Manifestazions atuales

Data

13 de agost 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 13 de agost
Dotours
Dutor Gherdëina
L dutor de servisc da n sada ai 14.08. dala 8:00 daduman nchin la 8:00 daduman de n lunesc ai 16.08. ie l dutor Simon Kostner de Sëlva, streda Nives 2, tel. 347 2297492.
Doturs Val Badia
Tla fin dl'edema di 14 y 15 d'agost él en sorvisc ti comuns de Mareo y San Martin le dotur Aldo Marcocci, Al Plan, tel. 0474 501039 o 338 7280518. Ti comuns de Badia y Corvara él en sorvisc le dotur Martin Spechtenhauser, La Ila, tel. 0471 844200.

Apoteches
Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 013.08. nchin n vënderdi ai 20.08. ie chëla de Fie, tel. 0471 725373 (sa. 8:30-12:30, 16:00-19:00, du. 10:00-12:00; stlut mierculdi domesdì).
Apoteches Val Badia
L'apoteca en sorvisc fora dl orar ordinar, dal vëndres ai 13 de agost dales 19:00 al vëndres ai 20 de agost ales 19:00, é chëra d'Al Plan, tel. 0474 501240.

Temp Lede
Atualmënter
Pec dla storia che va a cuer!
L Museum Gherdëina a Urtijëi pieta uni lunesc y vënderdi dala 16:00 vijites menedes debant (30 menuc) ai pec che va a cuer dla cule­zions naturalistiches, artisti­ches y storich-cultureles, cun Christine Kasslatter y Pauli Senoner. La ntreda ie a paia­mënt, sot ai 18 ani ne cóstel nia. N ne à nia drë de se nuté su. Per infos tel. 0471 797554.
Atualmënter
Alta Badia Balance
Le festival »Alta Badia Balan­ce«, pîta döta l'edema deplü ativités sciöche escurjiuns de relassamënt te bosch y leziuns de co suravire te bosch y leziuns de yoga. Le program cun dötes les informaziuns ciafon sön la plata www.altabadiabalance.com .
Atualmenter
Recam solidal
A Vich tel piaz a l'averta vejin a Ciasa Marmolada fin ai 27 de aost vigni mercol e vender (de bon temp) da les 15:00 a les 18:00 i »Mille Centrini« endreza n laboratorie de recam. L'é debant, con mate­rial dat per nia e lurieres vegn venui per solidarietà. Ge vel se enscinuèr per les 18:00 de la sera dant al 339 7066872.
De vënderdi
Vënderdi lonch
Tl zënter de Urtijëi cun mujiga dal vif dala 18:00 ala 20:30, aperitifs speziei y la butëighes daviertes nce dala 21:00 nchin la 22:30. Ncuei ai 13.08 sunerà Mattia Demetz, Stefan De­metz cun Ivan Schenk. N vënerdi che vën ai 13.08 sunerà Cindy Hofer y Alex Grossrubatscher, l Demetz Duo y Georg Malfertheiner.
De vënderdi
Shopping da sëira
Te Sëlva saràl uni vënderdi nchin ai 20 d'agost, la butëi­ghes daviertes nce da sëira, dala 21:00 nchin la 22:30.
13.08.
Iluminaziun dl Sassongher
Incö vëndres ai 13 de agost dales 21:15 vëgnel tigní la iluminaziun tradizionala dl Sassognher. Tl zënter da Corvara él la Müjiga Calfosch/Corvara che fajará na picia defilada y abelirá spo la sëra cun sües melodies.
16.08.
Juesc y devertimënt per pitli
Sun Plaza de Chemun te Sëlva dala 17:00 nchin la 19:00. Tlo possa i pitli pastelné tieres y auter, ntënjer malietes cun culëures naturei, fé codles de jiefa y juesc coche muejer la vacia y d'autri nce deberieda cun »Mago Bryan«. N ne à nia drë de se lascé nuté su.
16.08.
Artejanat y guant dala gherdëina
Tl zënter de Urtijëi iel dala 20:30 nchin la 22:30 da pudëi udëi vel' stont che mostra su de vedla tradizions, dal artejanat nchin al guant dala gherdëina y mo deplù.
17.08.
Pastelné julons
N merdi dala 10:00 nchin la 12:00 sun Pra da Nives te Sëlva saràl na persona esperta che ti mostra ai mutons y ala mutans co se pastelné adum n julon per dopro l lascé julé tl aier.
17.08.
Entorn Vich
En mèrtesc ai 17 de aost con scomenz da les 18:30 l Comitat manifestazions de Vich endre­za Entorn Vich: na raida fora per paìsc con saores e tradi­zions ladines. Se pel comprèr i biliec online su http://bit.ly/EntornVich21 .
17.08.
Pastelné cun materiai naturei
N merdi dala 14:30 nchin la 18:00 sun la Pitla Plaza de S. Antone a Urtijëi iel na berstot de pastelné per mutons. L ne n'ie nia da se lascé nuté su danora. N possa fé pea debant.
17.08.
Marcià di paures y prudoc tradiziunei
L marcià tradiziunel cun prudoc tipics, zidlei y fac dai paures de Südtirol sarà inò ntan dut l instà uni merdi dala 19:00 nchin la 22:00 tl raion da jì a pe »Bënunii« de S. Cristina.
18.08.
Pitl marcià de prudoc tipics
N pitl marcià de prudoc tipics vëniel nce metù a jì de mier­culdi dala 15:00 nchin la 19:30 sun la Pitla Plaza de S. Antone a Urtijëi y dala 15:30 nchin la 19:00 sun Plaza Nives te Sëlva.
18.08.
Jun a pe cun i alpacas
En mercui ai 18 de agost á pici y gragn la poscibilité da tó pert a na spazirada cun i alpacas, pro le lüch »La Poza« a Calfosch. An pëia ia dales 15:30, por rové cina ti pra sot les cascades dl Pisciadú. Pre­notaziuns ti ofizi turistics dl'Alta Badia.
18.08.
Domisdé di mituns tl Museum Ursus ladinicus
Mituns y mitans da 5 a 12 agn é inviá en mercui ai 18 d'agost a n domisdé tl Museum Ladin Ursus ladinicus a San Ciascian. Dales 17:00 pói vijité le museum y dedô gnarál fat ativités manuales y crea­tives. Iscriziuns tl ofize turi­stich da San Ciascian, anter les 16:00.
18.08.
La Val: presentaziun di stödafüch
I Stüdafüch da La Val deura les portes por pici y gragn, en mercui ai 18 de agost. Dales 21:15 pón jí a ciaré le magazin y i auti. Mëmbri dla uniun spliga döta l'atrezadöra.
18.08.
Prejentazion dl guant dala gherdëina
N mierculdi dala 21:00 nchin la 22:00 tl Zënter Iman a S. Cristina saràl la prejentazion cun spiegazion a puntin dl guant dala gherdëina. Leprò nce n cumpaniamënt de mujiga.
19.08.
Domesdì de Daksy te Val
Uni juebia d'agost vàn ala scuvierta dla natura. Brigitte, l'assistënta dl Parch Naturel, ve aspieta cun ncëries nteres­santes y criatives y truep juesc per mparé a cunëscer l Parch Naturel, patrimone dl UNE­SCO. Vie nce tu! Te Val te Sëla dala 14:00 nchin la 16:30.
19.08.
»Nëif d'instà« a Urtijëi
Pra l purtoi da Palmer a Urtijëi iel dala 17:00 nchin la 19:00 devertimënt cun i maestri dla scola de schi y snowboard dl luech. L sarà nce da giapé nfurmazions n con' de cie che l vën pità tla sajon da d'inviern. L ie da se nuté su; tel. 0471 796153, e-mail: info@valgardenaski.com .
19.08.
Juesc y devertimënt cun »Mago Bryan«
De juebia dala 20:30 nchin la 21:30 tl raion da jì a pe »Bënunii« a S. Cristina dal hotel Post.
20.08.
Nos Ladins
L'iniziativa »Nos Ladins« vá inant ai 20 de agost dales 14:30, olache al sará na incun­tada cun Barbara por arjigné ca le pan dal domisdé y por amiré so urt. Infos y iscriziuns ti ofizi turistics dl'Alta Badia, anter le de denant.
20.08.
Vins alaleria
Vigni vëndres domisdé pón tó pert a na degustaziun ala­leria di mius vins dl Südtirol, adöm cun n sommelier. Ai 20 d'agost dales 14:30 s'incun­ton sön le Lüch da Sompunt a Badia. La degustaziun vëgn acompagnada da na seleziun de ciajos. Infos y iscriziuns ti ofizi turistics dl'Alta Badia.
20.08.
La Ila: i mituns cujina
Mitans y mituns da 4 agn insö pó tó pert a n laboratore da cujiné cun Elisa Perillo. Vignun pó arjigné süa picia marëna, te süa postaziun. Al vëgn damané la presënza de n adutl. L'incuntada mët man dales 15:30 sön paiun da La Ila. Infos y iscriziuns ti ofizi turistics dl'Alta Badia, anter le de denant.
21.08.
Spëisa tradiziunela sun l purtoi Saslonch
Tla utia Saslonch saràl dala 11:00 nchin la 14:30 n live cooking show de n valgun chefs, cun nce na paura, n con' dla spëisa tradiziunela de Gherdëina. Da se nuté su iel pra la Lia dl Turism de Sëlva: 0471 777900 o selva@valgardena.it .

TELEVIJION
17.08
Pizes dla Ladinia – Averau
Da les 20:50 ca. Program de Manfred Stuffer y Hanspeter Karbon, a cura de Alessandro Dapunt.
18.08
Natura y ambient – Le monn dl ciajó
Da les 20:50 ca. Bele da tres incá é le zidlamënt de tiers por la produziun de lat öna dles bases dla economia de nostes valades. Tl tëmp dl turism é chësc jü dassënn zoruch, mo la produziun de ciajó á ince incö ciamó na gran importanza, y i paurs é braui da porté inant les tradi­ziuns de sü antenac. Ai fej so laur cun gran pasciun y é insciö fondamentai por le mantegnimënt dles contrades.Program de Karin Pizzinini, camera y tai Fulvio de Martin, a cura de Anna Mazzel.
19.08
Biografies – Anda Amalia da Cudan, l'amur por le lingaz y la cultura ladina
Da les 20:50 ca. Amalia Anderlan Obletter, conesciüda da düc sciöche Malia da Cudan é nasciüda tl 1912 a Urtijëi, söl lüch da Cudan. Ala s'á de jö döta la vita cun le lingaz y la cultura, ara á insigné ladin a nia ladins y tla scora mesana da Urtijëi. Ara á metü adöm na gramatica dl ladin te Gherdëina, gnüda fora tl 1991 cun le titul »La rujeneda dla oma« y ara á scrit deplü libri, sciöche por ejëmpl »Tone y la condla dal lat«, »La vedla massaria« y »L bosch y l lëur cun le leniam«. Döt ci che ara á fat, âra fat cun scerieté y pasciun y ara é insciö stada bona da ti dé inant a tröc l'amur por le lingaz y la cultura. N program de Erika Castlunger, camera y tai de Fulvio de Martin Pinter, a cura de Anna Mazzel.

RADIO
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
15.08
Agorà – L culezionist Wolfgang Moroder
Da les 19:05. Mut de bera Alex Moroder da Lenert, un di fundadëures dl Radio Ladin, ie l dutor Wolfgang Moroder n culeziunist cun na gran sensibltà, che vëij n'ana te uniun de si reperc storics. Nfat sce vedla chiena da zacan o manuscric ladins mei publichei: l ie dut testi­munianzes de nosta cultura vivuda. Na cultura che ël varentea acioche la vive inant y per fé chësc, vala nce de se nuzé dla plataformes dla rë. (terza y ultima pert). Trasmi­scion de Ivan Senoner.
18.08
Laurin
Da les 19:05. L'opera Laurin l'é n opera zis particolèra del componist e scritor da Moena Ermanno Zanoner, en ert Luigi Canori scrita anter l 1939 e l 1946 che ve sporjon chiò te l'orchestrazion del maester Gianfranco Grisi raprejentèda e touta su tel 1995 n ocajion di 20 egn de l'Istitut Cultural Ladin de Fascia. Program de Anna Mazzel.

Mujiga
13.08.
Corni da mont
L »Trio Ladinia« sona cun si corni da mont dala 17:00 nchin la 18:00 te Val, te Sëlva.
14.08.
Conzert dla Müjiga de Badia
La Müjiga de Badia inviëia a n conzert en sabeda ai 14 d'agost dales 21:00, sön paiun de paisc. Te chësta ocajiun gnarál surandé n valgönes ono­ranzes por 15, 25 y 40 agn d'ativité. Plü musicontri jogn podará pié do la medaia de brom y arjënt. Sce al ess da ester bur' tëmp, vëgn le conzert tigní la domënia ai 15 d'agost.
14.08.
Havana Club: tribut a Vasco Rossi
La cover band taliana fajerà si cunzert dala 21:00 sun Plaza de Chemun te Sëlva.
15.08.
Corni da mont
L »Trio Ladinia« sona cun si corni da mont dala 10:00 nchin la 11:00 tl zënter de Urtijëi.
15.08.
Cunzert dla Mujiga de Sëlva
N dumënia dala 21:00 sun Plaza de Chemun de Sëlva.
18.08.
Cunzert dla Mujiga da Bula
N mierculdi dala 21:00 tl pavilon sa Bula.
19.08.
Cunzert dla Mujighes de Badia y Auer
N juebia dala 21:00 sun Plaza de Chemun te Sëlva.
19.08.
Cunzert dla Mujiga de Urtijëi
N juebia dala 21:00 inant. Una na grupa dla Mujiga sunerà sun Plaza Stetteneck y l'autra grupa sun la Pitla Plaza de S. Antone.
19.08.
Moena en musega
En mercol ai 19 de aost da les 21:00 a les 22:30 fora per la piazes de Moena sona trei gropes. Te piaz de Sotegrava Jack Frison & The Swinin 'Ciccioli; te piaz de Ramon Easy Living Trio e su per l Vial i Museganc da Marevea.
20.08.
La Val: conzert in memoriam
En vëndres ai 20 d'agost dales 21:15 él te dlijia da La Val n conzert de musiga classica y sacrala cun le »Ensemble Gherdëina«.

Leteratura
13.08.
Ancunteda cun l autëur Luca Barbarossa
Per la lingia dla ancuntedes cun autëures iel ncuei vënderdi dala 17:30 Luca Barbarossa cun si liber »Non perderti niente«.
14. – 20.08.
Incuntades cun l'autur
»Un libro, un rifugio« vá inant cun chëstes incuntades: ai 14.08. n dialogh cun Carlo Cottarelli; ai 16.08. presenta­ziun de »A grandezza naturale« de Erri de Luca; ai 17.08. »Tempo: il sogno di uccidere Chrònos« de Guido Tonelli; ai 19.08. »My way: zio Bricco che ricette!« de Francesco Aquila; ai 20.08. »Uomini: è ora di giocare senza falli« de Tiziana Ferrario. Infos plü menüdes ti ofizi turistics dl'Alta Badia.
16.08.
Ancunteda cun l autëur Carlo Cottarelli
Per la lingia dla ancuntedes cun autëures iel n lunesc dala 17:30 Carlo Cottarelli che rejona de »N dialogh cun Dino Pesole«.
16.08.
Roberta Dapunt e Gustav Willeit
Tel chèder de la rassegna Enjoy Poza, en lunesc ai 16 de aost da les 21:00 te piaz de Comun de Poza scontrèda con la poeta ladina Roberta Dapunt e esposizion di retrac dal mond del fotograf Gustav Willeit.
18.08.
Ancunteda cun l autëur Guido Tonelli
Per la lingia dla ancuntedes cun autëures iel n mierculdi dala 17:30 Guido Tonelli cun si liber »Tëmp: l sëmi de mazé Chrònos«.
18/19.08.
Scontrèdes de la biblioteca a Cianacei
Te Comun de Cianacei mercol ai 18 de aost da les 17:30 pre­jentazion del liber de Alberta Rossi »I colores de la Dolo­mites« con conzert del grop 3D Family Project; jebia ai 19 da les 21:00 te chino Marmolèda prejentazion del liber »No ve desmention. Richard Lövy e i giusti della val di Fassa« con l'autora Chiara Iotti e l conzert del grop Ziganoff.
20.08.
Ancunteda cun l autëur Simone Bacci
Per la lingia dla ancuntedes cun autëures iel n vënderdi che vën dala 17:30 Simone Bacci cun »Mi Mont – Carant' ani de escursions te n mond idiliach«.

Sozial
Atualmënter
Bancarela dl mangé: mudaziuns
Le grup »Cörs dla Val Badia« lascia alsavëi che les bancareles dl mangé d'Al Plan y San Martin vëgn metüdes adöm. Al sará sëgn na bancarela sora, tl local dlungia la cia­mena dal guant a Picolin (ciasa olache al é le Sorvisc ai Jogn), entrada jöbas doía. La ban­carela é daverta vigni vëndres dales 9:30 ales 10:30.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da damané do contribuc finan­ziars por cunc/fatures de bojëgns primars (scialdé, afit, spëises sanitares, de scora, etc.) Le formular por fá do­manda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it 
18.08.
Alta Badia: n cör por mituns
En mercui ai 18 d'agost vëgnel tigní n evënt che sostëgn les cures paliatives de mituns amará. Al gnará pité na degu­staziun de biscoti, dlacins y pössl, adöm cun le cogo Norbert Niederkofler, plü avisa tl zënter da San Ciascian y sön Piz La Ila. La donaziun i jará ales organi­saziuns »La miglior vita possibile« y »Momo«.

Cursc
Vigni mercui
San Ciascian: curs de yoga
Al vëgn pité n curs de hatha yoga por düc, cun Karin Pizzinini. Al é le mercui dales 19:30 tl yoga studio Dolomites. Informaziuns al 340 1268806. Al vá debojëgn dl green pass.

Avisc

Atualmënter
Marënda per i »over 60«
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant do marënda, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Atualmënter
Museum Gherdëina daviert plu giut
L Museum tla Cësa di Ladins a Urtijëi à per d'instà n orar slungià y ie perchël daviert dal lunesc ala sada, for dala 10:00-13.00 y dala 14:00-18:00. Per vijites ora dl orar reguler y vijites menedes pòssen cherdé su l 0471 797554. Plu nfurmazions sot a www.museumgherdeina.it .
Atualmënter
Sorvisc de consulënza
Le Sorvisc ai Jogn Val Badia lascia alsavëi che le sorvisc de consulënza por jogn, jones y geniturs é davert tratan l'isté y fina amez setëmber sön apuntamënt o tres telefon al 342 8410721, mail barbara@jogn.org. An pó damané do na consulënza personala sön temesc che reverda la jonëza y/o l'educaziun.
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6. Por tó sö contat pón scrí a info.bruneck@frauenhelfenfrauen.it o telefoné al 0474 410303.
Atualmënter
Iniziativa di ëi de Puster – MIP
L'ofize dla MIP – Männer­initiative Pustertal dëida i ëi y peri pro caji de devorz, pîta aiüt te situaziuns de dificolté. L'ofize é tl Paternsteig nr. 1 a Bornech. Contat: tel. 0474 555848, info@mip-pustertal.it 

Chino
Atualmenter
Al chino de Cianacei
Insnet, vender ai 13, sabeda ai 14 e domenia ai 15 da les 17:00 l'é »I Croods 2« e da les 21:15 l'é »The suicide squad«, mercol ai 18 da les 21:15 l'é »Jungle Cruise«, jebia i 19 da les 21:15, sabeda ai 21 da les 17:00 e da les 21:15 l'é »Me contro te–Il mistero della scuola«.
Atualmenter
Al chino de Tieser
Insnet, vender ai 13 h. 21:15 l'é »Uno di noi«, sabeda ai e domenia ai 15 h. 17:00 vegn dat »Free guy« e h. 21.15 l'é »Come un gatto in tangenziale 2«, lunesc ai 16 h. 17:00 l'é »Jungle Cruise« e h. 21:15 »Uno di noi«, mèrtesc ai 17 h. 17.15 »I croods 2« e h. 21:15 »Suicide Squad 2«, mercol ai 18 h. 21:15 l'é »Fast & Furious 9«, jebia ai 19 h. 17:15 l'é »Me contro te 2« e h. 21:15 »Crudelia«.
13.08
»In viaggio verso un sogno«
Por la ligna Film.Club vëgnel lascé odëi en vëndres ai 13 d'agost dales 21.00 tla Val dl'Ert, a San Martin de Tor, le film »In viaggio verso un sogno« di regisć Tyler Nilson y Michael Schwartz. Entrada debann, sce al é burt tëmp vëgn la proieziun desdita.
13.08.
Dolmitale On Tour
Ncuei vënderdi dala 21:00 sun Pana a S. Cristina uniràl mustrà l film »Fine Lines« (2018) de Dina Khreino. Nglëij cun sottituli per talian. Da bur' tëmp sarà la manife­stazion tla Cësa di Cungresc a Urtijëi. Ntreda debant.
20.08.
Dolmitale On Tour
N vënderdi che vën dala 21:00 dan l Tublà da Nives te Sëlva uniràl mustrà l film »Il prigio­niero della montagna« (1955) de Luis Trenker. Talian cun sottituli per tudësch. Da bur' tëmp sarà la manifestazion sun Plaza de Chemun te Sëlva. Ntreda debant.
27.08.
Apericinema a Moena
En vender ai 27 de aost Lum Cinema col restorant Malga Roncac met dant n event particolèr. Apericena a tachèr da les 18.45 e dò chino a l'averta te vidor del restorant, co la proiezion del film 'Bohemian Rapsody' en lengaz originèl e sot titoi per talian. Prenotazion de obligh al 349/7530810 o sul sit www.lumcinema.co.uk .

Iadi y Jites
Uni merdi
Raida di mejes sa Sacun
Vijita ai mejes de Mëune y Peza y ala dlieja da Sacun y ntroduzion tl Museum Gher­dëina. N se urta dala 9:00 tl Museum per stlù ju dala 13:00 sa Sacun. Nfur­mazion y iscrizion: Museum Gherdëina Urtijëi, tel. 0471 797554, info@museumgherdeina.it .
26.08.
Sö dal ander de Conturines
Vigni secunda jöbia organisëia le Museum Ladin na escurjiun sö dal ander de Conturines, cun Alfred Erardi. An pëia ia dales 8:30 pro la Capanna Alpina a San Ciascian, por rové cina sö dal ander dles laurs. An röia zoruch incër les 16:00. Le deslivel é de 1.100 metri. Le cost por tó pert é de 10,00€. Iscriziuns ti ofizi turistics dl'Alta Badia. Proscims apuntamënc: 26 de agost y 9 de setëmber.

Sport
13/16/18/20.08.
Trofeo Ladin Elite de hockey
Per l Trofeo Ladin Elite de hockey tel stadie de Dèlba insnet vender ai 13 de aost da les 21:00 jia Fascia contra Cortina e en lunesc ai 16 l'é Fascia contra Gherdëina. En mercol ai 18 de aost vin Ampez sarà Cortina contra Fascia e en vender ai 20 l tornoi se sera sù a Selva con Gherdëina contra Cortina.
14.08.
L Giro de le Notole a Moena
En sabeda ai 14 de aost con scomenz da les 21:00 la Monti Pallidi endreza l Giro de le Notole, na proa de corsa averta a gregn e picoi sun n percors de 6 chilometres che ponta demez e rua te Piaz de Sotegrava.
20.08.
Trofeo Ladin
N vënderdi che vën dala 21:00 saràl la partida HC Gherdëina-S.G. Cortina tl Stadio Pra­nives te Sëlva. I tickets vën vendui iló, n ne n'à nia drë' de se lascé nuté su.

Referac
14.08.
L Guant
Doman, sabeda ai 14 de aost te Piaz de Cianacei da les 21:.00 l'Union di Ladins de Fascia e la Sociazion Ensema per Cianacei endreza na scon­trèda culturèla con Claudia Conta che rejona del Guant fascian con la prejen­tazion del projet »Saeres«. Se fossa catitemp l vegn fat l dì dò.
17.08.
Ispirazions d'istà
En mèrtesc ai 17 de aost da les 21:00 te chino Marmolèda don Marco Pozza rejona de »sportives, sostegnidores e fidei«: aldò de Papa Francesch l sport l'é la pruma catechesi.
20.08.
Simone Moro a Cianacei
En vender ai 20 de aost da les 21:00 te chino Marmolèda Campo Base endreza na scontrèda con Simone Moro: »Ho visto l'abisso«, canche da la desfata nasc l dejiderie de neva aventures.
24.08.
Margherita Detomas a Moena
En mèrtesc ai 24 de aost da les 21:00 te sala Simonin Maza de la scoles de Moena scon­trèda con la giornalista Mar­gherita Detomas che prejenta sie liber »Città invisibili«.
26/28.08.
Fotografìa sa mont
En jebia ai 26 de aost da les 21:00 al PalaDolomites de Ciampestrin vegn prejentà l frut del laboratorie de foto­grafìa di studenc de Fascia »Attraverso Vaia«; en sabeda ai 28 de aost da les 21:00 te Piaz Veie de Ciampedel scontrèda col fotograf Gian­carlo Rado che moscia si retrac su la vita di pèstres.

Concursc
Nchin ai 31.08.
Fé pea pra la Bienela Gherdëina 8
Per artisć/tes y curadëures iel l mesun de lauré pra na mostra a pert daujin a chëla prinzipela. L unirà premià la pruposta che ie bona de mëter su n dialogh cun la cuntreda y cun la tematiches dla otava edizion »Persons Persone Persone«. La documentazion ie da ti mandé a applicationBG8@gmail.com nchin ai 31.08. dala 23:00.
Nchin ai 15.09.
PandeMusic – Nuvità
Dala Provinzia àn giapà n cuntribut per sustenì scumen­ciadives cultureles do la gran stluta. Chiche fej pea pra l cuncors, y à i recuisic aldò dla bandida, giapa n cuntribut! Mplu iel pesć per na cumpo­sizion particularmënter urigi­nela, n test che va a cuer y per grupes de jëuni 2000+. Sambën vencerà i miëures sëuraprò mo de biei pesć. Infos: Servisc Furmazion Gherdëina tel. 0471 794268. La bandida dl cuncors ie sot a https://www.micura.it .

Mostres y Ert
Atualmenter
Mostra Artèdonna
Fin ai 31 de aost te piaz Scopol a Moena se pel veder la mostra de la sociazion »La Voce delle Donne« con lurieres, foto­grafies e chèdres de la artistes. La mostra é averta duc i dis da les 10:00 a les 12:00 e da les 16:30 a les 19:30.
Atualmenter
Hilde Rizzi en mostra
Fin ai 12 de setember te la veia senta del Consorzie Eletrich de Poza te Val de Sèn Nicolò se pel veder la mostra »Hilde Rizzi, chiò l'é mie reish« per endrez de la sociazion culturèla I Fiorimes. Oraries: da mercol a domenia da les 15:00 a les 18:00.
Atualmenter
Mostra 'Play!'
La mostra 'Play!' interativa a carater scientifich resta averta te la scola populèra de Vich enscin a en vender ai 20 de aost con orarie 16.00-19.00 e 20.30-22.30. I joegn de Inout é a la leta per vijites vidèdes.
Atualmenter
Contemplazions
Te la galaria Tanart a Cianacei enscin ai 5 de setember, con orarie 10:30-12:30 e 16:00 – 19:30, se pel veder 'Contem­plazioni', na mostra sul secondo Nefcent talian che propon na colezion de operes de vèlch un anter i artisć più emportanc del XX secol.
Atualmënter
Pitura tridimensciunela de Sonya Hofer
La mostra tl Museum dla Zità a Tluses ie da udëi nchin ai 21.08. da merdi nchin sada dala 9:30-12:00 y 15:30-18:00. Hofer ti ie jita permez te na maniera drët particulera ala Dolomites. I culëures ma nce l material lascia udëi y sentì l crëp plu vif.
Atualmënter
Mostra di proiec dla Cësa di Ladins
La mostra di 13 proiec dla Cësa di Ladins nueva ie da udëi tla sala Luis Trenker te Cësa di Cungresc a Urtijëi nchin ai 22.08., for de mier­culdi nchin de dumënia dala 10:00 nchin la 12:00 y dala 16:00 nchin la 19:00; de vënderdi nce dala 20:00 nchin la 22:00.
Atualmënter
Bernardi, Vallazza y d'autri
La mostra de grupa cun Michele Bernardi, Viola Bittl, Johannes Bosisio, Leonardo Silaghi y Hugo Vallazza se dà ju cun l raport di artisć y la realtà te chëla che i lëura. L ie artisć de generazions y cuntesć culturei desferënc. Da udëi tla galaria Ghetta a Puntives sud 8 nchin ai 27.08. da merdi nchin vënderdi dala 15:00-18:00 o cherdan su l 366 1500243.
Atualmënter
»Ces« de Lois Anvidalfarei
L artist uel fé n viac spirituel tl luech dla cuscienza y dla rejon, l ie na secuënza de emuzions y de esperienzes che uniun de nëus fej te si vita da uni di. L ie dantaldut na reflescion laica n con' dla tematica for atuela dl'ejistënza umana y di valores dl tëmp y dla ratio. La mostra tl Tublà da Nives te Sëlva resterà davierta nchin ai 29.08., uni di dala 16:00-19:00. De dumënia, merdi, mierculdi y vënderdi iela nce davierta da sëira dala 20:30-22:00.
Atualmënter
»Georitmie« de Mona Lisa Tina
La mostra tla galaria Vijion a Puntives sarà davierta nchin ai 04.09., da lunesc nchin de sada dala 16:00-19:00 o scenó sun terminn cherdan su l 338 20 98 697 o l 334 54 61 991. Tla mostra iel metù ora re­prejentazions fotografiches monocromatiches, metudes n relazion ala fazion dla cromoterapia.
Atualmënter
»Anima Mundi – Arte Pro Natura« cun Gregor Prugger
La mostra tl Museum d'ert cuntemporana a Ciavalëis, ulache l mët ora l artist Gregor Prugger de Urtijëi deberieda cun David Aaron Angeli, Stanislaw Brach, Leonardo Nava, Marco Nones, Giuliano Orsingher y Federico Seppi ie da udëi nchin ai 19.09. da merdi nchin dumënia, dala 10:00–12:00 y 15:30-19:00.
Atualmënter
Markus Vallazza y Dante
Tla Hofburg a Persenon iel la mostra »Markus Vallazza y Dante. L'opra tla opra«, che ie da udëi nchin ai 07.11. y unirà acumpanieda da plu manifestazions.
Atualmënter
San Martin: »Le paesaje tles vals ladines«
Tl salf dl Istitut Ladin »Micurá de Rü« a San Martin él da odëi la mostra dl Fotoclub Val Badia dal titul »Le paesaje tles vals ladines«. La mostra é daverta cina ai 31 d'agost, ti orars de daurida dla biblioteca d'Istitut.
Atualmënter
Al Plan: »Le monn ne basta nia«
Tla Ciasa dl Parch Natural a Al Plan él da odëi la mostra »Le monn ne basta nia« cun retrac de Fabian Haspinger da Türesc. Al mostra sö la merscia che la porsona á lascé tla contrada naturala, fajon sö de vigni sort de strotöres ince te munt. Info: 0474 506120.
Atualmënter
»Simbol, podëi, movimënt – Tirol tles chertes storiches«
Tl Museum Ciastel Tirol dlungia Maran él da odëi cina ai 21 de novëmber na mostra che pîta na racoiüda de chertes geografiches storiches. Lapró ince zacotan de esponac de localités ladines, cun chertes cënc d'agn vedles.
Atualmënter
Laurs de Siegward Sprotte
Tl salf dles manifestaziuns da Corvara él da odëi na mostra dl depenjadú y filosof todësch Siegward Sprotte, dal titul »La Val Badia tla pitöra dl gran artist todësch«. La mostra é daverta cina ai 29 de agost. Orars: vigni de dales 16:30 ales 19:30 y dales 21:00 ales 22:30.
Atualmenter
L Malghier
Te la sezion sul teritorie del Museo Ladin de Fascia dedichèda ai prodoc dal lat se pel veder coche se fèsc formai. La é averta te Strada Dolomites 233 a Pera fin ai 10 de setember, dal lunesc a la sabeda da les 16.00 a les 19.00. De mercol da les 11.00 l'é la vijita vidèda con preno­tazion de obligh al 0462 760182.
Atualmenter
L Molin de Pezol
La sezion destachèda del Museo Ladin te Strada de Jumela 18 a Pera é averta al publich fin ai 10 de setember dal lunesc a la sabeda da les 10.00 a le 12.00 e da le 16.00 a le 19.00. De mercol da les 17.00 l'é la vijita vidèda per veder coche laora l molin. Prenotazion al 0462 760182.
Atualmenter
L Segat
La sezion sul teritorie del Museo Ladin de Fascia dedichèda al bosch e si lurieres é averta te Strada Ruf de Ruacia 7 a Poza fin ai 10 de setember, dal lunesc a la sabeda da les 10.00 a les 12.00 e da les 16.00 a les 19.00. De vender da les 11.00 l'é la vijita vidèda con prenotazion de obligh al 0462 760182.
Atualmenter
Oraries Museo Ladin
L Museo Ladin de Fascia a Sèn Jan é avert al publich fin ai 10 de setember dal lunesc a la sabeda da les 10.00 a le 12.30 e da le 15.00 a le 19.00. De mèrtesc da les 11.00 se pel tor pèrt a la vijita vidèda con prenotazion al 0462 760182. De lunesc da les 17.00 l'é l Giramuseo per i più picoi.
Atualmenter
La Sia
La sezion destachèda del Museo Ladin te Strèda de Ciamp Trujan 30 a Penia é averta al publich fin ai 10 de setember dal lunesc a la sabeda da les 10.00 a le 12.00 e da le 16.00 a le 19.00. De lunesc da les 11.00 l'é la vijita vidèda con prenotazion de obligh al 0462 760182.
Atualmenter
L Stònt
La sezion destachèda del Museo Ladin su la postazion de trata al tulac di Stand­schützen é averta al publich te Strèda de Pent de Sera a Ciampedel fin ai 10 de setem­ber dal lunesc a la sabeda da les 16.00 a le 19.00. De jebia da les 17.00 l'é la vijita vidèda con prenotazion de obligh al 0462 760182.
07/08 – 05/09
Ursula Tavella: »Tl bosch blanch«
Mostra de dessëgns de Ursula Tavella söl bosch, y tiers y stories tl bosch tla Kommende Lengmoss söl Renon, dal lönesc ala sabeda, dales 16:00 ales 18:00, domënia dales 10:00 ales 12:00, y dales 16:00 ales 18:00.
13.08.
Thabata Arduini y si »Torpore Atarassico«
Ncuei vënderdi dala dala 20:30 saràl la giaurida dla mostra d'arista tla sala dla Lia Mostra d'Ert – Circolo a Urtijëi, cun ntroduzion de Lugi Ramoni. La tematica zentrela: aspité. La mostra resterà davierta nchin ai 29.08. uni di dala 10:00 nchin la 12:00 y dala 18:00 nchin la 22:00.
13/08
Daurida dla »1000 Gallery«
Incö, vëndres ai 13 d'agost 2021, dales 19:00 ales 22:00, vëgnel daurí a Longega al intern dl »Longega Project« la vidrina dla galaria ai 1.000 metri, cun la mostra di laurs de Nele Ka y Oliver Haus­smann.

Galaria retrac