Manifestazions atuales

Data

10 de setember 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 10 de setember
Dotours
Dutor Gherdëina
L dutor de servisc da n sada ai 11.09. dala 8:00 daduman nchin la 8:00 daduman de n lunesc ai 13.09. ie l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia
Tla fin dl'edema di 11 y 12 de setëmber él en sorvisc ti cin' comuns dla Val Badia le dotur Alberto Caretta, Badia, tel. 0471 839706 o 380 3161999.

Apoteches
Apoteca Gherdëina
L'apoteca che ie de servisc ora dl orar ordiner de giaurida, da n vënderdi ai 10.09. nchin n vënderdi ai 17.09. ie chëla de Sëuc, tel. 0471 708970 (sa. 8:30-12:30, 16:00-19:00; du. 9.00-12:00; juebia domesdì stlut).
Apoteches Val Badia
L'apoteca en sorvisc fora dl orar ordinar, dal vëndres ai 10 de setëmber dales 19:00 al vëndres ai 17 de setëmber ales 19:00, é chëra d'Al Plan, tel. 0474 501240.

TELEVIJION
14.09.
Sport ladin
Dales 20:50 ca. Program de Diego Clara y Hartmann Mairhofer, a cura de Leo Senoner.
15.09.
Spëisa ladina – Gnoch da soni cun orties
Dales 20:50 ca. Le cogo Mas­simo Alberti mostrará sciöche arjigné ca gnoch da soni cun orties pro so restorant sön le lech de Pianozes a Cortina d'Ampëz, dedô cuntará Flora Menardi val' sura la tradiziun d'Ampëz. Dl program se fisti­diëia Anna Mazzel, la produ­ziun é de Zak Mairhofer, la regia de Stefan Ghedina, l conzet y la presentaziun é de Concetta Bonaldi.
16.09.
Balé danter sport y ert
Dales 20:50 ca. La pasciun por le balé é sota y brüj te trames les personalités. Caro­lina Kostner y Anastasia Kostner se eserzitëia vignì de por svilupé inant so talënt, mioré sües capazités y resté en competiziun. Fora de na pasciun él deventé n laur, che se damana sforz, ambiziun, ardimënt, conzentraziun. Trames bala por profesciun: Carolina tl ciamp dl sport a livel olimpich y Anastasia tl ciamp dl'ert y dla cultura. N confrunt da sfumadöres scialdi fines. Program de Esther Videsott y Eugen Cela, a cura de Leo Senoner.

RADIO
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
10.09.
100 Ani Lia dal'Eves de Gherdëina
Da les 19:05. La Lia dal'Eves de Gherdëina ie una dla lies »hobby« plu vedles de nosta val. Nfati bele dan 100 ani fòvel dessegur 17 zitadins che ova eves y che fajova miel. L presidënt Pauli Kostner y l cumëmber Andrea Hofer nes conta mpue la storia de chësta lia ma rejona nce dla mpur­tanza dl'eves y nes prejënta la festa che unirà metuda a jì per lecurdé l iubileum. Tras­miscion de Bruno Maruca.
12.09.
Martina Rifesser – suné l'erpa ie sciche julé
Da les 19:05. La ie n'ëila drët ativa y da vivanda. Da plu de 20 incà vìvela a Linz tl Ober­österreich, ma la à mo n gran liam cun si valeda de Gher­dëina. De prufe­scion sona Martina l'erpa, ma la à mo truepa d'autra pascions sciche julé cun l joler y depënjer clavi­cembali. Ultimamënter àla nce dat ora – deberieda cun si uem Werner – na CD cun pec populeres per erpa. Tras­mi­scion de Alex Rung­galdier.
15.09.
Reijes e buc – L davegnir de nosc ambient
Da les 19:05. Reijes e buc desche che dis la sigla vel uzer fora la reijes di problemes e der ousc a la azions de contrast per stravarder l'ambient. Jiron ite man a man su desvalives argomenc, dal mudament climatich a la azions di ativisc e ambientalisc per conter mingol ence la storia te nosc raion con SOS Dolomites e jacotanta azions che è vegnu­des endrezedes ti egn per staverder l'ambient. Te chest prum program rejonaron di mudamenc climatics. Program de Anna Mazzel.

Iadi y Jites
Atualmenter
Raida col Cai Sat Zenter Fascia
La sezion SAT del Zenter Fascia endreza la gita di sozi da d'uton al lech de Bolsena dai 5 ai 8 de otober. L program perveit na raida col batel sul lech, dintorn al lech, vijites vidèdes de Bolsena e de la zità de Civita de Bagnoregio. Prenotazions dant dai 11 de setember a Christine al nr de telefon 339 7066872.
14.09.
Raida di mejes
N merdi uniràl fat per chësc instà l'ultima vijita ai mejes de Mëune y Peza y ala dlieja da Sacun cun ntroduzion tl Museum Gherdëina. N se urta dala 9:00 tl Museum per stlù ju dala 13:00 sa Sacun. Nfurmazion y iscrizion: Mu­seum Gherdëina Urtijëi, tel. 0471 797554, info@museum gherdeina.it.
19.09.
Raida te Fascia con la Comunanza Ladina
La Comunanza Ladina de Busan endreza en domenia ai 19 de setember na raida naturalistica con Fernando Brunel sun Ciampedie, Gar­decia, Vaiolet e Preuss; tel jir deretorn se rua ló da la gejia de Sènt'Ugèna. Se se troa te piaz de la forenadoa de Vich ds les 9.00 da doman. Info e prenotazions a Sabina al nr 339 1207005.
19.09.
Jita te Val
La Cunsulta per l'Integrazion nvieia a na jita te Val cun marënda ora de flucion. La ie nce adateda per pitli y badli. Brigitte Perathoner cunterà dl parch naturel y fajerà de biei juesc! N se urta dala 11:00 te Val sun plaza dai auti o dala 10:48 sun Plaza Nives per chi che vën cun la curiera. Nfurmazions: Servisc Soziel tel. 0471 798015. Da bur' tëmp vën la jita spënta a n dumënia ai 26.09.
25.09.
Viac a Padua cun l KVW de Gherdëina
Viac de n di per jì a ti cialé, acumpaniei da n/a mëinajita, ala bela zità de Padua. Sambën ne manceràl nia na bona marënda. Da se scrì ite iel nchin ai 17.09. tla Cassa Raif­feisen de S. Cristina, ulache l ie nce da giaté n pro­gram. L ie da paië ite 69 € per i scic ite, per i autri iel 5 € deplù. N muessa avëi l green pass.

Chino
Atualmenter
Al chino de Cianacei
Insnet vender ai 10 de setem­ber da les 21:00 se pel veder »The dark Knight« en verscion originala. En sabeda ai 11 e en domenia ai 12 da les 21:15 l'é en program »Frammenti del passato – Reminescence«. En domenia ai 12 da les 17:00 se pel veder enveze »Me contro te – Il mistero della scuola« e en mercol ai 15 da les 21:15 »Fast & Furious 9«.
Atualmenter
Al chino de Tieser
Insnet vender ai 10 de setem­ber da les 21:15 se pel veder »Shang-Chi e la leggenda dei dieci anelli«, chest film é en program ence en sabeda ai 11 da les 17:00 e 21:15 e en domenia ai 12 da les 17:00 e 20:30. En jebia ai 16 da les 21:15 se podarà veder »Volami via«.
Uni vënderdi
Literakino
Tla biblioteca S. Durich a Urtijëi iel inò da udëi uni vënderdi dala 20:30 i films dla lingia dl »Literakino«, ulache l vën baratà ju uni ena films per tudësch y per talian. L program avisa di films che vën mustrei ie da giapé tla biblioteca. Ntreda debant, ma cun green pass.

Mujiga
10.09.
Cunzert dla »Ganes«
Ncuei dala 20:30 te dlieja de Urtijëi vëniel stlut ju cun chësc cunzert la tournee de films per l'instà »Dolomitale on Tour«. La Ganes prejenterà tlo nce si album nuef dal titul »Or brüm«. La chertes de ntreda pòssen cumpré sot a https://www.dolomitale.com/de/dolomitale-de-ganes-konzert o nce tla Lies dl Turism de Gherdëina.
12.09.
Cunzerc per i 10 ani »Cor di Jëuni Gherdëina«
Do avëi ciantà ai 10.09. a Eppan y ai 11.09. a San Martin de Tor tenirà l Cor di Jëuni si cunzert n dumënia te Gher­dëina y plu avisa dala 16:30 sun Plaza de Chemun de Sëlva y dala 20:30 te dlieja a Urtijëi. Sot ala bachëta de Samuel Runggaldier prejenteràl cian­ties nueves y suzesc di ani passei. Ntreda liedia cun green pass.
12.09.
La »Spolpo Blues Band« sön Börz
En domënia ai 12.09 dales 13:00 inant saral da aldí sön Börz musiga rock y blues cun i grups Manuel Rainer, Lukas Insam Blues Trio y la Spolpo Blues Band che festejëia te chësta ocajiun i 40 agn de ativité y vita.
16.09.
»De Cater« y Eva Vinatzer
Cunzert cun l cuartet de cian­ta­­rines de Gherdëina »De Cater«, acumpaniedes da na erpa y Eva Vinatzer al tlavier. Dala 18:00 tla dlieja de Urtijëi. Ntreda cun dunfierta liedia.
15.09.
I Sons de la Dolomites
En mercol ai 15 de setember da les 12:00 aló dal refuge Roda de Vael musega classica col Quartet franzous de archec »Van Kuijk« che porta dant l Quartetto n.1 op. 27 de Grieg e l Quartetto n.6 op. 80 de Mendelssohn. Se l'é catitemp da les 17.30 al teater Navalge de Moena con prenotazion dant da les 12:30.

Religion
11.09.
La Val: Preparaziun dl Bato
La Uniun dles Ëres Catoliches dl Decanat Val Badia inviëia geniturs che á n viadú da batié, pers che aspeta, toc y totes dl decanat ala Preparaziun dl Bato, en sabeda ai 11 de setëmber dales 15:00 ales 17:00, te Ciasa dles Uniuns a La Val. Prenotaziuns al 328 0717796. La incuntada gnará stlüta jö cun n pice renfrësch, arjigné dala Uniun dles Ëres da La Val.

Sport
Setëmber
Arpizeda sportiva
L »AS Gherdëina – Gardena­climb« fej al savëi che n mët inò man śën de setëmber cun i cursc y i alenamënc. Chi che ëssa ueia de scumencé cun chësc bel sport possa cherdé su l 333 5235675 o l 0471 786181 per giapé nfur­ma­zions plu avisa.
11.09.
Curs de tennis
Tl zënter dal tennis a Run­cadic mët l Tennis Club Urtijëi a jì cursc per chëi che sà bele mpue da fé a tennis y per chëi che ulëssa scumencé, sibe per granc che per pitli. Da se scrì ite iel nchin n sada ai 11.09. cherdan su l 0471 797275 o diretamënter dal maester Alberto al 338 7048909.
11.09.
Gara dla roda »Crono Fanes«
En doman sabeda ai 11 de setëmber él indô la gara cun roda da munt o E-Bike, da Pederü cina sön Fanes. La gara mët man dales 11:00, cun start dlungia la ütia Pederü. Informaziuns plü menüdes y iscriziuns sön www.eventsdolomites.org o telefonan al 327 3698176.
14. y 18.09.
Partides dl HC Gherdëina
Chëst'ena che vën scumëncia l campiunat de hockey AHL per l HC Gherdëina cun doi partides n cësa tl stadio Pranives de Sëlva: n merdi ai 14.09. dala 20:30 contra l Asiago y n sada ai 18.09. dala 18:30 contra l Zell am See.
04.10.
Curs da soghé a tennis
Le Tennisclub Ladinia organi­sëia a Corvara n curs da soghé a tennis dai 04.10 cina ai 27.05. An pó se scrí ite por le curs da un o da dui iadi al'edema. Jogn sura i 12 agn adora le green pass. Infos y prenotaziuns anter i 22.09 a atennisclubladinia@rolmail.net .

Sozial
Atualmenter
Laboratories al Bar Educante
L Bar Educante de la Copra­tiva sozièla le Rais al Zenter Cotura a Sèn Jan é avert de lunesc, mercol e vender da les 14:00 a les 18:00 e de mercol ence da les 9:00 a les 12:00. De jebia l'é avert da­doman e da les 9:30 a les 12:00 se pel disnèr e tor pèrt a laboratories col legn de la Coprativa sozièla Oltre.
Atualmënter
Val Badia: Bancareles dl mangé
La Bancarela dl Mangé a Badia é daverta vigni jöbia dales 9:30 ales 10:30, tl frabicat dla Ciasa di Pici a San Linert. La Bancarela dl Mangé da Picolin é daverta vigni vëndres dales 9:30 ales 10:30, tl local dlungia la Ciamena dal Guant.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finan­ziars por cunc/fatures de bojëgns primars (scialdé, afit, spëises sanitares, de scora, etc.) Le formular por fá domanda ciafon sön www.solidariete.it , an pó ince fá domanda ti ofizi KVW de Badia y Al Plan. Infos: info@solidariete.it
10.09.
Deberieda: jita sun Col Raiser
Dala 14:00 se ancónten dan la Cësa de Paussa a Urtijëi per furné deberieda sun Col Raiser. »Deberieda« ie na grupa per se ancunté danter persones che à problems psichics o de sozialisazion cun ulenteres. Per nfurma­zions: Stefania Giacoppo tel. 0471 798015. Respunsabla da manifestazion: Nadia Grones.

Avisc
Atualmënter
Museum Gherdëina, orar da d'autonn
Nchin ai 18.09. ie l Museum Gherdëina tla Cësa di Ladins a Urtijëi mo daviert da lunesc nchin sada, dala 10:00-13:00 y 14:00-18:00. Da dedò nchin a mez utober saràl daviert da lunesc nchin vënderdi dala 10:00-12:30 y 14:00-18:00. Per vijites ora dl orar reguler y vijites menedes pòssen cherdé su l 0471 797554.
Atualmenter
Corsc e Open Day Pentagramma
La Scola de Musega Il Penta­gramma à avert la enscinua­zions per l'an 2021-22 ai corsc de strument, ciant (lirich, modern o jazz), orghen, avia­ment a la musega, cor e labora­tories per picoi e gregn. Open Day te la senta a Tieser ai 11 e a Sèn Jan ai 18 de setem­ber. Info al 0462 814469 o su www.scuolapentagramma.it

Mostres y Ert
Atualmenter
N scrign o na fior
Enscin ai 16 de otober aló da la ostaria Rampeèr de Ciam­pedel l'Istitut e l Museo ladin propon la mostra d'èrt a la reversa, che vegn inaudèda la dì che la vegn serèda. L'é fora operes de l'artista ladina Veronica Zanoner Piccoliori.
Atualmenter
Mostra de retrac de la Fondazion Unesco
Fin ai 8 de otober te strada Jumela a Pera, vejin al Molin de Pezol, dut l dì se pel veder la mostra de retrac di fotografs sostegnidores de la Fondazion Dolomites Unesco: Alessandra Bello, Alessia Bortolameotti, Alessandro Caon, Moreno Geremetta, Nicolò Miana, Patrick Odorizzi, Franco Oliveri, Anton Sessa, Andreas Tamanini e Georg Tappeiner.
Atualmënter
Transizions, de Gotthard Bonell
Nchin ai 26.09. iel te Tublà da Nives te Sëlva na mostra dl depenjadëur cunesciù Gotthard Bonell de Truden, che ova nce fat la Scola d'Ert a Urtijëi. La tematica de tran­sizion y trasfurmazion fej refe­rimënt ala dumandes filosofiches de nosta ejistënza: »Da ulà unions'a, ulà jons'a?«. La mostra ie davierta uni di, ora che de lunesc, dala 16:00-19:00, de dumënia nce danmesdì dala 10:00-12:00.
Atualmënter
»Anima Mundi – Arte Pro Natura« cun Gregor Prugger
La mostra tl Museum d'ert cuntemporana a Ciavalëis, ulache l mët ora l artist Gregor Prugger de Urtijëi deberieda cun David Aaron Angeli, Stanislaw Brach, Leonardo Nava, Marco Nones, Giuliano Orsingher y Federico Seppi, ie da udëi nchin ai 19.09. da merdi nchin dumënia, dala 10:00–12:00 y 15:30-19:00.
Atualmënter
Markus Vallazza y Dante
Tla Hofburg a Persenon iel la mostra »Markus Vallazza y Dante. L'opra tla opra«, che ie da udëi nchin ai 07.11. y unirà acumpanieda da plu mani­festazions.
Atualmënter
Al Plan: »Le monn ne basta nia«
Tla Ciasa dl Parch Natural a Al Plan él da odëi la mostra »Le monn ne basta nia« cun retrac de Fabian Haspinger da Türesc. Al mostra sö la merscia che la porsona á lascé tla contrada naturala, fajon sö de vigni sort de strotöres ince te munt. Info: 0474 506120.
Atualmënter
»Simbol, podëi, movimënt – Tirol tles chertes storiches«
Tl Museum Ciastel Tirol dlungia Maran él da odëi cina ai 21 de novëmber na mostra che pîta na racoiüda de chertes geografiches storiches. Lapró ince zacotan de esponac de localités ladines, cun chertes cënc d'agn vedles.
Atualmenter
Cedean al Museo Ladin de Fascia
Da sabeda ai 11 de setember l Museo Ladin a Sèn Jan é avert al publich con l'orarie da d'uton: dal mèrtesc a la sabeda da les 15.00 a le 19.00. Da en mèrtesc ai 14 se podarà veder la mostra »Mie Museo. Arpejon per l davegnir« per zelebrèr i 20 egn de la neva senta espositiva de l'Istitut Cultural fascian.
10.09.
L Malghier
Te la sezion sul teritorie del Museo Ladin de Fascia dedichèda ai prodoc dal lat se pel veder coche se fèsc formai. La é averta amò anché, vender ai 10 de setember, da les 16.00 a les 19.00 te Strada Dolomites 233 a Pera.
10.09.
L Molin de Pezol
La sezion sul teritorie del Museo Ladin de Fascia te Strada de Jumela 18 a Pera é averta amò anché, vender ai 10 de setember, da les 10.00 a les 12.00 e da les 16.00 a les 19.00. Fora sajon la resta serèda al publich e la vegn averta en cajo su apuntament per la scoles o gropes. Preno­tazion al 0462 760182.
10.09.
L Segat
La sezion sul teritorie del Museo Ladin de Fascia dedi­chèda al bosch e si lurieres é averta te Strada Ruf de Ruacia 7 a Poza amò anché, vender ai 10 de setember, da les 10.00 a les 12.00 e da les 16.00 a les 19.00. De vender da les 11.00 l'é la vijita vidèda con prenotazion de obligh al 0462 760182.
10.09.
La Sia
La sezion sul teritorie del Museo Ladin de Fascia te Strèda de Ciamp Trujan 30 a Penia é averta al publich amò anché, vender ai 10 de setember a les 10.00 a le 12.00 e da le 16.00 a le 19.00. Fora sajon la resta serèda al publich e la vegn averta en cajo su apuntament per la scoles o gropes. Prenotazion al 0462 760182.
10.09.
L Stònt
La sezion sul teritorie del Museo Ladin de Fascia dedi­chèda a la postazion de trata al tulac di Standschützen é amò averta al publich te Strèda de Pent de Sera a Ciampedel demò fin anché, vender ai 10 de setember, da les 16.00 a le 19.00.
12.09.
Hilde Rizzi en mostra
Fin en domenia ai 12 de setember da les 15:00 a les 18:00 te la veia senta del Consorzie Eletrich de Poza te Val de Sèn Nicolò se pel veder la mostra »Hilde Rizzi, chiò l'é mie reish« per endrez de la sociazion culturèla I Fiorimes.
19.09.
»Anima Mundi« èrt pro natura
Fin ai 19 de setember al Museo de èrt contemporana de Ciavaleis se pel veder la operes de l'artist de Gherdena Gregor Prugger e de David Aaron Angeli, Stanislaw Brach, Leonardo Nava, Marco Nones, Giuliano Orsingher e Federico Seppi. La mostra é averta dal mèrtesc a la domenia da les 15:30 a les 19:00.

Temp Lede
12.09.
Cianté y soné sön munt
Ai 12 de setëmber vëgnel tigní n conzert cun le grup »Aurela cörta« pro la ütia La Crusc a Badia. Le conzert che fej pert dl'iniziativa Cianté y soné sön munt mët man dales 13:30 cina les 15:00.
15.09.
Nos Ladins
L'iniziativa »Nos Ladins« vá inant ai 15.09, canche an podará jí a ciaré le lové dl sorëdl ai pisc dl Piz da Lech sura Corvara cun Manuel. Iscriziun al'escurjiun cun gosté ti ofizi turistics.
17.09.
Vins alaleria
Vigni vëndres domisdé pon tó pert a na degustaziun ala­leria di mius vins dl Südtirol adöm cun n sommelier. Ai 17.09 vëgn la degustaziun de vins dedicada ai spumanc. L'apuntamënt vëgn tigní dales 17:00 a Larcenëi a La Val sot Piza dales Nü. Prenotaziuns ti ofizi turistics.
18.09.
Sellaronda Bike Day
La sabeda ai 18 de setëmber vëgn les strades incër le Grup dl Sela resservades ai ziclisć y stlütes ai auti dales 08:30 cina les 15:30. Al ne ó ester degöna iscriziun y al vëgn aconsié da fá la roda tla direziun anti orara.

Cursc
20.09.
Scola de Criatività
Nchin ai 20.09. iel da se scrì ite per i cursc criatifs per sculeies dla 4. y 5. elementera y dla scola mesana, cun ziplé, depënjer, mudelé, dessenië y n.i. metui a jì da La Vëta ntan dut l ann de scola, de mierculdi domesdì tla ex scola elemen­tera a Urtijëi. L vën fat doi grupes da ot y i cursc dura n'ëura y mesa. Nfurmazions y iscrizions: Nëus Jëuni Gher­dëina, tel. 0471 799006.
27.09.-03.12.
Curs de tudësch per chëi che scumëncia
For de lunesc dala 8:30-10:30 y de vënderdi dala 8:30-10:00 a Urtijëi tla Cësa de Cultura (cun green pass y mascra). Na cunlaurazion danter i Che­muns de Urtijëi, S. Cristina, Sëlva, la Consulta per l'Inte­grazion y l Servisc Furmazion Gherdëina. Iscrizions nchin ai 28.09. pra l Servisc Furma­zion Gherdëina, tel. 0471 773225, e-mail furmazion.gh@micura.it  o cherdan su l 333 7564531.
29.09.-03.12.
Cunversazion de tudësch per chëi che sà bele
For de mierculdi danmesdì dala 8:30 – 10:30 y de vënderdi dala 10:15 – 11:45 a Urtijëi tla Cësa de Cultura (cun green pass y mascra). Na cunla­urazion danter i Chemuns de Urtijëi, Santa Cristina, Sëlva, la Consulta per l'Integrazion y l Servisc Furmazion Gher­dëina. Iscri­zions nchin ai 20.09. pra l Servisc Furmazion Gherdëina, tel. 0471 773225, e-mail furmazion.gh@micura.it o cherdan su l 333 7564531.
5.10.-30.11.
Curs de ladin per chëi che scumëncia
For de merdi dala 18:00-19:30, de ndut 8 iedesc tl Istitut Ladin te Sëlva. L curs vën tenì n presënza, perchël ie l green pass y la mascra d'ubli­anza. Sun dumanda vëniel nce lascià pro vel'un online tres zoom. Da se scrì ite iel nchin ai 28.09. pra l Servisc Furmazion Gher­dëina dl Istitut Ladin Micurá de rü, tel. 0471 773225, e-mail furmazion.gh@micura.it .

Galaria retrac