Manifestazions atuales

Data

06 de agost 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla ediziun dl 06 de agost
Dotours
Dutor Gherdëina
L dutor de servisc da n sada ai 31.07. dala 8:00 daduman nchin la 8:00 daduman de n lunesc ai 02.08. ie l dutor Pablo Policastro tl ambula­tuere di dutores Kostner/Weber, a Urtijëi tla streda Trebinger 10, tel. 366 3646 254.
Doturs Val Badia
Tla fin dl'edema di 7 y 8 d'agost él en sorvisc ti comuns de Mareo y San Martin le dotur Eduard Agreiter, San Martin de Tor, tel. 0474 523315 o 333 1380852. Ti comuns de Badia y Corvara él en sorvisc le dotur Alberto Caretta, Badia, telefonede al numer 0471 839706 o 380 3161999.

Apoteches
Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 23.07. nchin n vënderdi ai 06.08. ie chëla de Sëuc, tel. 0471 708970 (orar de giaurida lu-ve 8:30-12:30/15:00-19:00, sada 8:30-12:30, juebia domesdì stlut).
Apoteca Val Badia
L'apoteca en sorvisc fora dl orar ordinar, dal vëndres ai 6 de agost dales 19:00 al vëndres ai 13 de agost ales 19:00, é chëra da San Martin/Picolin, tel. 0474 523020.

Sport
Atualmënter
Se scrì ite al FC Gherdëina
Mutons y mutans nasciui dan l 2015, che ulëssa gën pratiché l sport dl juech dala codla ie nviei a se scrì ite pra l club. La iscrizions ie da fé online. N à mé drë de jì ite sun la homepage dl club www.fc-gherdeina.com. Per plu nfur­mazions pòssen cherdé su Christof Rifesser al 370 7003788.
Agost
Camp de jadiné sun dlacia
L Eisclub Gherdëina mët a jì doi enes de sport y devertimënt per mutans y mutons danter 5 y 10 ani, dai 9. ai 13.8. y dai 16. ai 20.8., tl stadio dala dlacia de Sëlva for dala 14:30 ala 18:30. Te na cumbinazion danter jadiné, bal y ginastica possa i mutons mparé truepa abiliteies. Per infos y iscrizions: marion_p82@hotmail.com o tel. 333 6048898 (domesdì o da sëira). Priesc: 100 €/ena. Posć limitei!

Referac
06.08.
Ecosistemes forestai
Insnet, vender ai 6 de aost da les 21:15 te tendon de la mani­festazions de Vich, l Comitat endreza na scontrèda con Andrea Bertagnolli, coorde­nador de la Rei de la Resserves e funzionarie de la Magnifica Comunità de Fiem che rejonarà del tormen Vaia e di mudaments climatics.
10.08.
Su la pedies de Tita Piaz
En mèrtesc ai 10 de aost da les 21:15 te tendon de la mani­fe­stazions de Vich, l Comitat endreza na sera per cognoscer Tita Piaz, l Diaol de la Dolo­mites, con i alpinisć Bruno Pederiva e Tone Valeruz.
11.08.
Grasso e Grigolli a Cianacei
En mercol ai 11 de aost da les 21:00 te chino Marmolèda Campo Base endreza na scon­trèda con Giovanni Grasso e Paolo Grigolli su »Le oppor­tunità delle terre alte«, l svilup inteligent e sostegnibol de la mont.
11/12.08.
Ispirazions d'istà
En mercol ai 11 de aost da les 21:00 te sala Simonin Maza de la scoles de Moena Antonio Preziosi prejenta sie liber »Il Papa doveva morire«; en jebia ai 12 da les 21:15 a La Gran Ciasa de Soraga rejona Mons. Giancarlo Bregantini e David Murgia sul sacro e profan.

Chino
Atualmenter
Al chino de Cianacei
Doman,sabeda ai 7 e domenia ai 8 de aost da les 17:00 e da les 21:15 l'é »Jungle Cruise«, lunesc ai 9 e mèrtesc ai 10 da les 21:15 l'é »Godzilla vs Kong«, jebia ai 12 da les 21:15 l'é »The suicide squad« e vender ai 12 da les 17:00 l'é »I Croods 2«.
Atualmenter
Al chino de Tieser
Insnet, vender ai 6 de aost, da les 17:15 l'é »I croods 2« e da les 21.15 l'é »Un divano a Tunisi«, sabeda ai 7 e domenia a 8 h. 21:15 l'é »Suicide Squad 2«, domenia ai 8 h. 17:15 l'é »Peter Rabbit 2«, mèrtesc ai 10 h. 21:15 l'é »Jungle Cruise«, mercol ai 11 h. 17:15 l'é »I croods 2« e h. 21.15 »Un divano a Tunisi«, jebia ai 13 h. 21:15 l'é »Free Guy«.
06.08
»The Square«
Por la ligna Film.Club vëgnel lascé odëi en vëndres ai 06 d'agost dales 21.00 tla Val dl'Ert, a ca. 30 menüc a pe dal Museum Ladin Ciastel de Tor, le film »The Square« dl regist Ruben Östlund. Entrada debann, sce al é burt tëmp vëgn la proieziun desdita.
06.08.
Dolomitale On Tour
Ncuei vënderdi dala 21:00 sun Col Raiser a S. Cristina uniràl mustrà l film de Luis Trenker »La grande conquista« (titul uriginel: »Der Berg ruft«). Da bur' tëmp sarà la mani­festazion tla Cësa di Cungresc a Urtijëi. Ntreda debant.
07.08.
Pulp fiction con Lum Cinema
Doman, sabeda ai 7 de aost da les 21:30 te piaz de Navalge a Moena, Lum Cinema met dant la proiezion del film »Pulp fiction« del 1994 tel lengaz originèl con i sotitoi. Preno­tazions su www.lumcinema.co.uk o te la ciaseta jun Navalge.
13.08.
Dolmitale On Tour
N vënderdi che vën dala 21:00 sun Pana a S. Cristina uniràl mustrà l film »Fine Lines« (2018) de Dina Khreino. Nglëij cun sottituli per talian. Da bur' tëmp sarà la manife­stazion tla Cësa di Cungresc a Urtijëi. Ntreda debant.

Iadi y Jites
Uni merdi
Jita geologica meneda
L Museum dla Natura de Bulsan mët a jì uni merdi dala 14:00 inant na jita cun l paleontologh Herwig Prinoth, che spiega sun l Geotrail sa Bula te na maniera drët nteressanta la geologia y la storia dla furmazion dla Dolomites. L ie da se nuté danora tla Lia dl Turism de Urtijëi, tel. 0471 777600, ulache n se urta per muever.
Uni merdi
Raida di mejes sa Sacun
Vijita ai mejes de Mëune y Peza y ala dlieja da Sacun y ntroduzion tl Museum Gher­dëina. N se urta dala 9:00 tl Museum per stlù ju dala 13:00 sa Sacun. Nfurmazion y iscrizion: Museum Gherdëina Urtijëi, tel. 0471 797554, info@museumgherdeina.it.
12.08.
Sö dal ander de Conturines
Vigni secunda jöbia organisëia le Museum Ladin na escurjiun sö dal ander de Conturines, cun Alfred Erardi. An pëia ia dales 8:30 pro la Capanna Alpina a San Ciascian, por rové cina sö dal ander dles laurs. An röia zoruch incër les 16:00. Le deslivel é de 1.100 metri. Le cost por tó pert é de 10,00€. Iscriziuns ti ofizi turistics dl'Alta Badia. Proscims apuntamënc: 12 y 26 de agost, y 9 de setëmber.
09.08.
Norma Gimondi recorda sie père Felice
Tel chèder de la rassegna Enjoy Poza, en lunesc ai 9 de aost da les 9 da sera te oratorie de Poza scontrèda con Norma Gimondi vize presidenta Federazion Ciclistica Talièna e comembra Jonta CONI che recorda so père Felice Gimondi.
10/12.08.
Scontrèdes de la biblioteca a Cianacei
Te Comun de Cianacei mèr­tesc ai 10 de aost da les 17:30 l'é Massimiliano Unterrichter che prejenta l liber »Il risveglio del totem«; te chino Marmo­lèda en jebia ai 12 de aost da les 21:00 l'é Ritanna Armeni che prejenta l liber »E per strada la felicità«.
13.08.
Ancunteda l autëur Alessandro Milan
Per la lingia dla ancuntedes cun i autëures iel n vënderdi che vën dala 17:30 Luca Barbarossa con si liber »Non perderti niente«.

Mostres y Ert
Atualmenter
Mostra Artèdonna
Fin ai 31 de aost te piaz Scopol a Moena se pel veder la mostra de la sociazion »La Voce delle Donne« con lurieres, foto­grafies e chèdres de la artistes. La mostra é averta duc i dis da les 10:00 a les 12:00 e da les 16:30 a les 19:30.
Atualmenter
Mostra 'Play!'
La mostra 'Play!' interativa a carater scientifich resta aver­ta te la scola populèra de Vich enscin a en vender ai 20 de aost con orarie 16.00-19.00 e 20.30-22.30. I joegn de Inout é a la leta per vijites vidèdes.
11.08.
S'abiné
Sun Plaza Stetteneck a Urtijëi saràl dala 15:00 nchin la 16:00 la prejentazion de na nstala­zion de n »banch soziel«. Sun l banch ne se sënter nia un dlongia l auter ma un »al au­ter«, per ti dé na sburdla ala comunicazion nterper­sunela.
Atualmënter
»Belvedere« de Ulrich Egger
Egger lascia udëi tan zite che ie nosc mond materiel. L mostra su na pruspetiva nueva dl ambient che se à mudà y dassëssa ti dé na scasseda al'umanità. La mostra tla sala dla Lia Mostra d'Ert/Circolo a Urtijëi ie da udëi mo nchin doduman dumënia ai 08.08 dala 16:00 nchin la 22:00.
Atualmënter
Pitura tridimensciunela de Sonya Hofer
La mostra tl Museum dla Zità a Tluses ie da udëi nchin ai 21.08. da merdi nchin sada dala 9:30-12:00 y 15:30-18:00. Hofer ti ie jita permez te na maniera drët particulera ala Dolomites. I culëures ma nce l material lascia udëi y sentì l crëp plu vif.
Atualmënter
Bernardi, Vallazza y d'autri
La mostra de grupa cun Michele Bernardi, Viola Bittl, Johannes Bosisio, Leonardo Silaghi y Hugo Vallazza se dà ju cun l raport di artisć y la realtà te chëla che i lëura. L ie artisć de generazions y cuntesć culturei desferënc. Da udëi tla galaria Ghetta a Puntives sud 8 nchin ai 27.08. da merdi nchin vënderdi dala 15:00-18:00 o cherdan su l 366 1500243.
Atualmënter
»Anima Mundi – Arte Pro Natura« cun Gregor Prugger
La mostra tl Museum d'ert cuntemporana a Ciavalëis, ulache l mët ora l artist Gregor Prugger de Urtijëi deberieda cun David Aaron Angeli, Stanislaw Brach, Leonardo Nava, Marco Nones, Giuliano Orsingher y Federico Seppi ie da udëi nchin ai 19.09. da merdi nchin dumënia, dala 10:00–12:00 y 15:30-19:00.
Atualmënter
Markus Vallazza y Dante
Tla Hofburg a Persenon iel la mostra »Markus Vallazza y Dante. L'opra tla opra«, che ie da udëi nchin ai 07.11. y unirà acumpanieda da plu manifestazions.
Atualmënter
Mumënc te na udleda
Per »Kunst im Gange« iel da udëi tla cësa de Chemun de Laion la mostra de fotografies de Valter Pallaoro y Anna­maria Pernstich. La se trata de truep uedli, de udle­des curiëuses y spriguledes, omles y che spiza i uedli, de tieres che ie ntëur nëus via. La mostra ie da udëi ntan l'ëures de giaurida dla Cësa de Chemun.
Atualmënter
San Martin: »Le paesaje tles vals ladines«
Tl salf dl Istitut Ladin »Micurá de Rü« a San Martin él da odëi la mostra dl Fotoclub Val Badia dal titul »Le paesaje tles vals ladines«. La mostra é daverta cina ai 31 d'agost, ti orars de daurida dla biblioteca d'Istitut.
Atualmënter
Al Plan: »Le monn ne basta nia«
Tla Ciasa dl Parch Natural a Al Plan él da odëi la mostra »Le monn ne basta nia« cun retrac de Fabian Haspinger da Türesc. Al mostra sö la merscia che la porsona á lascé tla contrada naturala, fajon sö de vigni sort de strotöres ince te munt. Info: 0474 506120.
Atualmënter
»Simbol, podëi, movimënt – Tirol tles chertes storiches«
Tl Museum Ciastel Tirol dlungia Maran él da odëi cina ai 21 de novëmber na mostra che pîta na racoiüda de chertes geografiches storiches. Lapró ince zacotan de esponac de localités ladines, cun chertes cënc d'agn vedles.
Atualmënter
Laurs de Siegward Sprotte
Tl salf dles manifestaziuns da Corvara él da odëi na mostra dl depenjadú y filosof todësch Siegward Sprotte, dal titul »La Val Badia tla pitöra dl gran artist todësch«. La mostra é daverta cina ai 29 de agost. Orars: vigni de dales 16:30 ales 19:30 y dales 21:00 ales 22:30.
Atualmenter
L Malghier
Te la sezion sul teritorie del Museo Ladin de Fascia dedichèda ai prodoc dal lat se pel veder coche se fèsc formai. La é averta te Strada Dolomites 233 a Pera fin ai 10 de setember, dal lunesc a la sabeda da les 16.00 a les 19.00. De mercol da les 11.00 l'é la vijita vidèda con prenota­zion de obligh al 0462 760182.
Atualmenter
L Molin de Pezol
La sezion destachèda del Museo Ladin te Strada de Jumela 18 a Pera é averta al publich fin ai 10 de setember dal lunesc a la sabeda da les 10.00 a le 12.00 e da le 16.00 a le 19.00. De mercol da les 17.00 l'é la vijita vidèda per veder coche laora l molin. Prenotazion al 0462 760182.
Atualmenter
L Segat
La sezion sul teritorie del Museo Ladin de Fascia dedichèda al bosch e si lurieres é averta te Strada Ruf de Ruacia 7 a Poza fin ai 10 de setember, dal lunesc a la sabeda da les 10.00 a les 12.00 e da les 16.00 a les 19.00. De vender da les 11.00 l'é la vijita vidèda con prenotazion de obligh al 0462 760182.
Atualmenter
La Sia
La sezion destachèda del Museo Ladin te Strèda de Ciamp Trujan 30 a Penia é averta al publich fin ai 10 de setember dal lunesc a la sabeda da les 10.00 a le 12.00 e da le 16.00 a le 19.00. De lunesc da les 11.00 l'é la vijita vidèda con prenotazion de obligh al 0462 760182.
Atualmenter
L Stònt
La sezion destachèda del Museo Ladin su la postazion de trata al tulac di Stand­schützen é averta al publich te Strèda de Pent de Sera a Ciampedel fin ai 10 de setem­ber dal lunesc a la sabeda da les 16.00 a le 19.00. De jebia da les 17.00 l'é la vijita vidèda con prenotazion de obligh al 0462 760182.

TELEVIJION
10.08
Sport ladin
Da les 20:50 ca. Program de Diego Clara y Hartmann Mairhofer, a cura de Leo Senoner.
11.08
Idea UNIKA
Da les 20:50 ca. Cuarta edi­zion dla bienela IDEA UNIKA – Ert tl zënter 2021. Do i ani 2015, 2017 y 2019 vëniel chëst ann inò metù a jì la mostra d'ert de Idea Unika. 17 artisć de Unika à laurà ora 11 opres d'ert aposta per chësta mostra alalergia slargëda ora sun trëi chemuns. Da lugio nchina de setëmber dl 2021 possen jì a ti cialé al'opres d'ert a Urtijëi tl raion da jì a pe, ta Santa Cristina sun plaza de chemun, te Sëlva dan la scola elementera y sun Pana, ulache l ve aspieta ot lëufs. Prugram y cunzet de Rut Bernardi, camera y tai de Peter Obexer, a cura de Leo Senoner.
12.08
Spëisa ladina – crafuns mori cun sulza de granëtes
Da les 20:50 ca. Program de Concetta Bonaldi, produziun Zak Mair­hofer, la regia de Stefan Ghe­dina, a cura de Anna Mazzel.

RADIO
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
08.08
Agorà – L culezionist Wolfgang Moroder
Da les 19:05. Mut de bera Alex Moroder da Lenert, un di fundadëures dl Radio Ladin, ie l dutor Wolfgang Moroder n culeziunist cun na gran sensibltà, che vëij n'ana te uniun de si reperc storics. Nfat sce vedla chiena da zacan o manuscric ladins mei publichei: l ie dut testi­munianzes de nosta cultura vivuda. Na cultura che ël varentea acioche la vive inant y per fé chësc, vala nce de se nuzé dla plataformes dla rë. (segonda pert) Trasmiscion de Ivan Senoner.
11.08
Rock sard
Da les 19:05. La Sardegna tera de storia, cultura e tradi­zion é cognosciuda trop desche lech turistich ma l'é ence l post olache vif la majera mendranza de la Tèlia, i Sards passa 1 milion de persones e i catalans te la picola zità de Alghero. Descorion insnet vèlch de si musega anter inovazion e tradizion. Program de Anna Mazzel.

Leteratura
08., 12. y 14.08.
Incuntades cun l'autur tl'Alta Badia
»Un libro un rifugio« pîta chisc apuntamënc: ai 8 d'agost vëgnel presenté »La rappresen­tazione« de Romana Petri, cun Guido Rispoli; ai 12 d'agost »Non perderti niente« de Luca Barbarossa, cun Alberto Faustini; ai 14 d'agost dialogh cun Carlo Cottarelli. Dötes les incuntades é dales 17:30 tl salf dles manifesta­ziuns da Corvara. Infos ti ofizi turistics dl'Alta Badia.
13.08.
»Il libro nella roccia«
En vëndres ai 13 d'agost dales 17:00 vëgnel presenté sön paiun da Corvara le liber por mituns »Banksy« de Fausto Gilberti. Al sará ince n labora­tore creatif. Infos y iscriziuns anter le de denant, ti ofizi turistics dl'Alta Badia.

Temp Lede
Atualmenter
Recam solidal
A Vich tel piaz a l'averta vejin a Ciasa Marmolada fin ai 27 de aost vigni mercol e vender (de bon temp) da les 15:00 a les 18:00 i »Mille Centrini« endreza n laboratorie de recam. L'é debant, con mate­rial dat per nia e lurieres vegn venui per solidarietà. Ge vel se enscinuèr per les 18:00 de la sera dant al 339 7066872.
Atualmënter
Pec dla storia che va a cuer!
L Museum Gherdëina a Urtijëi pieta uni lunesc y vën­derdi dala 4 domesdì vijites menedes debant (30 menuc) ai pec che va a cuer dla cule­zions naturalistiches, artisti­ches y storich-cultureles, cun Christine Kasslatter y Pauli Senoner. La ntreda ie a paia­mënt, sot ai 18 ani ne cóstel nia. N ne à nia drë de se nuté su. Per infos tel. 0471 797554.
Atualmënter
Alta Badia Balance
Le festival »Alta Badia Balance«, pîta döta l'edema deplü ativités sciöche escujiuns de relassamënt te bosch y leziuns de yoga. Le program cun dötes les informaziuns ciafon sön la plata www.altabadiabalance.com .
De vënderdi
Vënderdi lonch
Tl zënter de Urtijëi cun mujiga dal vif dala 18:00 ala 20:30, aperitifs speziei y la butëighes daviertes nce dala 21:00 ala 22:30. Ncuei ai 06.08. sunerà Silvy Perathoner cun Raffaele Barberio, Simon Rabanser y Georg Malfertheiner. N vënerdi che vën ai 13.08 sunerà Mattia Demetz, Stefan Demetz cun Ivan Schenk.
De vënderdi
Shopping da sëira
Te Sëlva saràl uni vënderdi nchin ai 20 d'agost, la butëi­ghes daviertes nce da sëira, dala 21:00 nchin la 22:30.
06/08.08
Circen Dolomites Festival
Vender ai 6 h. 13:30 sun Vael Paolo Piludu e h. 21:00 a Cianacei »The Black Blues Brothers«. Sabeda ai 7 h. 13:30 sun Bufaure Cieocifa; a Vich h. 18:00 olimpiades te piaz e h. 21:00 »Bolla di sapone«; dome­nia ai 8 h. 13:30 te Gardecia Circensema con »L giat coi stivai da mont«. www.circendolomitesfestival.com 
08.08.
De dl Movimënt
Le parch »Movimënt« sön Piz La Ila pîta ai 8 de agost dales 10:30 inant la poscibilité da passé n bel de cun la familia. Por i plü pici sarál animadus, artisć de strada, strinadus y jüc. I geniturs pó deperpo se relassé y jí te ütia a se bëre o se mangé valch.
09.08.
Juesc y devertimënt per pitli
Sun Plaza de Chemun te Sëlva dala 17:00 nchin la 19:00. Tlo possa i pitli pastelné tieres y auter, ntënjer malietes cun culëures naturei, fé codles de jiefa y juesc coche muejer la vacia y d'autri nce deberieda cun »Mago Bryan«. N ne à nia drë de se lascé nuté su.
09.08.
La Crusc: sonns tla natöra
En lönesc ai 9 d'agost vëgnel metü a jí l'iniziativa »Sonns tla natöra«, olache al vëgn pité na sesciun de massaji cun les vibraziuns dl sonn. L'incun­tada é dales 11:00 sö La Crusc. Le prisc é de 10,00€ y les iscriziuns vëgn tutes sö ti ofizi turistics dl'Alta Badia, anter le de denant.
10.08.
Calfosch: devertimënt por mituns
En mertesc ai 10 d'agost pó mitans y mituns da 4 a 12 agn tó pert a n domisdé de devertimënt. Dales 15:00 gnarál mostré sciöche al vëgn fat pan, tl furn da pan pro le parch dai tiers a Calfosch. Dedô pó i mituns pastelné na marionëta cun materiai desvalis. Iscriziuns ti ofizi turistics dl'Alta Badia.
10.08.
Pastelné cun materiai naturei
N merdi dala 14:30 nchin la 18:00 sun la Pitla Plaza de S. Antone a Urtijëi iel na berstot de pastelné per mutons. L ne n'ie nia da se lascé nuté su danora. N possa fé pea debant.
10.08.
Marcià di paures y prudoc tradiziunei
L marcià tradiziunel cun prudoc tipics, zidlei y fac dai paures de Südtirol sarà inò ntan dut l instà uni merdi dala 19:00 nchin la 22:00 tl raion da jì a pe »Bënunii« de S. Cristina.
11.08.
Jun a pe cun i alpacas
En mercui ai 11 de agost á pici y gragn la poscibilité da tó pert a na spazirada cun i alpacas, pro le lüch »La Poza« a Calfosch. An pëia ia dales 15:30, por rové cina ti pra sot les cascades dl Pisciadú. Prenotaziuns ti ofizi turistics dl'Alta Badia.
11.08.
Domisdé di mituns tl Museum Ursus Ladinicus
Mituns y mitans da 5 a 12 agn é inviá en mercui ai 11 d'agost a n domisdé tl Museum Ladin Ursus ladinicus a San Ciascian. Dales 17:00 pói vijité le museum y dedô gnarál fat ativités manuales y crea­tives. Iscriziuns tl ofize turisti­ch da San Ciascian, anter les 16:00.
11. y 12.08.
Nos Ladins
L'iniziativa »Nos Ladins« vá inant. Ai 11 d'agost pón descu­rí cun Manuel i socrëc di crëp dles Dolomites; ai 12 d'agost vëgnel tigní n curs de ladin cun Elena, a Badia. Infos y iscriziuns ti ofizi turistics dl'Alta Badia, anter le de denant.
12.08.
Juesc y devertimënt cun »Mago Bryan«
De juebia dala 20:30 nchin la 21:30 tl raion da jì a pe »Bënunii« a S. Cristina dal hotel Post.
12.08.
Domesdì de Daksy te Val
Uni juebia d'agost vàn ala scuvierta dla natura. Brigitte, l'assistënta dl Parch Naturel, ve aspieta cun ncëries nteres­santes y criatives y truep juesc per mparé a cunëscer l Parch Naturel, patrimone dl UNE­SCO. Vie nce tu! Te Val te Sëla dala 14:00 nchin la 16:30.
13.08.
Iluminaziun dl Sassongher
En vëndres ai 13 d'agost dales 21:15 vëgnel iluminé le Sas­songher. Tl zënter da Corvara vëgnel pité musiga.
13.08.
Vins alaleria
Vigni vëndres domisdé pón tó pert a na degustaziun ala­leria di mius vins dl Südtirol, adöm cun n sommelier. Ai 13 d'agost dales 16:00 él na degustaziun de gin, tl Ciastel Colz a La Ila. Infos y iscriziuns ti ofizi turistics dl'Alta Badia.

Sozial
Atualmënter
Bancareles dl mangé
La Bancarela dl mangé de Badia (ciasa di pici) é daverta vigni jöbia dales 9:30 ales 10:30. La bancarela da San Martin (ciasa dl sport) é daverta vigni vëndres dales 9:30 ales 11:00, chëra d'Al Plan (local Zënter Families Mareo) é daverta le vëndres dales 9:30 ales 10:30. Iló pó families che á debojëgn ciafé spëisa debann.
Atualmënter
»Cörs dla Val Badia«
Porsones/Families dla Val Badia á la poscibilité da da­mané do contribuc finan­ziars por cunc/fatures de bojëgns primars. Informaziuns plü menüdes: www.solidariete.it

Concursc

Nchin ai 31.08.
Fé pea pra la Bienela Gherdëina 8
Per artisć/tes y curadëures iel l mesun de lauré pra na mostra a pert daujin a chëla prinzipela. L unirà premià la pruposta che ie bona de mëter su n dialogh cun la cuntreda y cun la tematiches dla otava edizion »Persons Persone Persone«. La documentazion ie da ti mandé a applicationBG8@gmail.com nchin ai 31.08. dala 23:00.
Nchin ai 15.09.
PandeMusic – Nuvità
Dala Provinzia àn giapà n cuntribut per sustenì scumen­ciadives cultureles do la gran stluta. Chiche fej pea pra l cuncors, y à i recuisic aldò dla bandida, giapa n cuntribut! Mplu iel pesć per na cumpo­sizion particularmënter urigi­nela, n test che va a cuer y per grupes de jëuni 2000+. Sambën vencerà i miëures sëuraprò mo de biei pesć. Infos: Servisc Furmazion Gherdëina tel. 0471 794268. La bandida dl cuncors ie sot a https://www.micura.it .

Mujiga
06.08.
Conzert di Blue Ìcos
Anché, vender ai 6 de aost da les 17:00 te piaz de Ciampedel conzert del grop Blue Ìcos con la ciantarina Samantha Pederiva, Alex Pederiva e Filippo Chiocchetti chitara e ousc che porta dant n repertorie de funk, blues, pop, raggae, jazz e swing.
06.08. y 13.08.
Corni da mont
L »Trio Ladinia« sona cun si corni da mont dala 17:00 nchin la 18:00 te Val, te Sëlva.
07.08
»Bozner Brass«
En domënia saral da ascuté tla Val dl'Ert a San Martin dales 17:00 le sestet »Bozner Brass«. La manifestaziun vëgn oraganisada en colaboraziun cun Badiamusica. Tl caje de burt tëmp vëgn le conzert tigní tl pavilon a Al Plan.
07.08.
Jëuni Rocking Sëlva
Duman sada dala 18:00 sun Plaza de Chemun de Sëlva. Metù a jì dala grupa di »Jëuni de Sëlva«.
08.08.
Cianté y soné sön munt
En domënia ai 8 d'agost dales 13:30 ales 15:00 él da aldí tla Ütia Nagler a Badia la »Böhmische La Ila«.
08.08
Matinée cun »de cater« y »Unknown Brass«
Doduman dumënia dala 10:30 nchin la 11:30 pra l pitl lech sun la Panaraida, cunzert cun la grupa de ciantarines de Gherdëina »de cater« y l ensemble de strumënc a fla de Puster »Unknown Brass«.
09.08.
Sëira tradiziunela
N mierculdi dala 21:00 tl zënter Iman a S. Cristina, cun la Böhmische de S. Cristi­na, l trio de ciantarines y i Schuhplattler de Ciampedel.
10.08.
Kreativ Ensemble y la Cater Sajons de Vivaldi
N mierculdi dala dala 21:00 sunerà l Kreativ Ensemble tla dlieja de Sëlva.
10 y 11.08.
Badia y La Ila: conzerc sacrai
Al vëgn pité n conzert d'orghe de dlijia, cun Sergio de Pieri acompagné dala usc de Raffaella Benori. I apunta­mënc é ai 10 d'agost te dlijia da San Linert y ai 11 d'agost te dlijia da La Ila. I conzerc mët man dales 21:15.
11.08.
Cunzert dla Mujiga de S. Cristina
A Santa Cristina dala 21:00 tl Zënter Iman.
12.08.
Cunzert dla Mujiga de Urtijëi
N juebia dala 21:00 inant. Una na grupa dla Mujiga sunerà sun Plaza Stetteneck y l'autra grupa sun la Pitla Plaza de S. Antone.
12.08.
Cunzert dla Mujiga de Pfeffersberg
Dala 21.00 sun Plaza de Chemun te Sëlva.
14.08.
Havana Club: tribut a Vasco Rossi
La cover band taliana fajerà si cunzert dala 21:00 sun Plaza de Chemun te Sëlva.

Avisc
Atualmënter
Marënda per i »over 60«
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant do marënda, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Atualmënter
Museum Gherdëina daviert plu giut
L Museum tla Cësa di Ladins a Urtijëi à per d'instà n orar slungià y ie perchël daviert dal lunesc ala sada, for dala 10:00-13.00 y dala 14:00-18:00. Per vijites ora dl orar reguler y vijites menedes pòssen cherdé su l 0471 797554. Plu nfurmazions sot a www.museumgherdeina.it .
Atualmënter
Sorvisc de consulënza
Le Sorvisc ai Jogn Val Badia lascia alsavëi che le sorvisc de consulënza por jogn, jones y geniturs é davert tratan l'isté y fina amez setëmber sön apuntamënt o tres telefon al 342 8410721, mail barbara@jogn.org . An pó damané do na consulënza personala sön temesc che reverda la jonëza y/o l'educaziun.
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, Por tó sö contat pón scrí a info.bruneck@frauenhelfenfrauen.it o telefoné al 0474 410303.
Atualmënter
Iniziativa di ëi de Puster – MIP
L'ofize dla MIP – Männer­initiative Pustertal dëida i ëi y peri pro caji de devorz, pîta aiüt te situaziuns de dificolté. L'ofize é tl Paternsteig nr. 1 a Bornech. Contat: tel. 0474 555848, info@mip-pustertal.it 

Galaria retrac