 29 de agost. Orars: vigni de dales 16:30 ales 19:30 y dales 21:00 ales 22:30.

Mujiga
30.07. y 06.08.
Corni da mont
L »Trio Ladinia« sona cun si corni da mont dala 17:00 nchin la 18:00 te Val, te Sëlva.
01.08.
Cianté y soné sön munt
En domënia al 1. d'agost dales 13:30 ales 15:00 él tla Ütia Scotoni a San Ciascian n con­zert dla »Böhmische La Ila«.
04.08.
»VOXacord«y »Postuba«
Cunzert dl vocalensemble y dl cuartet de posaunes, cun dut ciantarins y ciantarines y musicisć de Gherdëina ie n mierculdi dala 21:00 te dlieja de S.Cristina.
04.08.
Cunzert dla Mujiga da Bula
N mierculdi dala 21:00 tl pavilon nuef sa Bula.
05.08.
Corni da mont
L »Trio Ladinia« sona cun si corni da mont n juebia dala 16:00 nchin la 17:30 sa la stazion suinsom de Secëda.
05.08.
Cunzert dla Mujiga de Urtijëi
N juebia dala 21:00 inant. Una na grupa dla Mujiga sunerà sun Plaza Stetteneck y l'autra grupa sun la Pitla Plaza de S. Antone.
05.08.
Cunzert dla Mujiga de Sëlva
N juebia dala 21:00 sun Plaza de Chemun de Sëlva.
07.08.
Jëuni Rocking Sëlva
N sada che vën dala 18:00 sun Plaza de Chemun de Sëlva. Metù a jì dala grupa di »Jëuni de Sëlva«.
08.08
Matinée cun »de cater« y »Unknown Brass«
N dumënia che vën dala 10:30 nchin la 11:30 pra l pitl lech sun la Panaraida, cunzert cun la grupa de ciantarines de Gherdëina »de cater« y l ensemble de strumënc a fla de Puster »Unknown Brass«.

Chino
Atualmenter
Al chino de Cianacei
Insnet, vender ai 30 de messèl e doman, sabeda ai 31 da les 17:00 l'é »Raya e l'ultimo drago« e da les 21:15 l'é »La felicità degli altri«, mèrtesc ai 3 e mercol ai 4 de aost da les 21:15 l'é »Black Widow«, jebia ai 5, sabeda ai 7 e domenia ai 8 da les 17:00 e da les 21:15 l'é »Jungle Cruise«.
Atualmenter
Al chino de Tieser
Insnet,vender ai 30 de messèl da les 21:15, sabeda ai 31 e domenia al prum de aost da les 17:00 l'é »Jungle Cruise«, mèrtesc ai 3 e mercol ai 4 da les 21:15 l'é »Un divano a Tunisi«, mercol ai 4 vender ai 6 de aost da les 17:15 l'é »I croods 2«.
30.07.
Dolomitale On Tour
Ncuei vënderdi dala 20:30 te Sëlva pra Tublà da Nives uniràl mustrà alalergia l film »Der kleine Cowboy« de Lisa Maria Kerschbaumer y »Climbing Iran« de Francesca Borghetti. I films a sottituli per talian o per tudësch. Da bur' tëmp sarà la manifestazion sun plaza de Chemun de Sëlva. Ntreda debant.
06.08.
Dolomitale On Tour
N vënderdi che vën dala 21:00 sun Col Raiser a S. Cristina uniràl mustrà l film de Luis Trenker »La grande conquista« (titul uriginel: Der Berg ruft)«. Da bur' tëmp sarà la manife­stazion tla cësa di cungresc a Urtijëi. Ntreda debant.

Leteratura
30.07.
Ancunteda l autëur Alessandro Milan
Per la lingia dla ancuntedes cun i autëures iel ncuei vënderdi dala 17:30 a Urtijëi tla Cësa de Cultura l'ancun­teda cun Alessandro Milan.
30.07/05.08.
Scontrèdes de la 'biblioteca a Cianacei
Te Comun da les 17:30 vender ai 30 recorc de Mario Rigoni Stern con Margherita Deto­mas, Domenico Volcan e l film »Le stagioni di Mario« e en mèrtesc ai 3 Susan e Alan Boyle prejenta l liber »Spiriti delle Dolomiti«. En jebia ai 5 da les 21:00 te chino Mar­molèda l grop New Eos con »La scelta del Jobrero«.
02.08.
I recorc de Fernando Brunel
Tel chèder de la rassegna Enjoy Poza, en lunesc ai 2 de aost da les 9 da sera te oratorie de Poza scontrèda con Fer­nando Brunel che prejenta sie liber »Mie istà sun Tamion«, dat fora da l'Union di Ladins de Fascia.
03.08.
Ancunteda l autëur Alessandro De Lisi
Per la lingia dla ancuntedes cun i autëures iel n merdi dala 17:30 a Urtijëi tla Cësa de Cultura l'ancunteda cun Alessandro De Lisi.
05.08.
Ancunteda l autëur Beppe Severgnin
Per la lingia dla ancuntedes cun i autëures iel n juebia dala 17:30 a Urtijëi tla Cësa de Cultura l'ancunteda cun Beppe Severgnini (mpede Giovanna Pancheri).

Sozial
Atualmënter
Val Badia: Bancareles dl mangé
La Bancarela dl mangé de Badia (ciasa di pici) é daverta vigni jöbia dales 9:30 ales 10:30. La bancarela da San Martin (ciasa dl sport) é daverta vigni vëndres dales 9:30 ales 11:00, chëra d'Al Plan (local Zënter Families Mareo) é daverta le vëndres dales 9:30 ales 10:30. Iló pó families che á debojëgn ciafé spëisa debann.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da damané do contribuc finan­ziars por cunc/fatures de bojëgns primars (scialdé, afit, spëises sanitares, de scora, etc.) Le formular por fá do­manda ciafon sön www.solidariete.it , an pó ince fá domanda ti ofizi KVW de Badia y Al Plan. Infos: info@solidariete.it 

Avisc
Atualmënter
Marënda per i »over 60«
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gher­dëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant do marënda, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Atualmënter
Museum Gherdëina daviert plu giut
L Museum tla Cësa di Ladins a Urtijëi à per d'instà n orar slungià y ie perchël daviert dal lunesc ala sada, for dala 10:00-13.00 y dala 14:00-18:00. Per vijites ora dl orar reguler y vijites menedes pòssen cherdé su l 0471 797554. Plu nfurmazions sot a www.museumgherdeina.it.
Atualmënter
Sorvisc de consulënza
Le Sorvisc ai Jogn Val Badia lascia alsavëi che le sorvisc de consulënza por jogn, jones y geniturs é davert tratan l'isté y fina amez setëmber sön apuntamënt o tres telefon al 342 8410721, mail barbara@jogn.org. An pó damané do na consulënza personala sön temesc che reverda la jonëza y/o l'educaziun
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, Por tó sö contat pón scrí a info.bruneck@frauen helfenfrauen.it o telefoné al 0474 410303.
Atualmënter
Iniziativa di ëi de Puster – MIP
L'ofize dla MIP – Männer­initiative Pustertal dëida i ëi y peri pro caji de devorz, pîta aiüt te situaziuns de dificolté. L'ofize é tl Paternsteig nr. 1 a Bornech. Contat: tel. 0474 555848, info@mip-pustertal.it

Iadi y Jites
12.08.
Sö dal ander de Conturines
Vigni secunda jöbia organisëia le Museum Ladin na escurjiun sö dal ander de Conturines, cun Alfred Erardi. An pëia ia dales 8:30 pro la Capanna Alpina a San Ciascian, por rové cina sö dal ander dles laurs. An röia zoruch incër les 16:00. Le deslivel é de 1.100 metri. Le cost por tó pert é de 10,00€. Iscriziuns ti ofizi turistics dl'Alta Badia. Proscims apuntamënc: 12 y 26 de agost, y 9 de setëmber.
Uni merdi
Jita geologica meneda
L Museum dla Natura de Bulsan mët a jì uni merdi dala 14:00 inant na jita cun l paleontologh Herwig Prinoth, che spiega sun l Geotrail sa Bula te na maniera drët nteressanta la geologia y la storia dla furmazion dla Dolo­mites. L ie da se nuté danora tla Lia dl Turism de Urtijëi, tel. 0471 777600, ulache n se urta per muever.
Uni merdi
Raida di mejes sa Sacun
Vijita ai mejes de Mëune y Peza y ala dlieja da Sacun y ntroduzion tl Museum Gher­dëina. N se urta dala 9:00 tl Museum per stlù ju dala 13:00 sa Sacun. Nfurmazion y iscrizion: Museum Gherdëina Urtijëi, tel. 0471 797554, info@museumgherdeina.it .

TELEVIJION
03.08
Pizes dla Ladinia
Da les 20:50 ca. Program de Manfred Stuffer y Hanspeter Karbon, a cura de Alessandro Dapunt.
04.08
Scenar ert y cultura
Da les 20:50 ca. Program de Ivan Senoner y Georg Penn, a cura de Leo Senoner.
05.08
Natura e ambient – n picol mond de marevea
Da les 20:50 ca. Da n trat en ca te Fascia à metù man ence dotrei joegn a tegnir la eves, se emprevalan de l'esperienza e del saer di apicoltores più veies. Na atività tradizionèla che dèsc de gran sodesfazions e che la ge fèsc ence n gran ben a natura e ambient, ajache chesta picola besties lurentes les fèsc trop per tegnir en pe nosc ecosistem naturèl. Pro­gram de Luciana Detomas, camera y tai Fulvio De Mar­tin, a cura de Anna Mazzel.

RADIO
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
01.08
L'ert de Christine Runggaldier
Da les 19:05. Ntan l mëns de lugio àn pudù udëi tla Cësa dla Lia Mostra d'Ert a Urtijëi la mostra »Paredlé« dl'artista jëuna Christine Runggaldier. Cun ëila vëniel rujnà n iede de si mostra persunela ma nce dla mpurtanza dl'ert y di valores che la possa dé inant ala persona. Trasmiscion de Sofia Stuflesser.
04.08
»L prinz pitoch« – contia sul paisc de Moena
Da les 19:05. La fantasia de Alberta Rossi ne mena insnet a cognoscer miec l paisc de Moena, l motif del sorainom che ge vegn dat a si abitanc »«porcié« apede a vèlch curio­sità desche la ciasa de la pitocaia. Program de Anna Mazzel.
05.08
Architetura e ambient
Da les 19:05. La costion de l'ambient la tol ìte na gran lingia de setores e un de chisc l'é ben segur chel de l'archi­tetura. Jon più a fon te chest argoment con l'architet Alberto Winterle che à tanche fnì sia enciaria descheche president de la sociazion »Architetti Arco Alpino« e vedon coche con n eie sensibol e ascort envers nosc teritorie se pel fèr sù con respet e stima envers chel che aon dintorn. Program de Cinzia Pistoia.

Galaria retrac