Manifestazions atuales

Data

20 de agost 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 20 de agost
Dotours
Dutor Gherdëina
L dutor de servisc da n sada ai 21.08. dala 8:00 daduman nchin la 8:00 daduman de n lunesc ai 23.08. ie l dutor Valentin Tröbinger de Sëlva, tel. 0471 773073 o l 335 6844944.
Doturs Val Badia
Tla fin dl'edema di 21 y 22 d'agost él en sorvisc ti comuns de Mareo y San Martin la doturia Margarete Mahl­knecht, La Val, tel. 349 0667034 o 0474 523018. Ti comuns de Badia y Corvara él en sorvisc le dotur Alberto Caretta, Badia, tel. 0471 839706 o 380 3161999.

Apoteches
Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 20.08. nchin n vënderdi ai 27.08. ie chëla de S. Cristina, tel. 0471 792106 o 333 1776615 (orar de giaurida: sa. 8:00-12:00/ 15:30-18:30, du. 8:00-12:00).
Apoteches Val Badia
L'apoteca en sorvisc fora dl orar ordinar, dal vëndres ai 20 de agost dales 19:00 al vëndres ai 27 de agost ales 19:00, é chëra da Corvara, tel. 0471 830237.

Leteratura
20.08.
Ancunteda cun l autëur Simone Bacci
Per la lingia dla ancuntedes cun autëures iel ncuei dala 17:30 Simone Bacci cun si publicazion dla Mont de Sëuc.
20.08.
Ultima »incuntada cun l'autur«
Incö vëndres ai 20 d'agost vëgnel tigní l'ultima incuntada de »Un libro, un rifugio«. Dales 17:30 pón tó pert ala presentaziun de »Uomini: è ora di giocare senza falli« de Tiziana Ferrario, cun Guido Rispoli. An s'incunta tl salf dles manifestaziuns da Cor­vara. I posć é limitá
23.08.
»Il libro nella roccia«
En lönesc ai 23 d'agost dales 17:00 vëgnel presenté sön paiun da San Ciascian le liber por mituns »Mille case, mille storie« de Mauro Bellei. Al sará ince n laboratore creatif. Infos y iscriziuns ti ofizi turistics dl'Alta Badia. Al ó ester le green pass.
23.08.
Fulvio Vian, artist e sciaman
Tel chèder de la rassegna Enjoy Poza, en lunesc ai 23 de aost da les 21:00 te piaz de Comun de Poza scontrèda con l'artist da Vich Fulvio Vian, dal legn a la faceres, la reijes veiores de n om che vegn da dalonc.
24/26.08.
Scontrèdes de la biblioteca a Cianacei
Te Comun de Cianacei mèrtesc ai 24 de aost da les 17.30 scontrèda con l scritor Valentino Corona. En jebia ai 26 de aost da les 21.00 te chino Marmolèda scontrèda con Licia Campi Pezzi e Mauro Valentini dal titol »Le donne degli Asburgo, da Maria Teresa a Sissi«.
27.08.
Prejentazion del liber de Virgilio Soraperra
En vender ai 27 de aost da les 21.00 te chino de Marmo­lèda de Cianacei l Comitat manifestazions endreza la prejentazion del liber »Virgilio Soraperra de la Zoch. Der Kunstmaler« scrit dal fi Claus Soraperra e da l'amich Gian­franco Traverso.

Chino
Atualmenter
Al chino de Tieser
Insnet, vender ai 20 de aost da les 17:15 l'é »Capitan Scia­bola« e da les 21:15 l'é »Fast & Furious 9« che vegn dat ence sabeda ai 21 da les 21:15. Domenia ai 22 da les 17:15 l'é »Me contro te« e da les 21:15 l'é »Fast & Furious 9«, lunesc ai 23 e mèrtesc ai 24 da les 21:15 l'é »Volami via«.
Atualmenter
Al chino de Cianacei
Ai 21 de aost da les 17:00 e da les 21:15 l'é »Me contro te – Il mistero della scuola« che vegn dat ence domenia ai 22 da les 21:15, enveze da les 17:00 l'é »I Croods 2«; mèrtesc ai 24 e mercol ai 25 da les 21:15 l'é »Agente speciale 117«, jebia ai 26 da les 21:15 l'é »Fast & Furious 9«.
27.08.
Dolomitale On Tour
N vënderdi che vën saràl da udëi l film »Pinocchio« (2019) cun Roberto Benigni, dala 21:00 sun Plaza S. Antone a Urtijëi. Da bur' tëmp sarà la manifestazion tla Cësa di Cungresc. Ntreda debant.
20.08.
Dolomitale On Tour
Ncuei vënderdi dala 21:00 dan l Tublà da Nives te Sëlva vëniel mustrà l film »Il prigio­niero della montagna« (1955) de Luis Trenker. L film ie cun sotituli per tudësch. Da bur' tëmp ie la manife­stazion sun Plaza de Chemun te Sëlva. Ntreda debant.
27.08.
Apericinema a Moena
Anché, vender ai 27 de aost Lum Cinema col restorant Malga Roncac met dant n event particolèr. Apericena a tachèr da les 18.45 e dò chino a l'averta te vidor del restorant, co la proiezion del film 'Bohemian Rapsody' en lengaz originèl e sot titoi per talian. Prenotazion de obligh al 349/7530810 o sul sit www.lumcinema.co.uk.

Cursc
25.-27.08.
Curs de proietazion y stampa 3D
La Lia Mostra d'Ert mët a jì n curs per jëuni dla scola mesana. Da se scrì ite iel mo ncuei 20.08. L curs sarà ai 25. y 26.08. dala 09:00-12:00 y 15:00-18:00, y ai 27.08. danmesdì dala 09:00-12:00 cun Martin Demetz y Sara Solderer. Da paië ite iel 60 €. Iscrizions tla biblioteca dl Circolo, tel. 377 5936350.
Vigni mercui
San Ciascian: curs de yoga
Al vëgn pité n curs de hatha yoga por düc, cun Karin Pizzinini. Al é le mercui dales 19:30 tl yoga studio Dolomites. Informaziuns al 340 1268806. Al vá debojëgn dl green pass.

Temp Lede
De vënderdi
Vënderdi lonch
Tl zënter de Urtijëi cun mujiga dal vif dala 18:00 ala 20:30, aperitifs speziei y la butëighes daviertes nce dala 21:00 nchin la 22:30. Ncuei 20.08. sona Cindy Hofer y Alex Gross­rubatscher, l Duo Demetz y Georg Malfertheiner. N vënderdi che vën ai 27.08. suneràl Luca Langgartner y David Demetz, Marion Moroder y i Cheifree Jazz.
De vënderdi
Shopping da sëira
Te Sëlva saràl uni vënderdi nchin ai 20 d'agost, la butëi­ghes daviertes nce da sëira, dala 21:00 nchin la 22:30.
Atualmënter
Pec dla storia che va a cuer!
L Museum Gherdëina a Urti­jëi pieta uni lunesc y vënderdi dala 16:00 vijites menedes debant (30 menuc) ai pec che va a cuer dla culezions natura­li­stiches, artistiches y storich-cultureles, cun Christine Kasslatter y Pauli Senoner. La ntreda ie a paiamënt, sot ai 18 ani ne cóstel nia. N ne à nia drë' de se nuté su. Per infos tel. 0471 797554.
Atualmënter
Alta Badia Balance
Le festival »Alta Badia Balance«, pîta döta l'edema deplü ativités sciöche escur­jiuns de relassamënt te bosch y leziuns da suravire te bosch y leziuns de yoga. Le program cun dötes les informaziuns ciafon sön la plata www.altabadiabalance.com .
Atualmenter
Recam solidal
A Vich tel piaz a l'averta vejin a Ciasa Marmolada fin ai 27 de aost vigni mercol e vender (de bon temp) da les 15:00 a les 18:00 i »Mille Centrini« endreza n laboratorie de recam. L'é debant, con mate­rial dat per nia e lurieres vegn venui per solidarietà. Ge vel se enscinuèr per les 18:00 de la sera dant al 339 7066872.
21.08.
Südtirol cujina, cun i miëur cueghes
Sun Ciampinëi, pra la utia Saslonch, duman sada dala 11:00 nchin la 14:30. Japé de Saslonch cujinerà i cueghes Andrea Moccia y Norbert Dejaco, la paura Anna Messner Perathoner sciche nce i osć dla utia Karl y Jan Piazza spëisa tipica ladina. L ie da se nuté su tla Lia dl Turism de Sëlva: 0471 777900 o selva@valgardena.it.
22.08.
»Movi Pet«
En domënia ai 22 d'agost dales 10:30 vëgnel organisé n de dediché ai tiers. Tl parch Movimënt Piz La Ila vëgnel tigní n evënt olache an pó se devertí, descurí les munts y davagné pesć adöm cun so pice tier. Infos sön le program sön www.altabadia.org
23.08.
Juesc y devertimënt per pitli
Sun Plaza de Chemun te Sëlva dala 17:00 nchin la 19:00. Tlo possa i pitli pastelné tieres y auter, ntënjer malietes cun culëures naturei, fé codles de jiefa y juesc coche muejer la vacia y d'autri nce deberieda cun »Mago Bryan«. N ne à nia drë' de se lascé nuté su.
23.08.
Artejanat y guant dala gherdëina
Tl zënter de Urtijëi iel dala 20:30 nchin la 22:30 da pudëi udëi vel' stont che mostra su de vedla tradizions, dal arte­janat nchin al guant dala gherdëina y mo deplù.
24.08.
Pastelné cun materiai naturei
N merdi dala 14:30 nchin la 18:00 sun la Pitla Plaza de S. Antone a Urtijëi iel na berstot da pastelné per mutons. L ne n'ie nia da se lascé nuté su danora. N possa fé pea debant.
24.08.
Marcià d'ert y artejanat
Sun Plaza Nives te Sëlva, dala 9:00 nchin la 18:00. Unicac y pec fac a man metui ora y vendui diretamënter dai arte­jans y artisć che à crià chisc pec de lën, ceramica, drap, pel, ciofs secëi y mo d'autri materiai.
24.08.
Cujiné te ütia
En mertesc ai 24 d'agost dales 14:30 vëgnel pité la poscibilité da cujiné spezialités ladines adöm cun n cogo, tla ütia I Tablá. Infos y iscriziuns ti ofizi turistics dl'Alta Badia, anter le de denant. Al ó ester le green pass.
24.08.
Marcià di paures y prudoc tradiziunei
L marcià tradiziunel cun prudoc tipics, zidlei y fac dai paures de Südtirol sarà inò ntan dut l instà uni merdi dala 19:00 nchin la 22:00 tl raion da jì a pe »Bënunii« de S. Cristina.
25.08.
Domisdé di mituns tl Museum Ursus Ladinicus
Mituns y mitans da 5 a 12 agn é inviá en mercui ai 18 d'agost a n domisdé tl Museum Ladin Ursus ladinicus a San Ciascian. Dales 17:00 pói vijité le museum y dedô gna­rál fat ativités manuales y crea­tives. Iscriziuns tl ofize turi­stich da San Ciascian, anter les 16:00.
26.08.
Domesdì de Daksy te Val
Ala scuvierta dla natura cun Brigitte, l'assistënta dl Parch Naturel, che ve aspieta cun ncëries nteressantes y criatives y truep juesc per mparé a cunëscer l Parch Naturel patri­mone UNESCO. Vië nce tu! Te Val te Sëlva dala 14:00 nchin la 16:30. Chësc sarà l ultim domesdì per chësc instà.
25. – 27.08.
Nos Ladins
L'iniziativa »Nos Ladins« vá inant. Ai 25 d'agost pón imparé da cují cun Anita a San Ciascian; ai 26.08. pón imparé da conësce le lingaz di cerfs cun Lukas a Sompunt; ai 27.08. pón jí cun la roda cun Igor. Iscriziuns ti ofizi turistics dl'Alta Badia, anter le de denant.
26.08.
Juesc y devertimënt cun »Mago Bryan«
De juebia dala 20:30 nchin la 21:30 tl raion da jì a pe »Bënunii« a S. Cristina dan l hotel Post.
27.08.
Vins alaleria
Vigni vëndres domisdé pón tó pert a na degustaziun ala­leria di mius vins dl Südti­rol, adöm cun n sommelier. Ai 27 d'agost dales 14:30 s'incun­ton al Sass Dlacia a San Ciascian, olache al sará na degustaziun dedicada a vins de coltivaziun biologica y biodinamica. Infos y iscriziuns ti ofizi turistics dl'Alta Badia.

Avisc
Atualmënter
Museum Gherdëina daviert plu giut
L Museum tla Cësa di Ladins a Urtijëi à per d'instà n orar slungià y ie perchël daviert dal lunesc ala sada, for dala 10:00-13.00 y dala 14:00-18:00. Per vijites ora dl orar reguler y vijites menedes pòssen cherdé su l 0471 797554. Plu nfurmazions sot a www.museumgherdeina.it
Atualmënter
Sorvisc de consulënza
Le Sorvisc ai Jogn Val Badia lascia alsavëi che le sorvisc de consulënza por jogn, jones y geniturs é davert tratan l'isté y fina amez setëmber sön apuntamënt o tres telefon al 342 8410721, mail barbara@jogn.org. An pó damané do na consulënza personala sön temesc che reverda la jonëza y/o l'educaziun.
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6. Por tó sö contat pón scrí a info.bruneck@frauenhelfenfrauen.it o telefoné al 0474 410303.
Atualmënter
Iniziativa di ëi de Puster – MIP
L'ofize dla MIP – Männer­initiative Pustertal dëida i ëi y peri pro caji de devorz, pîta aiüt te situaziuns de dificolté. L'ofize é tl Paternsteig nr. 1 a Bornech. Contat: tel. 0474 555848, info@mip-pustertal.it 
23.08.
Sun Fedaa a vardèr la steiles
En lunesc ai 23 de aost da les 21.00 sun jouf de Fedaa l Comitat manifestazions de Cianacei endreza na sera con l pascionà de astronomia Vincent Stambè per vardèr e cognoscer la steiles. Se fossa catitemp l vegn fat l dì dò.
31.08.
A Trieste con l CAI SAT Auta Fascia
L CAI SAT Val de Sora endreza na raida a Trieste dai 24 ai 26 de setember: Risiera de San Sabba, Col de S. Giusto e la bela zità; Ciastel de Miramare e raida sul troi Rilke; l mèr de Jesolo e marena de pesc. Iscrizions, fin canche l'é post ma dant dai 31 de aost da Assunta Merli 339 740063 o Licia Favé 333 4978848.

Mostres y Ert
Atualmenter
Mostra Artèdonna
Fin ai 31 de aost te piaz Scopol a Moena se pel veder la mostra de la sociazion »La Voce delle Donne« con lurieres, foto­grafies e chèdres de la artistes. La mostra é averta duc i dis da les 10:00 a les 12:00 e da les 16:30 a les 19:30.
Atualmenter
Hilde Rizzi en mostra
Fin ai 12 de setember te la veia senta del Consorzie Eletrich de Poza te Val de Sèn Nicolò se pel veder la mostra »Hilde Rizzi, chiò l'é mie reish« per endrez de la sociazion culturèla I Fiorimes. Oraries: da mercol a domenia da les 15:00 a les 18:00.
Atualmenter
Contemplazions
Te la galaria Tanart a Cianacei enscin ai 5 de setember, con orarie 10:30-12:30 e 16:00–19:30, se pel veder 'Contem­plazioni', na mostra sul secondo Nefcent talian che propon na colezion de operes de vèlch un anter i artisć più emportanc del XX secol.
Atualmënter
Thabata Arduini y si »Torpore Atarassico«
Tla sala dla Lia Mostra d'Ert/Circolo a Urtijëi iel da udëi nchin ai 29.08. la mostra che à da n fé cun l aspité, ma nia minà coche se aspité velch de cuncret, ma coche n vester dla persona che ie śareda ite te n tëmp che ne ie nia plu lineér, ma tóch y strancëus. Davierta uni di dala 10:00-12:00 y dala 18:00-22:00.
Atualmënter
Mostra di proiec dla Cësa di Ladins
La mostra di 13 proiec dla Cësa di Ladins nueva ie da udëi tla sala Luis Trenker te Cësa di Cungresc a Urtijëi nchin ai 22.08., for da mier­culdi nchin dumënia dala 10:00-12:00 y 16:00-19:00; de vënderdi nce dala 20:00-22:00.
Atualmënter
»Ces« de Lois Anvidalfarei
L artist uel fé n viac spirituel tl luech dla cuscienza y dla rejon, l ie na secuënza de emuzions y de esperienzes che uniun de nëus fej te si vita da uni di. La mostra te Tublà da Nives te Sëlva resta davierta nchin ai 29.08., uni di dala 16:00-19:00, de dumë­nia, merdi, mierculdi y vën­derdi nce da sëira dala 20:30-22:00.
Atualmënter
»Georitmie« de Mona Lisa Tina
Tla mostra iel metù ora reprejentazions fotografiches monocromatiches, metudes n relazion ala fazion dla cromoterapia. La mostra tla galaria Vijion a Puntives ie davierta nchin ai 04.09., da lunesc nchin sada dala 16:00-19:00 o scenó sun terminn cherdan su l 338 2098697 o l 334 5461991.
Atualmënter
»Anima Mundi – Arte Pro Natura« cun Gregor Prugger
La mostra tl Museum d'ert cuntemporana a Ciavalëis, ulache l mët ora l artist Gregor Prugger de Urtijëi deberieda cun David Aaron Angeli, Stanislaw Brach, Leonardo Nava, Marco Nones, Giuliano Orsingher y Federico Seppi ie da udëi nchin ai 19.09. da merdi nchin dumënia, dala 10:00–12:00 y 15:30-19:00.
Atualmënter
Markus Vallazza y Dante
Tla Hofburg a Persenon iel la mostra »Markus Vallazza y Dante. L'opra tla opra«, che ie da udëi nchin ai 07.11. y unirà acumpanieda da plu manifestazions. Ai 23., 25. y 28.08. dala 21:00 uniràl mustrà tl verzon dla Hofburg na trilogia de films n con' dl infiern, purgatuere y paravis.
26.08.
Fotografies de »Alpimagia«
La Comunanza Ladina a Bulsan nvieia n juebia dala 16:30 a jì a ti cialé ala mostra tl Museum Zivich de Bulsan che documentea tradizions, rituai y lijëndes dla jënt dla Elpes. Augusto Golin fajerà na pitla ntroduzion. Se nuté su danora prëibel da Sabina, tel. 339 1207005.
27.08.
»Ega dla Dolomites«
La vint plu bela fotografies dates ju per l cuncors de fotografia vën metudes ora te Sëlva sun Plaza Nives y ite per la streda Mëisules. Les resterà da udëi nchin ai 03.09.. Te chësc tëmp puderà l publich dé ju si stima per la plu bela fotografia (tla Lia dl Turism y ufize Active&Events). La premiazion dl cuncurs sarà ai 03.09.
Atualmënter
San Martin: »Le paesaje tles vals ladines«
Tl salf dl Istitut Ladin »Micurá de Rü« a San Martin él da odëi la mostra dl Fotoclub Val Badia dal titul »Le paesaje tles vals ladines«. La mostra é daverta cina ai 31 d'agost, ti orars de daurida dla biblio­teca d'Istitut.
Atualmënter
Al Plan: »Le monn ne basta nia«
Tla Ciasa dl Parch Natural a Al Plan él da odëi la mostra »Le monn ne basta nia« cun retrac de Fabian Haspinger da Türesc. Al mostra sö la merscia che la porsona á lascé tla contrada naturala, fajon sö de vigni sort de strotöres ince te munt. Info: 0474 506120.
Atualmënter
»Simbol, podëi, movimënt – Tirol tles chertes storiches«
Tl Museum Ciastel Tirol dlungia Maran él da odëi cina ai 21 de novëmber na mostra che pîta na racoiüda de chertes geografiches storiches. Lapró ince zacotan de esponac de localités ladines, cun chertes cënc d'agn vedles.
Atualmënter
Laurs de Siegward Sprotte
Tl salf dles manifestaziuns da Corvara él da odëi na mostra dl depenjadú y filosof todësch Siegward Sprotte, dal titul »La Val Badia tla pitöra dl gran artist todësch«. La mostra é daverta cina ai 29 de agost. Orars: vigni de dales 16:30 ales 19:30 y dales 21:00 ales 22:30.
Atualmenter
L Malghier
Te la sezion sul teritorie del Museo Ladin de Fascia dedichèda ai prodoc dal lat se pel veder coche se fèsc formai. La é averta te Strada Dolomites 233 a Pera fin ai 10 de setember, dal lunesc a la sabeda da les 16.00 a les 19.00. De mercol da les 11.00 l'é la vijita vidèda con preno­tazion de obligh al 0462 760182.
Atualmenter
L Molin de Pezol
La sezion destachèda del Museo Ladin te Strada de Jumela 18 a Pera é averta al publich fin ai 10 de setember dal lunesc a la sabeda da les 10.00 a le 12.00 e da le 16.00 a le 19.00. De mercol da les 17.00 l'é la vijita vidèda per veder coche laora l molin. Prenotazion al 0462 760182.
Atualmenter
L Segat
La sezion sul teritorie del Museo Ladin de Fascia dedi­chèda al bosch e si lurieres é averta te Strada Ruf de Ruacia 7 a Poza fin ai 10 de setember, dal lunesc a la sabeda da les 10.00 a les 12.00 e da les 16.00 a les 19.00. De vender da les 11.00 l'é la vijita vidèda con prenotazion de obligh al 0462 760182.
Atualmenter
Oraries Museo Ladin
L Museo Ladin de Fascia a Sèn Jan é avert al publich fin ai 10 de setember dal lunesc a la sabeda da les 10.00 a le 12.30 e da le 15.00 a le 19.00. De mèrtesc da les 11.00 se pel tor pèrt a la vijita vidèda con prenotazion al 0462 760182. De lunesc da les 17.00 l'é l Giramuseo per i più picoi.
Atualmenter
La Sia
La sezion destachèda del Museo Ladin te Strèda de Ciamp Trujan 30 a Penia é averta al publich fin ai 10 de setember dal lunesc a la sabeda da les 10.00 a le 12.00 e da le 16.00 a le 19.00. De lunesc da les 11.00 l'é la vijita vidèda con prenotazion de obligh al 0462 760182.
Atualmenter
L Stònt
La sezion destachèda del Museo Ladin su la postazion de trata al tulac di Stand­schützen é averta al publich te Strèda de Pent de Sera a Ciampedel fin ai 10 de setem­ber dal lunesc a la sabeda da les 16.00 a le 19.00. De jebia da les 17.00 l'é la vijita vidèda con prenotazion de obligh al 0462 760182.

Concursc
Nchin ai 31.08.
Fé pea pra la Bienela Gherdëina 8
Per artisć/tes y curadëures iel l mesun de lauré pra na mostra a pert, daujin a chëla prin­zipela. L unirà premià la pruposta che ie bona de mëter su n dialogh cun la cuntreda y cun la tematiches dla otava edizion »Persons Persone Personen«. La documentazion ie da ti mandé a application BG8@gmail.com nchin ai 31.08. dala 23:00.
Nchin ai 15.09.
PandeMusic – Nuvità
Dala Provinzia àn giapà n cuntribut per sustenì scumen­ciadives cultureles do la gran stluta. Chiche fej pea pra l cuncors, y à i recuisic aldò dla bandida, giapa n cuntribut! Mplu iel pesć per na cumpo­sizion particularmënter urigi­nela, n test che va a cuer y per grupes de jëuni 2000+. Sambën vencerà i miëures sëuraprò mo de biei pesć. Infos: Servisc Furmazion Gherdëina tel. 0471 794268. La bandida dl cuncors ie sot a https://www.micura.it.

Mujiga
20.08.
La Val: conzert in memoriam
Incö vëndres ai 20 d'agost dales 21:15 él te dlijia da La Val n conzert de musiga clas­sica y sacrala cun le »Ensemble Gherdëina«.
20. y 21.08.
Cunzert dl'urchestra Sonoton Gherdëina
»Vi musicae ad salutem – sanità tres la mujiga« ie l titul dl cunzert dl'urchestra Sono­ton, che sarà dala 20:30 te dlieja a Urtijëi. Sot ala bachëta de Matthäus Crepaz sunerài pec de Bach, Purcell, Barber, Jenkins, Vangelis . Ntreda cun green pass. Jëuni possa fé l test iló. Chertes danora tla Lia dl Turism de Urtijëi.
20. y 27.08.
Corni da mont
L »Trio Ladinia« sona cun si corni da mont dala 17:00 nchin la 18:00 te Val, te Sëlva.
21.08.
Corvara: conzert de musiga classica
En sabeda ai 21 d'agost dales 21:15, te dlijia da Corvara. Al sona n grup de archëc dal Friul y dal Venet.
22.08.
Cianté y soné sön munt
En domënia ai 22 d'agost dales 13:30 ales 15:00 él da aldí tla Ütia La Tambra a Corvara n grup dla Müjiga da San Ciascian. Al ó ester le green pass.
22.08.
»The Q Project« n unëur di Queen
Cunzert n dumënia dala 21:00 sun Plaza de Chemun de Sëlva. Na grupa de sunadëures y ciantarins duc de Gherdëina se à metù adum per suné mujiga dla band nglëija cune­sciuda di Queen. La ntreda ie debant, ma l ie mpo debujën de apusté la chertes danora pra la Lia dl Turism de Sëlva nce online. Cun green pass.
25.08.
Sëira de mujiga tl zënter Iman
N mierculdi dala 21:00 tl zënter Iman a S. Cristina cun l cor di ëi Saslonch, i corni da mont Ladinia y la Grupa de Bal populer de S. Cristina/Sëlva. Per vester leprò iel debujën dl green pass.
26.08.
Cunzert dla Mujiga de Badia
N juebia dala 21:00 sun Plaza de Chemun de Sëlva.
26.08.
Cunzert dla Mujiga da Bula
N juebia dala 21:00 sun Pitla Plaza de S. Antone a Urtijëi.
26.08.
Corni da mont sun Resciesa
N juebia dala 16:00 nchin la 17:30 sunerà l trio de corni da mont Ladinia sa la stazion dla funiculera de Resciesa.
28.08.
La Val: conzert »Te chësc bel monn«
La Müjiga da La Val inviëia en sabeda ai 28 d'agost dales 20:30 al conzert dal titul »Te chësc bel monn«. Le conzert vëgn tigní sön paiun de paisc. Te chësta ocajiun gnarál ince surandé onoranzes. Sce al ess da ester bur' tëmp, vëgn le conzert sburlé ai 11 de setëm­ber.
29.08.
Cunzert dla Mujia de Sëlva
N dumënia che vën dala 17:00 nchin la 19:00 sun Plaza de Chemun de Sëlva.
29.08.
Ensemble D'Accordo
N dumënia che vën dala 21:00 te dlieja de Sëlva saràl l cun­zert dal titul »The last rose of summer« cun cianta­rines y sunadëures de Gherdëina. Per vester leprò iel debujën dl green pass.

Sport
20.08.
Trofeo Ladin
Ncuei dala 21:00 iel tl Stadio Pranives de Sëlva la partida danter l HC Gherdëina y SG Cortina. La chertes de ntreda vën vendudes iló, n ne à nia drë' de se lascé nuté su.

Iadi y Jites
26.08.
Sö dal ander de Conturines
Vigni secunda jöbia organisëia le Museum Ladin na escurjiun sö dal ander de Conturines, cun Alfred Erardi. An pëia ia dales 8:30 pro la Capanna Alpina a San Ciascian, por rové cina sö dal ander dles laurs. An röia zoruch incër les 16:00. Le deslivel é de 1.100 metri. Le cost por tó pert é de 10,00€. Iscriziuns ti ofizi turistics dl'Alta Badia. Proscims apuntamënc: 26 de agost y 9 de setëmber.
28.08.
Vijita meneda al Ciastel »Trostburg«
L vën pià via cun la curiera de linia dala 15:37 te Sëlva, dala 15:46 a S.Cristina, dala 16:00 a Urtijëi per furné a Pruca. Dala 17:00 vijita me­neda tl ciastel cun Ivan Com­ploi. Se nuté su tla Butëiga dl Mond a Urtijëi dai 23 ai 27 de agost. Da paië ite iel 6 €. Cun green pass.
Uni merdi
Jita geologica meneda
L Museum dla Natura de Bulsan mët a jì uni merdi dala 14:00 inant na jita cun l paleontologh Herwig Prinoth, che spiega sun l Geotrail sa Bula te na maniera drët nteressanta la geologia y la storia dla furmazion dla Dolomites. L ie da se nuté su danora tla Lia dl Turism de Urtijëi, tel. 0471 777600, ulache n se urta per muever.
Uni merdi
Raida di mejes
Vijita ai mejes de Mëune y Peza y ala dlieja da Sacun cun ntroduzion tl Museum Gherdëina. N se urta dala 9:00 tl Museum per stlù ju dala 13:00 sa Sacun. Chëst ann iel ti mejes nce da udëi miniatures di mestieres da paur fac cun savëi da Siegfried Irsara. Nfurmazion y iscrizion: Museum Gherdëina Urtijëi, tel. 0471 797554, info@museumgherdeina.it .

Sozial
Atualmënter
Bancarela dl mangé: mudaziuns
Le grup »Cörs dla Val Badia« lascia alsavëi che les bancareles dl mangé d'Al Plan y San Martin vëgn metüdes adöm. Al sará sëgn na bancarela sora, tl local dlungia la cia­mena dal guant a Picolin (ciasa olache al é le Sorvisc ai Jogn), entrada jöbas doía. La ban­carela é daverta vigni vëndres dales 9:30 ales 10:30.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finanziars por cunc/fatures de bojëgns primars (scialdé, afit, spëises sanitares, de scora, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it 
27.08.
Deberieda: jita sun Resciesa
N vënderdi dala 14:00 se ancónten dan la Cësa de Paussa a Urtijëi per furné pona sun Resciesa a fé na pitla jita. »Deberieda« ie na grupa per se ancunté danter persones che à problems psichics o de sozialisazion cun ulenteres. Per nfurma­zions: Stefania Giacoppo tel. 0471 798015. Respunsabla da manifestazion: Sandra Perathoner.

Referac
20/25.08.
Simone Moro a Cianacei
Insnet, vender ai 20 de aost da les 21:00 te chino Marmo­lèda Campo Base endreza na scontrèda con Simone Moro: »Ho visto l'abisso«, canche da la desfata nasc l dejiderie de neva aventures. En mercol ai 25 de aost scontrèda con Carlo Budel de la utia sun Ponta Penia, autor de doi publi­cazions.
22.08.
L Guant
Domenia ai 22 de aost te tendon de la manifestazions de Poza da les 21:00 l'Union di Ladins de Fascia e l Comitat Enjoy Poza endreza na scon­trèda culturèla con Claudia Conta che rejona del Guant fascian con la prejentazion del projet »Saeres«.
23.08.
Na munt de emoziuns
En lönesc ai 23 d'agost dales 21:15 vëgnel tigní tl salf dles manifestaziuns da San Cia­scian la presentaziun dl proiet »L'impossibile diventa possi­bile«, cun Pietro Rago, Silvia Parente y Kevin Ferrari. Ara se trata de na incuntada, olache i dui jogn cunta de sües dificoltés y dl sport.
23.-27.08.
»Sanità y bënsté – śën l ses nce tu!«
Ntan trëi dis rujenerà esperc de chësc argumënt, for dala 17:30 nchin la 19:00 tla Cësa di Cungresc a Urtijëi. Ai 23.08. l dr. Bernhard Tho­maser y la dr.a Elisabette Galli. Ai 25.08. l dr. Pablo Policastro y l dr. Marco Lehnus. Ai 27.08. l dr. Ulrich Gutweniger. Tla rujeneda taliana.
24.08.
Ispirazions d'istà
En mèrtesc ai 24 de aost da les 21:00 te piaz Veie de Ciam­pedel Palma Sgreccia e Alessandro Quattrone del Cibio de Trent se enteroga sul peis etich e filosofich de chest mudament epocal de la condizion umana.
24.08.
Margherita Detomas a Moena
En mèrtesc ai 24 de aost da les 21:00 te sala Simonin Maza de la scoles de Moena scon­trèda con la giornalista Mar­gherita Detomas che prejenta sie liber »Città invisibili«.
26/28.08.
Fotografìa sa mont
En jebia ai 26 de aost da les 21:00 al PalaDolomites de Ciampestrin vegn prejentà l frut del laboratorie de foto­grafia di studenc de Fascia »Attraverso Vaia«; en sabeda ai 28 de aost da les 21:00 te Piaz Veie de Ciampedel scon­trèda col fotograf Giancarlo Rado che moscia si retrac su la vita di pèstres.

TELEVIJION
24.08.
Cult – La varizia
Da les 20:50 ca. La varizia, secundo viz capital, é pordërt na burta maratia, che porta la porsona che la patësc a ne ester nia plü bona da se gode ci che ara á. Na porsona dala varizia se taca ai scioldi y al avëi che ara á sciöche sce al foss la cossa plü importanta. Ara ne vëiga plü nia de ater y ne é nia plü bona da se gode la vita por ci che ara é. Program de Daria Valentin, regia de Hanspeter Karbon, a cura de Alessandro Dapunt.
25.08.
Tassìe – L cher di ogec
Da les 20:50 ca. I ogec de noscia tradizion i met ensema tassìe che revela sacotanta stories en cont de chiche i li à. I palesa emozions, senti­menc e segnificac e, soraldut, i se tramuda te n spieie che moscia e conta chel che l'é tel fon de noscia identità. Pro­gram de Cinzia Pistoia, a cura de Anna Mazzel.
26.08.
Turism tla Ladinia – Le jüch dl golf amesa les munts
Da les 20:50 ca. Avisa te nüsc raiuns, che riscia de ester te n ecuiliber datrai precar danter n turism de massa y n turism de cualité, podess le golf rapresenté na oferta en plü por ti jí adincuntra a n turism tres plö internazional, por promöie ince la sajun da d'isté y por daidé da cherié y mantigní, a na maniera püch invasiva, de bi raiuns multi­funzionai. Y nia por ultimo por fá n vare emplö devers de na economia che tëgn da cunt nosc bel daciasa. Program de Karin Pizzinini, a cura de Anna Mazzel.

RADIO
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
24.08.
Neves dal Comun General de Fascia
Da les 13:45. Bilanz, projec e potenziament de l'ativitedes del Comun General de Fascia. En rejonon col procurador Beppe Detomas, conduzion Anna Mazzel
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
20.08.
L Q-Project de Gherdëina
Da les 19:05. La mujiga dla band nglëija Queen faszinea la generazions y dantaldut la usc de si ciantarin Freddie Mercury ie carateristica y merit per l gran suzes. Te Gherdëina iel unì metù su l ann passa l Q-Project che cianta y sona la cianties di Queen y à fat n cunzert a Urtijëi y fej chësc fin dl'ena n segondo cunzert, chëst iede te Sëlva. Rujenon cun Jenny Perathoner, Nicol Senoner y Tobias Dellago. Trasmiscion de Alex Runggaldier.
22.08.
L HC Gherdëina ie anjenià
Da les 19:05. L campiunat dla Alps Hockey League mët man ai 11 de setëmber y nce pra l HC Gherdëina iel chëst ann unit a s'l dé n valguna mu­da­zions. Chëstes à da nfé dan­taldut cun i jugadëures: n verdiaporta, n pech y n traina­dëur nuef. Ntervista al presi­dënt Walter Ploner. Tra­smi­scion de Simon Moroder.
25.08.
Na cianzon che resta tel cher
Da les 19:05. »La cianzon de Val de Fascia« à reijes veiores e tel temp à ciapà oujes e colores desvalives : dal folk al punk ma ence oujes douces d'autor e orchestra. Program de Anna Mazzel.


Galaria retrac