Manifestazions atuales speziales

Data

03 de setember 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 03 de setember
Gara dla roda »Crono Fanes«
En sabeda ai 11 de setëmber él indô la gara cun roda da munt o E-Bike, da Pederü cina sön Fanes
La gara mët man dales 11:00, cun start dlungia la ütia Pederü. Conco­rëntes y concorënc pëia ia un al menüt. Al sará categories desvalies (pro la roda da munt do eté, pro la e-bike do pëis). Informaziuns plü menü­des y iscriziuns danfora sön www.eventsdolomites.org  o telefonan al 327 3698176. L'iscriziun costa 18,00 €, da paié ite söl post. Chi che se scrí ite al start paia 20,00 €. Tl'iscriziun él ince na pasta tla Ücia Lavarella o Ücia de Fanes. Le numer de partezipanc é limité a 150.
Por motifs d'organi­saziun »Covid« vëgnel damané da ester dales 10:00 sön le post de iscri­ziun a Pederü. Cun l'iscri­­ziun vëgnel azeté che l'organisadú ne su­ran­tol degüna respon­sabilité por ci che podess sozede dan, tratan y do la manifestaziun. Iscri­ziuns ma cun majera eté.

Ena ecologica dla Dolomites
Dai 04.09. nchin ai 11.09. saràl l mesun de vëncer de plu pesć tl inuem dl'ecosustenibltà. Metù a jì dala lies turistiches de Gherdëina
L ie mé da ciarië ju la app »SummitLynx«, y da dedò da vijité cin' lueges che respidlea l spirt dla sustenibltà. L se trata de: la terassa panoramica dl Unesco »Mastlé«, l troi Unika sun Pana, i Plans de Cunfin, la mostra Idea Unika a Urtijëi y la Capela de San Silvester te Val.
Chiche jirà pra duta cin' la lueges, giaperà n »ambassador set« (tla fotografia) y n zertiificat digitel de »ECOdolomites-Ambassador«. Leprò iel nce l mesun de vëncer doi dis per purvé ora n auto a lectrisc.

Tublà da Nives – Mostra »Transizions« de Gotthard Bonell
La giaurida ie n vënderdi ai 3 de setëmber 2021 dala 6 da sëira
Ntan l mëns de setëmber saràl da udëi te Tublà da Nives te Sëlva na mostra dl depenja­dëur scialdi cunesciù y stimà, Gotthard Bonell. Ël ie de Truden, à fat la Scola d'Ert a Urtijëi y ie jit a studië inant a Unieja y a Milan. Orade­chël àl nce fat l Con­servatorio a Bulsan. Ntan si atività artistica àl fat plu mostres te galaries y museums y dat ora na bela lingia de publicazions. Nce tl ciamp dla mujiga iel stat atif: do avëi stlut ju l Conser­vatorio a Bulsan tla materia »cianté« àl dat ora na produzion sun CD y à metù a jì l »Liedsommer Eppan«. N inuem se àl fat per si biei portraits: tl 2010 àl pudù ti fé n portrait a Papa Benedët XVI. canche l fova unit a Persenon.

La opres dla mostra te Tublà da Nives vën partides su te trëi gru­pes, che n possa ncurpuré tl tema dla transizions:
  • la transizion da na cundizion fisica a n'autra, dala vita ala mort, che tol ite i mutifs pitorics dla natura morta coche nce i retrac cun i uedli stluc;
  • la transizion da elemënc pitorics cuncrec a cumposizions astrates – i chedri
  • de collages y a tecnica mescededa;
  • la transizion tla cuntreda coche pruiezion de cundizions psicologiches – l crëp udù coche mur manacëus y dl auter viers coche cuntreda da mont braussa cun si ferdons dlaienc che se balanza ora cun la belëza de marueia. La mont coche n luech do chël che l te ncrësc, dalonc sun l urizont, ulache l ciel se slergia ora sun duta la pitura.
Chësta tematiches de transizion y de trasfur­mazion, che se referësc ala dumandes filoso­fiches fundamenteles de nosta ejistënza umana: »Da ulà unions'a, ulà jons'a?«, acumpanieia l lëur de Gotthard Bonell dal scumenciamënt de si cariera artistica inant. L se muev nsci tl cuntest dla tendënzes de minonga nteletueles europeiches dala natures mortes vanitas dl baroch ala dumandes dl ejistenzialism, al nfulestramënt dla persona te n mond manacëus, ma nce dla lidëza y la respunsabltà de sé nstësc de crië n senificat.
Pra la giaurida n vënderdi ai 3 de setëmber 2021 dala 6 da sëira fajerà Brigitte Matthias la ntroduzion artistica.
La mostra resterà davierta nchin ai 26 de setëmber, uni di ora che de lunesc dala 16:00 nchin la 19:00. Daviert iel nce de dumënia danmesdì dala 10:00 nchin la 12:00.
Duc ie nviei de cuer. Nfurmazions giàpen nce sot a www.tubladanives.it

Scola de Criatività
De mierculdì domesdì, ntan dut l ann de scola. Per mutons y mutans dla IV y V elementera y dla I, II y III mesana
Chësta scumenciadiva metuda a jì dala lia La Vëta ie zeche de nuef y uel ti fé unì ueia ai mutons de lauré cun si mans y vester dut ntëur criatifs, sibe dedite che alaler­gia.
N scumëncia ai 6 de utober y va inant nchin ai 1. de juni, for de mierculdi domesdì, per de ndut 30 iedesc. L vën fat doi grupes da ot sculeies che fej l curs dala 14:00-15:30 o dala 16:00-17:30, te na tlas tla vedla scola elementera de Urtijëi, cun cin' maestri esperc te si materia. L unirà ziplà, mudelà tla mauta, dessenià, depënt y n laurerà cun d'uni sort de materiai.
Da se scrì ite iel nchin ai 20 de setëmber 2021 dala Nëus Jëuni Gherdëina (tel. 0471 79006), ulache n giapa nce nfurmazion plu avisa. L priesc ie de 200 € cun material bele leprò.
Mutons y mutans de duta la valeda ie nviei a fé pea.

Viac a Padua
Ai 25 de setëmber, metù a jì dala Grupa KVW de Gherdëina
L viac sarà de n di, y n jirà a ti cialé ala bela zità de Padua. La zità ie cunesciuda dantaldut per la Basilica de Sant Antone da Padua y per la gran plaza numineda »Prato della valle«. Cun n/a mëinajita dl luech jirons nce a ti cialé ala »Abbazia di Praglia« a Teolo. Sambën ne manceràl nia na bona marënda.
La iscrizions vën tëutes su nchin ai 17 de setëmber tla Cassa Raiffeisen de Santa Cristina, ulache l ie nce da giaté n pro­gram. L ie da paië ite 69,00 € per i scic ite al KVW, per i autri iel 5,00 € deplù.. La grupa KVW de Santa Cristina se ncunforta sun Vosc unì.
Per unì pea muessen avëi l green pass.