Manifestazions atuales

Data

27 de agost 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 27 de agost
Dotours
Dutor Gherdëina
L dutor de servisc da n sada ai 28.08. dala 8:00 daduman nchin la 8:00 daduman de n lunesc ai 30.08. ie l dutor Michael Trocker de Urtijëi, streda Promeneda, tel. 348 8132060, 388 2580002.
Doturs Val Badia
Tla fin dl'edema di 28 y 29 d'agost él en sorvisc ti comuns de Mareo y San Martin le dotur Eduard Agreiter, San Martin de Tor, tel. 0474 523315 o 333 1380852. Ti comuns de Badia y Corvara él en sorvisc le dotur Guido Caretta, Badia, tel. 0471 836870 o 337 616080.

Apoteches
Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 27.08. nchin n vënderdi ai 03.09. ie chëla de Ciastel, tel. 0471 706323 (orar: sa. 8:30-12:00/16:00-19:00, du. 10:00-12:00).
Apoteches Val Badia
L'apoteca en sorvisc fora dl orar ordinar, dal vëndres ai 27 de agost dales 19:00 al vëndres ai 3 de setëmber ales 19:00, é chëra da La Ila, tel. 0471 847152.

Referac
27.08.
Cater ciacoles con Giorgia Felicetti
Insnet, vender ai 27 de aost da les 21:15 te tendon de la ma­ni­fe­stazions de Vich l co­mitat manifestazions endreza na scontrèda con la schiadora e campiona de skyrunning da Ciampedel Giorgia Felicetti.
28.08.
Fotografìa sa mont
Doman, sabeda ai 28 de aost da les 21:00 te Piaz Veie de Ciampedel l Comitat mani­festazions endreza na scon­trèda col fotograf Giancarlo Rado che moscia si retrac su la vita di pèstres.
02.09.
Mia Canestrini a Cianacei
En jebia ai 2 de setember da les 21:00 te chino Marmolèda Campo Base endreza na scon­trèda con Mia Canestrini, zoologa e autora de n liber sul studie di louves, con la partezipazion de Elisabetta Demattio e i studenc del projet »Nesc louves« de la Scola Ladina de Fascia.

Mujiga
27.08.
I Sons de la Dolomites
Va inant i conzerc sa mont de I Sons de la Dolomites. Anché, vender ai 27 de aost sun Bufaure da les 12.00 sona l grop de musega jazz Trio Gardel. Se fossa catitemp l vegn fat da les 17.30 al teater de Navalge.
28.08.
La Val: conzert »Te chësc bel monn«
La Müjiga da La Val inviëia en sabeda ai 28 d'agost dales 20:30 al conzert dal titul »Te chësc bel monn«. Le conzert vëgn tigní sön paiun de paisc. Te chësta ocajiun gnarál ince surandé onoranzes. Sce al ess da ester bur' tëmp, vëgn le conzert sburlé ai 11.09.
29.08.
Ensemble D'Accordo
N dumënia dala 21:00 te dlieja de Sëlva saràl l cunzert dal titul »The last rose of summer« cun l ensemble de ciantarines de Gherdëina. Per vester leprò iel de bujën dl green pass. Ntreda cun dunfierta liedia.
29.08.
Ensemble Canticum Novum en conzert
En domenia ai 29 de aost da les 17.30 ti pré de Malga Pe­niola sora Moena l'é l conzert 'Il Cantico della natura' de l'Ensemble Canti­cum Novum. En cajo de catitemp da le 21.00 te la gejia de Moena. L'event vegn metù a jir ence ai 19 de setember da les 17.00 ti pré aló da la gejia de San Valier a Ciavaleis.
29.08.
Cianté y soné sön munt
En domënia ai 29 d'agost dales 13:30 ales 15:00 pón aldí tla Ütia Franz Kostner a Corvara n conzert dl trio »Corgn da munt Sassongher«.
01.09.
Conzert del Cor Valfassa
En mercol al prum de setem­ber da les 21.00 te tendon de la manifestazions de Poza, tel chèder de MuMu (Musega al Museo) vegn endrezà l conzert del Cor Valfassa.
01.09.
Cunzert dla Mujiga de S. Cristina
N mierculdi ai prim de setëm­ber dala 21:00 tl Zënter Iman a S. Cristina. Per vester leprò iel de bujën dl green pass.
02.09.
Cunzert dla Mujiga de S. Piere
N juebia dala 21:00 sun Plaza de Chemun de Sëlva.
02.09.
Cunzert dla Mujiga de Urtijëi
L sarà doi grupes dla Mujiga de Urtijëi che sunerà n juebia dala 21:00 inant, una sun Plaza Stetteneck y l'autra sun la Pitla Plaza de S. Antone.
02. – 05.09.
Soundwave Project
Ai 2, 4 y 5 de setëmber vëgnel tigní conzerc de musiga pop, rock y d'atres sorts, por vire i gragn momënc dla musiga. L'evënt vëgn tigní vigni sëra dales 20:30, tla Ciassa dla Cultura a La Ila. Al vëgn damané le green pass.

Mostres y Ert
Atualmenter
Mostra Artèdonna
Fin ai 31 de aost te piaz Scopol a Moena se pel veder la mostra de la sociazion »La Voce delle Donne« con lurieres, foto­grafies e chèdres de la artistes. La mostra é averta duc i dis da les 10:00 a les 12:00 e da les 16:30 a les 19:30.
Atualmenter
Hilde Rizzi en mostra
Fin ai 12 de setember te la veia senta del Consorzie Eletrich de Poza te Val de Sèn Nicolò se pel veder la mostra »Hilde Rizzi, chiò l'é mie reish« per endrez de la sociazion culturèla I Fiorimes. Oraries: da mercol a domenia da les 15:00 a les 18:00
Atualmenter
Mostra de retrac de la Fondazion Unesco
Fin ai 8 de otober te strada Jumela a Pera, vejin al Molin de Pezol, dut l dì se pel veder la mostra de retrac di fotografs sostegnidores de la Fondazion Dolomites Unesco: Alessandra Bello, Alessia Bortolameotti, Alessandro Caon, Moreno Geremetta, Nicolò Miana, Patrick Odorizzi, Franco Oliveri, Anton Sessa, Andreas Tamanini e Georg Tappeiner.
Atualmenter
Contemplazions
Te la galaria Tanart a Cianacei enscin ai 5 de setember, con orarie 10:30-12:30 e 16:00–19:30, se pel veder 'Contem­plazioni', na mostra sul secondo Nefcent talian che propon na colezion de operes de vèlch un anter i artisć più emportanc del XX secol.
Atualmënter
Thabata Arduini y si »Torpore Atarassico«
Tla sala dla Lia Mostra d'Ert/Circolo a Urtijëi iel da udëi nchin ai 29.08. la mostra che à da n fé cun l aspité, ma nia minà coche se aspité velch de cuncret, ma coche n vester dla persona che ie śareda ite te n tëmp che ne ie nia plu lineér, ma tóch y strancëus. Davierta uni di dala 10:00-12:00 y dala 18:00-22:00.
Atualmënter
»Ces« de Lois Anvidalfarei
L artist uel fé n viac spirituel tl luech dla cuscienza y dla rejon. L ie na secuënza de emuzions y de esperienzes che uniun de nëus fej te si vita da uni di. La mostra te Tublà da Nives te Sëlva resta davierta nchin ai 29.08., uni di dala 16:00-19:00, ncuei vënderdi y n dumënia nce dala 20:30-22:00.
Atualmënter
»Georitmie« de Mona Lisa Tina
Tla mostra iel metù ora repre­jen­tazions fotografiches mono­cromatiches, metudes n relazion ala fazion dla cromo­terapia. La mostra tla galaria Vijion a Puntives ie davierta nchin ai 04.09., da lunesc nchin sada dala 16:00-19:00 o scenó sun terminn tel. 338 2098697 o l 334 5461991.
Atualmënter
»Anima Mundi – Arte Pro Natura« cun Gregor Prugger
La mostra tl Museum d'ert cuntemporana a Ciavalëis, ulache l mët ora l artist Gregor Prugger de Urtijëi deberieda cun David Aaron Angeli, Stanislaw Brach, Leonardo Nava, Marco Nones, Giuliano Orsingher y Federico Seppi, ie da udëi nchin ai 19.09. da merdi nchin dumënia, dala 10:00–12:00 y 15:30-19:00.
Atualmënter
Markus Vallazza y Dante
Tla Hofburg a Persenon iel la mostra »Markus Vallazza y Dante. L'opra tla opra«, che ie da udëi nchin ai 07.11. y unirà acumpanieda da plu manifestazions. Duman sada 28.08. dala 21:00 tl verzon dla Hofburg iel mo da udëi l ultimo dla trilogia di films, che à chëst iede da nfé cun l paravis.
Atualmënter
Mumënc te na udleda
Per »Kunst im Gange« iel da udëi tla cësa de Chemun de Laion la mostra de fotografies de Valter Pallaoro y Anna­maria Pernstich. La se trata de truep uedli, de udledes curiëuses y spriguledes, omles y che spiza i uedli, de tieres che ie ntëur nëus via. La mostra ie da udëi ntan l'ëures de giaurida dla Cësa de Chemun.
Atualmënter
»Ega dla Dolomites«
La 20 plu bela fotos dates ju per l cuncors vën metudes ora te Sëlva sun Plaza Nives y ite per la streda Mëisules y resterà da udëi nchin ai 03.09.. Te chësc tëmp puderà l publich dé ju si stima per la plu bela fotografia (tla Lia dl Turism y ufize Active&Events). La premiazion dl cuncors sarà n vënderdi ai 03.09. dala 17:00 sun Plaza Nives.
Atualmënter
San Martin: »Le paesaje tles vals ladines«
Tl salf dl Istitut Ladin »Micurá de Rü« a San Martin él da odëi la mostra dl Fotoclub Val Badia dal titul »Le paesaje tles vals ladines«. La mostra é daverta cina ai 31 d'agost, ti orars de daurida dla biblio­teca d'Istitut.
Atualmënter
Al Plan: »Le monn ne basta nia«
Tla Ciasa dl Parch Natural a Al Plan él da odëi la mostra »Le monn ne basta nia« cun retrac de Fabian Haspinger da Türesc. Al mostra sö la merscia che la porsona á lascé tla contrada naturala, fajon sö de vigni sort de strotöres ince te munt. Info: 0474 506120.
Atualmënter
»Simbol, podëi, movimënt – Tirol tles chertes storiches«
Tl Museum Ciastel Tirol dlungia Maran él da odëi cina ai 21 de novëmber na mostra che pîta na racoiüda de chertes geografiches storiches. Lapró ince zacotan de esponac de localités ladines, cun chertes cënc d'agn vedles.
Atualmenter
L Malghier
Te la sezion sul teritorie del Museo Ladin de Fascia dedi­chèda ai prodoc dal lat se pel veder coche se fèsc formai. La é averta te Strada Dolo­mites 233 a Pera fin ai 10 de setember, dal lunesc a la sabeda da les 16.00 a les 19.00. De mercol da les 11.00 l'é la vijita vidèda con prenota­zion de obligh al 0462 760182.
Atualmenter
L Molin de Pezol
La sezion destachèda del Museo Ladin te Strada de Jumela 18 a Pera é averta al publich fin ai 10 de setember dal lunesc a la sabeda da les 10.00 a le 12.00 e da le 16.00 a le 19.00. De mercol da les 17.00 l'é la vijita vidèda per veder coche laora l molin. Prenotazion al 0462 760182.
Atualmenter
L Segat
La sezion sul teritorie del Museo Ladin de Fascia dedi­chèda al bosch e si lurieres é averta te Strada Ruf de Ruacia 7 a Poza fin ai 10 de setember, dal lunesc a la sabeda da les 10.00 a les 12.00 e da les 16.00 a les 19.00. De vender da les 11.00 l'é la vijita vidèda con prenotazion de obligh al 0462 760182.
Atualmenter
Oraries Museo Ladin
L Museo Ladin de Fascia a Sèn Jan é avert al publich fin ai 10 de setember dal lunesc a la sabeda da les 10.00 a le 12.30 e da le 15.00 a le 19.00. De mèrtesc da les 11.00 se pel tor pèrt a la vijita vidèda con prenotazion al 0462 760182. De lunesc da les 17.00 l'é l Giramuseo per i più picoi.
Atualmenter
La Sia
La sezion destachèda del Museo Ladin te Strèda de Ciamp Trujan 30 a Penia é averta al publich fin ai 10 de setember dal lunesc a la sabeda da les 10.00 a le 12.00 e da le 16.00 a le 19.00. De lunesc da les 11.00 l'é la vijita vidèda con prenotazion de obligh al 0462 760182.
Atualmenter
L Stònt
La sezion destachèda del Museo Ladin su la postazion de trata al tulac di Stand­schützen é averta al publich te Strèda de Pent de Sera a Ciampedel fin ai 10 de setem­ber dal lunesc a la sabeda da les 16.00 a le 19.00. De jebia da les 17.00 l'é la vijita vidèda con prenotazion de obligh al 0462 760182.
01.09.
Giaurida dla mostra Unika
N mierculdi dala 18:00 tl Zënter dal Tennis curì a Run­cadic. La resterà davierta nchin n dumënia ai 5 de setëmber, uni di dala 10:00-19:00. Ntreda cun green pass. Sot a 18 ani debant.

Leteratura
27.08.
Prejentazion del liber de Virgilio Soraperra
Insnet, vender ai 27 de aost da les 21.00 te chino de Mar­molèda de Cianacei l Comitat manifestazions endreza la prejentazion del liber »Virgilio Soraperra de la Zoch. Der Kunstmaler« scrit dal fi Claus Soraperra e da l'amich Gian­franco Traverso.
29/31.08.
Scontrèdes de la biblioteca a Cianacei
En domenia ai 29 de aost da les 21.00 te sala de Consei de Comun de Cianacei la scritora Antonella Boralevi perejenta sie liber »Tutto il sole che c'è«. En mèrtesc ai 31 de aost da les 21.00 te chino Marmolèda de Cianacei vegn endrezà n conzert de vidoles col quartet Merini per zelebrèr i 40 egn de la biblioteca de Cianacei.
30.08.
Roberta Dapunt e Gustav Willeit
Tel chèder de la rassegna Enjoy Poza, en lunesc ai 30 de aost te piaz de Comun de Poza scontrèda con la poeta ladina Roberta Dapunt e esposizion di retrac dal mond del fotograf Gustav Willeit.

Sozial
Atualmënter
Val Badia: Bancareles dl mangé
La Bancarela dl Mangé a Badia é daverta vigni jöbia dales 9:30 ales 10:30, tl frabicat dla Ciasa di Pici a San Linert. La Bancarela dl Mangé da Picolin é daverta vigni vëndres dales 9:30 ales 10:30, tl local dlungia la Ciamena dal Guant.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finan­ziars por cunc/fatures de bojëgns primars (scialdé, afit, spëises sanitares, de scora, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it 
27.08.
Deberieda: jita sun Resciesa
Ncuei dala 14:00 se ancuntons dan la Cësa de Paussa a Urtijëi per furné deberieda sun Resciesa a fé na pitla jita. »Deberieda« ie na grupa per se ancunté danter persones che à problems psichics o de sozialisazion cun ulenteres. Per nfurmazions: Stefania Giacoppo tel. 0471 798015. Respunsabla da manifestazion: Sandra Perathoner.

TELEVIJION
31.08.
Turism – Le Lüch de Sompunt y so parch di cerf
Da les 20:50 ca. Danter La Ila y Badia, nia dalunc da strada, pôn udëi söl ur dl bosch n vilin de cerf. Sotcá él n pice grup de frabicac coliá da n punt che passa sura strada sö. Söl mür dla ciasa, davëi bun mantignida, pon lí la data 1592. Al é le lüch de Sompunt, un di plö vedli y plö gragn mêsc dla Val Badia, cun so Parch di Cerf Sompunt. Program de Karin Pizzinini, camera y tai Fulvio De Mar­tin, a cura de Anna Mazzel.
01.09.
Cuarta edizion dla bienela IDEA UNIKA – Ert tl zënter 2021
Da les 20:50 ca. Do i ani 2015, 2017 y 2019 àn chëst ann inò metù a jì la mostra d'ert Idea Unika. 17 artisć de Unika à laurà ora 11 opres d'ert aposta per chësta mostra alalergia slargëda ora sun trëi chemuns. Da lugio nchin setëmber pòs­sen jì a ti cialé ai lëures d'ert a Urtijëi tl raion da jì a pe, ta S. Cristina sun plaza de che­mun, te Sëlva dan la scola elementera y sun Pana, ulache l aspieta ot lëufs. Prugram y cunzet de Rut Bernardi, camera y tai de Peter Obexer, a cura de Leo Senoner.
02.09.
Cult rituai da inier y incö – La lussuria
Da les 20:50 ca. Se orëi bun é valch de bel. An se chir, an se dejidrëia, an se sënt. Y an proa ince n dejider sessual. Cina che chësc ne ferësc nia l'atra porsona vëgn chësc odü sciöche na grazia, mo tl momënt che öna dles döes porsones vir ma plü fora n sentimënt egoistich toma chësc dejider te un di set vizi capitai, te chël dla lussuria. Program de Daria Valentin, tai y regia de Hanspeter Karbon, a cura de Alessandro Dapunt.

RADIO
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
27.08.
Giuana Prugger trainadëura de juech al palé
La jëuna de Urtijëi conta de coche l ie nasciù si pascion per chësc sport, dla streda che la à fat per jughé ëila nstëssa te serie A pra l CF Südtirol ma nce de si sperien­zes oradecà tl'America, tla Germania pra l FC Bayern y tla Ruscia. Giuana à studià sport y fat l ejam da traina­dëura dl juech ala codla y al mumënt alenéiela la scuadra under 10 dl FC Gherdëina.
29.08.
I Queen – mujiga per duta la generazions
Da les 19:05. L Q-Project de Gherdëina à fat doi cunzerc ntan chësc instà. Un di doi chitarisć de chësta band ie Günther Demetz de Urtijëi. Deberieda cun ël ulons ti dé na udleda mujighela a chësc proiet sambën zënza lascé da na pert la band prutagonista dl proiet, i Queen. Trasmiscion de Alex Rung­­galdier.
01.09.
Roda musegala anter mendranzes linguistiches
Da les 19:05. L valor e l'origi­nalità di lengac de mendranza vegn durà tres de più ence anter i joegn per fèr musega. Jon a descuerjer musizisc e musizistes de l'Irlanda, Fries­land, Scozia, Karelia, Friul, Grijuns e Republica Urmut tel cher de la Ruscia. Program de Anna Mazzel.
02.09.
Artejanat fascian tel mond
Da les 19:05. L'artejan Giuseppe Valentini, che duc cognosc desche Tullio, ne conta de coche l'à envià via sia atività de decorator te Fascia e de coche sie lurieres de artejanat i sie rué enscin te l'America, tel Giapon e fora per la cèses de duta Europa. Program de Cinzia Pistoia.

Iadi y Jites
28.08.
Vijita meneda al Ciastel »Trostburg«
L vën pià via cun la curiera de linia dala 15:37 te Sëlva, dala 15:46 a S. Cristina, dala 16:00 a Urtijëi per furné a Pruca. Dala 17:00 saràl la vijita meneda tl ciastel cun Ivan Comploi. L ie da se nuté su tla Butëiga dl Mond a Urtijëi mo ncuei vënderdi 27.08. y paië ite 6 €. Cun green pass.
29.08.-03.09.
Ena de jites
La Lia dl Turism de Sëlva mët a jì n'ena de jites che unirà prejenteda plu avisa n dumënia dala 20:30 te Cësa de Cultura de Sëlva. La jites unirà fates da lunesc inant sun Danter­cëpies, te Funes sa la Schlüter­hütte, sun Pic, sun l Gitsch­berg y sun Stevia. Nfur­­ma­zions y l prugram plu avisa giàpen tla Lia dl Turism de Sëlva, tel. 0471 777900.
31.08.
Jita geologica meneda
L Museum dla Natura de Bulsan mët a jì n merdi per l ultim iede chësc instà la jita cun l paleontologh Herwig Prinoth, che spiega sun l Geotrail sa Bula te na maniera drët nteressanta la geologia y la storia dla furmazion dla Dolomites. L ie da se nuté su danora tla Lia dl Turism de Urtijëi, tel. 0471 777600, ulache n se urta dala 14:00 per muever.

Chino
Atualmenter
Al chino de Cianacei
Doman, sabeda ai 28 de aost da les 17:00 l'é »Me contro te« e da les 21:15 l'é »Fast & Furious 9«.
27.08.
Apericinema a Moena
Anché, vender ai 27 de aost Lum Cinema col restorant Malga Roncac met dant n event particolèr. Apericena a tachèr da les 18.45 e dò chino a l'averta te vidor del restorant, co la proiezion del film 'Bohe­mian Rapsody' en lengaz originèl e sot titoi per talian. Prenotazion de obligh al 349/7530810 o sul sit www.lumcinema.co.uk .
27.08.
Dolomitale On Tour
Ncuei vënderdi iel da udëi l film »Pinocchio« (2019) cun Roberto Benigni, dala 21:00 sun Plaza S. Antone a Urtijëi. Da bur' tëmp sarà la mani­festazion tla Cësa di Cungresc. Ntreda debant.
03.09.
Dolomitale On Tour
N vënderdi che vën saràl da udëi l film »Narziss und Gold­mund« (2020), de Stefan Ruzowitzky, dala 20:30 tl ciastel Prösels a Fie. Da bur' tëmp unirà la manifestazion desdita. Ntreda debant.
03.09.
Literakino
Tla biblioteca S. Durich a Urtijëi scumëncel inò la lingia de films »Literakino« che sarà uni vënderdi dala 20:30 y ulache l vën mustrà, baratan ju uni ena, films per tudësch y per talian. L program avisa di films che vën mustrei ie da giapé tla biblioteca. Ntreda debant, mé cun green pass.

Avisc
Atualmënter
Sorvisc de consulënza
Le Sorvisc ai Jogn Val Badia lascia alsavëi che le sorvisc de consulënza por jogn, jones y geniturs é davert tratan l'isté y fina amez setëmber sön apuntamënt o tres telefon al 342 8410721, mail barbara@jogn.org. An pó damané do na consulënza personala sön temesc che reverda la jonëza y/o l'educaziun.
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6. Por tó sö contat pón scrí a info.bruneck@frauenhelfenfrauen.it o telefoné al 0474 410303.
Atualmenter
Laboratories al Bar Educante
L Bar Educante de la Copra­tiva sozièla le Rais al Zenter Cotura a Sèn Jan é avert de lunesc, mercol e vender da les 14:00 a les 18:00 e de mercol ence da les 9:00 a les 12:00. De jebia l'é avert dadoman e da les 9:30 a les 12:00 se pel disnèr e tor pèrt a laboratories col legn de la Coprativa sozièla Oltre.
Atualmënter
Iniziativa di ëi de Puster – MIP
L'ofize dla MIP – Männer­initiative Pustertal dëida i ëi y peri pro caji de devorz, pîta aiüt te situaziuns de dificolté. L'ofize é tl Paternsteig nr. 1 a Bornech. Contat: tel. 0474 555848, info@mip-pustertal.it
27.08.
Da la roines a la Gran Vera
En vender ai 27 de aost da les 17.00 te teater Navalge proiezion de diapositives su la Gran vera sa mont e prejen­tazion del liber su l'atività de la sociazion storica 'Sul front di recorc', a cura de Raffaele Braga, Stefano De Francesco e Maria Piccolin.
27.08.
Museum Gherdëina, orar da d'autonn
Da ncuei inant nchin ai 16 de utober iel inò n droa tl Museum Gherdëina l orar scurtà da lunesc nchin vënder­di, dala 10:00-12:30 y dala 14:00-18:00. Per vijites ora dl orar reguler y vijites mene­des pòssen cherdé su l 0471 797554. Plu nfurmazions sot a www.museumgherdeina.it .
29.08.
Per l'Afghanistan con Emergency
L Grop Emergency Fiem e Fascia endreza en domenia ai 29 al Parch de la Pieif de Ciavaleis n domesdì con labo­ratories, vijites vidèdes, letures e autra ativitèdes con la socia­zions del teritorie per tor sù bonamans per l'ospedèl de Emergency a Kabul. Per colaborèr con atività scriver a fiemme-fassa@volontari.emergency.it
31.08.
Entorn Vich con musega e magnères
En mèrtesc ai 31 de aost, con scomenz da mesa les set da sera, l Comitat manifestazions de Vich endreza Entorn Vich, na raida fora per paìsc con musega e degustazions. I biliec se pel i comprèr dantfora online su http://bit.ly/EntornVich21 .
31.08.
Premiazion »instà danter i libri«
A Urtijëi tla biblioteca San Durich, n merdi dala 16:00, festa cun tré ala busca di pesć per finé via l'azion de liejer d'instà. L sarà nce n ghest particuler.
31.08
A Trieste con l CAI SAT Auta Fascia
L CAI SAT Val de Sora en­dreza na raida a Trieste dai 24 ai 26 de setember: Risiera de San Sabba, Col de S. Giusto e la bela zità; Ciastel de Miramare e raida sul troi Rilke; l mèr de Jesolo e marena de pesc. Iscrizions, fin canche l'é post ma dant dai 31 de aost da Assunta Merli 339 740063 o Licia Favé 333 4978848.
04.09.
N viac anter la steiles
En sabeda ai 4 de setember da les 21:00 te teater parochial de Ciampedel vegn endrezà na sera astronomica con Vincent Stambè, joen pascionà de astronomia.
29/30.08/02.09.
Spetacoi de teater per bec
En domenia ai 29 de aost da les 21.00 al PalaDolomites la compagnia »La Casa del Bu­rattinaio« de Giorgio Gabrielli porta dant »A spasso con Sandrone«; en lunesc ai 30 te sala del chino Marmolèda de Cianacei l'é l spetacol »Pulcinella libera tutti« e en jebia ai 2 de setember te tendon de Ischia l'é »Il segreto del medaglione«.

Temp Lede
Atualmënter
Alta Badia Balance
Le festival »Alta Badia Balance«, pîta döta l'edema deplü ativités sciöche escujiuns de relassamënt te bosch y leziuns de co suravire te bosch y leziuns de yoga. Le program cun dötes les informaziuns ciafon sön la plata www.altabadiabalance.com .
03.09.
Vins alaleria
Vigni vëndres domisdé pón tó pert a na degustaziun ala­leria di mius vins dl Südtirol, adöm cun n sommelier. Ai 3 de setëmber do na spazierada cina al Lech de Valacia sot i pra de Armentara, vëgnel dales 13:30 tigní na degusta­ziun de vins blanc. Infos y iscriziuns ti ofizi turistics dl'Alta Badia.
27.08.
Vënderdi lonch
Tl zënter de Urtijëi cun mujiga dal vif dala 18:00 ala 20:30, aperitifs speziei y la butëighes daviertes nce dala 21:00 nchin la 22:30. Ncuei 27.08. sona Luca Langgartner y David Demetz, Marion Moroder y i Cheifree Jazz. N l ultimo vënderdi lonch, ai 03.09. suneràl l Ensemble Postuba y l Duo Demetz.
30.08.
Artejanat y guant dala gherdëina
Tl zënter de Urtijëi iel n lunesc dala 20:30 nchin la 22:30 da pudëi udëi vel' stont che mostra su de vedla tradizions, dal artejanat nchin al guant dala gher­dëina y mo deplù.
31.08.
Pastelné cun materiai naturei
N merdi dala 14:30 nchin la 18:00 sun la Pitla Plaza de S. Antone a Urtijëi iel na berstot de pastelné per mutons. L ne n'ie nia da se lascé nuté su danora. N possa fé pea debant.
31.08.
Calfosch: devertimënt por mituns
En mertesc ai 31 d'agost pó mitans y mituns da 4 a 12 agn tó pert a n domisdé de devertimënt. Dales 15:00 gnarál mostré sciöche al vëgn fat pan, tl furn da pan pro le parch dai tiers a Calfosch. Dedô pó i mituns pastelné na ê cun materiai che vëgn coiüs tl parch dai tiers. Iscri­ziuns ti ofizi turistics dl'Alta Badia.
31.08.
Marcià di paures y prudoc tradiziunei
L marcià tradiziunel cun prudoc tipics, zidlei y fac dai paures de Südtirol che ie for a S. Cristina tl raion da jì a pe dala 19:00 nchin la 22:00., unirà tenì chësc merdi l ultim iede per chësc instà.
01. y 03.09.
Nos Ladins
L'iniziativa »Nos Ladins« vá inant. Al 1. de setëmber pón arjigné ca le pan dal domisdé cun Barbara y ai 3 pón jí a cöie erbes dl bosch cun Andrea. Informaziuns y iscri­ziuns ti ofizi turistics dl'Alta Badia, anter le de denant. Al vëgn damané le green pass.
03.09.
Testemunianzes dla usanzes y dla ferata de Gherdëina
N vënderdi che vën dala 20:30 tl Zënter Iman a S. Cristina uniràl prejentà testemunianzes de jënt di trëi luesc dla valeda n con' dla ferata y de usanzes de Gherdëina, tëutes su sun n valgun films curc. Ntreda debant cun green pass.
04. y 05.09.
Festa dl iodelné
En sabeda ai 04.09 dales 11:00 gnarál tigní na mëssa sö La Crusc, acompa­gnada da cianties iodelnades. Dedô pón tó pert a n curs da iodelné. Ai 05.09. vëgnel fat dales 4:45 na escur­jiun sön Cherz cun le curs da iodelné. Dales 10:00 mëssa te dlijia da Corvara y dales 14:00 conzert cun grups che iodelnëia y corgn da munt, pro la ütia Franz Kostner.

Teater
08.09.
Performance leterera
»Berg and Breakfast« de tan de turism à pa debujën la persona? Performance cun Selma Mahlknecht, atëura de teater y scritëura, che à dat ora na publicazion dal medem titul, n mierculdi dala 20:00 tla Cësa di Cun­gresc a Urtijëi. Metù a jì dala Lia per Natura y Usanzes debe­rieda cun la Lia dl Teater de Urtijëi. Ntreda debant cun green pass.

Religion

11.09.
La Val: Preparaziun dl Bato
La Uniun dles Ëres Catoliches dl Decanat Val Badia inviëia geniturs che á n viadú da batié, pérs che aspeta, toc y totes dl decanat ala Preparaziun dl Bato, en sabeda ai 11 de setëmber dales 15:00 ales 17:00, te Ciasa dles Uniuns a La Val. Prenotaziuns al nr. 328 0717796. La incuntada gnará stlüta jö cun n pice renfrësch arjigné dala Uniun dles Ëres da La Val.

Sport
29.08.
Trofeo Contrin
En domenia ai 29 de aost vegn endrezà l 44° Trofeo Contrin. I atlec se troa da les 9:00 tedant la cabinovia de Ciampac, i ponta demez da les 10:00 per jir de corsa fin sun Contrin. Premiazions da les 14:00. Iscrizions a l'Hotel La Perla o fin da les 9:00 a la partenza.
Setëmber
Arpizeda sportiva
L »AS Gherdëina – Gardena­climb« fej al savëi che n mët inò man de setëmber cun i cursc y i alenamënc. Chi che ëssa ueia de scumencé cun chësc bel sport possa cherdé su l 333 5235675 o l 0471 786181 per giapé nfurmazions plu avisa.

Galaria retrac